تيانشان تورى
تيانشان تورى   ›   جاڭالىقتار   ›   شينجياڭ حابارلارى

وڭتۇستىك شينجياڭداعى تۇڭعىش توپتاعى شەكارا اتتاعان ەلەكتروندى ساۋدا شەتەل قامباسى زاتتارى شەكارادان شىعارىلدى

  انار بۇلت / شينجياڭ گازەتىنىڭ ءتىلشىسى چىن چياڭۋي 1 - ايدىڭ 13 - كۇنى ۇرىمجىدەن حابارلايدى. ءتىلشىنىڭ ءۇرىمجى كەدەنىنەن ۇعىسۋىنشا، 1 - ايدىڭ 12 - كۇنى ءبىر توپ 46 مىڭ دانا شەتەل قامباسى ەكسپورت تاۋارلارى تورعات شەكارا وتكەلىنەن شەكارادان شىعارىلىپ، ۆەنگريانىڭ بۋداپەشت شەتەل قامباسىنا جىبەرىلىپ، كەدەن جۇمىستارىن ءبىتىرۋ مەن جەتكىزۋدى اياقتايدى ەكەن. بۇل وڭتۇستىك شينجياڭنىڭ تۇڭعىش توپتا شەكارا اتتاعان ەلەكتروندى ساۋدا ەكسپورتى شەتەل قامباسى (كەدەندىك باقىلاۋ - باسقارۋ كودى 9810) ۇلگىسىمەن ەكسپورت ەتۋگە ءوتىنىش ەتكەن شەكارا اتتاعان ەلەكتروندى ساۋدا زاتتارى بولىپ تابىلادى.

  بۇل توپتاعى زاتتاردىڭ بارلىعى جۇڭگو ەلەكتروندى ساۋدا ساتۋشىلارىنىڭ حالىقارالىق ەلەكتروندى ساۋدا تۇعىرى ارقىلى ەۆروپاعا ساتقان تاۋارلارى، جالپى قۇنى ءبىر ميلليون 500 يۋان، كيىم - كەشەك جانە اشەكەي بۇيىمدار، ويىنشىق، مەرەكەلىك اشەكەي بۇيىمدار، شاعىن ءۇي ەلەكتر جابدىقتارى سياقتى تاۋارلاردى قامتيدى. 1 - ايدىڭ 11 - كۇنى وسى توپتاعى تاۋارلار قاشقار كەشەندى قورعامالى باجى اۋماعىنان كەدەنگە مالىمدەنىپ، جونەلتىلدى.

  قاشقارداعى بەلگىلى ساۋدا سەرىكتەستىگىنىڭ ورىنباسار باس ديرەكتورى چىن زىحاۋ مىنانى ءبىلدىردى: وسى توپتاعى زاتتار مەجەمەن 15 كۇن اينالاسىندا بۋداپەشتكە جەتەدى. سەرىكتەستىك انگليا، بەلگيا، وزبەكستان سياقتى ەۆروپا جانە ورتا ازيا ەلدەرىنىڭ شەكارا اتتاعان ەلەكتروندى ساۋدا كاسىبىن كەڭەيتۋگە قۇلشىنۋدا، بيىل ءبىر ميلليارد يۋان اينالاسىنداعى شەكارا اتتاعان ەلەكتروندى ساۋدا ەكسپورت تاۋارلارىن جونەلتۋدى جوسپارلاپ وتىر.

  2021 - جىلى 2 - ايدىڭ 26 - كۇنى وڭتۇستىك شينجياڭداعى تۇڭعىش شەكارا اتتاعان ەلەكتروندى ساۋدا كاسىبى قاشقار كەشەندى قورعامالى باجى اۋماعىندا ءساتتى ءوتىنىش ەتىلگەننەن بەرى، قاشقار كەشەندى قورعامالى باجى اۋماعى شەكارا اتتاعان ەلەكتروندى ساۋدا بويىنشا بولشەك ساتىپ ەكسپورتتاۋ (9610)، شەكارا اتتاعان ەلەكتروندى ساۋدا بويىنشا قورعامالى باجى ەكسپورتتاۋ (1210)، شەكارا اتتاعان ەلەكتروندى ساۋدا كاسىپورىندارىنىڭ كاسىپورىندارعا ەكسپورتتاۋى (9710) جانە شەكارا اتتاعان ەلەكتروندى ساۋدا ەكسپورتى شەتەل قامباسى (9810) سياقتى 4 ءتۇرلى شەكارا اتتاعان ەلەكتروندى ساۋدا ەكسپورت ۇلگىسىن تياناقتاندىردى.

  قاشقار كەدەنى زات اينالىمى باقىلاۋ - تىزگىندەۋ باسقارماسى باقىلاۋ - باسقارۋ 1 - ءبولىمىنىڭ باستىعى لي ياڭ مىنانى ءبىلدىردى: زاتتاردىڭ كەدەننەن ءساتتى ءوتۋىن قامتاماسىز ەتۋ ءۇشىن، قاشقار كەدەنى ىرىقتىلىقپەن كاسىپورىندارعا شەكارا اتتاعان ەلەكتروندى ساۋدا شەتەل قامباسى ۇلگىسى ساياساتىن ءتۇسىندىرىپ، كاسىپ تىرەكتىلەرىن ورنالاستىرىپ، كاسىپورىنداردىڭ ءوتىنىش ەتۋ فاكتورلارى بويىنشا العاش رەتكى ءوتىنىش ەتۋىنە ”بىرگە ءبىر“ بويىنشا جەتەكشىلىك ەتىپ، كەدەن قىزمەتكەرلەرىن كاسىپ ءبىتىرۋ جۇمىس باسىنان 24 ساعات بويى تاپجىلماۋعا ورنالاستىرىپ، كاسىپورىندارعا بارلىق جاعدايدا بىردەي قىزمەت وتەپ، ءوتىنىش ەتۋ، تەكسەرۋ، جىبەرۋ سياقتى كاسىپ بۋىندارىنىڭ جىمداسا تۇيىلىسۋىنە شىنايى كەپىلدىك ەتتى. قاشقار كەدەنى شەكارا اتتاعان ەلەكتروندى ساۋدا كاسىپ سالاسىنىڭ دامۋىن ۇزدىكسىز قاداعالاپ، اناعۇرلىم كوپ ساپالى ەلەكتروندى ساۋدا كاسىپورىندارىن قاشقار كەشەندى قورعامالى باجى اۋماعىنا ىرگە تەۋىپ، كاسىپ اشۋعا باۋراپ، شەكارا اتتاعان ەلەكتروندى ساۋداعا سايكەستى ءتۇرلى ساياساتتار مەن جاڭا ساياساتتاردىڭ تياناقتانۋىن جەدەلدەتىپ، قاشقاردىڭ اشىق ەكونوميكالىق دامۋ كومەسكى كۇشىن تولىق قاۋلاتادى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.