تيانشان تورى
تيانشان تورى   ›   جاڭالىقتار   ›   ەل ءىشى حابارى

مەملەكەتتىك ۇگىت ءبولىمى باستىقتارى ءماجىلىسى بەيجيڭدە اشىلدى

  شينحۋا اگەنتتىگىنىڭ 1 - ايدىڭ 5 - كۇنى بەيجيڭنەن بەرگەن حابارى. مەملەكەتتىك ۇگىت ءبولىمى باستىقتارى ءماجىلىسى 1 - ايدىڭ 5 - كۇنى بەيجيڭدە اشىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ۋاڭ حۋنيڭ ماجىلىسكە قاتىناستى ءارى ءسوز سويلەدى. ول مىنالاردى ءبىلدىردى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيا 20 - قۇرىلتايىن قارسى الۋ، ۇگىتتەۋ، دايەكتىلەندىرۋ سىندى وسى نەگىزگى جەلىنى مىقتاپ ارقاۋ ەتىپ، ۇگىت - يدەيا قىزمەتىن تىڭعىلىقتى جاقسى ىستەپ، جاڭا جورىقتا ەكپىندەي ىلگەرىلەپ، جاڭا داۋىردە ۇلەس قوسۋعا پارمەندى يدەيالىق كەپىلدىك جانە قۇدىرەتتى رۋحاني كۇش ازىرلەۋ كەرەك.

  ۋاڭ حۋنيڭ مىنالاردى ءبىلدىردى: پارتيا 19 - قۇرىلتايىنان بەرى باس شۋجي شي جينپيڭ ۇگىت - يدەيا قىزمەتىن تۋراشىلدىقتان جازباي جاڭالىق اشا ويداعىداي ىستەۋ جونىندە ءبىر قىدىرۋ ماڭىزدى ءسوز سويلەپ، ءبىر قىدىرۋ ماڭىزدى نۇسقاۋ بەرىپ، ۇگىت - يدەيا قىزمەتىنە ساياتىن بەتالىستىق، ءتۇبىرلى، ستراتەگيالىق ماسەلەلەرگە ىشكەرىلەي جاۋاپ بەرىپ، جاڭا داۋىردەگى ۇگىت - يدەيا قىزمەتىن ويداعىداي ىستەۋگە ءتۇبىرلى بويسۇنۋ ولشەمىن ازىرلەدى. ءبىز ىشكەرىلەي ۇيرەنىپ، ءتۇسىنىپ، دايەكتىلەندىرۋدى، تياناقتاندىرۋدى مىقتاپ يگەرۋىمىز كەرەك.

  ۋاڭ حۋنيڭ بىلاي دەپ اتاپ كورسەتتى: بيىلعى ۇگىت - يدەيا قىزمەتىن ويداعىداي ىستەۋدە ”ەكىنى تۇراقتاندىرۋدىڭ“ شەشۋشى ءمانىن كورنەكتىلەندىرىپ، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جۇرت جۇرەگىنە تەرەڭ ۇيالاۋىن ىلگەرىلەتىپ، قالىڭ كادرلار مەن بۇقارانى سانالى تۇردە پارتيانىڭ جاسامپاز نازارياسىنىڭ بەرىك سەنۋشىلەرى جانە ادال امالياتتا ايگىلەۋشىلەرى بولۋعا جەتەكتەۋ كەرەك. اقپارات ۇگىتى، ادەبيەت - كوركەمونەر ۇگىتى، قوعامدىق ۇگىت سياقتى قىزمەتتەردى دەن قويا كۇش سالا جاقسى ىستەپ، پارتيا تاريحىن ۇيرەنۋ تاربيەسىن تەرەڭدەتىپ، پارتيا 20 - قۇرىلتايىنىڭ جەڭىسپەن اشىلۋىنا قويۋ راي قالىپتاستىرۋ كەرەك. ساپالى مادەنيەت ونىمدەرىمەن جانە قىزمەت وتەۋمەن قامداۋ تەبىنىن ارتتىرىپ، حالىقتى اناعۇرلىم كوپ، اناعۇرلىم جاقسى رۋحاني ازىقپەن قامداۋ كەرەك. سىرتقا باعىتتالعان ۇگىتتە جاڭالىق اشۋدى ىلگەرىلەتىپ، حالىقارالىق تاراتۋ ونىمدىلىگىن جاپپاي جوعارىلاتۋ كەرەك. ۇگىت - يدەيا شەبىنە پارتيانىڭ باسشىلىعى مەن پارتيا قۇرىلىسىن جاپپاي كۇشەيتىپ، ءار دارەجەلى باسشىلىق القالارى مەن كادر دارىندىلار قوسىنى قۇرىلىسىن ويداعىداي يگەرۋ كەرەك.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت ۇگىت ءبولىمىنىڭ باستىعى حۋاڭ كۇنميڭ ءماجىلىستى باسقاردى ءارى قىزمەتتەرگە ورنالاستىرۋ جاسادى، ول بىلاي دەپ باسا دارىپتەدى: بيىلعى قىزمەتتى ويداعىداي ىستەۋدىڭ كەلەلى ءمانىن ىشكەرىلەي تانىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ورنىقتىلىق بارىسىندا ىلگەرىلەپ، تۋراشىلدىقتان جازباي، جاڭالىق اشىپ، پارتيا 20 - قۇرىلتايىنىڭ اشىلۋىن قارسى الۋ، ۇگىتتەۋ، دايەكتىلەندىرۋ سىندى وسى نەگىزگى جەلىنى مىقتاپ ارقاۋ ەتىپ، ۇگىت - يدەيا قىزمەتىن جوسپارلاۋ، ىلگەرىلەتۋ كەرەك. يدەيالىق تۋدى بيىك ۇستاپ، ەكپىندەي ىلگەرىلەۋ كۇشىن توپتاپ، مەملەكەتتى قۇدىرەتتەندىرۋ رۋحىن جەتىلدىرىپ، بەكەمدەپ، حاۋىپسىزدىك نەگىزىن نىعايتىپ، جۇڭگو ءۇنىن اسقاقتاتىپ، نازاريامەن قارۋلانۋ، اقپارات - باسپا ءسوز، مادەنيەت - ادەبيەت - كوركەمونەر، رۋحاني وركەنيەت قۇرىلىسى، حالىقارالىق تاراتۋ سياقتى ءتۇرلى قىزمەتتەردى ءبىر تۇتاس جوسپارلاپ، ويداعىداي ىستەپ، پارتيا قۇرىلعاندىعىنىڭ 100 جىلدىعىن قۇتتىقتاۋ قاۋلاتقان پارتيانى ءسۇيۋ، وتاندى ءسۇيۋ، سوتسياليزمدى ءسۇيۋ قىزۋ ىنتاسىن جالعاپ، بۇكىل پارتيانىڭ، بۇكىل قوعامنىڭ رۋحىن ونان ارى سەرپىلتىپ، قالىڭ كادرلار مەن بۇقارانى كوكىرەك تولى سەنىممەن جاڭا جورىقتا ەكپىندەي ىلگەرىلەپ، جاڭا داۋىردە ۇلەس قوسۋعا جىگەرلەندىرۋ كەرەك. ۇگىت - يدەيا شەبىندە پارتيا قۇرىلىسىن كۇشەيتىپ، پارتيانىڭ باسشىلىعىن قىزمەتتىڭ ءار جاعىندا دايەكتىلەندىرىپ، ءداۋىر جۇكتەگەن داڭقتى بورىشتى اناعۇرلىم ويداعىداي ارقالاۋ كەرەك.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.