ايبىندى سەرتىن ءىس جۇزىندىك ارەكەتىمەن امالياتتا ايگىلەدى

يمىنجان تۇراق:

ايبىندى سەرتىن ءىس جۇزىندىك ارەكەتىمەن امالياتتا ايگىلەدى

انار بۇلت / شينجياڭ گازەتىنىڭ ءتىلشىسى گو ليڭ

　　50 جاسقا كەلگەن يمىنجان تۇراق 7 جاسىندا قىستاقتان شىعىپ وقۋ وقىعان، ول وقۋعا بارۋ جولىنداعى سۇركەي اۋا رايىنا جولىعىپ جىلاي ءجۇرىپ مەكتەپكە بارا جاتقان ماشاقاتتى كەزدەرىن ءالى كۇنگە ەسىندە ساقتاپ كەلەدى. حالىق ساقشىسى بولعاننان كەيىن، ول وسىنداي قايسارلىققا سۇيەنىپ ءىس جۇزىندىك ارەكەتىمەن پارتياعا مۇشە بولعانداعى، ساقشى بولعان كەزىندەگى ايبىندى سەرتىن ءىس جۇزىندىك ارەكەتىمەن امالياتتا ايگىلەدى.

　　يمىنجان تۇراق 1992 - جىلى 9 - ايدا قوعام حاۋىپسىزدىگى قىزمەتىنە قاتىناسقان، قازىر قاشقار ايماقتىق قوعام حاۋىپسىزدىگى مەكەمەسى بەلگىلى تارماق اترەتىنىڭ جىڭۋيى، ىلگەرىندى - كەيىندى مەملەكەتتىك تاڭداۋلى پارتيا مۇشەسى، مەملەكەتتىك وزات قىزمەتكەر، مەملەكەتتىك 1 - مامىر ەڭبەك مەدالىنىڭ يەگەرى، مەملەكەتتىك تاڭداۋلى حالىق ساقشىسى، شينجياڭدى اشۋ، گۇلدەندىرۋ مەدالىنىڭ يەگەرى سياقتى داڭقتارعا يە بولىپ، ءبىر رەت جەكە 2 - دارەجەلى ەڭبەك، 5 رەت جەكە 3 - دارەجەلى ەڭبەك سىڭىرگەن.

　　مەيىر - شاپاعاتقا بولەنىپ ءبىلىم الۋ جولىنا ءتۇستى

　　1971 - جىلى يمىنجان تۇراق يوپۇرعى اۋدانى باياۋات اۋىلىنىڭ باياۋات قىستاعىندا دۇنيەگە كەلگەن. ”مەن وقىعان باستاۋىش مەكتەپ قىستاقتان 20 − 30 كيلومەتر قاشىقتىقتا بولاتىن، جايشىلىقتا مەكتەپكە جاياۋ ءجۇرىپ باراتىنمىن، باعىم جانعان كەزدە وگىز ارباعا، ەسەك ارباعا، جۇك اۆتوموبيلدەرىنە وتىراتىنمىن، قالىڭ قار، قالىڭ جاڭبىر كۇندەردە جول ءجۇرۋ ءتىپتى قيىن بولاتىن“. يمىنجان تۇراقتىڭ ءالى ەسىندە، قارلى - جاڭبىرلى كۇندەرى جول باتپاقتان اياق الىپ جۇرگىسىز بولىپ، تۇلا بويى سۋعا مالشىنىپ كەتەتىن، ول جول شەتىندە وتىرىپ جىلاي - جىلاي دىمى قۇرىپ سۇيرەتىلە تۇرىپ العا ىلگەرىلەيتىن.

　　ول كەزدە يمىنجان تۇراق ۇيىنە 2 اپتادا ءبىر قايتاتىن، ءار جولى مەكتەپكە باراردا كورشىلەرى ونىڭ سومكەسىنە تولتىرا ازىق - تۇلىك سالىپ بەرەتىن. ”جۇگەرى نان دەيسىڭ بە، ماي شەلپەك دەيسىڭ بە، ءبارى بار، ءىشىنارا قىستاق تۇرعىندارى، ءتىپتى، ۇيىندەگى ەڭ ءدامدى - قۇجىردى سالىپ بەرەتىن“. مىنە وسىلايشا اكە - شەشەسىنىڭ قولداۋىندا، بۇكىل قىستاقتاعىلاردىڭ قامقورلىعىندا، ول اۋىلدا باستاۋىش مەكتەپتى تاۋىسىپ، اۋدان قالاشىعىندا ورتالاۋ مەكتەپ پەن تولىق ورتا مەكتەپتى تاۋىسىپ، سول كەزدەگى اۆتونوميالى رايوندىق حالىق ساقشىلار مەكتەبىنە ءساتتى قابىلداندى.

　　يمىنجان تۇراق: مەن پارتيا مەن ءار ۇلت بۇقاراسىنىڭ قامقورلىعى مەن ايالاۋىندا ەسەيىپ - ەرجەتتىم، قىستاقتاعى ءاربىر وتباسى ءبىر نانى بولسا ماعان بەرەتىن، - دەيدى.

　　ول بەينە اتويشىلدىق تۋى ىسپەتتى

　　”ساقشى كيىمىن كيگەن ساتتە، مەن قىزمەتتى تىڭعىلىقتى، ويداعىداي جاقسى ىستەۋگە بەل بايلادىم“، - دەدى يمىنجان تۇراق.

　　قىزمەتتەسى ۋ گاڭ: يمىنجان تۇراق 100دەن استام زورلىقتى كۇش لاڭكەستىك دەلولارىن ءبىر جاقتى ەتۋگە قاتىناستى، قىزمەتتەستەرىنىڭ نازارىندا ولىمنەن قورىقپايتىن ”قايسار جىگىت“. ءار رەتكى دەلونى ءبىر جاقتى ەتۋدە ول ”ماعان ىلەسىڭدەر“ دەۋدى اۋزىنان تاستامايتىن، - دەدى.

　　2013 - جىلى 8 - ايدا يمىنجان تۇراق قىزمەتتەستەرىمەن بىرگە زورلىقتى كۇش لاڭكەستىك دەلوسىن ءبىر جاقتى ەتۋگە قاتىناسقان كەزدە، قالتارىستا جاسىرىنىپ جاتقان 10 نەشە زورلىقتى كۇش لاڭكەستەردىڭ قۋا سوققىلاۋىنا ۇشىرايدى، ولار كومەكشى قوسىن كەلۋدەن ىلگەرى الدىڭعى شەپتە ۇرىس سالا ءجۇرىپ شەگىنىپ، اعاش بۇتاعىنان، توبەشىكتەردەن پايدالانىپ زورلىقتى كۇش لاڭكەستەرىن اينالدىرىپ، قاتەردەن قۇتىلعانشا شىدامدىلىق كورسەتتى.

　　كوپشىلىكتى تاڭ قالدىرعانى، كەسكىن ماتەريالدارىن الىپ قالۋ ءۇشىن، يمىنجان تۇراق شايقاس بارىسىندا ءبىر جاعىنان مىلتىق ۇستاپ، ءبىر جاعىنان سۋرەتكە الىپ، دالەل - ىسپات الادى، قىسقا عانا 10 مينۋت ىشىندە زورلىقتى كۇش لاڭكەستەرىن اتىپ تاستاۋمەن بىرگە، باعالى دالەل - ىسپات قالدىرادى.

　　قىستاق تۇرعىندارىن كەدەيلىكتەن ارىلتىپ، كىرىستى ارتتىرۋعا باستادى

　　”قىستاق تۇرعىندارى ۇنەمى ماعان تەلەفون بەرىپ، كىمنىڭ ءۇيى اسحانا اشتى، كىمنىڭ ءۇيى جاڭا اۆتوكولىك ساتىپ الدى دەگەن سياقتى قۋانىشتى حابارلارىن جەتكىزەدى“، - دەگەن يمىنجان تۇراق مارالباسى اۋدانى سايبويى قالاشىعى جاڭا ءمالى قىستاعىنان قايتىپ كەلگەنىنە ءبىر جىل بولسا دا قىستاق تۇرعىندارىمەن ءالى دە قويۋ بايلانىستى ساقتاپ كەلەدى.

　　2018 - جىلى 11 - ايدا يمىنجان تۇراق ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇرۋ قىزمەتىنە قاتىناسۋعا ىرىقتىلىقپەن تىزىمدەلىپ، قاشقار ايماقتىق قوعام حاۋىپسىزدىگى مەكەمەسىنىڭ جاڭا ءمالى قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجيى بولدى. ول: ءاسىلى ءوزىمدى اۋىل - قىستاقتان كەلدىم، قىستاققا بارىپ قىزمەت ورىستەتۋىم وتە ءساتتى بولادى دەپ ويلاعان ەدىم، ويلاماعان جەردەن قيىنشىلىققا تاپ بولارىمدى كىم بىلگەن، - دەيدى.

　　”قىستاققا العاش كەلگەندە، قىستاق تۇرعىندارى ماعان سەنبەدى، مەنىمەن سىرلاسقىسى دا كەلمەدى“. تەز ارادا قىزمەت ورىستەتۋ ءۇشىن، يمىنجان تۇراق كۇندىز بۇقارانى ارالاپ، وتباسىلارعا بارىپ، كەدەيلەسۋ سەبەبىن ۇعىسىپ، كەشتە اترەتتەگىلەرمەن بىرگە كەدەيلىكتەن ارىلتۋدىڭ شارالارىن اقىلداستى.

　　”ايتالىق، اۋلا شارۋاشىلىعىن دامىتۋ ءۇشىن، الدىمەن سايكەسكىسى كەلمەيتىن قىستاق تۇرعىندارىن يلاندىرۋعا تۋرا كەلەدى، باسقا قىستاق تۇرعىندارى جەتىستىكتى كورسە بولدى، ىرىقتىلىقپەن ىسكە كىرىسەدى“. يمىنجان تۇراق ەڭ قيىن جەردەن باستاپ كىرىسىپ، قىستاقتا تۇرۋ قىزمەتىن بىرتىندەپ ىلگەرىلەتتى.

　　”قىستاقتا تۇرىپ قايتىپ كەلگەننەن كەيىن، يمىنجان جىڭۋي قاتتى جۇدەپ كەتتى، ۇنەمى ءتۇن اسىرا بەرگەندىكتەن كورۋ قۋاتى ناشارلاپ، سوزىلمالى تۇيىق بۇرىشتى سۋ قاراڭعىلىق ءتۇسىپ، وڭ كوزىنە شەل قاپتاپ، كورۋ نەرۆتەرى سولىپ كەتتى“، - دەدى ۋ گاڭ.

　　يمىنجان تۇراق قىستاقتا پارتيانىڭ ۇلت ساياساتى، حالىققا تيىمدىلىك جاساۋ ساياساتتارى جانە ءتۇرلى زاڭدار مەن زاڭ ەرەجەلەر جونىندە 1000 رەتتەن استام ۇگىت لەكسيا جاسادى؛ ”اقىل - پاراسات جاعىنان سۇيەمەلدەۋ، عىلىمعا سۇيەنۋ، ەرىك - جىگەر جاعىنان سۇيەمەلدەۋ، جەتەكتەۋ“ ۇستانىمىنان جازباي، قىستاق تۇرعىندارىنىڭ كەدەيلىكتەن ارىلتۋ ىرىقتىلىعىن كۇشەيتىپ، كەدەي قىستاق تۇرعىندارىنىڭ ءوندىرىس، تۇرمىس قيىنشىلىعىن شەشۋىنە كومەكتەستى؛ كوپ جاق سايكەسىپ قىستاققا اسفالت جول سالىپ، مادەنيەت الاڭىن قۇردى... ونىڭ باستاۋىندا جاڭا ءمالى قىستاعىنىڭ بەت - بەينەسىندە زور وزگەرىستەر تۋىلدى، 2019 - جىلى وسى قىستاقتاعى كەدەيلەر تۇگەلدەي كەدەيلىكتەن ارىلدى.