ىندەتتەن ساقتانۋ - تىزگىندەۋدى ۇدايىلاندىرۋدى زاڭ بويىنشا، عىلمي، دالمە - ءدال، تيتتەي دە بوساڭسىماي ىلگەرىلەتۋ كەرەك

ما شيڭرۇي اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى قولباسشىلىق شتابىنىڭ ماجىلىسىندە بىلاي دەپ باسا دارىپتەدى

ىندەتتەن ساقتانۋ - تىزگىندەۋدى ۇدايىلاندىرۋدى زاڭ بويىنشا، عىلمي، دالمە - ءدال، تيتتەي دە بوساڭسىماي ىلگەرىلەتۋ كەرەك

ەركىن تۇنياز، لي يفي، جاڭ چۇنلين، حى جۇڭيوۋ قاتىناستى

　　انار بۇلت / شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 1 - ايدىڭ 16 - كۇنى ۇرىمجىدەن حابارلايدى. كوكتەم مەرەكەسى تاياپ قالدى، ادامداردىڭ ءجۇرىپ - تۇرۋى مەن توپتالۋى بارىنشا جيىلەپ، ىندەتتەن ساقتانۋ - تىزگىندەۋ جاعدايى اۋىرلاي ءتۇستى. 1 - ايدىڭ 15 - كۇنى كەشتە اۆتونوميالى رايوندىق پارتكومنىڭ شۋجيى، اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى باسشىلىق گرۋپپاسىنىڭ باستىعى ما شيڭرۇي اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى قولباسشىلىق شتابىنا بارىپ، قىزمەت ءماجىلىسىن باسقارىپ اشىپ، قازىرگى كەزدەگى ىندەتتەن ساقتانۋ - تىزگىندەۋ جاعدايىنا تالداۋ جۇرگىزىپ، تۇجىرىم جاساپ، ىندەتكە شۇعىل توتەپ بەرۋ،ءبىر جاقتى ەتۋ جانە كوكتەم مەرەكەسى كەزىندەگى ىندەتتەن ساقتانۋ - تىزگىندەۋ ءتۇيىندى قىزمەتتەرىن اقىلداسىپ، ورنالاستىردى.

　　اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ۋاقىتشا ءتوراعاسى ەركىن تۇنياز، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى قولباسشىلىق شتابىنىڭ قولباسشىسى لي يفي، اۆتونوميالى رايوندىق پارتكومنىڭ ورىنباسار شۋجيلەرى جاڭ چۇنلين، حى جۇڭيوۋ ماجىلىسكە قاتىناستى.

　　ماجىلىستە ما شيڭرۇي، ەركىن تۇنياز قاتارلى اۆتونوميالى رايون باسشىلارى ىندەتتەن ساقتانۋ - تىزگىندەۋدى ينفورماتسيالاندىرۋ، سۋىق تىزبەكتى ازىق - تۇلىكتەردى جەدەل جەتكىزۋ - زات اينالىمى بويىنشا ساقتانۋ - تىزگىندەۋ، جاڭا تيپتى ايدارشا ۆيرۋس وكپە قابىنۋ ىندەتى ۆاكسيناسىن ەكتىرۋ، حىسۋان تەكسەرۋ، ىندەتتەن ساقتانۋ زاتتىق ماتەريالدارىمەن قامتاماسىز ەتۋ سياقتى جاعدايلاردان بەرىلگەن مالىمەتتەردى دەن قويا تىڭداپ، قولباسشىلىق شتابىنىڭ قىزمەت گرۋپپالارىنىڭ جاۋاپتىلارىمەن ”ءتورت ەرتە بولۋ“ تالابىن تياناقتاندىرۋ، تۇتاس تىزبەك بويىنشا باسقارۋ، دالمە - ءدال ساقتانۋ - تىزگىندەۋ سياقتى ناقتى قىزمەتتەر جونىندە پىكىر اۋىستىردى، اقىلداستى.

　　ما شيڭرۇي ءسوز سويلەگەندە بىلاي دەپ اتاپ كورسەتتى: باس شۋجي شي جينپيڭنىڭ ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋدى ءبىر تۇتاس جوسپارلاۋ، دامۋدى جانە حاۋىپسىزدىكتى ءبىر تۇتاس جوسپارلاۋ جونىندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن دەن قويا دايەكتىلەندىرىپ، تياناقتاندىرىپ، مەملەكەتتىك كەڭەستىڭ بىرلەسىپ ساقتانۋ، بىرلەسىپ تىزگىندەۋ مەحانيزمىنىڭ تالابى بويىنشا، قازىر ءدوپ كەلگەن دەلتا مەن اۋميكرون ۆيرۋس تاياقشاسى سىرتتان كىرگەن ىندەتىنىڭ قوس قابات سىن - سايىسىن جەتە تانىپ، ىندەتتەن ساقتانۋ - تىزگىندەۋ جاعدايىنداعى وزگەرىستەردى دالمە - ءدال تۇجىرىمداپ، ”سىرتتان كىرۋدەن ساقتانۋ، ىشتە قايتا بەلەڭ بەرۋدەن ساقتانۋ“ جالپى تاكتيكاسىنا تاباندى بولىپ، ”ءتورت جاقتىڭ جاۋاپكەرشىلىگىن“ تياناقتاندىرىپ، زاڭمەن باسقارۋ تانىمىن كۇشەيتىپ، عىلمي ساپانى جوعارىلاتىپ، تاباندىلىقتى، سەنىمدى نىعايتىپ، ساقتانۋدى تياناق ەتىپ، ەرتە بايقاۋدى كوزدە ۇستاپ، قيىن ماسەلەلەرگە الدىن الا تۇجىرىم جاساپ، دايىندىق جوبانى عىلمي، دالمە - ءدال جاساپ، زاڭ بويىنشا ەگجەي - تەگجەيلى، ناقتى اتقارىپ، كوكتەم مەرەكەسىندەگى ىندەتتەن ساقتانۋ قىزمەتىن شىن مانىندە مىقتى يگەرىپ، ىندەتتەن ساقتانۋ - تىزگىندەۋدىڭ ۇدايىلاندىرۋىن، باياندى بولۋىن ىلگەرىلەتىپ، ءار ۇلت بۇقاراسىنىڭ ءومىرىن، سالاماتتىعىن باتىل قورعاۋ كەرەك.

　　ما شيڭرۇي بىلاي دەپ باسا دارىپتەدى: جۇيە كوزقاراسىنا تاباندى بولىپ، بۇكىل شينجياڭ ءبىر تۇتاس جۇيە بولۋعا، سالاماتتىق كودى بويىنشا ”ءبىر كودپەن جۇرۋگە“ تاباندى بولىپ، ىندەتتەن ساقتانۋ - تىزگىندەۋ امالياتىنداعى ۇتىمدى دا تاماشا تاجىريبەلەردى، تاماشا ادىستەردى دەن قويا قورىتىندىلاپ، سالالاپ، قاداعالاۋدى، ساقتاندىرۋدى كۇشەيتىپ، شەكارا وتكەلدەردى تۇيىق اينالىم بويىنشا باسقارۋدى قاتايتىپ، ۆاكسينا ەگۋ قىزمەتىن ۇزدىكسىز ويداعىداي ىستەپ، ىندەتتەن ساقتانۋ - تىزگىندەۋ قورعانىس شەبىن ۇزدىكسىز بەكەمدەۋ كەرەك. عىلمي، دالمە - ءدال بولۋعا، ىندەتتەن ساقتانۋ - تىزگىندەۋ جاعدايىنداعى وزگەرىستەرمەن تىعىز ۇشتاسۋعا باسا ءمان بەرىپ، ۆيرۋستىڭ وزگەرۋى، تارالۋ مەحانيزمى، اۋرۋعا شالدىقتىرۋ قۋاتىنداعى وزگەرىستەر سياقتىلارعا تالداۋ جاساۋدى، زەرتتەۋدى كۇشەيتىپ، ساقتانۋ - تىزگىندەۋ تاكتيكاسىن، توتەپ بەرۋ شارالارىن، اتقارۋ كۇشەمەلىلىگىن يكەمدى رەتتەپ، ىندەتتەن ساقتانۋ - تىزگىندەۋدى ۇدايىلاندىرۋ مەن شۇعىل توتەپ بەرۋ، ءبىر جاقتى ەتۋ، اۋىستىرۋ مەحانيزمىن كەمەلدەندىرىپ، حىسۋان تەكسەرۋدىڭ اناعۇرلىم ءدال، جوعارى ءونىمدى، ەپيدەميولوگيالىق ءبىر - بىرلەپ تەكسەرۋدىڭ اناعۇرلىم ءدال، تىڭعىلىقتى بولۋىن ىلگەرىلەتىپ، ىندەتتەن ساقتانۋدىڭ دالدىگىن، باعىتتامالىلىعىن، ونىمدىلىگىن ۇزدىكسىز كۇشەيتۋ كەرەك. ناقتى، جوعارى ءونىمدى بولۋدى كورنەكتىلەندىرىپ، ءبىر تۇتاس جوعارى ءونىمدى، جوعارى - تومەن ىركىلىسسىز، اتقارۋى پارمەندى ىندەتتەن ساقتانۋ قولباسشىلىق جۇيەسىن ۇزدىكسىز كەمەلدەندىرىپ، جەر - جەردى، تاراۋلاردى تۇلعالىق جاۋاپكەرشىلىكتى تياناقتاندىرىپ، دۇرىس ناتيجە كوزقاراسىن ورناتىپ، ءبىرىنشى شەپكە بارىپ، تەكسەرۋ - زەرتتەۋ جۇرگىزىپ، قايشىلىقتارعا، ماسەلەلەرگە بەتپە - بەت كەلىپ، دەر كەزىندە رەتتەپ، تۇزەتىپ، بۇقارا ءجىتى قاداعالاپ وتىرعان ىستەرگە ىرىقتى تۇردە جاۋاپ قايتارىپ، ءار ۇلت بۇقاراسىن قالىپتى تۇرمىستىق زاتتىق ماتەريالدارمەن، ەمدەۋ قىزمەت وتەۋىمەن قامتاماسىز ەتۋدى قاز - قالپىندا ويداعىداي ىستەپ، قاراپايىمداستىرۋدان، ءبىر تاياقپەن ايداۋدان، ساتى - ساتى بويىنشا سالماق ۇستەۋدەن باتىل ساقتانىپ، ادام اينالىمىنىڭ، زات اينالىمىنىڭ حاۋىپسىز، ءتارتىپتى، ىركىلىسسىز بولۋىنا شىنايى كەپىلدىك ەتىپ، جوعارى ساپالى دامۋدى اناعۇرلىم ويداعىداي ىلگەرىلەتۋگە تاماشا ورتا ازىرلەۋگە قۋزاۋ، جەتەكشىلىك ەتۋ كەرەك.

　　اۆتونوميالى رايون باسشىلارىنان ياڭ فاسىن، قادەن كابەن، ليۋ سۋشى، ياڭ يۇڭ قاتارلىلار ماجىلىسكە قاتىناستى.