ما شيڭرۇي اۆتونوميالى رايوننىڭ پارتيا تاريحىن ۇيرەنۋ تاربيەسىن قورىتىندىلاۋ ماجىلىسىندە بىلاي دەپ باسا دارىپتەدى
پارتيا تاريحىن قورىتىندىلاۋعا، ۇيرەنۋگە، پارتيا تاريحى تاربيەسىن، ۇگىتىن تەرەڭدەتۋگە تاباندى بولىپ، شىندىققا جۇگىنىپ، ناقتى ءىس ىستەپ، قايراتتانا ۇمتىلىپ، جاڭا ەمتيحان تاپسىرۋ جولىمەن ويداعىداي ءجۇرۋ كەرەك
ەركىن تۇنياز باسقاردى، شاۋكەت يمىن، نۇرلان ءابىلماجىن، لي يفي، جاڭ چۇنلين، حى جۇڭيوۋ قاتىناستى
1 - ايدىڭ 15 - كۇنى اۆتونوميالى رايوننىڭ پارتيا تاريحىن ۇيرەنۋ تاربيەسىن قورىتىندىلاۋ ءماجىلىسى ۇرىمجىدە اشىلدى.
□ سۋرەتتى انار بۇلت / شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت / شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 1 - ايدىڭ 15 - كۇنى ۇرىمجىدەن حابارلايدى. 1 - ايدىڭ 15 - كۇنى تۇستەن كەيىن اۆتونوميالى رايوننىڭ پارتيا تاريحىن ۇيرەنۋ تاربيەسىن قورىتىندىلاۋ ءماجىلىسى ۇرىمجىدە اشىلدى. اۆتونوميالى رايوندىق پارتكومنىڭ شۋجيى ما شيڭرۇي قاتىناستى ءارى ءسوز سويلەپ بىلاي دەپ باسا دارىپتەدى: باس شۋجي شي جينپيڭنىڭ پارتيا تاريحىن ۇيرەنۋ تاربيەسى جونىندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن جانە پارتيا تاريحىن ۇيرەنۋ تاربيەسىن قورىتىندىلاۋ ءماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ ورتالىق كوميتەت ساياسي بيۋروسىنىڭ ارناۋلى تاقىرىپتىق دەموكراتيالىق تۇرمىس جيىنىنداعى، ولكە، مينيسترلىك دارەجەلى نەگىزگى باسشى كادرلاردىڭ ارناۋلى تاقىرىپتىق زەرتتەۋ - تالقى كۋرسىنداعى ماڭىزدى سوزدەرىنىڭ رۋحىن دايەكتىلەندىرىپ، تياناقتاندىرىپ، پارتيا تاريحىن قورىتىندىلاۋعا، ۇيرەنۋگە، پارتيا تاريحى تاربيەسىن، ۇگىتىن تەرەڭدەتۋگە تاباندى بولىپ، پارتيا تاريحىن ۇيرەنۋ تاربيەسىنىڭ جەتىستىكتەرىن ۇزدىكسىز بەكەمدەپ، كەڭەيتىپ، پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ۇيرەنۋدى، دايەكتىلەندىرۋدى تەرەڭدەتىپ، بۇكىل رايونداعى قالىڭ پارتيالى كادرلاردى تاريحي سەنىمدى اناعۇرلىم ارتتىرىپ، ىنتىماقتى، بىرلىكتى نىعايتىپ، كۇرەسكەرلىك رۋحتى كۇشەيتۋگە باستاپ، پارتيا 20 - قۇرىلتايىنىڭ جەڭىسپەن اشىلۋىن ۇزدىك ناتيجەمەن قارسى الۋ كەرەك.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ۋاقىتشا ءتوراعاسى ەركىن تۇنياز ءماجىلىستى باسقاردى. پارتيا تاريحىن ۇيرەنۋ تاربيەسى بويىنشا ورتالىقتىڭ 10 - جەتەكشىلىك ەتۋ گرۋپپاسىنىڭ ورىنباسار باستىعى شىن چۋانباۋ جانە جەتەكشىلىك ەتۋ گرۋپپاسىنىڭ مۇشەلەرى، اۆتونوميالى رايون باسشىلارىنان شاۋكەت يمىن، نۇرلان ءابىلماجىن، لي يفي، حى جۇڭيوۋ، ياڭ چىڭ، جاڭ جۋ، تيان شياڭلي، چىن ۋيجۇن، ءزۇمىرات وبۇل، ياڭ فاسىن، ءيۇسۇپجان مامەت، ەلزات احمەتجان، قادەن كابەن قاتىناستى. اۆتونوميالى رايوندىق پارتكومنىڭ ورىنباسار شۋجيى جاڭ چۇنلين باس شۋجي شي جينپيڭنىڭ ماڭىزدى نۇسقاۋى مەن پارتيا تاريحىن ۇيرەنۋ تاربيەسىن قورىتىندىلاۋ ءماجىلىسىنىڭ رۋحىن جەتكىزدى.
ما شيڭرۇي بىلاي دەپ اتاپ كورسەتتى: بۇكىل پارتيادا پارتيا تاريحىن ۇيرەنۋ تاربيەسىن ورىستەتۋ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جاساعان كەلەلى ستراتەگيالىق شەشىمى. باس شۋجي شي جينپيڭ ءوزى جوبالاپ، ءوزى ورنالاستىرىپ، ءوزى ىلگەرىلەتىپ، تالاي رەت ماڭىزدى ءسوز سويلەپ، ماڭىزدى نۇسقاۋ بەرىپ، ءبىزدىڭ پارتيا تاريحى جونىندەگى تانىمىمىزدى تىڭ دەڭگەيگە كوتەرىپ، پارتيا تاريحىن ۇيرەنۋ تاربيەسىن جوعارى باستامامەن باستاۋدى جەدەلدەتۋگە، جوعارى ولشەممەن ىلگەرىلەتۋگە عىلمي نۇسقاۋ جانە پارمەندى جەتەكشىلىك ازىرلەدى. ءبىر جىلدان بەرى پارتيا ورتالىق كوميتەتىنىڭ پارمەندى باسشىلىعىندا، پارتيا تاريحىن ۇيرەنۋ تاربيەسى باسشىلىق گرۋپپاسىنىڭ ورنالاستىرۋىنا ساي، اۆتونوميالى رايوندىق پارتكوم مەن تۇتاس رايونداعى ءار دارەجەلى پارتيا ۇيىمدارى تاريحتى ۇيرەنۋ ارقىلى قاعيدانى ءتۇسىنۋ، تاريحتى ۇيرەنۋ ارقىلى سەنىمدى ارتتىرۋ، تاريحتى ۇيرەنۋ ارقىلى ءمورالدى اسقاقتاتۋ، تاريحتى ۇيرەنۋ ارقىلى ۇمتىلا ىستەۋ تالابى بويىنشا، شينجياڭنىڭ امالياتىمەن تىعىز بىرلەستىرىپ، پارتيا تاريحىن ۇيرەنۋ تاربيەسىن دەن قويا ۇيىمداستىرىپ، اتقارىپ، تىڭعىلىقتى، ءتارتىپتى ىلگەرىلەتتى، قالىڭ پارتيا مۇشەلەرى جابال ات سالىسىپ، مۇقيات ۇيرەنىپ، ءار ۇلت بۇقاراسى بەلسەنە ءۇن قوسىپ، كەڭ كولەمدە قاتىناسىپ، پارتيا تاريحىن ۇيرەنۋ، يدەيانى ءتۇسىنۋ، ناقتى ءىس ىستەۋ، جاڭا جاعداي اشۋ ماقساتىنا جەتتى. اماليات پارتيا ورتالىق كوميتەتىنىڭ كەلەلى ستراتەگيالىق شەشىمىنىڭ بۇكىلدەي دۇرىس ەكەندىگىن، جۇرت كوڭىلىنەن شىققاندىعىن دالەلدەدى.
ما شيڭرۇي بىلاي دەپ باسا دارىپتەدى: باس شۋجي شي جينپيڭنىڭ ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيا تاريحىن ۇيرەنۋ تاربيەسىن ويداعىداي ورىستەتۋدى ۇزاق ۋاقىتتىق ساياسي مىندەت ەتىپ، جەتىستىكتەردى بەكەمدەپ، كەڭەيتىپ، كۇندەلىكتى تۇرمىسپەن شىن مانىندە توعىستىرىپ، جاڭا داۋىردەگى شينجياڭ قىزمەتىنىڭ جاڭا جاعدايىن قۇلشىنا اشۋ كەرەك. ءبىرىنشى، ساياسي قابىلەتتى تاباندىلىقپەن جوعارىلاتىپ، ”ەكىنى تۇراقتاندىرۋدى“ باتىل قورعاپ، ”ەكىنى قورعاۋدى“ ادالدىقپەن امالياتتا ايگىلەۋ كەرەك. ”ەكىنى تۇراقتاندىرۋدىڭ“ شەشۋشى ءمانىن تەرەڭ تانىپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، ساياسي تۇرعىدا، ساياسي بەتالىستا، ساياسي پرينسيپتە، ساياسي جولدا شي جينپيڭ جولداستى ۇيتقى ەتكەن پارتيا ورتالىق كوميتەتىمەن قاشاندا وسكەلەڭ ءبىر اۋىزدىلىقتى ساقتاپ، ”ەكى كەلەلى جاعدايدى“ كوكەيدە ساقتاپ، ”مەملەكەتتىڭ ءىرى ءىسىن“ ەستە بەرىك ساقتاپ، قاي - قاشان دا باس شۋجي شي جينپيڭ نۇسقاعان دۇرىس بەتالىسپەن العا باسۋ كەرەك. ەكىنشى، نازاريامەن قارۋلانۋدى تاباندىلىقپەن كۇشەيتىپ، قاي - قاشان دا شي جينپيڭ جاڭا ءداۋىر جۇڭگوشا سوتسياليزم يدەياسى ۇلى تۋىن بيىك ۇستاۋ كەرەك. شي جينپيڭ جاڭا ءداۋىر جۇڭگوشا سوتسياليزم يدەياسىن جەتە ۇيرەنۋگە، جەتە يگەرۋگە، شىنايى تياناقتاندىرۋعا ۇزدىكسىز كۇش سالىپ، رۋحاني ءمانىن ءتۇسىنىپ، وزەكتى ءمانىن يگەرىپ، توعىستىرۋدى، ۇشتاستىرۋدى ورىنداپ، يدەيالىق ۇلى كۇشتى شينجياڭنىڭ رەفورما، دامۋ، ورنىقتىلىق ىستەرىنىڭ العا باسۋىن جەبەيتىن ناقتى ونىمدىلىككە اينالدىرۋعا قۇلشىنۋ كەرەك. ءۇشىنشى، حالىقتى بارىنەن جوعارى قويۋدى تاباندىلىقپەن امالياتتا ايگىلەپ، حالىق تۇرمىسىنا باستان - اياق جاناسىمدى بولىپ جوعارى ساپالى دامۋدى ىلگەرىلەتۋ كەرەك. حالىقتىڭ تاماشا تۇرمىسقا دەگەن جاڭا تىلەگىن قاناعاتتاندىرۋدى قاي - قاشان دا دامۋدىڭ شىعار ءتۇيىنى جانە تابان تىرەر تياناعى ەتىپ، جاڭا دامۋ ۇستانىمىن دايەكتىلەندىرۋ، جاڭا دامۋ ارناسىن قالىپتاستىرۋ، جوعارى ساپالى دامۋدى ىلگەرىلەتۋ جاعىندا تىڭ شارا، مىعىم شارا، ناقتى شارا شىعارۋعا كۇش سالىپ، دۇرىس ناتيجە كوزقاراسىن ورناتىپ، حالىق تۇرمىسىنداعى ناقتى ىستەردى تىڭعىلىقتى ويداعىداي ىستەپ، بىرگە بايۋدى قۇلشىنا ىلگەرىلەتۋ كەرەك. ءتورتىنشى، كۇرەسكەرلىك رۋحىن تاباندىلىقپەن ساۋلەلەندىرىپ، ۇلى كۇرەس جۇرگىزۋ جىگەرى مەن قابىلەتىن ۇزدىكسىز كۇشەيتۋ كەرەك. پارتيا قۇرۋ ۇلى رۋحىن بارىنشا اسقاقتاتىپ، كوممۋنيستەردىڭ رۋحاني قان تامىرىن ۇزدىكسىز جالعاستىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال، جاپپاي دايەكتىلەندىرىپ، جاسامپاز رەفورما شارالارىن شىعارىپ، قىزمەتتەگى قيىن ماسەلەلەردى شەشىپ، جاڭا داۋىردەگى جۇڭگوشا سوتسياليستىك شينجياڭ قۇرۋ جولىندا قۇلشىنۋ كەرەك. بەسىنشى، وزىنە توڭكەرىس جاساۋدى تاباندىلىقپەن ىلگەرىلەتىپ، كوممۋنيستەردىڭ ساياسي قاسيەتىن ماڭگى ساقتاۋ كەرەك. پارتيانى جاپپاي قاتاڭ باسقارۋدى ماڭگى جالعاستىراتىن سەرگەكتىك پەن تاباندىلىقتى باستان - اياق ساقتاپ، جاڭا داۋىردەگى پارتيا قۇرىلىسى جالپى تالابىن جاپپاي دايەكتىلەندىرىپ، پارتيانى باسقارۋ، پارتيانى جونگە سالۋ ساياسي جاۋاپكەرشىلىگىن باتىل ارقالاپ، پارتيانىڭ ساياسي ءتارتىبى مەن ساياسي قاعيداسىنا قاتاڭ بويسۇنىپ، پارتيا ستيلى پاكتىك قۇرىلىسىن جانە شىرىكتەسۋگە قارسى تۇرۋ كۇرەسىن ىشكەرىلەي ورىستەتىپ، ستيلى پاك، سالتى دۇرىس ساياسي ەكولوگيا جانە ءىس تىندىرىپ ناتيجە شىعارۋدىڭ تاماشا ورتاسىن قالىپتاستىرىپ، اناعۇرلىم قايراتتانا ۇمتىلىپ، جاڭا ەمتيحان تاپسىرۋ جولىمەن ويداعىداي ءجۇرۋ كەرەك.
ەركىن تۇنياز ءماجىلىستى باسقارعاندا بىلاي دەپ اتاپ كورسەتتى: جەر - جەر، تاراۋلار، ورىندار پارتيا تاريحىن ۇيرەنۋ تاربيەسى جەتىستىكتەرىن ويداعىداي قورىتىندىلاپ، ويداعىداي بەكەمدەپ، ويداعىداي كەڭەيتىپ، ”ەكىنى تۇراقتاندىرۋدى“ ادالدىقپەن قورعاۋدى ساياسي سەنىمگە اينالدىرىپ، ساياسي جاۋاپكەرشىلىك ارقالاۋ جاعىندا ايگىلەپ، پارتيا قۇرۋ ۇلى رۋحىن اسقاقتاتىپ، ءار دارەجەلى، ءارقايسى ورىننىڭ پارتيا تاريحىن ۇيرەنۋ تاربيەسىن قورىتىندىلاۋ قىزمەتىن ۇزدىكسىز ويداعىداي ىستەپ، ۇدايىلانعان، ۇزاق ۋاقىتتىق ءونىمدى ءتۇزىم مەحانيزمىن ورناتىپ، دەموكراتيالىق تۇرمىس جيىنىن جوعارى ساپامەن ويداعىداي اشىپ، ”مەن بۇقارا ءۇشىن ناقتى ءىس ىستەيمىن“ امالياتتىق قيمىلى قالىپتاستىرعان تاماشا مەحانيزمنەن ويداعىداي پايدالانىپ، شينجياڭنىڭ سان سالالى قىزمەتىندە جاڭا جاعداي اشۋدى ىلگەرىلەتۋ كەرەك.
اۆتونوميالى رايوندىق حالىق قۇرىلتايى، ۇكىمەت، ساياسي كەڭەس باسشىلىق القاسىنىڭ مۇشەلەرى، اۆتونوميالى رايوندىق جوعارى حالىق سوتى مەكەمەسىندەگى، اۆتونوميالى رايوندىق حالىق پروكۋراتۋراسىنداعى نەگىزگى جاۋاپتى جولداستار ماجىلىسكە قاتىناستى. اۆتونوميالى رايوندىق پارتكوم پارتيا تاريحىن ۇيرەنۋ تاربيەسى باسشىلىق گرۋپپاسىنىڭ مۇشەلەرى، ءارقايسى ايماق، وبلىس، قالا، اۋدان، قالا، رايون، رايونعا (ورتالىق) توتە قاراستى ورىندارداعى قاتىستى جاۋاپتى جولداستار، اۆتونوميالى رايوندىق پارتكومنىڭ پارتيا تاريحىن ۇيرەنۋ تاربيەسى بويىنشا ارالاپ جەتەكشىلىك ەتۋ گرۋپپاسىنداعى قاتىستى جولداستار قاتارلىلار ماجىلىسكە قاتىناستى. ءماجىلىس تەلەۆيزور، تەلەفون ءماجىلىسى فورماسىندا اشىلدى، ءارقايسى ايماقتاردان، وبلىستاردان، قالالاردان، اۋدانداردان، قالالاردان، رايونداردان بولىمشە ءماجىلىس ورنى اشىلدى.
ماجىلىستەن ىلگەرى ما شيڭرۇي قاتارلى اۆتونوميالى رايون باسشىلارى پارتيا تاريحىن ۇيرەنۋ تاربيەسى بويىنشا ورتالىقتىڭ 10 - جەتەكشىلىك ەتۋ گرۋپپاسىنداعىلارمەن كەڭەس وتكىزىپ، اۋىس - كۇيىس جاسادى.
