تيانشان تورى   ›   جاڭالىقتار   ›   شينجياڭ حابارلارى

2021 - جىلى شينجياڭ ەلەكتر تورىنىڭ ەلەكتر ساتۋ مولشەرى سايكەس مەزگىلدەگىدەن %20تەي ارتتى

  انار بۇلت / شينجياڭ گازەتىنىڭ ءتىلشىسى چىن چياڭۋي 1 - ايدىڭ 9 - كۇنى ۇرىمجىدەن حابارلايدى. مەملەكەت تورى شينجياڭ ەلەكتر قۋاتى شەكتى سەرىكتەستىگىنەن ۇعىسۋعا قاراعاندا، 2021 - جىلى شينجياڭ ەلەكتر تورىنىڭ ەلەكتر ساتۋ مولشەرى 150 ميلليارد 691 ميلليون كيلوۆات ساعاتقا جەتىپ، سايكەس مەزگىلدەگىدەن %18.19 ارتقان. بۇل شينجياڭ ەلەكتر تورىنىڭ ەلەكتر ساتۋ مولشەرىنىڭ تۇڭعىش رەت 150 ميلليارد كيلوۆات ساعاتتان اسىپ، كولەم جاعىنان تاريحتاعى جاڭا ورەنى جاراتۋى.

  شينجياڭ ەلەكتر تورىنىڭ ساناق ولشەمىندەگى ەلەكتر پايدالانۋ ساندى مالىمەتىندە كورسەتىلۋىنشە، 2021 - جىلى رايونىمىزداعى بۇكىل كاسىپ سالاسىنىڭ ەلەكتردەن پايدالانۋ مولشەرى 136 ميلليارد 247 ميلليون كيلوۆات ساعات بولىپ، جالپى ەلەكتردەن پايدالانۋ مولشەرىنىڭ %90.41ىن ۇستاپ، سايكەس مەزگىلدەگىدەن %17.9 ارتقان؛ قالا، اۋىل تۇرعىندارىنىڭ تۇرمىستىق ەلەكتردەن پايدالانۋ مولشەرى 14 ميلليارد 444 ميلليون كيلوۆات ساعاتقا جەتىپ، جالپى ەلەكتردەن پايدالانۋ مولشەرىنىڭ %9.59ىن ۇستاپ، سايكەس مەزگىلدەگىدەن %18.9 ارتقان.

  ءارقايسى كاسىپتىڭ ەلەكتردەن پايدالانۋ ساندى مالىمەتىنە قاراعاندا، 1 - كاسىپتىڭ ەلەكتردەن پايدالانۋ مولشەرى 2 ميلليارد 330 ميلليون كيلوۆات ساعات بولىپ، بۇكىل كاسىپتىڭ ەلەكتردەن پايدالانۋ مولشەرىنىڭ %1.49ىن ۇستاپ، سايكەس مەزگىلدەگىدەن %12.95 تومەندەگەن؛ 2 - كاسىپتىڭ ەلەكتردەن پايدالانۋ مولشەرى 89 ميلليارد 765 ميلليون كيلوۆات ساعات بولىپ، بۇكىل كاسىپتىڭ ەلەكتردەن پايدالانۋ مولشەرىنىڭ %65.88ىن ۇستاپ، سايكەس مەزگىلدەگىدەن %20.52 ارتقان؛ 3 - كاسىپتىڭ ەلەكتردەن پايدالانۋ مولشەرى 44 ميلليارد 450 ميلليون كيلوۆات ساعات بولىپ، بۇكىل كاسىپتىڭ ەلەكتردەن پايدالانۋ مولشەرىنىڭ %32.62ىن ۇستاپ، سايكەس مەزگىلدەگىدەن %16.75 ارتقان.

  ەلەكتردەن پايدالانۋ مولشەرىنىڭ ارتۋىنا ەڭ كوپ ۇلەس قوسقان 2 - كاسىپ بولعان. 2021 - جىلى رايونىمىزدىڭ 2 - كاسىبىنىڭ ەلەكتردەن پايدالانۋ مولشەرى ءۇرتىس جوعارى جىلدامدىقپەن ارتۋ اۋقىمىن كورسەتتى، مۇندا كەن اشۋ كاسىبىنىڭ ەلەكتردەن پايدالانۋ مولشەرى 11 ميلليارد كيلوۆات ساعات بولىپ، سايكەس مەزگىلدەگىدەن %40 ارتقان؛ جاساۋ كاسىبىنىڭ ەلەكتردەن پايدالانۋ مولشەرى 59 ميلليارد 500 ميلليون كيلوۆات ساعات بولىپ، سايكەس مەزگىلدەگىدەن %27 ارتقان؛ ەلەكتر قۋاتىن، جىلۋ قۋاتىن، جانار گاز، سونداي - اق سۋ ءوندىرۋ جانە قامداۋ كاسىبىنىڭ ەلەكتردەن پايدالانۋ مولشەرى 18 ميلليارد 800 ميلليون كيلوۆات ساعات بولىپ، سايكەس مەزگىلدەگىدەن %6 ارتقان؛ باسقا كاسىپتەردىڭ ەلەكتردەن پايدالانۋ مولشەرىندە دە تۇرلىشە دارەجەدە ارتۋ بولعان.

  مەملەكەت تورى شينجياڭ ەلەكتر قۋاتى شەكتى سەرىكتەستىگى ءوندىرۋ - ساتۋدان قىزمەت وتەۋ ورتالىعى ەلەكتر اقىسىن باسقارۋ ءبولىمىنىڭ ورىنباسار مەڭگەرۋشىسى حى حۇيمەي مىنانى ءبىلدىردى: 2021 - جىلى رايونىمىزدىڭ ەنەرگيا ونەركاسىبى جەدەل كوتەرىلىپ، بۇكىل شينجياڭداعى مۇناي جانە تابيعي گاز اشۋ كاسىپتەرىنىڭ ەلەكتر پايدالانۋ مولشەرى 4 ميلليارد 641 ميلليون كيلوۆات ساعاتقا جەتىپ، سايكەس مەزگىلدەگىدەن %86.44 ارتتى. سونىمەن قاتار، جانار گاز ءوندىرۋ جانە قامداۋ كاسىپتەرىنىڭ ەلەكتردەن پايدالانۋ مولشەرى دە كورنەكتى ارتىپ، كولەمى ءبىر ميلليارد 551 ميلليون كيلوۆات ساعاتقا جەتىپ، سايكەس مەزگىلدەگىدەن ءبىر ەسە ارتتى، بۇل اۆتونوميالى رايوننىڭ تازا ەنەرگيادان پايدالانۋ دەڭگەيىنىڭ ونان ارى جوعارىلاعاندىعىن تۇسىندىرەدى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.