انار بۇلت/ شينجياڭ گازەتىنىڭ ءتىلشىسى ليۋ مىڭمىڭ 1 - ايدىڭ 14 - كۇنى ۇرىمجىدەن حابارلايدى. اۆتونوميالى رايوندىق مادەنيەت - ساياحات مەڭگەرمەسىنەن ۇعىسۋىمىزشا، 2022 - جىلى كوكتەم مەرەكەسى كەزىندە بۇكىل شينجياڭنىڭ جەر - جەرى بەيزاتتىق مادەنيەت مۇرالار كورمەسى، مادەنيەت سارايى، الەۋمەتتىك كىتاپحانا، مۇراجاي، اسەمونەر سارايى كوكتەم مەرەكەسى جەلىلەس قيمىلدارى، مادەنيەت - كوركەمونەر كورمەلىك قويىلىم، قار - مۇز ساياحاتى، قار - مۇز سپورت قيمىلى سىندى 8 ۇلكەن ءتۇر بويىنشا جالپى مىڭنان استام قيمىل ورىستەتەدى ەكەن.
1 - ايدىڭ 25 - كۇنىنەن (ەگىنشىلىك كالەندارى بويىنشا كىشى جاڭا جىل مەرەكەسى) 2 - ايدىڭ 15 - كۇنىنە (يۋانشياۋ مەرەكەسى) دەيىنگى ارالىقتا ”شينجياڭ جاقسى جەر − 9 - كەزەكتى تيانشان الابىنىڭ جاڭا جىلدى قۇتتىقتاۋ بەيزاتتىق مادەنيەت مۇرالار جىلى سالت - سانا كورمەسى“ بۇكىل شينجياڭنىڭ جەر - جەرىندە وتكىزىلەدى، مۇندا قاعاز قيۋ جارىسى، تەرى شاڭعى جارىسى، ءدامدى تاعامدار كورمەسى، تەاتر ويىن نومىرلەرى سياقتى ينتەرنەت جەلىسىندەگى، ينتەرنەت جەلىسىنەن تىس قيمىلدار قامتىلىپ، جالپى 203 مايدان بولىپ، كوپشىلىككە شينجياڭنىڭ قويۋ مەرەكەلىك مەرەيىن ايگىلەيدى.
كوكتەم مەرەكەسى كەزىندە شينجياڭ كىتاپحاناسى بۇكىل شينجياڭداعى 109 الەۋمەتتىك كىتاپحانامەن بىرلەسىپ، ”كىتاپ وقۋ مەرەيىمەن تيانشاندى نارلەندىرۋ . تاماشا كىتاپتارمەن جاڭا جىلدى قارسى الىپ، كىتاپ وقۋدان ءلاززاتتانۋ“ جاڭا جىلدى قۇتتىقتاۋ جەلىلەس كىتاپ وقۋدى جالپىلاستىرۋ قيمىلىن جوبالاپ ۇيىمداستىرادى. ينتەرنەت جەلىسىندەگى قيمىل كىتاپ وقىعانىن ينتەرنەت جەلىسىندە ءبىلدىرۋ، كلاسسيك لەكسيا سياقتىلاردى، ينتەرنەت جەلىسىنەن تىس قيمىل جۇڭگو تۇيىنشەگىن ءتۇيۋ ونەرى، ويۋ، باسۋ سياقتى بەيزاتتىق مادەنيەت مۇرالار ونەرىن سەزىنۋ قيمىلى سياقتىلاردى قامتيدى. شينجياڭ كىتاپحاناسى تاعى مەملەكەتتىك كىتاپحانامەن بىرلەسىپ، ”سۇيەك ساۋىت جازۋى ەستەلىگى“ كورمەسى سياقتىلاردى وتكىزەدى.
كوكتەم مەرەكەسى كەزىندە بۇكىل شينجياڭداعى ءار دارەجەلى مادەنيەت سارايلارى ينتەرنەت جەلىسىندە، ينتەرنەت جەلىسىنەن تىس ”اۋىل - قىستاق كوكتەم مەرەكەسى كونسەرتى“، تەاتر ارناۋلى كونسەرتى سياقتى 251 دۇركىن مادەنيەت قيمىلدارىن وتكىزەدى، وندا حالىقتىق سالت - سانا مادەنيەت كورمەسى، مەرەكە ساۋىعى، قولونەر بۇيىمدار جاساۋ سياقتىلار قامتىلادى.
شينجياڭ كوركەمونەر تەاترحاناسىنىڭ ءارقايسى تەاترحانا، تەاتر ۇيىرمەسى جاساعان ساحنالىق كوركەمونەر سارا تۋىندىلارى ۇرىمجىدە ىركەس - تىركەس قويىلادى، مۇندا تاقىرىپتىق ءان - ءبي كونسەرتى «شينجياڭ جاقسى جەر»، پيەسا «التىن توراڭعى» ، ءبي تەاترى «جاڭ چيان» جانە «بەس جۇلدىز شىعىستان كوتەرىلدى» سياقتىلار قامتىلادى. التاي ايماعىنىڭ تۋىندىسى «پارتيا قۇرىلعاندىعىنىڭ 100 جىلدىعىن قۇتتىقتاۋ ارناۋلى مۋزيكا كەشى»، سانجى حۇيزۋ اۆتونوميالى وبلىسىنىڭ تۋىندىسى مۋزيكا تەاترى «بەسبالىق» سياقتىلار دا ايماقتاردا، وبلىستاردا، قالالاردا ويىن قويادى.
شينجياڭ اسەمونەر سارايى «قۇنارلى توپىراققا تەرەڭ سۇيىسپەنشىلىك»، «تىڭ اشىپ ۇلەس قوسۋ» سياقتى تاقىرىپتىق كورمەلەردى العا قويۋدان تىس، جاڭادان تۇڭعىش كەزەكتى شينجياڭ وسپىرىمدەر اسەمونەر تۋىندىلار كورمەسى، شينجياڭ كوركەمونەرشىلەرىنىڭ جىلۋ اتاۋ كورمەسى سياقتىلاردى جاڭادان قوستى.
كوكتەم مەرەكەسى كەزىندە بۇكىل شينجياڭنىڭ جەر - جەرىندەگى مۇراجاي، ەسكەرتكىش سارايلارى ينتەرنەت جەلىسىندە، ينتەرنەت جەلىسىنەن تىس فورمالار ارقىلى ”مۇراجايدا كوكتەم مەرەكەسىن وتكىزۋ“ نەگىزگى تاقىرىپتىق قيمىلدارىنان 174ىن وتكىزەدى، ماسەلەن، شينجياڭ مۇراجايى ”اسىل ىزدەۋ قيمىلى . بارىس جىلىندا جاڭا، مول بايلىق ىزدەۋ“، ”قولونەر قۋىرشاقتارىن جاساۋ“ سياقتى قيمىلدار وتكىزەدى، اقسۋ ايماقتىق مۇراجاي جاڭا مەملەكەتتىك سالت - سانا تاقىرىپتىق كورمەسى سياقتىلاردى وتكىزەدى.
بۇدان تىس، بيىل كوكتەم مەرەكەسى كەزىندە ءارقايسى ايماق، وبلىس، قالا قار - مۇز سالتاناتى، قار - مۇز ساياحات ماۋسىمى، قار - مۇز سالت - سانا مەرەكەسى سياقتى قيمىلداردى وتكىزىپ، ”قار - مۇز + ساياحات“، ”قار - مۇز + دەنە تاربيە“ تاسىلىمەن قار - مۇز ساياحاتىن ىلگەرىلەتەدى.
1 - ايدىڭ 15 - كۇنىنەن 2 - ايدىڭ 15 - كۇنىنە دەيىن التاي ايماعى بۋرىلتوعاي اۋدانىنىڭ 15 - كەزەكتى ۇلىڭگىر كولى قىسقى بالىق اۋلاۋ مەرەكەسى، بۋىرشىن اۋدانىنىڭ 6 - كەزەكتى قىراۋ مەرەكەسى سىندى 110 ءتۇرلى قيمىل وتكىزەدى. ”التاي ايماعى كورىنىس وڭىرىنە كىرۋ بەلەتىن الماۋ، ۇشاق جالداپ، ارناۋلى پويەزبەن كەلگەندەردى سيلاۋ، 270 مىڭ شاڭعى تەبۋ بەلەتىن تەگىن تاراتۋ، 100 يۋاندىق ارزان باعاداعى جاتاق ورنالاستىرۋ سياقتى 21 تارماق ءتيىمدى ساياساتتى اتقارادى“. التاي ايماقتىق مادەنيەت، دەنە تاربيە، راديو - تەلەۆيزيا جانە ساياحات مەكەمەسىنىڭ باستىعى ليۋ كىچۋاننىڭ تانىستىرۋىنا قاراعاندا، كوكتەم مەرەكەسى كەزىندە تاعى 1 - كەزەكتى ”جيلين − شينجياڭ“ قار - مۇز سپورتى جاستار مەن وسپىرىمدەردىڭ دوستىق جارىسى، اۆتونوميالى رايوندىق جاستار مەن وسپىرىمدەردىڭ مۇزدا تەز سىرعاناۋ جۇلدەلى جارىسى سياقتى 6 ءىرى قار - مۇز سپورت جارىسىن وتكىزەدى ەكەن.
سانجى حۇيزۋ اۆتونوميالى وبلىسى ”كوكتەم مەرەكەسى شاتتىعىنا تولعان سانجىنى“ نەگىزگى جەلى ەتىپ، 50دەن استام ءتۇرلى مادەنيەت - ساياحات مەرەكەسى قيمىلىن ورىستەتەدى، سونىمەن بىرگە بۇقارانىڭ توراپتاعى كوكتەم مەرەكەسى ساۋىق كەشى، كۇي تەاترى كورمەلىك قويىلىم كولەمدى ادەبيەت - كوركەمونەر كونسەرتى سىندى 30 تۇرگە تاياۋ بۇقارالىق مادەنيەت قيمىلدارىن وتكىزەدى. ”ءبىز بۇكىل شينجياڭ كولەمىندە قۇنى 2 ميلليون 500 مىڭ يۋاندىق قار - مۇز سپورتى تۇتىنۋ بەلەتىن تاراتامىز، ساياحاتشىلار بەلەتكە ساي سانجى وبلىسىنداعى 7 قار الاڭىندا جانە 24 مۇز الاڭىندا جارتى باعا بويىنشا تيىمدىلىككە كەنەلەدى؛ وقۋشىلارعا قاراتا ءبىر يۋانعا قار - مۇز ويىنىن سەزىنۋ قيمىلىن جولعا قويىپ، قار - مۇز ساياحات بازارىن جانداندىرامىز“، - دەدى سانجى وبلىستىق مادەنيەت، دەنە تاربيە، راديو - تەلەۆيزيا جانە ساياحات مەكەمەسى پارتيا باسشىلىق گرۋپپاسىنىڭ شۋجيى جاڭ زىبين.
اۆتونوميالى رايوندىق مادەنيەت - ساياحات مەڭگەرمەسى پارتيا باسشىلىق گرۋپپاسىنىڭ شۋجيى، مەڭگەرمەنىڭ ورىنباسار باستىعى حوۋ حانمين تانىستىرىپ بىلاي دەدى: كوكتەم مەرەكەسى كەزىندە بۇكىل شينجياڭنىڭ جەر - جەرى ينتەرنەت جەلىسىندە جانە ينتەرنەت جەلىسىنەن تىس بىرلىكتە وتكىزۋ تاسىلىمەن باي مازمۇندى مادەنيەت جانە ساياحات قيمىلدارى، جاڭاشا، الۋان ءتۇرلى قار - مۇز دەنە تاربيە - سپورت قيمىلدارى، بەيزاتتىق مادەنيەت مۇرانى كورسەتۋ قاتارلىلار ارقىلى جاراسىمدى، كوڭىلدى مەرەكە رايىن قالىپتاستىرىپ، كوكتەم مەرەكەسى تۇرمىسىنا كورىك بەرىپ، ءار قوسادى.