تيانشان تورى
تيانشان تورى   ›   جاڭالىقتار   ›   ماڭىزدى حابارلار

شي جينپيڭ تۇركمەنستاننىڭ زۇڭتۇڭى بەردىمۇحامەتوۆپەن ءوزارا قۇتتىقتاۋ تەلەگرامماسىن جولدادى

جۇڭگو مەن تۇركمەنستان ديپلوماتيالىق قارىم - قاتىناس ورناتقاندىعىنىڭ 30 جىلدىعى بايلانىسىمەن

شي جينپيڭ تۇركمەنستاننىڭ زۇڭتۇڭى بەردىمۇحامەتوۆپەن ءوزارا قۇتتىقتاۋ تەلەگرامماسىن جولدادى

  شينحۋا اگەنتتىگىنىڭ 1 - ايدىڭ 6 - كۇنى بەيجيڭنەن بەرگەن حابارى. 2022 - جىلى 1 - ايدىڭ 6 - كۇنى مەملەكەت ءتوراعاسى شي جينپيڭ تۇركمەنستاننىڭ زۇڭتۇڭى بەردىمۇحامەتوۆپەن ءوزارا قۇتتىقتاۋ تەلەگرامماسىن جولداپ، ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 30 جىلدىعىن قۇتتىقتادى.

  شي جينپيڭ بىلاي دەپ اتاپ كورسەتتى: ديپلوماتيالىق قارىم - قاتىناس ورناتقان 30 جىلدان بەرى جۇڭگو - تۇركمەنستان قارىم - قاتىناسى قارىشتاپ دامىدى. جۇڭگو تۇركمەنستانمەن ديپلوماتيالىق قارىم - قاتىناس ورناتقان تۇڭعىش مەملەكەت، تۇركمەنستاننىڭ ماڭگىلىك بەيتاراپ تۇرۋ ساياساتىن اتقارۋىنا 1 - توپتا قولداۋ كورسەتكەن مەملەكەت، تۇركمەنستاننىڭ ساياسي حۇجات فورماسىمەن تۇراقتاندىرعان تۇڭعىش ستراتەگيالىق سەرىگى ءارى تۇركمەنستاننىڭ ءبىرىنشى ءىرى تابيعي گاز ساۋدا سەرىگى. جۇڭگو - تۇركمەنستان قارىم - قاتىناسىنىڭ دامۋى ەكى ەلگە جانە ەكى ەل حالقىنا ناقتى مۇددە اكەلۋمەن بىرگە، ءوڭىردىڭ بەيبىتشىلىگىن، ورنىقتىلىعىن قورعاۋعا ماڭىزدى ۇلەس قوستى.

  شي جينپيڭ بىلاي دەپ باسا دارىپتەدى: جۇڭگو جاق تۇركمەنستانمەن بولعان قارىم - قاتىناسىنا باسا ءمان بەرەدى، تۇركمەنستان جاقتىڭ ءوزىنىڭ مەملەكەت جاعدايىنا ۇيلەسەتىن دامۋ جولىمەن ءجۇرۋىن بۇرىنعىداي باتىل قولدايدى، تۇركمەنستاننىڭ مەملەكەتتىڭ يەلىك ۇقىعى مەن ۇلتتىڭ تاۋەلسىزدىگىن قورعاۋىن باتىل قولدايدى، تۇركمەنستاننىڭ ماڭگىلىك بەيتاراپ تۇرۋ ساياساتىن اتقارۋىن باتىل قولدايدى. سىزبەن تىعىز بايلانىستى ساقتاپ، ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 30 جىلدىعىن وراي ەتىپ، ءار سالاداعى ءوزارا تيىمدىلىك جاساۋ سەلبەستىگىن ۇزدىكسىز تەرەڭدەتىپ، جۇڭگو مەن تۇركمەنستاننىڭ ستراتەگيالىق سەرىكتەستىك قارىم - قاتىناسىنىڭ ۇزدىكسىز تىڭ ساتىعا كوتەرىلۋىن بىرگە ىلگەرىلەتىپ، ەكى ەلدى جانە ەكى ەل حالقىن باقىتقا كەنەلتۋدى قالايمىن.

  بەردىمۇحامەتوۆ مىنانى ءبىلدىردى: ديپلوماتيالىق قارىم - قاتىناس ورناتقاننان بەرى تۇركمەنستان مەن جۇڭگو ەڭ كەڭ سالادا جان - جاقتى سەلبەستىك ورىستەتىپ، وزگەشە كوپ دەڭگەيلى ىستەستىك مەحانيزمىن ورناتتى. جۇڭگو ءۇرتىس كوپ جىلدار بويى تۇركمەنستاننىڭ نەگىزگى ساۋدا سەرىگىنە اينالدى، بۇل ەكى جاقتىڭ ءوزارا تيىمدىلىك جاساۋ سەلبەستىگىنىڭ ايقىن بەينەسى. تۇركمەنستان جاق تۇركمەنستان - جۇڭگو قارىم - قاتىناسىنا باسا ءمان بەرەدى، تەڭ تۇرعىدا مامىلە جاساۋ، ءوزارا قۇرمەت ەتۋ، ءبىر - ءبىرىنىڭ مۇددەسىمەن ساناسۋ پرينسيبى نەگىزىندە جۇڭگو جاقپەن تىعىز سەلبەسىپ، تۇركمەنستان - جۇڭگو قارىم - قاتىناسىنىڭ مۇنان دا جوعارى دەڭگەيگە كوتەرىلۋىن بار كۇشپەن ىلگەرىلەتەدى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.