□ حالىق گازەتىنىڭ شولۋشىسى
پارتيا 20 - قۇرىلتايىنىڭ ۋاكىلدەرىن سايلاپ شىعۋ − كەلەلى ساياسي مىندەت. ءارقايسى سايلاۋ ورىندارىنداعى پارتيا ۇيىمدارى ساياسي دەڭگەيدى جوعارىلاتىپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن شىن مانىندە كۇشەيتىپ، وسى قىزمەتتى ماڭىزدى ورىنعا قويىپ، ۇيىمدىق باسشىلىقتى كۇشەيتىپ، جان - جاقتى ورنالاستىرۋ جاساپ، ۋاكىلدەردى سايلاۋ قىزمەتىن تابىسپەن ورىنداۋعا شىنايى كەپىلدىك ەتۋ كەرەك.
كەڭ كولەمدە ۇيىمداستىرىپ، اتتانىسقا كەلتىرۋ كەرەك. پارتيا مۇشەلەرىن توپتىق ۇيرەنۋگە ۇيىمداستىرۋ، ۇگىت جۇرگىزۋ، ۋاكىلدەردى سايلاۋ قىزمەت قولدانباسىن قۇراستىرىپ باسۋ سياقتى كوپ ءتۇرلى فورمالار ارقىلى قالىڭ پارتيا مۇشەلەرىن 20 - قۇرىلتاي ۋاكىلدەرىن سايلاۋدىڭ كەلەلى ماڭىزىن تەرەڭ تانىپ، ۋاكىلدەردى سايلاۋ قىزمەتىنىڭ ساياساتتىق بەلگىلەمەسىن، ءتارتىپ بۋىندارىن ۇعىنىپ، يگەرىپ، بورىشتارىن مۇقيات اتقارىپ، ۋاكىل كانديداتتارىن تانىستىرۋعا، كورسەتۋگە بەلسەندى، جاۋاپتى تۇردە ات سالىسۋعا تاربيەلەۋ، جەتەكتەۋ كەرەك. نەگىزگى ساتى پارتيا ۇيىمدارىنىڭ جانە پارتيا مۇشەلەرىنىڭ ات سالىسۋ سالىستىرماسىنا كەپىلدىك ەتۋ كەرەك، جىلجىمالى پارتيا مۇشەلەرى جانە دەمالىسقا، زەينەتكە شىققان پارتيا مۇشەلەرى، قارتايعان، دەنساۋلىعى ءالسىز پارتيا مۇشەلەرى سياقتى قاۋىمنىڭ ءىس جۇزىندىك جاعدايىنا ايرىقشا نازار اۋدارىپ، تەلەفون، حات ارقىلى بايلانىس جاساۋ، ۇيىنە بارىپ جاعدايدى حابارلاۋ سياقتى تاسىلدەردى پايدالانىپ، پىكىرلەرىن تىڭداپ، ولاردى تانىستىرۋعا، كورسەتۋگە ات سالىسۋعا ۇيىمداستىرۋ كەرەك. سونىمەن بىرگە، جاڭا كاسىپ كۇيىندەگى، جاڭادان جۇمىستانعان قاۋىمداعى پارتيا مۇشەلەرىن ۇيىمداستىرۋ، اتتانىسقا كەلتىرۋ قىزمەتىن ويداعىداي ىستەۋگە كوڭىل ءبولىپ، بارلىق نەگىزگى ساتى پارتيا ۇيىمدارىن جانە پارتيا مۇشەلەرىن تانىستىرۋعا، كورسەتۋگە تۇگەلدەي قاتىناستىرۋعا قۇلشىنۋ كەرەك.
پارتيا ۇيىمىنىڭ باسشىلىق ەتۋ جانە وتكەلدى مەڭگەرۋ رولىن تولىق ساۋلەلەندىرۋ كەرەك. تۋى ايقىن تۇردە پارتيانىڭ باسشىلىعىن كۇشەيتۋ − ۋاكىل سايلاۋ قىزمەتىن ويداعىداي ىستەۋدىڭ ءتۇبىرلى كەپىلى. ۇيىمدىق تەكسەرۋدى قاتايتىپ، كانديداتتاردىڭ ساياسي وتكەلىن كورنەكتى تۇردە يگەرىپ، ۋاكىلدەردىڭ تولىمدىلىق شارتىن قاتايتىپ، ساياسي ولشەمدى ماڭداي الدى ورىنعا قويۋعا تاباندى بولىپ، كانديداتتاردى ءدال تەكسەرىپ، ناقتى تەكسەرىپ، توپتىق اقىلداسىپ، مۇقيات تەكسەرىپ بەكىتىپ، دارەجە بويىنشا سۇرىپتاپ تاڭداپ، جاقسىلاردىڭ اراسىنان ۇزدىكتەرىن تاڭداپ، ۋاكىلدەردىڭ ساپاسىنا كەپىلدىك ەتۋ كەرەك. ۋاكىل كانديداتتاردىڭ تەكسەرۋ ماتەريالدارىن، ۋاكىلدەردى تىزىمدەۋ كەستەسىندەگى ينفورماتسياسىن، اسىرەسە، نەگىزگى بەينەسىن ساتى - ساتى بويىنشا مەڭگەرىپ، جاۋاپتى بولىپ، شىندىقتى ءىس جۇزىنەن ىزدەۋدى، مازمۇنى دۇرىس بولۋدى، وبيەكتيۆ، شىنايى بولۋدى ىسكە اسىرىپ، اسىرەلەۋدەن، كوتەرمەلەۋدەن، ءىشىنارالىقتى جالپىعا بالاۋدان، جاساندىلىقتان، شىندىققا جاناسپاۋدان ساقتانۋ كەرەك. كانديداتتاردىڭ پاكتىك وتكەلىن ويداعىداي مەڭگەرىپ، ”ءتورتتى، ءسوزسىز، ورىنداۋ“ تالابى مەن پاكتىك پىكىرىندەگى ”قوس قول قويۋ“ بەلگىلەمەسىن مۇقيات تياناقتاندىرۋ كەرەك. وتكەلدى بىرلەسىپ مەڭگەرۋدى كۇشەيتىپ، قاتىستى فۋنكتسيا تاراۋلاردىڭ ينفورماتسيا اۋىستىرۋ، تەكسەرۋ، سايكەستىرۋ قىزمەت مەحانيزمىن ورناتىپ، ۋاكىل كانديداتتارىنىڭ پاك، تارتىپشەڭ، تارتىپكە، زاڭعا بويسۇنۋ، سالاۋاتىن تۇراقتاندىرۋ سياقتى جاعدايلارىنىڭ وتكەلىن مەڭگەرۋ كەرەك. ۋاكىل كانديداتتار جونىندە اڭىس ەتىلگەن ماسەلەنى دەر كەزىندە تەكسەرىپ، انىقتاپ، ايقىن قورىتىندى سيپاتتى پىكىر شىعارۋ كەرەك. ءتارتىپ وتكەلىن مەڭگەرۋگە باسا ءمان بەرىپ، ۇسىنۋ، كورسەتۋ، ۇيىمدىق تەكسەرۋ، كانديداتتاردى تۇراقتاندىرۋ، جيىن ارقىلى سايلاۋ سياقتى ءار بۋىنداردا، باسقىشتاردا رەت - ءتارتىپتى قاتاڭ اتقارىپ، جۇيەلى جۇمىس جۇرگىزۋ كەرەك، قۇبىلتۋعا، قاراپايىمداستىرۋعا بولمايدى، ءتۇسىن تۇرلەندىرىپ، فورماسىن وزگەرتۋگە ءتىپتى دە بولمايدى.
ساياسي ءتارتىپتى، ۇيىمدىق ءتارتىپتى جانە سايلاۋ ءتارتىبىن قاتايتۋ كەرەك. ءتارتىپتى قاتايتۋ − ۋاكىلدەردى سايلاۋدى ءساتتى جۇرگىزۋدىڭ ماڭىزدى كەپىلى. باستان - اياق ءتارتىپ پەن قاعيدانى باستى ورىنعا قويىپ، تاربيەنى الدىڭعى ورىنعا قويۋعا، ەسكەرتۋ - ساقتاندىرۋدى الدىڭعى ورىنعا قويۋعا، الدىن الۋدى الدىڭعى ورىنعا قويۋعا تاباندى بولىپ، پارتيا ورتالىق كوميتەتىنىڭ ءتارتىپتى قاتايتۋ جونىندەگى ءتۇرلى بەلگىلەمەسىن، اسىرەسە، ”ونعا قاتاڭ تيىم سالۋ“ ءتارتىپ تالابىن ىشكەرىلەي ۇيرەنىپ، ۇگىتتەپ، حۋناننىڭ حىڭياڭى، سىچۋاننىڭ نانچۇڭى، لياۋنيڭ سياقتى جەرلەردەگى داۋىس جيناۋ، پارامەن سايلانۋ، سايلاۋدى ءبۇلدىرۋ دەلولارى ارقىلى ساقتاندىرۋ تاربيەسىن جۇرگىزىپ، پارتيا مۇشەلەرىن، كادرلاردى ءتارتىپ سانالىلىعىن كۇشەيتۋگە، تارتىپكە، قاعيداعا قاتاڭ بويسۇنۋعا جەتەكتەۋ كەرەك. تەگەۋرىندى كۇيدى باستان - اياق ساقتاپ، قاتاڭ باقىلاپ، قاتاڭ تەكسەرىپ ءبىر جاقتى ەتىپ، داۋىس جيناۋ، پارامەن سايلانۋ، اراعا كىسى سالۋ، الدىن الا سىبىس بەرۋ، كوز بوياۋشىلىق، جالعاندىق ىستەۋ سياقتى بۇرىس ستيلدەردى جانە سايلاۋدى ءبۇلدىرۋ سياقتى ەرەجەگە، تارتىپكە، زاڭعا قايشى ارەكەتتەردى سوڭىنا دەيىن تەكسەرىپ، قاتاڭ ءبىر جاقتى ەتۋ، ىرقىنا جىبەرمەۋ، جۇمساق قولدىق ىستەمەۋ كەرەك. ءبىر قىزمەت ورنىندا قوس جاۋاپكەرشىلىك ارقالاۋدى اتقارىپ، ماسەلە شىقسا جاۋاپكەرشىلىگىن قۋزاپ، ەڭ قاتاڭ پوزيتسيامەن، ەڭ باتىل شارامەن ۋاكىلدەردى سايلاۋدىڭ ستيلى پاك، سالتى دۇرىس بولۋىنا شىنايى كەپىلدىك ەتۋ كەرەك.
يدەيالىق ساياسي قىزمەتتى ىشكەرىلەي، تىڭعىلىقتى ىستەۋ كەرەك. پارتيا مۇشەلەرى مەن ۋاكىلدەردى پارتيا ورتالىق كوميتەتىنىڭ رۋحىن ءدال تۇسىنۋگە تاربيەلەپ، جەتەكتەپ، پارتيا ىستەرى مەن حالىقتىڭ مۇددەسىن ماڭىزدى ورىنعا قويىپ، دەموكراتيالىق ۇقىقتى دۇرىس اتقارىپ، تانىستىرۋ، كورسەتۋ جانە سايلاۋ ناتيجەسىنە دۇرىس قاراپ، سايلانباي قالعان جولداستارعا دۇرىس مامىلە جاساپ، كورسەتىلمەي قالعان نەمەسە سايلانباي قالعان جولداستاردى ۇيىمعا دۇرىس قاراپ، جولداستارعا دۇرىس قاراپ، يدەيالىق جۇكتەن ارىلىپ، ۇزدىكسىز قۇلشىنا قىزمەت ىستەۋگە جىگەرلەندىرۋ كەرەك. سونىمەن بىرگە ۋاكىلدەردى سايلاۋ قىزمەتى ۇگىتىن بەلسەندى، بايىپتى ورىستەتىپ، ادىسكە، تاسىلگە جاڭالىق ەنگىزىپ، جاندى دا جاڭا، بۇقارا قۋانا قۇپ كورەتىن فورمالاردى قولدانىپ، تاماشا قوعامدىق پىكىر ورتاسىن قالىپتاستىرىپ، يدەيانى پارتيا ورتالىق كوميتەتىنىڭ رۋحىمەن بىرلىككە كەلتىرىپ، نازاردى پارتيا ورتالىق كوميتەتىنىڭ كەلەلى شەشىمدەرىن، ورنالاستىرۋلارىن دايەكتىلەندىرۋگە، كەزەكتەگى ءتۇرلى قىزمەتتى ويداعىداي ىستەۋگە اۋدارۋ كەرەك.
20 - قۇرىلتاي ۋاكىلدەرىن سايلاۋ قىزمەتىنىڭ مىندەتى اۋىر، جاۋاپكەرشىلىگى كۇشتى، تالابى جوعارى، ءار دارەجەلى پارتيا ۇيىمدارى، ءسوز جوق، پرينسيپكە تاباندى بولىپ، جاۋاپكەرشىلىكتى باتىل ارقالاپ، قىزمەت مىندەتىن وتەپ، جاۋاپكەرشىلىگىن ادا ەتۋى، رولدارىن ساۋلەلەندىرۋى كەرەك. ءارقايسى سايلاۋ ورىندارىنداعى پارتيا ۇيىمدارى ارناۋلى قىزمەت قۇرىلىمدارىن قۇرىپ، پارتياعا ادال، ءادىل، تۋراشىل، كاسىپكە قانىق، ستيلدە شىڭدالعان جولداستاردى تاڭداپ وسى قىزمەتتى جۇكتەۋ كەرەك. پارتكوم (قىزمەت كوميتەتى، پارتيا باسشىلىق گرۋپپاسى) تۇلعالىق جاۋاپكەرشىلىكتى ارقالاپ، نەگىزگى باسشى ءوزى يگەرىپ، ءتارتىپ تەكسەرۋ، باقىلاۋ - تەكسەرۋ ورگاندارى مەن ۇيىمداستىرۋ، ۇگىت سياقتى فۋنكتسيالىق تاراۋلار ءوز قىزمەت مىندەتىن اتقارىپ، تىعىز سايكەسىپ، وسكەلەڭ ساياسي جاۋاپكەرشىلىك سەزىم جانە قاتاڭ دا تىڭعىلىقتى قىزمەت ستيلى ارقىلى وسى كەلەلى مىندەتتى شىن مانىندە ويداعىداي ورىنداۋى كەرەك.
(شينحۋا اگەنتتىگىنىڭ 1 - ايدىڭ 10 - كۇنى بەيجيڭنەن بەرگەن حابارى)
