تيانشان تورى   ›   جاڭالىقتار   ›   شينجياڭ حابارلارى

حالىقتىڭ جاقسى ساقشىسى، ءداۋىردىڭ قاھارمانى

زوۋ ۋي:

حالىقتىڭ جاقسى ساقشىسى، ءداۋىردىڭ قاھارمانى

انار بۇلت / شينجياڭ گازەتىنىڭ ءتىلشىسى گو ليڭ

  تاياۋدا ءدوربىلجىن اۋدانى ءدوربىلجىن قالاشىعى چياۋدۇڭ الەۋمەتتىك اۋماعىندا، وزگەشە ساقشى ىستەرى كەڭسەسى − ”زوۋ ۋي ساقشى ىستەرى كەڭسەسى“ بەزەندىرىلدى، مۇنى ءدوربىلجىن اۋداندىق قوعام حاۋىپسىزدىگى مەكەمەسى چىڭجىن چياۋنان ساقشى بولىمشەسى زوۋ ۋي قۇرباننىڭ حالىق ءۇشىن قىزمەت وتەۋ رۋحىنان ۇيرەنۋ، جالعاستىرۋ ءۇشىن ارناۋلى سالعان.

  زوۋ ۋي 2014 - جىلى 11 - ايدا قوعام حاۋىپسىزدىگى قىزمەتىنە قاتىناسقان، كوزى تىرىسىندە ءدوربىلجىن اۋداندىق قوعام حاۋىپسىزدىگى مەكەمەسى چىڭجىن چياۋنان ساقشى بولىمشەسىنىڭ (تومەندە قىسقارتىلىپ چياۋنان ساقشى بولىمشەسى دەلىندى) ورىنباسار باستىعى بولاتىن.

     2019 - جىلى 4 - ايدىڭ 5 - كۇنى زوۋ ۋي لاس سۋ قۇدىعىنا ءتۇسىپ قامالىپ قالعان بۇقارانى قۇتقارۋ بارىسىندا سۋعا تۇنشىعىپ قۇربان بولىپ، عۇمىرىن 31 جاسىندا ماڭگىلىككە اياقتاتتى. 2019 - جىلى 10 - ايدا وعان ”مەملەكەتتىك قوعام حاۋىپسىزدىگى جۇيەسىندەگى 2 - دارەجەلى قاھارمان ۇلگى“ اتاعىن تولىقتاپ بەردى.

  حاۋىپتى، شۇعىل جاعدايدا ”مەن تۇسەيىن“

  2019 - جىلى 4 - ايدىڭ 5 - كۇنى ساعات 20 مولشەرىندە ءدوربىلجىن اۋداندىق قوعام حاۋىپسىزدىگى مەكەمەسى ءبىر زات تاسىمال سەرىكتەستىگىنىڭ اۋلاسىندا اۋلا يەسى ابايسىزدا لاس سۋ قۇدىعىنا ءتۇسىپ كەتتى دەگەن ساقشىعا مالىمدەۋدى قابىلدايدى.

  ”ساقشىعا مالىمدەۋدى قابىلداعان سوڭ، زوۋ ۋي دەرەۋ قىزمەتتەسىن ەرتىپ ناق مايدانعا باردى“، - دەدى كەزىندە زوۋ ۋيمەن 3 جىلدان ارتىق بىرگە قىزمەت ىستەگەن ءدوربىلجىن اۋداندىق قوعام حاۋىپسىزدىگى مەكەمەسى جەلاعاش ساقشى بولىمشەسىنىڭ باستىعى ۋاڭ فىڭ.

     زوۋ ۋي ناق مايدانعا بارعان سوڭ، قۇدىقتاعى لاس سۋعا ادامنىڭ شوگىپ كەتكەنىن، جاعدايدىڭ وتە حاۋىپتى ەكەنىن بايقايدى. حاۋىپ - قاتەر الدىندا، ول قۇدىققا تۇسۋگە دايىندالىپ جاتقان كومەكشى ساقشىنى توسىپ، ”مەن تۇسەيىن!“ دەيدى دە، ساقتىق جابدىقتارىن تاعىپ، قۇدىققا ءتۇسىپ ادام قۇتقارادى، وسى ءبىر اۋىز ءسوز ونىڭ كوزى تىرىسىندە ايتقان ەڭ سوڭعى ءسوزى بولدى.

  ”مەن ناق مايدانعا جەتكەن كەزدە، زوۋ ۋي سۋعا ءتۇسىپ كەتكەن ادامدى قۇتقاردى، الايدا ءوزى لاس سۋعا شوگىپ كەتتى“، - دەدى ۋاڭ فىڭ.

  وسى كۇنى ونىڭ ۇيلەنۋ كۋالىگىن العانىنا 10 كۇن تولعان ەدى، ۇيلەنۋ ۋاقىتىنا 20 نەشە كۇن قالعان - دى ...

  قىزمەتكە توتەنشە ۇقىپتى ەدى

  زوۋ ۋي تولى اۋدانى تيەچاڭگوۋ قالاشىعىنداعى ءبىر قاراپايىم جۇمىسشى وتباسىندا دۇنيەگە كەلگەن، 2014 - جىلى ول قوسىننان بوساعان سوڭ ەمتيحان بەرىپ قوعام حاۋىپسىزدىگى حالىق ساقشىسى بولدى.

  زوۋ ۋي ءدوربىلجىن اۋدانى ءدوربىلجىن قالاشىعى چياۋنان قىستاعى ساقشى ىستەرى كەڭسەسىنە قىزمەتكە بولىنەدى، قاراستى اۋماقتىڭ جاعدايىن تەز ارادا ءبىلۋ ءۇشىن، ول ءبىر ايعا جەتپەيىن ۋاقىتتا قىستاقتاعى 202 وتباسىنداعى 560تان استام ادامنىڭ ماتەريالىن يەلەپ، قىزمەتتەستەرى جاعىنان ”ءتىرى قاريتا“ دەپ اتانادى. وسى ءبىر جىلدا زوۋ ۋيدىڭ قۇلشىنىسىنىڭ ارقاسىندا چياۋنان قىستاعىنىڭ اماندىق ساقتاۋ قىزمەتىندە ەشقانداي دەلو تۋىلمايدى، ول بەلسەندىلىكپەن پارتيا ۇيىمىنا پارتياعا كىرۋ ءوتىنىشىن تاپسىرادى.

  2016 - جىلى 12 - ايدىڭ 30 - كۇنى قىزمەت ىستەپ جاتقان زوۋ ۋي شەشەسىنىڭ تەلەفونىن الادى، ”تاياۋدان بەرى اكەڭنىڭ دەنساۋلىعى جاقسى بولماي ءجۇر، كەلىپ قايت“دەيدى. زوۋ ۋي ۇيىنە بارعان كەزدە بارىپ، اكەسىنىڭ الدەقاشان راكتىڭ سوڭعى مەزگىلىنە وتكەندىگى انىقتالعاندىعى، الايدا زوۋ ۋيدىڭ قىزمەتى قاربالاس دەپ وتباسىنداعىلاردىڭ وعان ايتپاعانىن بىلەدى.

  كەيىن زوۋ ۋي اكەسىنىڭ سوڭعى جۇمىستارىن اياقتاتقان سوڭ، دەرەۋ قىزمەت ورنىنا قايتادى. ”ءبىر رەت ەكەۋىمىز كەزەكشىلىك ىستەپ وتىرعاندا، ول قايعىرىپ تۇرىپ اكەسى ەمدەلگەن كەزدە قاسىندا بولا الماعاندىعىن ايتقان ەدى“، - دەدى ۋاڭ فىڭ.

  زوۋ ۋي قىزمەتكە توتەنشە ۇقىپتى ەدى. ساقشى بولعان 5 جىلدا ول وتباسىن ارالاپ جاعداي ۇعىسۋعا تاباندى بولىپ، 700دەن استام قايشىلىق، داۋ - شاردى شەشىپ، 100 ادام - رەتتەن ارتىق بۇقارانى قۇتقارىپ كومەكتەسەدى. ىلگەرىندى - كەيىندى اۆتونوميالى رايوندىق ۇزدىك ساقشى ىستەرى ناقتى سوعىس جاتتىقتىرۋشىسى، تارباعاتاي ايماقتىق ۇزدىك حالىققا قولايلى ساقشى ىستەرى پۋنكتىنىڭ باستىعى سياقتى اتاقتارعا يە بولادى.

  بۇقارا ونى ۇمىتپادى

  ”بۇقارا قيىنشىلىققا جولىعىپ ءبىزدى ىزدەپ كەلگەن كەزدە، ءسوز جوق، دەن قويا، بار كۇشپەن شەشۋىمىز كەرەك“. بۇل زوۋ ۋيدىڭ كوزى تىرىسىندە ۇنەمى ايتاتىن ءسوزى.

  2015 - جىلى 7 - ايدا ءبىر تۇرعىننىڭ ۇيىنە ءورت كەتەدى، زوۋ ۋي ناق مايدانعا جەتكەن سوڭ، قولىنا ءورت سوندىرگىشتى الا سالىپ اتىلىپ كىرەدى. ”ونىڭ ۇيگە اتىلىپ كىرىپ ءورت سوندىرگەن بەينەسىن كورگەن ادام سۇيىنەدى ءارى ەلجىرەيدى“، - دەدى ءۇي يەسى چىن جۇن.

  2016 - جىلى 10 - ايدا زوۋ ۋي وتباسىلارىن ارالاپ جاعداي ۇعىسۋ بارىسىندا، 52 جاستاعى ءماريا ورالعاجىنىڭ ناۋقاس سەبەبىنەن قىزمەت ىستەمەگەنىن، وتباسىندا داشۋە وقىپ جاتقان قىزى بار ەكەنىن ءبىلىپ، ءماريانى اپەكەسىنە بالاپ، وعان كومەكتەسىپ تۇرمىس قيىنشىلىعىن شەشەدى، وعان تاعى قىزمەت تاۋىپ بەرەدى. زوۋ ۋيدىڭ قۇربان بولعان حابارىن ەستىگەن كەزدە، ءماريا جىلاپ وتىرىپ بىلاي دەيدى: ”سونشاما جاقسى ادام، ءوستىپ ءۇنسىز كەتىپ قالا ما؟“.

  زوۋ ۋيدىڭ قۇربان بولعان حابارى تاراعان سوڭ، قاراستى اۋماقتاعى تۇرعىندار ارت - ارتىنان ونىڭ كومەگىنە يە بولعان ىستەرىن تىلگە تيەك ەتىپ، زوۋ ۋي ”حالىقتىڭ جاقسى ساقشىسى، ءداۋىردىڭ قاھارمانى“ دەپ اۋىزدارىنا الدى.

  ”قىس مەزگىلى بولاتىن، ءبىر كۇنى تاڭەرتەڭ ەرەن بازارىما 2 توننا جەمىس كىرگىزدىم، زوۋ ۋي جول - جونەكەي كەلىپ كومەكتەسىپ تاسىسىپ جىبەردى، جۇمىستى بىتىرە سالا كەتىپ قالدى، وعان جەمىس بەرسەم دە المادى“، - دەدى ەرەن بازاردىڭ جاۋاپتىسى گۋ مانحۇڭ؛

     ”2017 - جىلى 11 - ايدا مەن 5000 يۋان ناق اقشا جانە جالپى 200 مىڭ يۋان بار 7 بانكە كارتچكاسىن جوعالتتىم، ول ماعان كومەكتەسىپ تاۋىپ بەرگەن سوڭ، اتى - ءجونىن ايتپاي - اق كەتىپ قالدى، مەن بۇل ءىستى دوستار شەڭبەرىمە شىعارعان سوڭ بارىپ، ونىڭ اتى زوۋ ۋي ەكەنىن ءبىلدىم“، - دەدى تۇرعىن جاڭ يوۋميڭ؛

  ”2018 - جىلى ول ماعان كومەكتەسىپ، جوعالىپ كەتكەنىنە 30 جىل بولعان باۋىرىمدى تاۋىپ بەردى“، - دەدى تۇرعىن لو بايچۋان؛

  ...

  ”زوۋ ۋي ساقشى ىستەرى كەڭسەسى“ بۇقارانىڭ كوڭىلىندەگى زوۋ ۋيدىڭ ىستەگەن ءاربىر ءىسىن ەستەلىككە الىپ، ونىڭ حالىق ءۇشىن قىزمەت ىستەيتىن رۋحىن ماڭگى جالعاستىرا بەرمەك.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.