جۇڭگو شينجياڭ − تۇركياداعى شينجياڭدىق چياۋمين باۋىرلاستارمەن جانە تۇركيادا وقىپ جاتقان شينجياڭدىق وقۋشىلار ۋاكىلدەرىمەن بەينە ەكران اۋىس - كۇيىس ءماجىلىسى وتكىزىلدى
”بۇلتتا باس قوسىپ“ جاڭا جىلدى قارسى الىپ، اۋىلعا دەگەن ساعىنىشتارىن اڭگىمەلەدى
انار بۇلت / شينجياڭ گازەتىنىڭ ءتىلشىسى ۋاڭ نا 1 - ايدىڭ 16 - كۇنى ۇرىمجىدەن حابارلايدى. كوكتەم مەرەكەسى كەلۋ قارساڭىندا، شينجياڭ سىرتپەن بىرلەسكەن دوستىق قوعامى جۇڭگونىڭ تۇركيادا تۇراتىن ەلشىلىگىمەن، كونسۋلحاناسىمەن بىرگە 1 - ايدىڭ 15 - كۇنى جۇڭگو شينجياڭ − تۇركياداعى شينجياڭدىق چياۋمين باۋىرلاستارمەن جانە تۇركيادا وقىپ جاتقان شينجياڭدىق وقۋشىلار ۋاكىلدەرىمەن بەينە ەكران اۋىس - كۇيىس ءماجىلىسىن وتكىزىپ، مەملەكەت سىرتىندا جۇرگەن ازاماتتارىمىزدىڭ مەكەندەرىندەگى جان اشىرلارىمەن ”بۇلتتا باس قوسىپ“، اۋىلعا دەگەن ساعىنىشتارىن بىرگە اڭگىمەلەپ، جاڭا جىل مەرەكەسىن بىرگە قارسى الۋىنا مۇمكىندىك جاراتتى.
اۆتونوميالى رايوندىق پارتكومنىڭ تۇراقتى مۇشەسى ءزۇمىرات وبۇل تۇركياداعى شينجياڭدىق چياۋمين باۋىرلاستار مەن تۇركيادا وقىپ جاتقان شينجياڭدىق وقۋشىلار ۋاكىلدەرىنەن حال سۇرايتىندىعىن ءبىلدىردى ءارى تاياۋ جىلداردان بەرگى شينجياڭنىڭ ورنىقتىلىعىنىڭ، دامۋىنىڭ تاريحي تابىستارىن تانىستىردى. ول بىلاي دەپ باسا دارىپتەدى: كەزەكتە شينجياڭ تاريحتاعى ەڭ تاماشا گۇلدەنىپ دامىعان مەزگىلدە تۇر، الايدا امەريكاداعى، باتىستاعى كەيبىر جات نيەتتەگى ادامدار، شينجياڭداعى ءار ۇلت حالقى تاماشا تۇرمىس كەشىرىپ جاتقان شىندىقپەن ساناسپاي، جان - جاققا شينجياڭ ”جازا لاگەرىن سالدى“، ”زور كولەمدى زورلىقپەن ەڭبەككە سالۋ“ ءومىر ءسۇرىپ وتىر، ”ءناسىل جويۋ“ جۇرگىزدى دەگەن وسەك - اياڭدار تاراتتى. ولاردىڭ بىلاي ىستەۋدەگى ءتۇبىرلى ماقساتى شينجياڭنىڭ حاۋىپسىزدىگىن، ورنىقتىلىعىن ءبۇلدىرۋ، جۇڭگونىڭ دامۋىنا، كۇشەيۋىنە بوگەت بولۋ. مۇنى ءبىز قاتاڭ جازعىرامىز جانە بۇعان باتىل قارسى تۇرامىز.
جۇڭگونىڭ تۇركيادا تۇراتىن ەلشىلىگىنىڭ كىشى ەلشى ساناتىنداعى اقىلشىسى چىڭ ۋيحۋا مىنالاردى ءبىلدىردى: جۋىق جىلداردان بەرى شينجياڭ ەكونوميكانى، قوعامدى دامىتۋدا جانە حالىق تۇرمىسىن جاقسارتۋدا بۇرىن بولماعان تابىستارعا قول جەتكىزدى، بۇل شەتەلدەگى شينجياڭدىق چياۋمين باۋىرلاستاردى ايرىقشا جىگەرلەندىردى جانە ماقتانىش سەزىمىنە بولەدى ءارى ءبىزدىڭ شەتەلدەگى ەلشىلىكتەرىمىزدىڭ، كونسۋلحانالارىمىزدىڭ شينجياڭعا ساياتىن شەتەلگە قاراتىلعان قىزمەتتەردى ورىستەتۋىمىزگە، اسىرەسە، امەريكاداعى، باتىستاعى شينجياڭعا ساياتىن جالعان سوزدەرگە، وسەك - اياڭدارعا تويتارىس بەرۋىمىزگە اسا قۋاتتى سەنىم بەردى. وتكەن ءبىر جىلدا اۆتونوميالى رايون جاقتىڭ زور كۇشپەن قولداۋىندا، جۇڭگونىڭ تۇركيادا تۇراتىن ەلشىلىگى، كونسۋلحاناسى شينجياڭدىق چياۋمين باۋىرلاستاردىڭ ءبىرسىپىرا شۇعىل، قيىن، الاڭداتقان، ءزارۋ ماسەلەلەرىن شەشىپ بەردى ءارى تۇركياداعى چياۋمين باۋىرلاستاردى ۇزدىكسىز كوڭىل قويا، سۇيىسپەنشىلىكپەن، كۇش سالا وتىرىپ ءتۇرلى قولايلىلىقتارمەن جانە كومەكتەرمەن قامداپ، حالىقتى بارىنەن جوعارى قويۋ ۇستانىمىن شىنايى تياناقتاندىرادى.
ۋاقىت پەن كەڭىستىك تۋىسقاندىق سۇيىسپەنشىلىكتى بوگەي المايدى، ەكى جەردە جاڭا جىل وتكىزگەن چياۋمين باۋىرلاستار مەن ولاردىڭ تۋىس - تۋعاندارى بەينە ەكراندا بايلانىس جاساۋ ارقىلى اسقار تاۋ، اساۋ وزەندەردەن اسىپ ءوتىپ ”بۇلتتا باس قوستى“. كوپشىلىك بەلسەنە ءسوز سويلەپ، وزدەرىنىڭ قاسىنداعى ۇلكەن - كىشى ىستەردى ايتۋ ارقىلى وزگەرىستەردى اڭگىمەلەپ، تابىستارىن، العىستارىن ايتتى، ولاردىڭ سوزدەرىندە جۇڭگو كوممۋنيستىك پارتياسىنا جانە ۇلى وتانعا دەگەن قىزۋ سۇيىسپەنشىلىك، مەكەنگە دەگەن تەرەڭ ساعىنىش قامتىلىپ جاتتى.
ءۇرىمجى قالاسىنىڭ تۇرعىنى ءپاريدا اسحات ۇلىنا شينجياڭنىڭ جۋىقتاعى بىرنەشە جىلداعى كىسىنى قۋانتارلىق وزگەرىستەرىن ايتقان كەزدە، وعان ءوسىپ - جەتىلۋ بارىسىنداعى ءاربىر قادامىن تۇگەلدەي پارتيا مەن مەملەكەتتىڭ از ۇلت دارىندىلارىن باۋلۋ ساياساتىنان بولە قاراۋعا كەلمەيتىنىن باستان - اياق ەسىندە بەرىك ساقتاۋىن، ۇزدىك ناتيجەلەرىمەن وتاننىڭ ءۇمىتىن اقتاۋىن تاپسىرۋدى ۇمىتپادى. امەريكاداعى، باتىستاعى جۇڭگوعا قارسى كۇشتەر شينجياڭعا ۇزدىكسىز جالا جاۋىپ، كۇيە جاقتى، شينجياڭدا تۋىپ، شينجياڭدا وسكەن ازامات رەتىندە، قاسىڭداعى ساباقتاستارىڭا مەكەنىڭدى كوبىرەك تانىستىرىپ، شىندىقتى ايقىنداپ بەر دەدى.
تۇركيا انادولۋ داشۋەسى حالىقارالىق قارىم - قاتىناس كاسىبىنىڭ اسپيرانتى انار رامازان ءوزىنىڭ باستان - اياق پارتيا مەن مەملەكەتتىڭ تاربيەلەگەندىگىن، باۋلىعاندىعىن ەسىندە بەرىك ساقتايتىندىعىن، ۇنەمى قاسىنداعى تۇركيالىق دوستارىنا ىرىقتىلىقپەن جۇڭحۋا مادەنيەتىن تاراتىپ، جۇڭگو وبرازىن ايگىلەيتىندىگىن، امەريكاداعى، باتىستاعى جۇڭگوعا قارسى كۇشتەردىڭ جۇڭگونىڭ شينجياڭىن قيسىنسىز جازعىرۋىنا ءوزىنىڭ ەجەلدەن پىسقىرىپ تا قارامايتىندىعىن ايتتى.
قويۋ وتباسى جانە مەملەكەت سۇيىسپەنشىلىگى وسى رەتكى ”بۇلتتا باس قوسۋدى“ ەرەكشە ءارى مەيىرىمدى ەتتى، تۇركياداعى شينجياڭدىق چياۋمين باۋىرلاستار مەن تۇركيادا وقىپ جاتقان شينجياڭدىق وقۋشىلار: كوپىرلىك، دانەكەرلىك رولدى بەلسەنە ساۋلەلەندىرىپ، اناعۇرلىم كوپ تۇركيا جۇرتشىلىعىنا جۇڭگو حيكاياسىن، شينجياڭ حيكاياسىن ويداعىداي بايانداپ، جۇڭگو - تۇركيا ەكى ەل حالقىنىڭ دوستىق بارىس - كەلىسىنە، ءوزارا ۇلگى الىپ، اۋىس - كۇيىس جاساسۋىنا ۇلەس قوسامىز، - دەستى.
