تيانشان تورى
تيانشان تورى   ›   ۇيرەنۋ   ›   شولۋ

قوعامدىق باستى قايشىلىق پەن وزەكتى مىندەتتى دۇرىس يگەرۋ كەرەك

− باس شۋجي شي جينپيڭنىڭ ولكە، مينيسترلىك دارەجەلى نەگىزگى باسشى كادرلاردىڭ ارناۋلى تاقىرىپتىق زەرتتەۋ - تالقى كۋرسىندا سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە

□ حالىق گازەتىنىڭ شولۋشىسى

  باستى قايشىلىقتى جانە وزەكتى مىندەتتى يگەرىپ، جالپى جاعداي قىزمەتىنە جەتەكشىلىك ەتۋ − ماتەرياليستىك ديالەكتيكانىڭ تالابى، سونداي - اق پارتيامىزدىڭ دايەكتى دارىپتەمەسى جانە تاباندى بولىپ كەلە جاتقان ءادىسى. ”وسى رەتكى جالپى ءماجىلىستىڭ قارارى پارتيانىڭ قوعامدىق باستى قايشىلىق پەن وزەكتى مىندەتتى شەبەرلىكپەن يگەرىپ، جالپى جاعداي قىزمەتىنە جەتەكشىلىك ەتكەندىگىنە جالپى بەتتىك تالداۋ جاسادى“. ولكە، مينيسترلىك دارەجەلى نەگىزگى باسشى كادرلاردىڭ پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ ارناۋلى تاقىرىپتىق زەرتتەۋ - تالقى كۋرسىنىڭ ساباق باستاۋ سالتىندا باس شۋجي شي جينپيڭ بىلاي دەپ باسا دارىپتەدى: ”پارتيانىڭ 100 جىلدىق كۇرەس بارىسىندا ەلىمىزدىڭ قوعامدىق باستى قايشىلىعىنا جانە وزەكتى مىندەتىنە زەرتتەۋ جاساعاندىعىنا جانە يگەرگەندىگىنە تالداۋ جاساۋعا جانە قورىتىندىلاۋعا ءمان بەرۋ جالپى ءماجىلىستىڭ قارارىنا سىڭىرىلگەن ماڭىزدى ءبىر مازمۇن، ءبىز، ءسوز جوق، ونى ىشكەرىلەي ۇيرەنۋىمىز، جان - جاقتى ءتۇسىنۋىمىز كەرەك“.

  پارتيانىڭ 100 جىلدىق كۇرەس بارىسىنا قايىرىلا قاراساق، جاڭا دەموكراتيالىق توڭكەرىس كەزەڭىندە پارتيا تاياۋ زامانعى جۇڭگو قوعامىنداعى باستى قايشىلىقتىڭ يمپەرياليزم مەن جۇڭحۋا ۇلتى اراسىنداعى قايشىلىق، فەوداليزم مەن حالىق بۇقاراسى اراسىنداعى قايشىلىق ەكەندىگىن، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدا، ءسوز جوق، يمپەرياليزمگە، فەوداليزمگە قارسى كۇرەس جاساۋ كەرەكتىگىن تەرەڭ تانىپ جەتتى؛ سوتسياليستىك توڭكەرىس جانە قۇرىلىس كەزەڭىندە پارتيا 8 - قۇرىلتايى ەلىمىز سوتسياليستىك وزگەرىس جاساۋدى نەگىزىنەن ورىنداعاننان كەيىنگى جاعدايعا نەگىزدەلىپ، ەل ىشىندەگى باستى قايشىلىقتىڭ ەندىگارى جۇمىسشى تابى مەن بۇرجۋازيا اراسىنداعى قايشىلىق ەمەس، قايتا حالىقتىڭ ەكونوميكا مەن مادەنيەتتىڭ تەز قارقىنمەن دامۋىنا بولعان قاجەتى مەن كەزەكتەگى ەكونوميكا مەن مادەنيەتتىڭ حالىقتىڭ قاجەتىن قاناعاتتاندىرا الماۋى اراسىنداعى قايشىلىق ەكەندىگىن، بۇكىل ەل حالقىنىڭ باستى مىندەتى كۇشتى شوعىرلاندىرىپ قوعامدىق وندىرگىش كۇشتەردى دامىتۋ، مەملەكەتتىڭ ونەركاسىپتەنۋىن جۇزەگە اسىرۋ، حالىقتىڭ كۇن سايىن ارتىپ وتىرعان ماتەريالدىق جانە مادەنيەتتىك قاجەتىن بىرتىندەپ قاناعاتتاندىرۋ ەكەندىگىن العا قويدى؛ رەفورما جاساۋدىڭ، ەسىك اشۋدىڭ جانە سوتسياليستىك وسىزامانداندىرۋ قۇرىلىسىنىڭ جاڭا كەزەڭىندە پارتيا ەلىمىز قوعامىنىڭ باستى قايشىلىعىنىڭ حالىقتىڭ كۇن سايىن ارتىپ وتىرعان ماتەريالدىق، مادەنيەتتىك قاجەتى مەن مەشەۋ قوعامدىق ءوندىرىس اراسىنداعى قايشىلىق ەكەندىگىن، وسى باستى قايشىلىقتى شەشۋ ءبىزدىڭ وزەكتى مىندەتىمىز ەكەندىگىن ايقىنداپ، دوڭگەلەك داۋلەتتى قوعام نىساناسىن ورتاعا قويدى؛ جۇڭگوشا سوتسياليزمنىڭ جاڭا داۋىرىندە پارتيا جاڭا داۋىردەگى ەلىمىز قوعامىنداعى باستى قايشىلىقتىڭ حالىقتىڭ كۇن سايىن ارتىپ وتىرعان تاماشا تۇرمىس قاجەتى مەن دامۋدىڭ بىركەلكى، تولىق بولماۋى اراسىنداعى قايشىلىق ەكەندىگىن، ءسوز جوق، حالىقتى وزەك ەتكەن دامۋ يدەياسىنا تاباندى بولىپ، جالپى بارىستىق حالىق دەموكراتياسىن دامىتىپ، ادامنىڭ جان - جاقتى جەتىلۋىن، جالپى حالىقتىڭ بىرگە بايۋىن ىلگەرىلەتۋدە اناعۇرلىم كورنەكتى ماندىك ىلگەرىلەۋشىلىككە قول جەتكىزۋ كەرەكتىگىن ايقىندادى. پارتيانىڭ 100 جىلدىق كۇرەس بارىسى بىزگە مىنانى ءتۇسىندىردى: پارتيا مەن حالىق ىستەرىنىڭ دۇرىس بەتالىسپەن العا ىلگەرىلەي الۋ - الماۋى ءبىزدىڭ قوعامدىق باستى قايشىلىقتى ءدال تاني جانە يگەرە الۋ - الماۋىمىزعا، وزەكتى مىندەتتى تۇراقتاندىرا الۋ - الماۋىمىزعا بايلانىستى. قوعامدىق باستى قايشىلىق پەن وزەكتى مىندەت قاي كەزدە دۇرىس تۇجىرىمدالعاندا، پارتيا مەن حالىق ىستەرى سوندا ءساتتى داميدى، ويتپەگەندە پارتيا مەن حالىق ىستەرى ساتسىزدىككە ۇشىرايدى.

  پارتيا 19 - قۇرىلتايىنىڭ بايانداماسىندا باس شۋجي شي جينپيڭ: ”جۇڭگوشا سوتسياليزم جاڭا داۋىرگە ءوتتى، ەلىمىز قوعامىنىڭ باستى قايشىلىعى حالىقتىڭ كۇن سايىن ارتىپ وتىرعان تاماشا تۇرمىس قاجەتى مەن دامۋدىڭ بىركەلكى، تولىق بولماۋى اراسىنداعى قايشىلىققا وزگەردى“، - دەپ اتاپ كورسەتتى. وسى ءبىر كەلەلى ساياسي تۇجىرىم ءداۋىر ەرەكشەلىگى مەن ەلىمىز دامۋىنىڭ جاڭا تاريحي بەتالىسىن ءدال يگەرىپ، ەلىمىز قوعامى دامۋىنىڭ وبيەكتيۆتىك ءىس جۇزىندىگىن بەينەلەپ، قازىرگى زامانداعى جۇڭگونىڭ دامۋىنداعى باستى ماسەلەسىنىڭ ءتۇبىرلى كۇش سالۋ ءتۇيىنىن ايقىن كورسەتىپ، ماركسيزمنىڭ قوعامدىق قايشىلىق جونىندەگى ءىلىمىن بايىتتى، دامىتتى. ەلىمىز قوعامىنداعى باستى قايشىلىقتىڭ وزگەرىسى ەلىمىز سوتسياليزمى تۇرعان تاريحي ساتى جونىندەگى تۇجىرىمىمىزدى وزگەرتە الماسادا، الايدا جالپى جاعدايعا ساياتىن تاريحي سيپاتتى وزگەرىس سانالادى. شي جينپيڭ جولداستى ۇيتقى ەتكەن پارتيا ورتالىق كوميتەتى جۇڭحۋا ۇلتىنىڭ ۇلى گۇلدەنۋى ستراتەگيالىق جالپى جاعدايى مەن دۇنيە جۇزىندە 100 جىلدا بولماعان زور وزگەرىستى ءبىر تۇتاس جوسپارلاپ، ەلىمىز قوعامىنداعى باستى قايشىلىقتىڭ وزگەرۋى الا كەلگەن جاڭا ەرەكشەلىكتەردى، جاڭا تالاپتاردى جەتە تانىپ، قىم - قۋىت، كۇردەلى حالىقارالىق ورتا الا كەلگەن جاڭا قايشىلىقتاردى، جاڭا سىن - سايىستاردى جەتە تانىپ، دامۋدى ۇزدىكسىز ىلگەرىلەتۋ نەگىزىندە، دامۋدىڭ بىركەلكى، تولىق بولماۋى ماسەلەسىن كۇش سالا ويداعىداي شەشىپ، دامۋدىڭ ساپاسى مەن ونىمدىلىگىن بارىنشا جوعارىلاتىپ، حالىقتىڭ ەكونوميكا، ساياسي، مادەنيەت، قوعام، ەكولوگيا سياقتى جاقتاردا كۇن سايىن ارتىپ وتىرعان قاجەتىن اناعۇرلىم ويداعىداي قاناعاتتاندىرىپ، ادامنىڭ جان - جاقتى جەتىلۋىن، قوعامنىڭ جاپپاي العا باسۋىن اناعۇرلىم ويداعىداي ىلگەرىلەتتى. اماليات مىنانى تولىق دالەلدەدى: قوعامنىڭ باستى قايشىلىعىن تانۋ − قوعامنىڭ دامۋ كەزەڭىن يگەرۋدىڭ ”كىلتى“، پارتيامىزدىڭ سوتسياليستىك قۇرىلىس زاڭدىلىعىنا ىزدەنىس جاساۋ بارىسىنداعى ەلىمىز قوعامىنىڭ باستى قايشىلىعى جونىندەگى تانىمىنىڭ ءاربىر رەتكى تەرەڭدەۋىنىڭ ءبارى سوتسياليزمنىڭ العاشقى ساتىسى جونىندەگى تانىم ورەسىن جوعارىلاتىپ، پارتيانىڭ لۋشيان، باعىت، ساياساتتارىنىڭ عىلميلىعىنا، دۇرىستىعىنا كەپىلدىك ەتتى.

  باس شۋجي شي جينپيڭ: ”كۇردەلى جاعداي، كۇردەلى قايشىلىق، اۋىر مىندەت الدىندا، باستى مەن باستى ەمەسىن ايىرماساق، پارىقتاماساق، ءبارىن بىردەي يگەرسەك قىزمەتتى جاقسى ىستەي المايمىز“، - دەپ باسا دارىپتەدى. ءارقانداي قىزمەت بارىسىندا ءبىز ءارى ەكى ءتۇيىن نازارياسىن دارىپتەۋىمىز، ءارى ماڭىزدى ءتۇيىن نازارياسىن دارىپتەۋىمىز كەرەك. مىنانى تانىپ جەتۋىمىز كەرەك: قايشىلىق جالپىلىق ساقتالادى، قايشىلىق − ىستەر بايلانىسىنىڭ ماندىك مازمۇنى مەن ىستەر دامۋىنىڭ ءتۇبىرلى قوزعاۋشى كۇشى، ادامنىڭ تانىم قيمىلى مەن اماليات قيمىلى، تۇبىرىنەن ايتقاندا، ۇزدىكسىز قايشىلىقتى تانۋ، ۇزدىكسىز قايشىلىقتى شەشۋ بارىسى بولىپ تابىلادى. تاعى مىنانى تانىپ جەتۋىمىز كەرەك: قوعامنىڭ باستى قايشىلىعى − ءتۇرلى قوعامدىق قايشىلىقتاردىڭ باستى قاينارى جانە شوعىرلى بەينەلەنۋى، قوعامدىق قايشىلىق قيمىلى بارىسىندا جەتەكشى ورىندا تۇرادى. بەلسەندى تۇردە قايشلىققا بەتپە - بەت كەلۋ، قايشىلىقتى شەشۋدە، ءسوز جوق، باستى قايشىلىق پەن قوسالقى قايشىلىقتىڭ، قايشىلىقتىڭ باستى جاعى مەن قوسالقى جاعىنىڭ بايلانىسىن ويداعىداي يگەرۋگە كوڭىل ءبولۋ كەرەك. بىزدە جالپى جاعداي كوزقاراسى بولۋى ءتيىس، ءتۇرلى قايشىلىقتاردى قانىق ءبىلۋىمىز، سونىمەن بىرگە باستى قايشىلىق پەن وزەكتى مىندەتتى مىقتاپ ارقاۋ ەتىپ، باستى قايشىلىق پەن قايشىلىقتىڭ باستى جاعىن الدىمەن شەشىپ، وسى ارقىلى باسقا قايشىلىقتاردىڭ شەشىلۋىن جەبەۋىمىز، تۇتاس تۇلعالى ىلگەرىلەتۋ بارىسىندا تۇيىننەن قامال الىپ، تۇيىننەن قامال الۋ ارقىلى ەكونوميكالىق، قوعامدىق دامۋ ورەسىنىڭ تۇتاس تۇلعالىق جوعارىلاۋىن جەبەپ، جاپپاي سوتسياليستىك وسىزاماندانعان قۇدىرەتتى مەملەكەت قۇرىپ شىعۋداي كۇرەس نىساناسىنا قاراي ۇزدىكسىز ىلگەرىلەۋىمىز كەرەك.

  بۇگىنگى تاڭدا ءبىز جۇڭحۋا ۇلتىنىڭ ۇلى گۇلدەنۋى نىساناسىنا تاريحتاعى ءارقانداي كەزدەگىدەن دە جاقىنداي تۇستىك، بۇل نىسانانى جۇزەگە اسىرۋعا تاريحتاعى ءارقانداي كەزدەگىدەن دە سەنىمىمىز كامىل جانە قابىلەتىمىز دە قاپتال جەتەدى، سونىمەن بىرگە بۇكىل پارتيا مىنانى دا سەرگەكتىكپەن تاني ءبىلۋى كەرەك: جۇڭحۋا ۇلتىنىڭ ۇلى گۇلدەنۋى استە جەڭىل - جەلپى، قۇر ايعاي - سۇرەنمەن جۇزەگە اسا سالاتىن ءىس ەمەس، وعان ءارقاشان كۇدىر - بوگەتسىز، قىسقا ۋاقىتتا قول جەتكىزە سالۋ دا استە مۇمكىن ەمەس، ەلىمىز ءالى دە سوتسياليزمنىڭ العاشقى ساتىسىندا تۇر ءارى ۇزاق ۋاقىت تۇرادى، ەلىمىز ءالى دە دۇنيە جۇزىندەگى ەڭ ۇلكەن وركەندەپ كەلە جاتقان ەل. بۇكىل پارتيا سوتسياليزمنىڭ العاشقى ساتىسى سىندى وسى نەگىزگى مەملەكەت جاعدايىن بەرىك يگەرىپ، سوتسياليزمنىڭ العاشقى ساتىسى سىندى ەڭ ۇلكەن ءىس جۇزىندىكتى بەرىك تياناق ەتىپ، پارتيا مەن مەملەكەتتىڭ جان تامىرى، حالىقتىڭ باقىت ارقاۋى بولعان پارتيانىڭ نەگىزگى لۋشيانىنا بەرىك تاباندى بولىپ، ەلىمىز قوعامىنىڭ باستى قايشىلىعىنىڭ جاڭا وزگەرىسىن عىلمي يگەرىپ، مۇرات - سەنىمدى بەكەمدەپ، اۋەلگى ماقساتتى، بورىشتى ەستە بەرىك ساقتاپ، باستان - اياق كىشى پەيىل، بايسالدى بولىپ، داندايسىماي، ۇشقالاقتىققا سالىنباي، قاجىرلىلىقپەن كۇرەس جۇرگىزىپ، جاپپاي سوتسياليستىك وسىزاماندانعان مەملەكەت قۇرۋدىڭ تىڭ جەڭىسىنە قايراتتانا قول جەتكىزىپ، پارتيانىڭ قالاۋىنان شىعاتىن، حالىقتىڭ قالاۋىنان شىعاتىن، ءداۋىردىڭ قالاۋىنان شىعاتىن جاڭا ناتيجە جاراتۋىمىز كەرەك!

  (شينحۋا اگەنتتىگىنىڭ 1 - ايدىڭ 13 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.