تيانشان تورى
تيانشان تورى   ›   جاڭالىقتار   ›   سۋرەتتى حابار

نەگىزگى ساتىنىڭ نەگىزىن بەكەمدەپ، جاڭاشا قالا - قالاشىقتاندىرۋدى جەدەلدەتىپ، جوعارى ساپالى دامۋدى ىلگەرىلەتۋ، باتىلدىقپەن جاۋاپكەرشىلىك ارقالاپ، ىسكەرلىك كورسەتىپ، جاڭا ەمتيحان تاپسىرۋ جولىمەن ويداعىداي ءجۇرۋ كەرەك

ما شيڭرۇي بايىنعولين موڭعۇل اۆتونوميالى وبلىسىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى

نەگىزگى ساتىنىڭ نەگىزىن بەكەمدەپ، جاڭاشا قالا - قالاشىقتاندىرۋدى جەدەلدەتىپ، جوعارى ساپالى دامۋدى ىلگەرىلەتۋ، باتىلدىقپەن جاۋاپكەرشىلىك ارقالاپ، ىسكەرلىك كورسەتىپ، جاڭا ەمتيحان تاپسىرۋ جولىمەن ويداعىداي ءجۇرۋ كەرەك

  1 - ايدىڭ 5 - كۇنى اۆتونوميالى رايوندىق پارتكومنىڭ شۋجيى ما شيڭرۇي بايىنعولين موڭعۇل اۆتونوميالى وبلىسىندا تەكسەرۋ - زەرتتەۋ جۇرگىزدى. سۋرەتتە: ما شيڭرۇي لوپنۇر اۋدانى شيڭپيڭ قالاشىعى داشي قىستاعىنىڭ ساقا پارتيا ياچەيكا شۋجيى ساۋىر ماڭلىكتىڭ وتباسىنا امانداسا بارىپ حال سۇراۋدا.

□ سۋرەتتى انار بۇلت / شينجياڭ گازەتىنىڭ ءتىلشىسى سۇي جىجيان تۇسىرگەن

  انار بۇلت / شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 1 - ايدىڭ 5 - كۇنى كورلادان حابارلايدى. اۆتونوميالى رايوندىق پارتكومنىڭ شۋجيى ما شيڭرۇي 1 - ايدىڭ 5 - كۇنى بايىنعولين موڭعۇل اۆتونوميالى وبلىسىنا كەلىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي دايەكتىلەندىرۋ، تياناقتاندىرۋ، باس شۋجي شي جينپيڭنىڭ ورتالىق كوميتەت ساياسي بيۋروسىنىڭ پارتيا تاريحىن ۇيرەنۋ تاربيەسى ارناۋلى تاقىرىپتىق دەموكراتيالىق تۇرمىس جيىنىنداعى ماڭىزدى ءسوزىنىڭ رۋحىن ۇيرەنۋ، دايەكتىلەندىرۋ، نەگىزگى ساتىنىڭ نەگىزىن اناعۇرلىم بەكەمدەۋ، جاڭاشا قالا - قالاشىقتاندىرۋ، اۋىل شارۋاشىلىعىن كاسىپ سالالاندىرۋ، ەڭبەك شوعىرلانعان كاسىپ سالالارى ارقىلى جۇمىستاندىرۋعا جەتەكشىلىك ەتۋ، دارىندىلاردى باۋلۋ، ەنگىزۋ، ىستەتۋ، ونەركاسىپتە قۋاتتى وبلىس قۇرۋ سياقتىلار جونىندە تەكسەرۋ - زەرتتەۋ جۇرگىزدى.

  قىسقى سايابىر مەزگىلىندە لوپنۇر اۋدانى شيڭپيڭ قالاشىعىنىڭ داشي قىستاعىنداعى ءار ۇلت قىستاق تۇرعىندارى بەكەر قاراپ جاتپاي، مال شارۋاشىلىعى ماماندارىن ۇسىنىس ەتىپ، سويىس قوي باعۋدىڭ جاڭا تەحنيكاسىن ۇيرەندى. سوڭعى جىلدارى بۇكىل قىستاقتاعى پارتيالى كادرلار مەن بۇقارا باس شۋجي شي جينپيڭنىڭ ماڭىزدى نۇسقاۋىنىڭ، ماڭىزدى جاۋاپ حاتىنىڭ رۋحىن ەستەرىندە بەرىك ساقتاپ، ءىس جۇزىندىك ارەكەتتەرى ارقىلى ”قالتا قامپايۋى، رۋح اسقاق بولۋى كەرەك“ دەگەن قىستاق ءتالىمىنىڭ ءمانىن بايىتىپ، كەڭەيتىپ، ءبىر نيەتپەن كۇرەس جۇرگىزۋ ارقىلى تەگىندەگى ”سورتاڭ جەردى“ الىس - جۋىققا اتى ايگىلى بايىعان قىستاققا، كورشى قىستاقتاردى بىرگە بايۋعا جەتەكتەگەن ۇلگىلى قىستاققا قاراي دامىتتى. ما شيڭرۇي قىستاق كورمە سارايى، قىستاق تۇرعىندار كوميتەتى سياقتىلارعا كىرىپ، نەگىزگى ساتىداعى كادرلارمەن جانە ءار ۇلت بۇقاراسىمەن اڭگىمەلەستى. ول بىلاي دەدى: بەس دارەجەلى شۋجيلەر نەگىزگى ساتىنىڭ پارتيا قۇرىلىسىن مىقتى يگەرۋگە تاباندى بولىپ، نەگىزگى ساتى پارتيا ۇيىمىنىڭ جاۋىنگەر قورعاندىق رولىن، پارتيا ياچەيكا شۋجيلەرىنىڭ باستاماشى بولۋ رولىن، پارتيا مۇشەلەرىنىڭ اۆانگاردتىق، ونەگەلىك رولىن شىن مانىندە ساۋلەلەندىرىپ، بەينە ماگنيت تاس سياقتى اۋىلداستاردى تىعىز ۇيىستىرىپ، ءوندىرىستى ءتىپتى دە جاقسارتىپ، ۇلتتار ىنتىماعىن ءتىپتى دە جاقسارتىپ، اۋىلداستاردىڭ تۇرمىسىن ءتىپتى دە جايلى، باقىتتى ەتۋ كەرەك.

  ما شيڭرۇي تاعى داشي قىستاعىنىڭ ساقا پارتيا ياچەيكا شۋجيى ساۋىر ماڭلىكتىڭ وتباسىنا امانداسا بارىپ حال سۇرادى. ما شيڭرۇي بىلاي دەدى: ساقا پارتيا ياچەيكا شۋجيىنىڭ نەشە ون جىلدى ءبىر كۇنگىدەي وتكىزىپ اۋىلداستارعا قىزمەت وتەپ، كوپشىلىكتى كەدەيلىكتەن ارىلىپ بايۋعا، دوڭگەلەك داۋلەتتىلىككە جەتۋگە باستاعاندىعى تىم وڭايعا سوققان جوق، ادامدى ءتانتى ەتەدى. پارتيا ياچەيكا شۋجيى − نەگىزگى ساتىداعى پارتيا ۇيىمىنىڭ ءبىرىنشى جاۋاپتى ادامى، پارتيا ياچەيكاسىنىڭ ۇيتقىسى مەن جانى، بۇقارانىڭ تىرەگى، جول باستاۋشىسى. قاي - قاشان دا ءوزىنىڭ پارتيانىڭ ادامى ەكەندىگىن، ۇيىمنىڭ ادامى ەكەندىگىن، پارتيا ياچەيكاسىنىڭ جاۋاپتى ادامى ەكەندىگىن ەستە بەرىك ساقتاۋ، پارتياعا دەگەن شەكسىز ادالدىعى جانە تەمىردەي ءتارتىپ ارقىلى پارتيانىڭ لۋشيان، باعىت - ساياساتىنىڭ جانە شەشىمدەرى مەن ورنالاستىرۋلارىنىڭ نەگىزگى ساتىدا دايەكتىلەنۋىنە، تياناقتانۋىنا شىنايى كەپىلدىك ەتۋ كەرەك.

  كورلا قالاسى چاۋياڭ ءمالىسى ىنتىماق الەۋمەتتىك اۋماعى پارتيا ىستەرى جانە بۇقارالىق قىزمەت وتەۋ ورتالىعىندا، ما شيڭرۇي نەگىزگى ساتى كادرلارىنان الەۋمەتتىك اۋماقتى باسقارۋ، حالىققا قولايلى قىزمەت وتەۋ، تۇرعىنداردىڭ تۇرمىسى سياقتى جاعدايلاردى ۇعىستى، ۋاكىلدەر، مۇشەلەر قيمىل وتكىزۋ كەڭسەسىنە بارىپ، ءار دارەجەلى حالىق قۇرىلتايى ۋاكىلدەرىمەن، ساياسي كەڭەس مۇشەلەرىمەن ىشكەرىلەي اڭگىمەلەسىپ، ولاردىڭ ۇسىنىس - پىكىرلەرىن تىڭدادى. ول بىلاي دەدى: الەۋمەتتىك اۋماقتىڭ جاعدايى كۇردەلى، كوپ ءتۇرلى بولۋ، بۇقارانىڭ قاجەتى سان الۋان بولۋ سىندى ەرەكشەلىگىن دالمە - ءدال، دۇرىس يگەرىپ، سيفرلى ۇكىمەت قۇرىلىسىن جەدەلدەتىپ، ”ينتەرنەت +“ ارقىلى تۇرعىندارعا ويداعىداي قىزمەت وتەپ، قىزمەت مىندەتىن ويداعىداي ادا ەتىپ، ءار ۇلت تۇرعىندارىنىڭ ۇلكەندى - كىشىلى ىستەرىن شىن مانىندە ويداعىداي ىستەۋ كەرەك.

  تارىم مۇناي الابى باتىستىڭ گازىن شىعىسقا جەتكىزۋدىڭ نەگىزگى گاز قاينارى بولىپ، 30 ميلليون توننا ءىرى مۇناي - گاز الابى جانە 30 ميلليارد تەكشەمەترلىك ءىرى گاز ءوڭىرىن جالپى بەتتىك قۇردى. ما شيڭرۇي جۇڭگو مۇنايى تارىم مۇناي الابى سەرىكتەستىگىنە كەلىپ، مۇناي - گاز بايلىعىن بارلاۋ - اشۋ، عىلمي زەرتتەۋدەن، تەحنيكادان قامال الۋ، ونەركاسىپتە قۋاتتى قالا، ونەركاسىپتە قۋاتتى وبلىس قۇرىلىسىن ىلگەرىلەتۋ جاعدايىنان مالىمەتتى تىڭدادى. ول بىلاي دەپ اتاپ كورسەتتى: شينجياڭنىڭ ەنەرگيا، بايلىق قاينارىندىق باسىمدىعىن تياناق ەتىپ، بايلىقتى اشۋعا جانە جىنتىكتەي مانەرلەۋگە قاراي دامىتىپ، ونەركاسىپتىڭ نەگىزىن بەكەمدەپ، ونىمدىلىكتى ارتتىرۋدى جانە تيبىن وزگەرتىپ، دارەجەسىن ءوسىرۋدى ىلگەرىلەتىپ، ونەركاسىپتە قۋاتتى قالا بولۋدى، ونەركاسىپتە قۋاتتى وبلىس بولۋدى جەبەۋ كەرەك. اناعۇرلىم اشىق دارىندىلار ساياساتىن اتقارىپ، دارىندىلاردى تاني ءبىلىپ، دارىندىلاردى ايالاپ، دارىندىلاردى قۇرمەتتەپ، دارىندىلاردى ىستەتىپ، بارشا دارىندىلاردى توپتاپ رولىن ساۋلەلەندىرۋ كەرەك.

  رۇييۋان ءسۇت شارۋاشىلىعى، ليتاي سىلۋ، مەيكى حيميا ونەركاسىبى سياقتى كاسىپورىندارعا بارعاندا، ما شيڭرۇي كاسىپورىنداردىڭ جاۋاپتىلارىمەن بەتپە - بەت اڭگىمەلەسىپ، كاسىپورىنداردىڭ ءوندىرىس، شارۋاشىلىق جاعدايى مەن دامۋ بارىسىندا جولىققان قيىنشىلىقتارىن ۇعىستى. ما شيڭرۇي بىلاي دەپ باسا دارىپتەدى: الۋان مەنشىك تۇزىمىندەگى كاسىپورىنداردىڭ دامۋىن قولداپ - قۋاتتايتىن ءتۇرلى شارالاردى قاز - قالپىندا تياناقتاندىرىپ، كاسىپورىنداردى دەربەس جاڭالىق اشۋعا شابىتتاندىرىپ، جاسىل، تومەن كومىر قىشقىل گازدى اينالمالى دامۋ جۇيەسىن قۇرۋعا جەتەكشىلىك ەتىپ، شارۋاشىلىق - ساۋدا ورتاسىن ۇزدىكسىز ساپالىلاندىرىپ، ءادىل، جاريا، زاڭمەن باسقارىلاتىن دامۋ ورتاسىن قالىپتاستىرۋ، كاسىپورىنشىلاردىڭ اقاۋسىز ءوسىپ - جەتىلۋىنە ءتيىمدى تاماشا ورتا قالىپتاستىرۋ كەرەك. جوعارى ساپالى دامۋدى ىلگەرىلەتۋ بارىسىندا جۇمىستاندىرۋدى الدىمەن ويلاستىرۋدى باعدار ەتۋدى كۇشەيتىپ، ەكونوميكالىق ارتۋدىڭ جۇمىستانۋدى جەتەكتەۋ قۋاتىن جوعارىلاتىپ، ءتۇرلى كاسىپورىنداردى قوعامدىق جاۋاپكەرشىلىگىن بەلسەندى، ىرىقتى اتقارۋعا باستاپ، اناعۇرلىم تولىق، اناعۇرلىم جوعارى ساپالى جۇمىستاندىرۋدى جۇزەگە اسىرۋ كەرەك.

  ما شيڭرۇي بىلاي دەپ باسا دارىپتەدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، باس شۋجي شي جينپيڭنىڭ ورتالىق كوميتەت ساياسي بيۋروسىنىڭ پارتيا تاريحىن ۇيرەنۋ تاربيەسى ارناۋلى تاقىرىپتىق دەموكراتيالىق تۇرمىس جيىنىنداعى ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ، ورتالىقتىڭ ەكونوميكالىق قىزمەت ءماجىلىسىنىڭ، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال، جاپپاي دايەكتىلەندىرىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، جۇڭحۋا ۇلتى ورتاق تۇلعا تانىمىن بەكەمدەپ، دامۋدىڭ بارلىعىنا ۇلتتار ىنتىماعى، العاباسارلىعىنىڭ ءمانىن، حالىق تۇرمىسىن جاقسارتۋدىڭ، جۇرت تىلەگىن ۇيىستىرۋدىڭ ءمانىن ۇستەۋگە تاباندى بولىپ، باتىلدىقپەن جاۋپكەرشىلىك ارقالاپ، ىسكەرلىك كورسەتىپ، جاڭا ەمتيحان تاپسىرۋ جولىمەن ويداعىداي ءجۇرۋ كەرەك. نەگىزگى ساتى پارتيا ۇيىمى قۇرىلىسىن بەرىك جاۋىنگەرلىك قورعانعا شىن مانىندە اينالدىرىپ، نەگىزگى ساتىنى مىقتى يگەرۋدى، نەگىزدى كۇشەيتۋدى، نەگىزدى بەكەمدەۋدى كورنەكتىلەندىرىپ، نەگىزگى ساتى پارتيا ۇيىمىنىڭ ساياسي باسىمدىعىن، ۇيىمدىق باسىمدىعىن جونگە سالۋ ونىمدىلىگىنە اينالدىرىپ، پارتيانىڭ شينجياڭدا بيلىك جۇرگىزۋ نەگىزىن بەكەمدەپ، ءار ۇلت بۇقاراسىن بىرگە بايۋ نىساناسىنا قاراي ورنىقتى قاداممەن ىلگەرىلەۋگە ىنتىماقتاستىرۋ، باستاۋ كەرەك. ادامدى وزەك ەتكەن جاڭاشا قالا - قالاشىقتاندىرۋدى جەدەل ىلگەرىلەتىپ، ءبىر توپ قالا شوعىرلارى مەن ورتالىق قالالاردى جەتىلدىرىپ، دامىتىپ، ءىرى، ورتا، شاعىن قالالار مەن شاعىن قالا - قالاشىقتاردى سايكەستى دامىتۋدى ىلگەرىلەتىپ، نەگىزدىك قۇرىلعىلار قۇرىلىسىن سايكەستىرۋدى كۇشەيتىپ، نەگىزدىك الەۋمەتتىك قىزمەت وتەۋ دەڭگەيىن جوعارىلاتىپ، وڭىرلەردى سايكەستىرە دامىتۋدى، قالا، اۋىلداردى توعىستىرا دامىتۋدى ىلگەرىلەتىپ، قالا - قالاشىقتاندىرۋ ساپاسىن جاپپاي جوعارىلاتۋ كەرەك. دارىندىلاردىڭ دامۋعا جەتەكشىلىك ەتۋدەي ستراتەگيالىق ورنىنا تاباندى بولىپ، دارىندىلاردى جان - جاقتىلى باۋلىپ، ەنگىزىپ، ىستەتىپ، كادر دارىندىلار قوسىنىن جەتىلدىرۋ، باۋلۋ تەبىنىن كۇشەيتىپ، سەنىمدى نەگىز ەتكەن دارىندىلاردى ىستەتۋ مەحانيزمىن ورناتىپ، ساتسىزدىكتەرىنە جول بەرىپ، ساتسىزدىكتەرىنە كەشىرىم ەتىپ، كاسىپ ارقىلى دارىندىلاردى شابىتتاندىرىپ، دارىندىلاردىڭ كاسىپتەن ناتيجە شىعارۋىنا مۇمكىندىك جاساپ، ولاردىڭ جاڭا داۋىردە شەكارا وڭىرگە تامىر تارتىپ، شەكارا وڭىرگە ۇلەس قوسۋىنا دەم بەرۋ كەرەك. اۋەلگى ماقساتتى، بورىشتى ەستە بەرىك ساقتاپ، باتىلدىقپەن جاۋاپكەرشىلىك ارقالاپ، ىسكەرلىك كورسەتىپ، دۇرىس ساياسي ناتيجە كوزقاراسىنا تاباندى بولىپ، ناقتى جاعدايدى تەكسەرۋ، ناقتى شارالاردى شىعارۋ، ناقتى ىستەردى تىندىرۋ، ناقتى ونىمدىلىككە جەتۋ جاعىنا اناعۇرلىم زور كۇش سالىپ، جۇيەلى زەرتتەۋ قىزمەتىن، ءىس جۇزىندىك ماسەلەلەردى شەشۋ قابىلەتىن ۇزدىكسىز جوعارىلاتىپ، قيىنشىلىقتان تايساقتاماي، جاۋاپكەرشىلىكتەن جالتارماي، جۇرەكتىلىكپەن جاۋاپكەرشىلىك ارقالاپ، ناتيجە جاراتۋعا شەبەر بولىپ، اناعۇرلىم بەلسەندى، ءونىمدى شارالار ارقىلى رەفورما، دامۋ، ورنىقتىلىق ىستەرىن ىلگەرىلەتىپ، جاڭا ونىمدىلىككە قول جەتكىزۋ كەرەك.

  اۆتونوميالى رايون باسشىلارىنان جاڭ جۋ، قادەن كابەن قاتارلىلار تەكسەرۋ - زەرتتەۋگە قاتىناستى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.