شينحۋا اگەنتتىگىنىڭ 1 - ايدىڭ 12 - كۇنى بەيجيڭنەن بەرگەن حابارى. مەملەكەتتىك كەڭەس جۋىقتا «”14 - بەسجىلدىق“ سيفرلى ەكونوميكانى دامىتۋ جوباسىن» (تومەندە قىسقاشا «جوبا» دەلىنەدى) باسىپ تاراتىپ، ”14 - بەسجىلدىق“ مەزگىلىندە سيفرلى ەكونوميكانىڭ اقاۋسىز دامۋىن ىلگەرىلەتۋدىڭ جەتەكشى يدەياسىن، نەگىزگى پرينسيبىن، دامۋ نىساناسىن، ءتۇيىندى مىندەتتەرىن جانە قامتاماسىز ەتۋ شارالارىن ايقىندادى.
«جوبا» شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتتىڭ ءار رەتكى جالپى ماجىلىستەرىنىڭ رۋحىن جاپپاي دايەكتىلەندىرىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن تولىق، دالمە - ءدال، جالپى بەتتىك دايەكتىلەندىرىپ، جاڭا دامۋ ارناسىن قالىپتاستىرىپ، جوعارى ساپالى دامۋدى ىلگەرىلەتىپ، دامۋ مەن حاۋىپسىزدىكتى ءبىر تۇتاس جوسپارلاپ، ەل ءىشى مەن حالىقارانى ءبىر تۇتاس جوسپارلاپ، ساندى مالىمەتتى شەشۋشى فاكتور ەتىپ، سيفرلى تەحنيكانى ناقتى ەكونوميكامەن تەرەڭ توعىستىرۋدى نەگىزگى جەلى ەتىپ، سيفرلى نەگىزدىك قۇرىلعىلار قۇرىلىسىن كۇشەيتىپ، سيفرلى ەكونوميكا باسقارۋ جۇيەسىن كەمەلدەندىرىپ، سيفرلى كاسىپ سالالاندىرۋ مەن كاسىپ سالاسىن سيفرلاندىرۋدى سايكەستى ىلگەرىلەتىپ، ءداستۇرلى كاسىپ سالالارىنىڭ تيبىن وزگەرتىپ دارەجەسىن جوعارىلاتۋعا قۋات ۇستەپ، جاڭا كاسىپ سالالارىن، جاڭا كاسىپ كۇيلەرىن، جاڭا ۇلگىلەردى جەتىلدىرىپ، ەلىمىزدىڭ سيفرلى ەكونوميكاسىن ۇزدىكسىز كۇشەيتىپ، ساپالىلاندىرىپ، زورايتىپ، سيفرلى جۇڭگو قۇرۋعا پارمەندى تىرەك ازىرلەدى.
«جوبادا» ”جاڭالىق اشۋ ارقىلى جەتەكشىلىك ەتۋ، توعىسپالى دامۋ، قولدانۋ ارقىلى جەتەكتەۋ، ساندى مالىمەت ارقىلى قۋات ۇستەۋ، ءادىل باسەكە، حاۋىپسىز دە ءتارتىپتى بولۋ، جۇيەلى ىلگەرىلەتۋ، سايكەستى، جوعارى ءونىمدى بولۋ“ پرينسيبىنە تاباندى بولۋ ايقىندالدى. 2025 - جىلعا بارعاندا سيفرلى ەكونوميكا وزەكتى كاسىپ سالاسى ارتقان قۇنىنىڭ ىشكى ءوندىرىس جالپى ءونىم قۇنىنداعى ۇستاعان سالىستىرماسى ％10كە جەتىپ، ساندى مالىمەت فاكتورى بازار جۇيەسى العاشقى ادىمدا ورناتىلىپ، كاسىپ سالاسىنىڭ سيفرلانىپ تيبىن وزگەرتۋى تىڭ ساتىعا كوتەرىلىپ، سيفرلى كاسىپ سالالانۋ دەڭگەيى كورنەكتى جوعارىلاپ، سيفرلانعان الەۋمەتتىك قىزمەت وتەۋ اناعۇرلىم جالپىعا ءتيىمدى، بىركەلكى بولىپ، سيفرلى ەكونوميكا باسقارۋ جۇيەسى اناعۇرلىم كەمەلدەنەدى. 2035 - جىلعا كوز جىبەرسەك، ءبىر تۇتاس، ءادىل، باسەكەلى، ءتارتىپتى، تولىسقان، كەمەلدى سيفرلى ەكونوميكا وسى زامانعى بازار جۇيەسىن قالىپتاستىرۋعا كۇش سالىنىپ، سيفرلى ەكونوميكانىڭ دامۋ دەڭگەيى دۇنيە ءجۇزىنىڭ الدىڭعى لەگىنە وتەدى.
«جوبادا» 8 جاقتاعى ءتۇيىندى مىندەت ورنالاستىرىلدى. ءبىرىنشى، سيفرلى نەگىزدىك قۇرىلعىلاردى ساپالىلاندىرىپ دارەجەسىن جوعارىلاتۋ. ينفورماتسيا تورى نەگىزدىك قۇرىلعىلارىن جەدەل قۇرىپ، بۇلت پەن توردىڭ سايكەسۋىن جانە ەسەپتەۋ مەن توردىڭ توعىسا دامۋىن ىلگەرىلەتىپ، نەگىزدىك قۇرىلعىلاردىڭ زەردەلىلىك دەڭگەيىنىڭ ءوسۋىن تارتىپپەن ىلگەرىلەتۋ. ەكىنشى، ساندى مالىمەت فاكتورلارىنىڭ رولىن تولىق ساۋلەلەندىرۋ. جوعارى ساپالى ساندى مالىمەت فاكتورلارىمەن قامداۋدى كۇشەيتىپ، ساندى مالىمەت فاكتورلارىنىڭ بازارلانعان اينالىمىن جەدەلدەتىپ، ساندى مالىمەت فاكتورلارىن اشۋ، پايدالانۋ مەحانيزمىندە جاڭالىق اشۋ. ءۇشىنشى، كاسىپ سالاسىنىڭ سيفرلانىپ تيبىن وزگەرتۋىن كۇش سالا ىلگەرىلەتۋ. كاسىپورىنداردىڭ سيفرلانا تيبىن وزگەرتىپ دارەجەسىن جوعارىلاتۋىن جەدەلدەتىپ، ءتۇيىندى كاسىپ سالالارىنىڭ، كاسىپ سالاسى باقشا رايوندارىنىڭ جانە شوعىر - توپتاردىڭ سيفرلانىپ تيبىن وزگەرتۋىن جالپى بەتتىك تەرەڭدەتىپ، تيبىن وزگەرتۋگە تىرەك بولۋ، قىزمەت وتەۋ ەكولوگياسىن جەتىلدىرۋ. ءتورتىنشى، سيفرلى كاسىپ سالالاندىرۋدى جەدەل ىلگەرىلەتۋ. شەشۋشى تەحنيكادا جاڭالىق اشۋ قابىلەتىن كۇشەيتىپ، جاڭا كاسىپ كۇيلەرىن، جاڭا ۇلگىلەردى جەدەل جەتىلدىرىپ، گۇلدەنگەن، ءتارتىپتى جاڭالىق اشۋ ەكولوگياسىن قالىپتاستىرۋ. بەسىنشى، الەۋمەتتىك قىزمەت وتەۋدىڭ سيفرلانۋ دەڭگەيىن ۇزدىكسىز جوعارىلاتۋ. ”ينتەرنەت + اكىمشىلىك ىستەر قىزمەت وتەۋدىڭ“ ونىمدىلىگىن جوعارىلاتىپ، قوعامدىق قىزمەت وتەۋدىڭ سيفرلانۋىنىڭ جالپىعا ءتيىمدى بولۋ دەڭگەيىن جوعارىلاتىپ، قالا مەن اۋىلدىڭ سيفرلى توعىسا دامۋىن ىلگەرىلەتۋ. التىنشى، سيفرلى ەكونوميكانى باسقارۋ جۇيەسىن اقاۋسىزداندىرۋ جانە كەمەلدەندىرۋ. سايكەستى باسقارۋ مەن باقىلاۋ - باسقارۋ مەحانيزمىن كۇشەيتىپ، ۇكىمەتتىڭ سيفرلى باسقارۋ قابىلەتىن كۇشەيتىپ، كوپ نەگىزدى بىرگە باسقارۋدىڭ جاڭا ارناسىن كەمەلدەندىرۋ. جەتىنشى، سيفرلى ەكونوميكا حاۋىپسىزدىك جۇيەسىن كۇش سالا نىعايتۋ. ينتەرنەت حاۋىپسىزدىگى ساقتانۋ - قورعانۋ قابىلەتىن كۇشەيتىپ، ساندى مالىمەت حاۋىپسىزدىگىن قامتاماسىز ەتۋ دەڭگەيىن جوعارىلاتىپ، ءتۇرلى حاۋىپ - قاتەردەن ءونىمدى ساقتانۋ. سەگىزىنشى، سيفرلى ەكونوميكا حالىقارالىق سەلبەستىگىن ءونىمدى كەڭەيتۋ. ساۋدانىڭ سيفرلى دامۋىن جەدەلدەتىپ، ”سيفرلى جىبەك جولىنىڭ“ ىشكەرىلەي دامۋىن ىلگەرىلەتىپ، تاماشا حالىقارالىق سەلبەستىك ورتاسىن قالىپتاستىرۋ. سەگىز ءىرى مىندەتتى ارقاۋ ەتىپ، «جوبادا» ينفورماتسيا تورى نەگىزدىك قۇرىلعىلارىن ساپالىلاندىرۋ، دارەجەسىن جوعارىلاتۋ قاتارلى 11 ارناۋلى ينجەنەريا ايقىندالدى.
«جوبا» ءبىر تۇتاس جوسپارلاپ سايكەستىرۋدى جانە ۇيىمداستىرىپ اتقارۋدى كۇشەيتۋ، قارجىلاي قولداۋ تەبىنىن ارتتىرۋ، جالپى حالىقتىڭ سيفرلىق ساپاسى مەن شەبەرلىگىن جوعارىلاتۋ، تۇيىندە سىناق ەتۋدەن ۇلگى كورسەتۋ، باقىلاۋ - تەكسەرۋدى، باعالاۋدى كۇشەيتۋ سياقتى جاقتاردان اتقارۋدى قامتاماسىز ەتىپ، نىسانا - مىندەتتەردىڭ ناقتى تياناقتانۋىنا شىنايى كەپىلدىك ەتتى.
