تيانشان تورى
تيانشان تورى   ›   جاڭالىقتار   ›   شينجياڭ حابارلارى

قاراپايىم قىزمەت ورنىندا تاماشا قىزمەت ناتيجەسىن جاراتامىز

رايونىمىزداعى ءار ۇلت پارتيالى كادرلار ءبىر اۋىزدان ابدۇجاپپار مەڭدىدەن ۇيرەنەتىندىكتەرىن ءبىلدىردى −

قاراپايىم قىزمەت ورنىندا تاماشا قىزمەت ناتيجەسىن جاراتامىز

□ انار بۇلت / شينجياڭ گازەتىنىڭ تىلشىلەرى

  كەرەمەتتەي كوركەمدىك، شەكسىز سۇيىسپەنشىلىك. رايونىمىزداعى پارتيا مۇشەسى زناگىن كورسەتكەن مالشى ابدۇجاپپار مەڭدىنىڭ ارەكەتى بىلاي قاراعاندا ءبىر شاعىن يگى باستاما، ءبىر قاراپايىم ارەكەت سياقتى بولعانىمەن، تۇتاس رايونداعى قالىڭ كادر - بۇقارانىڭ كۇشتى اڭىسىن قوزعادى. كوپشىلىك ءبىر اۋىزدان بىلاي دەپ قارادى: ابدۇجاپپاردىڭ ساياحاتشىلاردىڭ باتپاققا باتىپ قالعان اۆتوكولىگىن يتەرىپ شىعارۋعا كومەكتەسكەننەن كەيىن اقشالاي العىس الۋدان باس تارتىپ، پارتيا مۇشەسى زناگىن كورسەتكەن ارەكەتى − كوممۋنيستەردىڭ وسكەلەڭ مۇرات - سەنىمدى ساقتاۋىنىڭ ناقتى ايگىلەنۋى، شينجياڭداعى ءار ۇلت حالقىنىڭ ىقىلاستى، قاراپايىم مىنەزىنىڭ تابيعي بەينەلەنۋى.

  اقسۋ قالالىق ارىز - ارمان مەكەمەسى پارتيا باسشىلىق گرۋپپاسىنىڭ شۋجيى حو يۋانجۇن مىنالاردى ءبىلدىردى: ابدۇجاپپار كوممۋنيستەردىڭ بەرىك نانىمىن، سەنىمىن ايگىلەدى، قيمىلى ارقىلى كوممۋنيستەردىڭ اۋەلگى ماقساتى مەن بورىشىن ءتۇسىندىردى. ابدۇجاپپاردىڭ ىزگى ىستەرىن ۇيرەنۋ بارىسىندا، مەن اقسۋ قالالىق ارىز - ارمان مەكەمەسىندەگى بارلىق كادرلاردى باستاپ، ۇلگىنىڭ رۋحىن ۇيرەنۋدى قىزمەت ءىس جۇزىندىگىممەن ءوزارا ۇشتاستىرىپ، نەگىزگى ساتىداعى قايشىلىق، داۋ - شارلاردى ءتىپتى دە سابىرلىلىقپەن ويداعىداي شەشىپ، ارىز - ارمان ايتا كەلگەن بۇقارانى ءتىپتى دە ىجداعاتتىلىقپەن كۇدىك - كۇماننان ارىلتامىن.

  ياركەن اۋدانى تاعارشى قالاشىعى پارتكومىنىڭ ورىنباسار شۋجيى، قالاشىق باستىعى ابليميت ياقۇپ مىنالاردى ءبىلدىردى: ابدۇجاپپاردىڭ پارتيا مۇشەسى زناگىن كورسەتۋى كوممۋنيستىك پارتيا مۇشەلەرىنىڭ وبرازىن ايگىلەپ، جۇڭگو كوممۋنيستىك پارتياسىنىڭ بار ىنتا - پەيىلىمەن حالىق ءۇشىن ىستەۋ باس ماقساتىن بەينەلەدى. 17 جىلدىق پارتيا ستاجىنا يە پارتيا مۇشەسى رەتىندە، اۋەلگى ماقساتتى، بورىشتى قاشاندا ەستە بەرىك ساقتاپ، قىزمەت جاۋاپكەرشىلىگىن تولىق ادا ەتىپ، بۇقارا ءۇشىن قىزمەت وتەپ، بۇقارا ءۇشىن ءتىپتى دە مول ناقتى ءىس ىستەۋىم كەرەك. بۇدان كەيىنگى قىزمەت بارىسىندا بۇقارانى باعىمشىلىق پەن ەگىمشىلىكتى دامىتۋعا اناعۇرلىم باستاپ، اۋىل - قىستاقتى گۇلدەندىرۋ قىزمەتىن ىلگەرىلەتۋدى ويداعىداي ىستەپ، بۇقارانى كىرىستى ۇزبەي ارتتىرۋعا، بايۋعا باستاپ، قاراپايىم قىزمەت ورنىندا تاماشا قىزمەت ناتيجەسىن جاراتامىن.

  ”بەينەجازبادان ابدۇجاپپاردىڭ ساياحاتشىلاردىڭ باتپاققا باتىپ قالعان اۆتوكولىگىن يتەرىپ شىعارۋعا كومەكتەسكەننەن كەيىن اقشالاي العىس الۋدان باس تارتىپ، پارتيا مۇشەسى زناگىن كورسەتكەن ءساتىن كورگەنىمدە جانارىما جاس ىركىلىپ، كوڭىلىمە ءبىر ءتۇرلى جىلۋلىق ۇيالادى، ونىڭ بۇل ارەكەتى مەنى ىنتالاندىردى“. جەمەنەي اۋدانى جەمەنەي قالاشىعى سارولەڭ قىستاعىنىڭ شەكارا قورعاۋشىسى باقىت قيزاتوللا: ءبىر پارتيا مۇشەسى ءبىر تۋ. پارتيا مۇشەسى رەتىندە ءوزىمنىڭ ابدۇجاپپاردان ۇيرەنەتىن جەرلەرىم وتە كوپ ەكەن، شەكارا كۇزەتۋ، شەكارا قورعاۋ بارىسىندا پارتيا مۇشەلەرىنىڭ اۆانگارد، ونەگەلىك رولىن ساۋلەلەندىرەمىن. شەكارا ءوڭىردى بار ىنتا - پەيىلمەن ويداعىداي قورعايمىن، − دەدى.

  ”ءار جولى وسى بەينەجازبانى كورگەن سايىن كوزىمە جاس ىركىلەدى، ونىڭ كۇلىمىسىرەۋى مەن ارەكەتى، قاراپايىمدىلىعى، راسىندا، ادام جانىن تەبىرەنتەدى. ول كەۋدەسىندەگى پارتيا مۇشەسى زناگىنان نۇر - شۇعىلا شاشتىردى“. تۇرپان قالاسى مادەنيەت - دەنە تاربيە جانە ساياحات مەكەمەسى بازار باسقارۋ ءبولىمىنىڭ باستىعى كۇڭ يۋەفي: ”ابدۇجاپپاردىڭ ءىس - ارەكەتى تاڭ قالارلىق تابىس بولماعانىمەن، الايدا ول ءبىر پارتيا مۇشەسى ءبىر تۋ ەكەندىگىن كورسەتە ءبىلدى. ءبىز بۇدان كەيىن ساياحاتپەن شۇعىلدانۋشىلاردىڭ قىزمەت وتەۋ تانىمى مەن ورەسىن جوعارىلاتىپ، الەۋمەتتىك قىزمەت وتەۋ قۇرىلعىلارىن كەمەلدەندىرىپ، ساياحاتشىلارعا قولايلى، جايلى بولۋدى ۇزدىكسىز جوعارىلاتىپ، تۇرپان ساياحاتىنىڭ تاماشا وبرازىن ايگىلەۋ جولىندا اناعۇرلىم كوپ ۇلەس قوسۋىمىز كەرەك“، − دەدى.

  ”ابدۇجاپپاردىڭ پارتيا مۇشەسى زناگىن كورسەتكەن سول ءبىر ءساتىن كورگەنىمدە، كوكىرەگىمدى تەبىرەنۋ مەن ماقتانىش سەزىمى كەرنەدى“. لوپ اۋدانى بۇيا اۋىلى سەنترلى باستاۋىش مەكتەبىنىڭ وقىتۋشىسى، بۇيا اۋىلى ورتا كونزيا قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ مۇشەسى ءمامتىمىن ءماتتۇرسىن ءوزىنىڭ ابدۇجاپپاردان ۇيرەنىپ، باستان - اياق ەگىنشى - مالشى بۇقارانىڭ مۇددەسىن كوكەيدە ساقتاپ، بۇقارانىڭ ”شۇعىل، قيىن، ۋايىمداعان، ءزارۋ“ ماسەلەلەرىن دەن قويا، سۇيىسپەنشىلىكپەن شەشىپ، بۇقارانى ناقتى تيىمدىلىككە كەنەلتەتىندىگىن ايتتى.

  (ءتىلشى: جاڭ جىلي، قاتىناسقان تىلشىلەر: حان چين - يان، جاڭ تيڭ، ءپاريزات ابدۇل، جاڭ رۇيلين)

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.