− ولكە، مينيسترلىك دارەجەلى نەگىزگى باسشى كادرلاردىڭ پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ ارناۋلى تاقىرىپتىق زەرتتەۋ - تالقى كۋرسى جونىندە ەستەلىك
شينحۋا اگەنتتىگىنىڭ ءتىلشىسى ۋاڭ چي، حالىق گازەتىنىڭ ءتىلشىسى كۋاڭ شيشي
جاڭا جىل باستالىپ، بار الەم جاڭاردى. بەيجيڭنىڭ باتىس قالا ماڭىنداعى ورتالىق پارتيا مەكتەبىنىڭ مەكتەپ اۋلاسىنا كىرسەڭىز، بارلىق جەردەن ۇيرەنۋ، ويلانۋ، ىزدەنۋ ورلەۋىن اڭعاراسىز.
1 - ايدىڭ 11 - كۇنىنەن 14 - كۇنىنە دەيىن ولكە، مينيسترلىك دارەجەلى نەگىزگى باسشى كادرلاردىڭ پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ ارناۋلى تاقىرىپتىق زەرتتەۋ - تالقى كۋرسى ورتالىق پارتيا مەكتەبىندە وتكىزىلدى. باس شۋجي شي جينپيڭ ساباق باستاۋ سالتىندا ماڭىزدى ءسوز سويلەپ، ماركسيزمنىڭ جۇڭگوشالانۋىن، زامانالانۋىن ىلگەرىلەتۋ، قوعامنىڭ باستى قايشىلىعى مەن وزەكتى مىندەتىن دۇرىس يگەرۋ، ستراتەگيالىق، تاكتيكالىق ماسەلەگە ءمان بەرۋ، پارتيانىڭ ماركسيزمدىك ساياسي پارتيا قاسيەتىن ماڭگى ساقتاۋ، پارتيا تاريحىن ۇيرەنۋ تاربيەسىن ۇدايىلاندىرۋ، ۇزاق ونىمدىلىككە يە ەتۋ سياقتى 5 ماسەلەنى ىشكەرىلەي بايىمداپ، پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ قارارىن ىشكەرىلەي زەرتتەپ وقىپ جانە ءتۇسىنىپ، پارتيانىڭ 100 جىلدىق كۇرەسىنىڭ تاريحي تاجىريبەلەرىن اناعۇرلىم ويداعىداي يگەرىپ جانە قولدانىپ، پارتيا قۇرۋ ۇلى رۋحىن اسقاقتاتىپ، پارتيانىڭ ەكىنشى 100 جىلدىق كۇرەس نىساناسىن جۇزەگە اسىرۋ جولىندا قاجىماي - تالماي قۇلشىنۋ كەرەكتىگىن باسا دارىپتەدى.
حۇجاتتى مۇقيات زەر سالا وقىپ، ىشكەرىلەي ۇيرەنىپ، وي جۇگىرتىپ، سوزگە شىعۋعا دەن قويا دايىندالدى ... 4 كۇندىك ۋاقىتتا ءارقايسى ولكە، اۆتونوميالى رايون، توتە قاراستى قالالاردان جانە شينجياڭ ءوندىرىس - قۇرىلىس بيڭتۋانىنان، ورتالىق پەن مەملەكەت ورگاندارىنىڭ قاتىستى تاراۋلارىنان، قاتىستى حالىقتىق ۇيىمداردان، ارميانىڭ ءارقايسى ءىرى ورىندارىنان، ورتالىق اسكەري ىستەر كوميتەتى ورگانىنىڭ ءارقايسى تاراۋلارىنان كەلگەن كۋرسانتتار باس شۋجي شي جينپيڭنىڭ ماڭىزدى ءسوزىن تىعىز ارقاۋ ەتىپ زەرتتەۋ - تالقى ورىستەتتى. مەكتەپ اۋلاسىندا سەيىلدەي ءجۇرىپ پىكىر اۋىستىرۋ ۇنەمى كەزدەستى؛ بولمەلەردىڭ شامدارى ۇنەمى ءتۇن ورتاسىنا دەيىن جانىپ تۇردى.
ىشكەرىلەي ۇيرەنۋ ارقىلى كۋرسانتتار ءبىر اۋىزدان بىلاي دەپ قارادى: باس شۋجي شي جينپيڭنىڭ ماڭىزدى ءسوزى تەرەڭ تاريحي ماڭىزعا جانە وتە كۇشتى رەال جەتەكشىلىككە باي، بۇكىل پارتيانىڭ ”ءتورت تانىمدى“ كۇشەيتۋى، ”ءتورت سەنىمدى“ بەكەمدەۋى، ”ەكىنى قورعاۋدى“ ورىنداۋى جونىنەن ايرىقشا كەلەلى ماڭىزعا يە، بۇكىل پارتيانى جاڭا داۋىردەگى جاڭا جورىقتا اناعۇرلىم ۇلى جەڭىس پەن داڭققا قول جەتكىزۋگە باستايتىندىعى داۋسىز.
”ەكىنى تۇراقتاندىرۋدىڭ“ شەشۋشى ماڭىزىن ىشكەرىلەي تانۋ − 100 جىلدىق پارتيا تاريحىنداعى باعالى تاجىريبە - تولعانىستاردى ۇعىنۋ
2022 - جىل، پارتيانىڭ 20 - قۇرىلتايى اشىلاتىن جىل، ”14 - بەسجىلدىق“ مەزگىلىنىڭ شەشۋشى جىلى. جاقسى باستاما اشۋدىڭ، جاقسى قادام تاستاۋدىڭ ەلەۋلى ماڭىزعا يە ەكەنى انىق.
ماڭىزدى بۋىنداردى يگەرۋ ارقىلى قوسالقى بۋىنداردى جەتەكتەۋگە بولادى، ارقاۋ ءتۇزۋ تارتىلسا وزگەسى وڭاي وڭالادى.
”شەشۋشى ازشىلىققا“ بەتپە - بەت ۇيرەتىپ، ”شەشۋشى ءبىر ساباقتى“ جاقسىلاپ ءوتتى. كۋرسانتتار جاپپاي باس شۋجي شي جينپيڭنىڭ ءوزى وتكەن جاڭا جىلداعى ءبىرىنشى ۇلكەن ساباقتىڭ يدەيالىق ءمانى توتەنشە مايەكتى ەكەندىگىن، تىڭداعان سوڭ ايرىقشا سۋسىنداپ قالعاندارىن سەزىندى.
زەرتتەۋ تالقى كۋرسىنىڭ كۋرسانتى، سۋ يگىلىگى مينيسترلىگىنىڭ مينيسترى لي گويىڭ بىلاي دەدى: ”باس شۋجي شي جينپيڭنىڭ ماڭىزدى ءسوزى جالپى ءماجىلىس قارارىنىڭ رۋحىن ىشكەرىلەي زەر سالا وقۋ مەن ۇعىنۋداعى بەتپە - بەت پىسىقتاۋ؛ جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىن باستاۋدى نەگىزگى تاقىرىپ ەتكەن جاندى پارتيا ساباعى؛ باس شۋجي جاريالاعان پارتيانىڭ 100 جىلدىق كۇرەسىنىڭ تاريحي تاجىريبەلەرىن اناعۇرلىم ويداعىداي يگەرىپ جانە قولدانىپ، پارتيا قۇرۋ ۇلى رۋحىن اسقاقتاتىپ، سەنىمدى بەكەمدەپ، ەرلىكپەن العا تارتىپ، ەكىنشى 100 جىلدىق كۇرەس نىساناسىن جۇزەگە اسىرۋ ءۇشىن قاجىماي - تالماي كۇرەس جاساۋعا جۇمىلدىرۋ ۇندەۋى“.
قايدان كەلگەنىڭدى بىلسەڭ عانا، قايدا باراتىنىڭ ءمالىم بولادى.
ەندى عانا وتكەن 2021 - جىلعا قايىرىلا قارايىق، بۇل پارتيا مەن مەملەكەت تاريحىنداعى بەلەستىك ماڭىزعا يە ءبىر جىل −
جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى سالتاناتپەن تويلاندى، پارتيا 19 - كەزەكتى ورتالىق كوميتەتىنىڭ التىنشى جالپى ءماجىلىسى جەڭىسپەن اشىلىپ، پارتيانىڭ ءۇشىنشى تاريحي قارارى جاسالدى، پارتيا تاريحىن ۇيرەنۋ تاربيەسى ورىستەتىلدى، كەدەيلىكتەن ارىلتۋدان قامال الۋ شايقاسىنىڭ جەڭىسىنە ۋاعىندا قول جەتكىزىلدى، جاپپاي دوڭگەلەك داۋلەتتى قوعام ۋاعىندا قۇرىلىپ، ءبىرىنشى 100 جىلدىق كۇرەس نىساناسى جۇزەگە اسىرىلدى، جاپپاي سوتسياليستىك وسىزاماندانعان مەملەكەت قۇرۋدىڭ، ەكىنشى 100 جىلدىق كۇرەس نىساناسىنا قاراي شەرۋ تارتۋدىڭ جاڭا جورىعى باستالدى...
ونان ارى، پارتيا 18 - قۇرىلتايىنان بەرگى شۇعىلالى بارىسقا قايىرىلا قاراساق، شي جينپيڭ جولداستى ۇيتقى ەتكەن پارتيا ورتالىق كوميتەتى ۇلى تاريحي ىرىقتىلىق رۋحىمەن، وراسان زور ساياسي باتىلدىقپەن، كۇشتى جاۋاپكەرشىلىك ارقالاۋمەن، ءبىر قىدىرۋ ەلەۋلى حاۋىپ - قاتەر، سىن - سايىستاردى جەڭىپ، ۇزاق ۋاقىتتان بەرى شەشۋدى ويلاساق تا شەشە الماي كەلگەن كوپتەگەن قيىن ماسەلەلەردى شەشىپ، بۇرىن ىستەۋدى ويعا الساق تا ىستەي الماي كەلگەن كوپتەگەن ءىرى ىستەردى ىستەپ، پارتيا مەن مەملەكەت ىستەرىندە تاريحي تابىستارعا قول جەتكىزۋدى، تاريحي وزگەرىس تۋدىرۋدى ىلگەرىلەتتى.
كۋرسانتتار زەرتتەۋ - تالقى بارىسىندا ءبىر اۋىزدان بىلاي دەپ قارادى: جاڭا داۋىردەگى ۇلى تابىس شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنان كەلگەن، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ شۇعىلالى جەتەكشىلىگىنەن كەلگەن، پارتيا شي جينپيڭ جولداستىڭ پارتيا ورتالىق كوميتەتىندەگى ۇيتقىلىق، بۇكىل پارتياداعى ۇيتقىلىق ورنىن تۇراقتاندىردى، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىك ورنىن تۇراقتاندىردى، بۇل جالپى ءماجىلىستىڭ كەلەلى ساياسي ۇلەسى، بۇكىل پارتيانىڭ، بۇكىل ارميانىڭ، بۇكىل ەلدەگى ءار ۇلت حالقىنىڭ ورتاق تىلەگىن بەينەلەدى، تاريحتىڭ، حالىقتىڭ، ءداۋىردىڭ تاڭداۋى.
زەرتتەۋ تالقى كۋرسىنىڭ كۋرسانتى، گۇيجوۋ ولكەسىنىڭ ولكە باستىعى لي بيڭجۇن بىلاي دەدى: ”پارتيا 18 - قۇرىلتايىنان بەرگى 9 جىلدان استام ۋاقىت − گۇيجوۋ تاريحىنداعى دامۋى ەڭ جاقسى مەزگىل بولدى. گۇيجوۋ مىڭداعان جىلدان بەرگى مۇلدە كەدەيلىك بەلگىسىن تۇبەگەيلى جۇلىپ تاستاپ، جالپى قۋاتى تاريحي قارىشتاۋدى جۇزەگە اسىرىپ، ەكونوميكاسى، قوعامى جىلدام دامىپ، نەگىزدىك قۇرىلعى قۇرىلىستارى كورنەكتى ناتيجەگە قول جەتكىزىپ، ەكولوگيالىق وركەنيەت قۇرىلىسى ەلەۋلى جەتىستىككە قول جەتكىزىپ، كادر - بۇقارانىڭ رۋحاني بەت - بەينەسى ءبىر جولاتا جاڭاردى. وسى ۇلى تابىستار بىزگە ’ەكىنى قورعاۋدىڭ‘ ەڭ ۇلكەن ساياسي، ەڭ ۇلكەن كەلەلى جاعداي ەكەندىگىن تەرەڭ سەزىندىردى“.
زەرتتەۋ تالقى كۋرسىنىڭ كۋرسانتى، ورتالىق قازىنا - ەكونوميكا كوميتەتى كەڭسەسىنىڭ كۇندەلىكتى قىزمەتكە جاۋاپتى ورىنباسار مەڭگەرۋشىسى حان ۋىنشيۋ بىلاي دەدى: ”’ەكىنى تۇراقتاندىرۋ‘ شەشۋشى ماڭىزعا يە. ەگەر جاڭا ءداۋىر جۇڭگوشا سوتسياليزم ىستەرىن ىلگەرىلەتۋدى ايبىندى سيمفونيا ورىنداۋ دەسەك، وندا دريجەر پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى بولعان باس شۋجي شي جينپيڭ؛ مۋزيكا نوتاسى تەك بىرەۋ عانا، ول شي جينپيڭ جاڭا ءداۋىر جۇڭگوشا سوتسياليزم يدەياسى. كوپشىلىك ءبىر تۇتاس دريجەرلىككە قۇلاق اسىپ، ءبىرىڭعاي نوتا بويىنشا ءبىر نيەتپەن سەلبەسسە، اسقاق تا ايبىندى، توتەنشە ادەمى ۇلى كۇي تاراۋىن شارىقتاتا الادى.
قازىرگى زامانعى جۇڭگو ادامزات تاريحىنداعى ەڭ ۇلى ءارى وزگەشە امالياتتىق جاسامپازدىقتى باستان كەشىرۋدە، قايتكەندە ءداۋىر اعىسىندا جۇڭگو سۇراۋىنا، دۇنيە سۇراۋىنا، حالىق سۇراۋىنا، ءداۋىر سۇراۋىنا ويداعىداي جاۋاپ بەرۋگە بولادى؟ قايتكەندە ماركسيزمنىڭ جۇڭگوشالانۋىن، زامانالانۋىن ماڭگى توقتاۋسىز ىلگەرىلەتۋگە بولادى؟
باس شۋجي شي جينپيڭ ماڭىزدى سوزىندە بۇعان ىشكەرىلەي جاۋاپ بەردى: ”يدەيانى ازات ەتۋگە، شىندىقتى ءىس جۇزىنەن ىزدەۋگە، تۋراشىلدىقتان اينىماي، جاڭالىق اشۋعا تاباندى بولىپ، ماركسيزمگە تاباندى بولۋ مەن ماركسيزمدى دامىتۋدى اناعۇرلىم جاقسى بىرلىككە كەلتىرىپ، ماركسيزم ’جەبەسى‘ ارقىلى جاڭا داۋىردەگى جۇڭگو سىندى ’نىسانانى‘ كوزدەۋ كەرەك“.
زەرتتەۋ - تالقى كۋرسىنىڭ كۋرسانتى، ورتالىق اسكەري ىستەر كوميتەتى ستراتەگيالىق جوبا كەڭسەسىنىڭ شاۋجياڭ مەڭگەرۋشىسى شىن فاڭۋ بىلاي دەدى: ”پارتيامىز ەجەلدەن نازاريالىق ويلاۋعا شەبەر ساياسي پارتيا، ماۋ زىدۇڭنىڭ اسكەري ىستەر يدەياسى، شي جينپيڭنىڭ ارميانى قۇدىرەتتەندىرۋ يدەياسى تۇگەلدەي داۋىرمەن بىرگە ىلگەرىلەپ، جاسامپازدىقپەن دامۋدىڭ جەتىستىگى. نازاريالىق جاسامپازدىق، يدەيالىق جاسامپازدىق − پارتيامىزدىڭ 100 جىلدان بەرى ەل ءىشى - سىرتىنداعى جاۋ اتاۋلىنى جەڭۋدەگى، قيىندىق، حاۋىپ - بوگەت اتاۋلىنى جەڭۋدەگى قۇدىرەتتى قارۋى. پارتيانىڭ كادرى رەتىندە، يدەيالىق جاقتا قاتىپ - سەمۋگە بولمايدى، ەسكى جوسىننان وزباۋعا بولمايدى، ءوزىن - ءوزى تۇساۋعا بولمايدى، ءتوراعا شي جينپيڭنىڭ تالابى بويىنشا، ماركسيزمنىڭ نەگىزگى قاعيدالارىنىڭ جۇڭگونىڭ ناقتى امالياتىمەن ۇشتاسۋىن، جۇڭحۋانىڭ تاڭداۋلى ءداستۇرلى مادەنيەتىمەن ۇشتاسۋىن ۇزدىكسىز ىلگەرىلەتىپ، ماركسيزمنىڭ جۇڭگوشالانۋىنىڭ، زامانالانۋىنىڭ جاڭا تاراۋىن ۇزدىكسىز جازۋ كەرەك“.
مىعىم قابىلەتتى ۇزدىكسىز شىڭداۋ − وزەكتى مىندەتتى ارقاۋ ەتىپ، ستراتەگيالىق ىرىقتىلىقتى مەڭگەرۋ
جاڭا ءداۋىردىڭ جول باستاۋشىسى ءارى جاڭا يدەيانىڭ جەتەكشىسى.
پارتيا 19 - قۇرىلتايى بايانداماسىندا باس شۋجي شي جينپيڭ ۇلكەن اۋقىمدى انىق اڭعارىپ، جۇڭگوشا سوتسياليزمنىڭ جاڭا داۋىرگە وتكەندىگىن، ەلىمىز قوعامىنىڭ باستى قايشىلىعىنىڭ حالىقتىڭ كۇن سايىن ارتىپ وتىرعان تاماشا تۇرمىسقا دەگەن قاجەتى مەن دامۋدىڭ بىركەلكى، تولىق بولماۋى اراسىنداعى قايشىلىققا وزگەرگەندىگىن ايقىندادى. 2 ايدىڭ الدىندا پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ قارارى پارتيانىڭ قوعامدىق باستى قايشىلىق پەن وزەكتى مىندەتتى شەبەرلىكپەن يگەرىپ، جالپى جاعداي قىزمەتىن جەتەكتەگەندىگىنە جالپى بەتتىك تالداۋ جاسادى.
وسى رەتكى ارناۋلى تاقىرىپتاعى زەرتتەۋ - تالقى كۋرسىندا باس شۋجي شي جينپيڭ مىنانى ىشكەرىلەي اتاپ كورسەتتى: ”پارتيا مەن حالىق ىستەرىنىڭ دۇرىس باعدارمەن العا ىلگەرىلەي الۋ - الماۋى ءبىزدىڭ قوعامدىق باستى قايشىلىقتى ءدال تاني جانە يگەرە الۋ - الماۋىمىزعا، وزەكتى مىندەتتى تۇراقتاندىرا الۋ - الماۋىمىزعا بايلانىستى. قوعامدىق باستى قايشىلىق پەن وزەكتى مىندەت قاي كەزدە دۇرىس تۇجىرىمدالعاندا، پارتيا مەن حالىق ىستەرى ءساتتى داميدى، ويتپەگەندە پارتيا مەن حالىق ىستەرى ساتسىزدىككە ۇشىرايدى“.
جوبا - جوسپار جاسالىپ، نەشە مىڭ شاقىرىم شالعايدا جەڭىس مەن مۇندالاۋدا.
كۇردەلى جاعداي بارىسىندا باستى قايشىلىققا تۇجىرىم جاساپ، جالپى تۇلعالىق ىلگەرىلەتۋ بارىسىندا ماڭىزدى تۇيىندە سەرپىلىس جاساۋدى جۇزەگە اسىردى. كۋرسانتتار مۇنان اقيقاتتىڭ ءدامىن تاتىپ، فيلوسوفيانىڭ پاراساتىن ۇعىندى.
زەرتتەۋ تالقى كۋرسىنىڭ كۋرسانتى، حيلۇڭجياڭ ولكەلىك پارتكومنىڭ شۋجيى شۇي چين بىلاي دەدى: ”باس شۋجي شي جينپيڭنىڭ ماڭىزدى ءسوزى ەلىمىز قوعامىنىڭ باستى قايشىلىعىمەن جانە وزەكتى مىندەتپەن تىعىز بايلانىستىرىپ، حالىقتى وزەك ەتكەن دامۋ يدەياسىنا تاباندى بولىپ، قوعامدىق قايشىلىقتىڭ ارەكەت زاڭدىلىعىن يگەرىپ، تەوريالىق تانىم نازارياسىمەن جانە امالياتتىق ءادىس نازارياسىمەن جوعارى ساپالى جاپپاي دامۋدى ىلگەرىلەتۋگە، ورتاق بايۋدى جۇزەگە اسىرۋعا جول نۇسقادى، ول ارەكەتىمىزدىڭ عىلمي باعدارناماسى. جاڭا ماڭىزدى وتكەلدە تۇرعان حيلۇڭجياڭ ساياسي دەڭگەيگە تاباندى بولىپ، يدەيالىق كوزقاراسقا بۇرىلىس جاساۋدى، دامۋ ءتاسىلىنىڭ تيىبىن وزگەرتۋدى، ارتۋدىڭ قوزعاۋشى كۇشىن كادەگە جاراتۋدى زور كۇشپەن ىلگەرىلەتىپ، سەنىمدى بەكەمدەپ، جىگەردى سەرپىلتىپ، ىشكى قوزعاۋشى كۇشتى قاۋلاتىپ، حيلۇڭجياڭنىڭ جاپپاي گۇلدەنۋىن، جان - جاقتىلى گۇلدەنۋىن قايراتتانا ىلگەرىلەتىپ، مەملەكەتتىڭ استىق حاۋىپسىزدىگىن باتىل قورعاپ، وتانىمىزدىڭ ’سولتۇستىك قاقپاسىن‘ جاقسى قورعايدى، بۇل باستى قايشىلىقتى يگەرۋدىڭ تابيعي تالعامى“.
پارتيا مەن حالىق قاجىرلىلىقپەن شارۋاشىلىق قۇرىپ، 100 جىل كۇرەس جاساپ، جۇڭحۋا ۇلتىنىڭ مىڭداعان جىلدىق تاريحىنداعى ەڭ ايبىندى داستاندى جازدى.
مۇنىڭ ”قۇپياسىنا“ تالداۋ جاساعان باس شۋجي شي جينپيڭ بىلاي دەپ ىشكەرىلەي جاۋاپ بەردى: ”100 جىلدان بەرى، پارتيا قاشاندا ەلەۋلى تاريحي كەزەڭدەردە ءدوپ كەلگەن ەلەۋلى تاريحي تاقىرىپتاردى ستراتەگيالىق جاقتان تانىپ، وعان تالداۋ جۇرگىزىپ، تۇجىرىم جاساپ، دۇرىس ساياسي ستراتەگيالىق تاكتيكا بەلگىلەدى، بۇل پارتيانىڭ سان - ساناقسىز حاۋىپ - قاتەرلەردى، سىن - سايىستاردى جەڭىپ، جەڭىستەن - جەڭىسكە ۇزدىكسىز جەتۋىنىڭ پارمەندى كەپىلى“.
باس شۋجي شي جينپيڭنىڭ ستراتەگيالىق، تاكتيكالىق ماسەلەلەرگە دەن قويعان ماڭىزدى بايىمداۋىن مۇقيات ۇيرەنگەن زەرتتەۋ - تالقى كۋرسىنىڭ كۋرسانتى، باتىس بولىك سوعىس رايونىنىڭ شاڭجياڭ جىڭۋيى لي فىڭبياۋ بىلاي دەدى: ”ستراتەگيا بەتالىستى بەلگىلەيدى، تاكتيكا ورايدى يگەرەدى. ستراتەگيا مەن تاكتيكانىڭ ديالەكتيكالىق قاتىناسى ءارى تۇتاس تۇلعالىق پەن ءىشىنارالىقتىڭ قاتىناسى، ءارى نىسانا مەن ءتاسىلدىڭ قاتىناسى بولىپ تابىلادى. ءتوراعا شي جينپيڭنىڭ تالاپتارىن باتىل دايەكتىلەندىرىپ، جۇڭگوشا ارميانى قۇدىرەتتەندىرۋ جولىمەن ءجۇرۋ ءۇشىن، بىرىنشىدەن، جالپى جاعدايدى كوزدەيتىن ستراتەگيالىق تاباندىلىقتى بەكەمدەۋ، ەكىنشىدەن، جەڭىس جاعدايىن قالىپتاستىراتىن تاكتيكالىق ومىرشەڭدىكتى كورنەكتىلەندىرۋ، ۇشىنشىدەن، سوعىس جۇرگىزۋدىڭ، ارميا قۇرۋدىڭ، سوعىسقا دايىندالۋدىڭ كۇرەس قۋاتىن توپتاۋ، تورتىنشىدەن، جالپى تۇلعالىق شايقاستىڭ حالىقتىق ۇلى كۇشىن ۇيىستىرۋ كەرەك“.
100 جىلدىق كۇرەس، مىڭ جىلدىق ۇلى ءىس، دۇنيەنىڭ دۇرىس جولى، كۇللى الەمگە سۇيىسپەنشىلىك − بۇل جۇڭگو كوممۋنيستەرىنىڭ اسقاق دەڭگەيى.
زەرتتەۋ - تالقى كۋرسىنىڭ كۋرسانتى، انحۇي ولكەسىنىڭ باستىعى ۋاڭ چيڭشيان بىلاي دەدى: ”كەلەلى جاعدايدى كوزدەۋ − ابستسيسسا، ۇلكەن اۋقىمدى كوزدەۋ − ورديناتا، ستراتەگيالىق، تاكتيكالىق جاقتان ماسەلەلەردى يگەرۋ ماندىك جاقتان ’مەملەكەتتىڭ ءىرى ءىسىن‘ كوكەيدە ساقتاۋ بولىپ تابىلادى. باس شۋجي شي جينپيڭ تۇگەلدەي كەلەلى ستراتەگيالىق، تاكتيكالىق ماسەلەلەرگە وي جۇگىرتتى، شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋدە، ەڭ الدىمەن، باس شۋجيدىڭ ستراتەگيالىق ويىن ۇيرەنۋ، ءتۇسىنۋ، جاڭا يدەيامەن وي - سانانى قارۋلاندىرىپ، ويلانۋ ءادىسىنىڭ دەڭگەيىن جوعارىلاتىپ، ونان سوڭ، ىشكەرىلەگەن تۇردە قىزمەت ءادىسىن جاقسارتىپ، باس شۋجيدىڭ ستراتەگيالىق ورنالاستىرۋلارىن جەرگىلىكتى تاكتيكالىق شارالاردا دالمە - ءدال دايەكتىلەندىرىپ، تياناقتاندىرىپ، شىن مانىندە جەتە ۇيرەنۋ، جەتە يگەرۋ، شىنايى تياناقتاندىرۋ كەرەك. باسشى كادرلار مىنە وسىنداي دەڭگەيدە تۇرىپ دامۋدى جوسپارلاۋى، ورنىن ءدال تابۋى، كەلەلى جاعدايعا قىزمەت ەتۋى كەرەك“.
ۇلى جورىققا اتتانۋدى مۇرات ەتۋ − وزىنە - ءوزى توڭكەرىس جاساۋدى ىلگەرىلەتىپ، كۇرەسكەرلىك بەينەنى ماڭگى ساقتاۋ
قاراسام باسىپ وتكەن جولدارىما، كوسىلە جاسىل بەلدەر مۇنارلانعان.
پارتيانىڭ 100 جىلدىق كۇرەس تاريحى وزىنە - ءوزى ۇلى توڭكەرىس جاساۋ ارقىلى ۇلى قوعامدىق توڭكەرىسكە جەتەكشىلىك ەتۋ تاريحى. 100 جىلدان بەرى، جۇڭگو كوممۋنيستىك پارتياسىنىڭ سان رەتكى شىڭدالۋدان ءوتىپ، قاۋلاعان جىگەرىن باستان - اياق ساقتاۋىنداعى، سان وزگەرىستى باستان وتكەرسە دە اۋەلگى ماقساتىن باستان - اياق وزگەرتپەۋىندەگى، ىستىق - سۋىقتى كوپ كورسە دە ءوز قاسيەتىن باستان - اياق قاز - قالپىندا ساقتاۋىنداعى ءبىر ماڭىزدى سەبەپ − باتىلدىقپەن وزىنە - ءوزى توڭكەرىس جاساۋىندا.
پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ 2 - رەتكى جالپى جيىنىندا باس شۋجي شي جينپيڭ ءوز - وزىنە توڭكەرىس جاساۋدىڭ كەلەلى ءمانى جونىندە تەرەڭ بايىمداۋ جاسادى: ”تاريحى وسىنشاما ۇزاق، كولەمى وسىنشاما ۇلكەن، بيلىك جۇرگىزۋى وسىنشاما ۇزاق پارتيامىز تىنىشتىق - بىلىقپالىق، گۇلدەنۋ - قۇلدىراۋ سىندى تاريح پەريودىنان قالاي اتتاپ ءوتتى؟ ماۋ زىدۇڭ جولداس يان - انداعى جەر تولەدە مۇنىڭ ءبىرىنشى جاۋابىن بەرگەن بولاتىن، ياعني ’تەك حالىق ۇكىمەتتى باقىلاعاندا عانا، ۇكىمەت بوساڭسي المايدى‘. 100 جىلدىق كۇرەس، اسىرەسە، پارتيا 18 - قۇرىلتايىنان بەرگى جاڭا اماليات ارقىلى پارتيامىز تاعى مۇنىڭ ەكىنشى جاۋابىن بەردى، ياعني وزىنە - ءوزى توڭكەرىس جاساۋ“.
وسى رەتكى زەرتتەۋ - تالقى كۋرسىندا پارتيانىڭ جوعارى دارەجەلى كادرلارى الدىندا، باس شۋجي شي جينپيڭ پارتيانى جاپپاي قاتاڭ باسقارۋ جونىندە قايتالاي تالاپ قويدى: ”قاتاڭدىق شەگىنە جەتتى دەيتىن جالىعۋ پيعىلىنىڭ تۋىلۋىنا استە جول بەرمەۋ كەرەك. پارتيا ستيلى، پاكتىك قۇرىلىسى جانە شىرىكتەسۋگە قارسى تۇرۋ كۇرەسى ماڭگى جالعاسادى، ونى ءبىر ءسات تە بوساڭسىتۋعا بولمايدى، تەمىرگە تاپ، تاسقا تاڭبا قالدىراتىن قايسارلىقپەن جانە تاباندىلىقپەن، پارتيا ستيلى، پاكتىك قۇرىلىسى جانە شىرىكتەسۋگە قارسى تۇرۋ كۇرەسى سىندى قامال الۋ شايقاسىن، ۇزاققا سوزىلاتىن شايقاستى ۇزدىكسىز ويداعىداي جۇرگىزۋ كەرەك“.
ايبىندى ءۇن، اسقاق ارىن سانانى وياتىپ، تەرەڭ وي سالدى.
زەرتتەۋ - تالقى كۋرسىنىڭ كۋرسانتى، اۋە ارمياسىنىڭ شاڭجياڭ سىليڭيۋانى چاڭ ديڭچيۋ بىلاي دەدى: ”ءتوراعا شي جينپيڭنىڭ ماڭىزدى تالابىن دايەكتىلەندىرۋدە اۋە ارمياسى اسكەري بولىمدەرى وزىنە - ءوزى توڭكەرىس جاساۋدى ۇزدىكسىز ويداعىداي يگەرىپ، ستيل قۇرىلىسىن ىلگەرىلەتىپ، حالىق ارمياسىنىڭ قاسيەتىن ماڭگى ساقتاۋى كەرەك. وسى جىلداردا، شىرىكتەسۋگە قارسى تۇرىپ، پاكتىكتى دارىپتەۋ ارقىلى اۋە ارمياسى اسكەري بولىمدەرىنىڭ جالپى ساياسي ەكولوگياسى مۇلدە جاڭاردى، بۇل ءتوراعا شي جينپيڭنىڭ نازاردى ارميانى قۇدىرەتتەندىرۋ نىساناسىنا، حالىق ارمياسىن قايتا سومداۋعا شوعىرلاندىرۋىنىڭ وراسان زور اسەرى سانالادى. جاڭا تاريحي كەزەڭدە اۋە ارمياسى اسكەري بولىمدەرى ءالى دە وزىنە - ءوزى توڭكەرىس جاساۋدى ۇزدىكسىز ىلگەرىلەتۋى، وتە - موتە، نەگىزگى ساتى قۇرىلىسىن ويداعىداي يگەرىپ، ’بولماشى شىرىكتەسۋگە‘ قارسى تۇرىپ، اۋە ارمياسى اسكەري بولىمدەرىنىڭ پارتيانىڭ قولباسشىلىعىنا باتىل بويسۇنۋىنا، تۇتاس قوسىننىڭ ستيلى اناعۇرلىم پاك، سالتى اناعۇرلىم دۇرىس بولۋىنا، اناعۇرلىم ىنتىماقتى بولىپ، قايراتتانا ۇمتىلۋىنا، اناعۇرلىم مىعىم جاۋىنگەرلىك قۋاتقا يە بولۋىنا شىنايى كەپىلدىك ەتۋ كەرەك“.
وتكەن ىستەردى تارازىعا سالىپ، كەلەر ىستەرگە دالەل ەتۋ، جايشىلىقتاعى ىستەرگە سالىستىرىپ، ۇتىمدى بولسا كەسىم جاساۋ كەرەك.
باس شۋجي شي جينپيڭنىڭ تىكەلەي جوسپارلاۋىندا، تىكەلەي ىلگەرىلەتۋىندە، وتكەن ءبىر جىلدا بۇكىل پارتياداعىلار جوعارىدان تومەنگە دەيىن پارتيا تاريحىن ۇيرەنۋ تاربيەسىن ىشكەرىلەي ورىستەتىپ، قالىڭ پارتيا مۇشەلەرى، كادرلار جالپى بەتتىك، تەرەڭ ساياسي تاربيە الىپ، يدەيالىق جاقتان شىڭدالىپ، رۋحاني جاقتا سىننان ءوتتى، بۇكىل پارتيانىڭ تاريحي سانالىلىعى، تاريحي سەنىمى بارىنشا نىعايدى، پارتيانىڭ جاسامپازدىق قۋاتى، ۇيىسۋ قۋاتى، جاۋىنگەرلىك قۋاتى بارىنشا ءوستى.
زەرتتەۋ - تالقى كۋرسىنداعى ماڭىزدى سوزىندە باس شۋجي شي جينپيڭ پارتيا تاريحىن ۇيرەنۋ تاربيەسىن ۇدايىلاندىرۋدى، ۇزاق ونىمدىلىككە يە ەتۋدى ىلگەرىلەتۋ جونىندە ماڭىزدى ورنالاستىرۋ جاساپ، وسى رەتكى پارتيا تاريحىن ۇيرەنۋ تاربيەسىنىڭ تابىستى تاجىريبەلەرىن مۇقيات قورىتىندىلاپ، ۇدايىلانعان، ۇزاق ونىمدىلىككە يە ءتۇزىم، مەحانيزم ورناتىپ، پارتيا تاريحىن ۇيرەنۋ تاربيەسىنىڭ جەتىستىكتەرىن ۇزدىكسىز بەكەمدەۋدى، كەڭەيتۋدى باسا دارىپتەدى.
زەرتتەۋ - تالقى كۋرسىنىڭ كۋرسانتى، ورتالىق اسكەري سالا مەن ازاماتتىق سالانى توعىستىرا دامىتۋ كوميتەتى كەڭسەسىنىڭ ۇنەمىلىك قىزمەتكە جاۋاپتى ورىنباسار مەڭگەرۋشىسى جين جۋاڭلۇڭ بىلاي دەدى: ”پارتيانىڭ 100 جىلدىق كۇرەسىنىڭ تاريحي تاجىريبەلەرى ءبىزدىڭ جاعدايعا دۇرىس تۇجىرىم جاساۋىمىزدىڭ، بولاشاقتى عىلمي تۇردە الدىن الا بولجاۋىمىزدىڭ، تاريحي ىرىقتىلىقتى يگەرۋىمىزدىڭ ماڭىزدى دايەگى، ماسەلەلەرگە وي جۇگىرتۋدىڭ، شەشىم جاساۋدىڭ، ءىس تىندىرۋدىڭ ماڭىزدى ولشەمى، وعان ويداعىداي تاباندى بولۋ، ونى ويداعىداي پايدالانۋ پارتيا مەن مەملەكەت ىستەرى دامۋىنىڭ ۇزدىكسىز العا جىلجۋىن پارمەندى تۇردە ىلگەرىلەتەدى“.
زەرتتەۋ - تالقى كۋرسىنىڭ كۋرسانتى، گۋاڭشي جۋاڭزۋ اۆتونوميالى رايوندىق پارتكومنىڭ شۋجيى ليۋ نيڭ بىلاي دەدى: ”2021 - جىلى 4 - ايدا باس شۋجي شي جينپيڭ گۋاڭشيدە قىزمەت تەكسەرۋدىڭ العاشقى بەكەتىندە قىزىل ارميا ۇزاق جورىعىنداعى شياڭجياڭ شايقاسى ەسكەرتكىش باقشاسىنا بارىپ، قىزىل ارميا قۇرباندارىنا قۇرمەتپەن گۇل شارباعىن قويدى. پارتيانىڭ 100 جىلدىق تاريحىن ۇيرەنىپ، گۇلدەنۋ اسقاق مۇراتىن كوزدەدى. پارتيا تاريحىن ۇيرەنۋ تاربيەسىنىڭ جاقسى تاجىريبەلەرىن، جاقسى ادىستەرىن قورىتىندىلاپ، ۇدايىلانعان، ۇزاق ونىمدىلىككە يە مەحانيزم ورناتىپ، كەمەلدەندىرىپ، گۋاڭشيدىڭ قىزىل بايلىعى مول بولۋ باسىمدىعىن تولىق ساۋلەلەندىرىپ، قىزىل اڭگىمەلەردى ىشكەرىلەي بايقاپ، قىزىل تاربيەنىڭ ساباقحاناعا كىرۋىن، پارتيا مەكتەبىنە كىرۋىن ىلگەرىلەتىپ، توڭكەرىستىك ارداگەر قۇربانداردىڭ قاھارماندىق ىزگى ىستەرىمەن ادامداردى شابىتتاندىرىپ، ىنتالاندىرىپ، پارتيالى كادرلاردى ’ەكىنى تۇراقتاندىرۋدى‘ شەشۋشى ماڭىزىن تەرەڭ ۇعىنۋعا، ’ەكىنى قورعاۋدى‘ ورىنداۋعا، اۋەلگى ماقسات پەن بورىشتى ەستە بەرىك ساقتاۋعا، شي جينپيڭ جاڭا ءداۋىر جۇڭگوشا سوتسياليزم يدەياسىن ءبىر تۇتاس باسشىلىققا الىپ، ماركسيزمنىڭ جۇڭگوشالانۋىنىڭ، زامانالانۋىنىڭ ماڭىزدى ءمانىن جىعا تانۋعا، جاڭا ۇزاق جورىقتا قايسارلىقپەن العا باسۋعا جەتەكتەۋ كەرەك“.
تاريح پەن رەالدىق وسى جەردە قاۋىشتى −
پارتيانىڭ 1 - قۇرىلتايىنان اتتانىپ، اسىپ وتكەن تالاي تاۋ مەن كەشىپ وتكەن تالاي سۋ، ارتتا قالعان الاعاي دا بۇلاعاي تولقىندار، بىرگە وتكىزگەن نە ءبىر قيىن - قىستاۋ كۇندەر، اۋەلگى ماقسات پەن بورىش، ازاپ - تاۋقىمەت پەن نۇرلى شۇعىلا، ءبار - ءبارى دە تاريح پاراعىندا ايشىقتالىپ جازىلدى. 4 كۇندىك ۇيرەنۋ قىسقا بولعانىمەن، ول پارتيامىزدىڭ 100 جىلدىق كۇرەسىنە جۇيەلى تۇردە قايىرىلا قاراۋ بولدى، كۋرسانتتاردىڭ العان اسەرلەرى مەن تۇيگەن ويلارى ەستەلىك داپتەرلەرىنە جىپىرلاعان جازۋ بولىپ ءتىزىلدى، جۇرەك جاردى سۇيىسپەنشىلىككە تولى لەبىز بولىپ ءورىلدى، تەرەڭگە بويلاعان تانىم، ونان دا ماڭىزدىسى، شىنايى يگەرىپ، ناقتى ىستەۋدىڭ بەكىمى بولىپ ءسىڭدى.
جاڭا 100 جىلدىق باستالدى، جاڭا ەمتيحان تاپسىرۋ جولىندا كۋرسانتتار ءبىر اۋىزدان ءوز - ءوز قىزمەت ورىندارىنا بارىپ، سەنىمدى بەكەمدەپ، ۇدەرە العا تارتىپ، پارتيانىڭ ەكىنشى 100 جىلدىق كۇرەس نىساناسىن جۇزەگە اسىرۋ ءۇشىن قاجىماي - تالماي قۇلشىنىپ، ناقتى ارەكەتتەرىمەن پارتيا 20 - قۇرىلتايىنىڭ جەڭىسپەن اشىلۋىن قارسى الاتىندىقتارىن ءبىلدىردى.
(شينحۋا اگەنتتىگىنىڭ 1 - ايدىڭ 14 - كۇنى بەيجيڭنەن بەرگەن حابارى)
