جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى كوميتەتى ءماجىلىس اشتى
مەملەكەتتىك حالىق قۇرىلتايى تۇراقتى كوميتەتى، مەملەكەتتىك كەڭەس، مەملەكەتتىك ساياسي كەڭەس، ەڭ جوعارى حالىق سوتى مەكەمەسى، ەڭ جوعارى حالىق پروكۋراتۋراسى پارتيا باسشىلىق گرۋپپالارىنىڭ قىزمەت مالىمەتىن تىڭدادى، ورتالىق كوميتەت شۋجيچۋىنىڭ قىزمەت بايانداماسىن تىڭدادى
جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى
شينحۋا اگەنتتىگىنىڭ 1 - ايدىڭ 6 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى كوميتەتى 1 - ايدىڭ 6 - كۇنى تۇتاس كۇن بويى ءماجىلىس اشىپ، مەملەكەتتىك حالىق قۇرىلتايى تۇراقتى كوميتەتى، مەملەكەتتىك كەڭەس، مەملەكەتتىك ساياسي كەڭەس، ەڭ جوعارى حالىق سوتى مەكەمەسى، ەڭ جوعارى حالىق پروكۋراتۋراسى پارتيا باسشىلىق گرۋپپالارىنىڭ قىزمەت مالىمەتىن تىڭدادى، ورتالىق كوميتەت شۋجيچۋىنىڭ قىزمەت بايانداماسىن تىڭدادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى ءارى ماڭىزدى ءسوز سويلەدى.
ءماجىلىس مىنالاردى اتاپ كورسەتتى: 95 ميلليون پارتيا مۇشەسى بار ءىرى پارتيانى، ءبىر ميلليارد 400 ميلليوننان استام حالقى بار ءىرى ەلدى ويداعىداي باسقارۋدا، ءسوز جوق، پارتيانىڭ جالپى بەتتىك باسشىلىعىنا، اسىرەسە، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنا تاباندى بولۋ كەرەك. پارتيا 18 - قۇرىلتايىنان بەرى پارتيا مەن مەملەكەت ىستەرىندە تاريحي تابىسقا قول جەتىپ، تاريحي وزگەرىس تۋىلدى، مۇنىڭ ءتۇبىرلى سەبەبى ءبىزدىڭ پارتيا باسشىلىعىنا بۇلجىماي تاباندى بولعاندىعىمىزدا، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىنا بۇلجىماي تاباندى بولعاندىعىمىزدا. پارتيا ورتالىق كوميتەتىنىڭ جىل سايىن مەملەكەتتىك حالىق قۇرىلتايى تۇراقتى كوميتەتى، مەملەكەتتىك كەڭەس، مەملەكەتتىك ساياسي كەڭەس، ەڭ جوعارى حالىق سوتى مەكەمەسى، ەڭ جوعارى حالىق پروكۋراتۋراسى پارتيا باسشىلىق گرۋپپالارىنىڭ قىزمەت مالىمەتىن جانە ورتالىق كوميتەت شۋجيچۋىنىڭ قىزمەت بايانداماسىن تىڭداۋى پارتيانىڭ جالپى بەتتىك باسشىلىعىنا تاباندى بولۋدا، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن قورعاۋدا ۇلگىلىك رول اتقاردى، وعان ۇزاق ۋاقىت تاباندى بولۋ كەرەك.
ءماجىلىس بىلاي دەپ قارادى: وتكەن ءبىر جىل پارتيا مەن مەملەكەت تاريحىندا بەلەستىك ماڭىز الاتىن ءبىر جىل بولدى. مەملەكەتتىك حالىق قۇرىلتايى تۇراقتى كوميتەتىنىڭ، مەملەكەتتىك كەڭەستىڭ، مەملەكەتتىك ساياسي كەڭەستىڭ، ەڭ جوعارى حالىق سوتى مەكەمەسىنىڭ، ەڭ جوعارى حالىق پروكۋراتۋراسىنىڭ پارتيا باسشىلىق گرۋپپالارى پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنا تيتتەي دە بۇلجىماي تاباندى بولىپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىن مۇقيات دايەكتىلەندىرىپ، تياناقتاندىرىپ، پارتيا مەن مەملەكەت قىزمەتىنىڭ جالپى جاعدايىن ارقاۋ ەتە مىندەت وتەپ، جاۋاپكەرشىلىكتى ادا ەتىپ، پارتيا باسشىلىق گرۋپپاسىنىڭ ءوز قۇرىلىسىن كۇشەيتىپ، ”14 - بەسجىلدىقتا“ جاقسى باستاما اشۋعا بەلسەندى ۇلەس قوسىپ، پارتيا قۇرىلعاندىعىنىڭ 100 جىلدىعىن قۇتتىقتاۋعا تاماشا ورتا ازىرلەپ، ءار جاقتاعى قىزمەتتە جاڭا ناتيجەلەرگە قول جەتكىزدى.
ءماجىلىس بىلاي دەپ قارادى: وتكەن ءبىر جىلدا ورتالىق كوميتەتتىڭ شۋجيچۋى پارتيا ورتالىق كوميتەتىنىڭ ورنالاستىرۋلارىنا، تالاپتارىنا ساي مىندەت وتەپ، جاۋاپكەرشىلىكتى ادا ەتىپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىنىڭ تياناقتاندىرىلۋىن ىلگەرىلەتۋ، پارتيانىڭ ىشكى زاڭ ەرەجە - ءتۇزىم قۇرىلىسىن كۇشەيتۋ، بۇقارالىق ۇيىمدار قىزمەتى مەن بۇقارالىق ۇيىمدار رەفورماسىنا جەتەكشىلىك ەتۋ جاقتارىندا قىرۋار قىزمەتتەر ىستەدى.
ءماجىلىس مىنالاردى باسا دارىپتەدى: بيىل − جاپپاي سوتسياليستىك وسىزاماندانعان مەملەكەت قۇرۋدىڭ، ەكىنشى 100 جىلدىق كۇرەس نىساناسىنا شەرۋ تارتۋدىڭ جاڭا ساپارىنا قادام باسقان ماڭىزدى ءبىر جىل، پارتيامىز 20 - قۇرىلتايىن اشادى. مەملەكەتتىك حالىق قۇرىلتايى تۇراقتى كوميتەتىنىڭ، مەملەكەتتىك كەڭەستىڭ، مەملەكەتتىك ساياسي كەڭەستىڭ، ەڭ جوعارى حالىق سوتى مەكەمەسىنىڭ، ەڭ جوعارى حالىق پروكۋراتۋراسىنىڭ پارتيا باسشىلىق گرۋپپالارى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتىنىڭ ءار رەتكى جالپى ماجىلىستەرىنىڭ رۋحىن جاپپاي دايەكتىلەندىرىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيا قۇرۋ ۇلى رۋحىن اسقاقتاتىپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، ”ەكىنى تۇراقتاندىرۋدىڭ“ شەشۋشى ءمانىن ىشكەرىلەي ۇيرەنىپ، ۇعىنىپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن باستان - اياق وسكەلەڭ ءبىر اۋىزدىلىقتى ساقتاۋ كەرەك. جۇڭحۋا ۇلتىنىڭ ۇلى گۇلدەنۋىنىڭ ستراتەگيالىق جالپى جاعدايى مەن دۇنيە جۇزىندە 100 جىلدا بولماعان ۇلكەن وزگەرىستى كوكەيدە ساقتاپ، پارتيا 20 - قۇرىلتايىنا دايىندىق جاساۋمەن جانە ونى اشۋمەن تىعىز بىرلەستىرە وتىرىپ نازار شوعىرلاندىرىپ، كۇش سالىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، تاريحي سەنىمدى نىعايتىپ، تاريحي ىرىقتىلىقتى ساقتاپ، تاۋقىمەت تانىمىن كۇشەيتىپ، كۇرەسكەرلىك قابىلەتتى جوعارىلاتىپ، زور اۋقىمدى باعامداپ، وزگەرىسكە توتەپ بەرىپ، بولاشاققا نازار سالىپ، تىلەك توعىستىرىپ، كۇش بىرىكتىرىپ، جاۋاپكەرشىلىك ارقالاپ، ىسكەرلىك كورسەتىپ، شەگە قاعۋ رۋحىمەن ءتۇرلى قىزمەتتەردى ويداعىداي ىستەۋ كەرەك. جاڭا داۋىردەگى پارتيا قۇرىلىسىنىڭ جالپى تالابى بويىنشا پارتيانىڭ ساياسي قۇرىلىسىن ءبىر تۇتاس باسشىلىققا الىپ، پارتيا باسشىلىق گرۋپپاسىنىڭ ءوز قۇرىلىسىن كۇشەيتىپ، پارتيانى جاپپاي قاتاڭ جونگە سالۋدىڭ تۇلعالىق جاۋاپكەرشىلىگىن مۇقيات اتقارىپ، ورتالىقتىڭ 8 ءتۇرلى بەلگىلەمەسىنىڭ جانە ونى اتقارۋدىڭ ەگجەي - تەگجەيلى ەرەجەسىنىڭ رۋحىن قاتاڭ اتقارىپ، قالىڭ پارتيا مۇشەلەرىن، كادرلاردى پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرىنەن اقىل - پاراسات جانە كۇش - قۋات الىپ، كوكىرەك كەرنەگەن ماقتانىش سەزىممەن رۋحتى، جىگەردى سەرپىلتىپ، پارتيا 20 - قۇرىلتايىنىڭ جەڭىسپەن اشىلۋىن ناقتى ارەكەتپەن قارسى الۋعا تاربيەلەۋ، جەتەكتەۋ كەرەك.
ءماجىلىس مىنالاردى باسا دارىپتەدى: ورتالىق كوميتەتتىڭ شۋجيچۋى ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ورتالىق كوميتەت ساياسي بيۋروسى مەن ورتالىق كوميتەت ساياسي بيۋروسى تۇراقتى كوميتەتىنىڭ ورنالاستىرۋلارىن، تالاپتارىن ارقاۋ ەتىپ، ءوزىنىڭ قىزمەت جاۋاپكەرشىلىگىن، ورنىن تياناق ەتىپ، ماڭىزدى ءتۇيىندى كورنەكتىلەندىرە وتىرىپ تياناقتاندىرۋدى ويداعىداي يگەرىپ، ىشكەرىلەي تەكسەرۋ - زەرتتەۋ جۇرگىزىپ، پارتيا ورتالىق كوميتەتى تاپسىرعان ءتۇرلى مىندەتتەردى ويداعىداي ورىنداۋ كەرەك.
