التاي مەن باسقا جەرلەردەگى قار - مۇز اۋەسكەرلەرى ءوزارا تانىسىپ دوستاستى

　　【قىسقى وليمپيادانى قارسى الۋ، قار - مۇزعا ماحاببات】

　　تيانشان تورى - شينجياڭ گازەتىنىڭ حابارى (ءتىلشى رىن جياڭ، ەرىكتى ءتىلشى ۋ حاييان حابارلايدى). 1 - ايدىڭ 10 - كۇنى، التاي ايماعىنىڭ قارامايلى قالاسىندا، شينجياڭ ءوندىرىس - قۇرىلىس بيڭتۋانى 7 - شىسى حۋياڭحى قالاسىندا وتكىزىلگەن ساياحات تانىستىرۋ قيمىلى اياقتادى، وسىلايشا، التاي ايماعى جىبەرگەن 13 تانىستىرۋ، ۇگىتتەۋ گرۋپپاسى شينجياڭداعى 13 وبلىس (قالا) پەن شينجياڭ ءوندىرىس - قۇرىلىس بيڭتۋاننىڭ 11 - شىسىنداعى (قالا) ساياحات ۇگىتتەۋ، تانىستىرۋ قىزمەتىن ورىنداپ بولدى.

　　التاي ايماقتىق مادەنيەت، دەنە تاربيە، راديو - تەلەۆيزيا جانە ساياحات مەكەمەسىنىڭ باستىعى ليۋ كىچۋان بىلاي دەپ تانىستىردى: ”شينجياڭدىقتار التايعا ساياحاتتاۋ“ قيمىلى 2021 - جىلى 12 - ايدىڭ 22 - كۇنى باستالدى، التاي ايماعى جالپى 13 گرۋپپا جىبەرىپ، شينجياڭنىڭ ءارقايسى جەرىنە جانە بيڭتۋاننىڭ ءارقايسى ساياحات اكىمشىلىك قىزمەت تاراۋىنا، تۇعىرىنا، ساياحات مەكەمەسىنە ماۋسىمدىق قار - مۇز ساياحاتىنا قاتىستى تيىمدىلىك شارالاردى جاريالاپ، ”قار - مۇز دوستىق شەڭبەرىن“ كەڭەيتتى. سونداي - اق 13 وبلىس (قالا) پەن قوسىلا راديودا تىكە تاراتىپ، تانىستىرعان جەردەگى جانە التاي ايماعىنداعى تىڭدارمانداردىڭ ءوزارا اسەرلەستىك جاساپ، پىكىر الماستىرۋىن جۇزەگە اسىردى ءارى راديو باعدارلاماسىن جاڭا اقپارات قۇرالى ونىمدەرىنە اينالدىرىپ دوۋين تۇعىرىندا جاريالادى.