□ انار بۇلت / شينجياڭ گازەتىنىڭ ءتىلشىسى يىن لۋ
”قۇلاشىن كەڭ جايعان قىس دالاسى، ءوز كوركىمەن، ءوز بوياۋىمەن جان سارايىڭا وزگەشە ءلاززات سيلايدى، قايسار بەينەلەر، جايدارى جۇزدەر نەتكەن تاماشا...“ بەيجيڭ قىسقى وليمپيادا سپورت جارىسى ۋاقىتتى كەرى ساناۋعا ءوتتى، شينجياڭ كوركەمونەر تەاترحاناسى ادەبيەت - كوركەمونەر قىزمەتكەرلەرىن ۇيىمداستىرىپ، بەيجيڭ قىسقى وليمپيادا سپورت جارىسىنىڭ تاقىرىپتىق ءانىنىڭ ءبىرى بولعان ”ءبارىمىز بولاشاققا بىرگە اتتانايىق“ ءانىنىڭ MV تۋىندىسىن ءتۇسىردى.
”ءبارىمىز بولاشاققا بىرگە اتتانايىق“ MVىندا شينجياڭ جىبەك جولى حالىقارالىق دەمالىس رايونى، شينجياڭ مۇز ءۇستى سپورت ورتالىعى سىندى قار - مۇز سپورتىنداعى بەلگىلى جەرلەر كورسەتىلدى، شينجياڭ كوركەمونەر تەاترحاناسىنان كەلگەن ءارقايسى تەاتر ۇيىرمەسىنىڭ ارتيستەرى، MVدى ءتۇسىرۋ بارىسىندا، ءان ايتىپ، ءبي بيلەپ، سەرىك ويىندارىن كورسەتتى.
ءار ۇلت بيشىلەرى الۋان ءتۇستى كيىمدەرمەن ساندەنىپ، قارا جورعا، بۇركىت ءبيى، ءسانام، ساۋىردىن، دولان بيلەرى سىندى وزگەشە ەرەكشەلىككە باي ۇلتتىق حالىق بيلەرىن بيلەپ، اق قار - كوك مۇز جامىلعان دالانىڭ ءسانىن اسىردى.
شينجياڭ كوركەمونەر تەاترى جاڭالىق اشۋ، زەرتتەۋ ءبولىمىنىڭ ورىنباسار مەڭگەرۋشىسى ميھراي يبىرايىم بىلاي دەدى: ”شينجياڭ قار - مۇز سپورت مەكەنى، ءبىز MV داعى ءبيدى دايىنداۋدا، ۇلتتىق حالىق بيىنە وسىزامانعى ءبيدى توعىستىرۋ ارقىلى، قىسقى وليمپيادا سپورت جارىسىنىڭ جاندى دا ومىرشەڭدى وسىزامانعى بەت - بەينەسىن جانە شينجياڭنىڭ وڭىرلىك ەرەكشەلىگى مەن ءار ۇلت حالىق بۇقاراسىنىڭ بەت - بەينەسىن ايگىلەۋدى ماقسات ەتتىك“.
ءۇرىمجى قالاسىنان كەلگەن مۇز ۇستىندەگى زىرىلداۋىق، مۇز ۇستىندەگى نۇر ويىنى، مۇز ۇستىندەگى ايداعار ءبيى اۋەسكەرلەرى كەسكىن تۇسىرگەندە بارىنشا ونەرلەرىن كورسەتىپ، قار - مۇز سپورتىنىڭ شينجياڭنىڭ بايتاق دالاسىندا قىزۋ ورلەۋگە كوتەرىلگەندىگىن تولىق ايگىلەدى.
