تيانشان تورى
تيانشان تورى   ›   جاڭالىقتار   ›   وقۋ-اعارتۋ

كوپ جاق كۇش بىرىكتىرىپ، جوعارى مەكتەپ بىتىرگەن وقۋشىلاردىڭ جۇمىستانۋىن جەبەدى

ساياسات مەيىرگە بولەدى، مەكتەپتەر بارىنشا قۇلشىندى، كاسىپورىندار قامقور بولدى

كوپ جاق كۇش بىرىكتىرىپ، جوعارى مەكتەپ بىتىرگەن وقۋشىلاردىڭ جۇمىستانۋىن جەبەدى

□ انار بۇلت / شينجياڭ گازەتىنىڭ ءتىلشىسى ما بەي

  ”’شينجياڭدا كاسىپتەنۋ‘ ينتەرنەتتىك تىكە تاراتۋ جولىمەن جۇمىس بەرۋ قيمىلىنا قاتىناسۋ ارقىلى قاناعاتتانارلىقتاي قىزمەت تاپتىم، كەلەر ايدا رەسمي قىزمەتكەر بولامىن“. جاڭا جىلعا قادام تاستاعاندا، قۇلجا قالاسىنداعى 2020 - جىلدىق جوعارى مەكتەپ بىتىرگەن وقۋشى ما شينيۋەنىڭ قىزمەتىندە جاڭا ىلگەرىلەۋشىلىكتەر بولىپ، ونى شاتتىققا بولەدى.

  قازىر قىزمەت قاراستىرۋدىڭ سايابىر كەزى بولعانىمەن، اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ تاراۋلارى، جوعارى مەكتەپتەر، كاسىپورىندار جانە الەۋمەتتىك اۋماقتار ءالى دە امالىن تاۋىپ جۇمىستانباعان جوعارى مەكتەپ وقۋشىلار شوعىرىنىڭ جۇمىستانۋىنا كومەكتەستى، وسى قىستا مەيىرلى ساياسات جەتكىزىپ، جۇمىستانباعان جوعارى مەكتەپ وقۋشىلار شوعىرىنىڭ ەرتەرەك جۇمىستانۋىنا، ورنىقتى جۇمىستانۋىنا كومەكتەستى.

جۇمىستانۋعا ىستىق ىقىلاسپەن كومەكتەستى

  ”شياۋجاڭ امانسىڭ با، جاڭا قىزمەتىڭ ءساتتى بولدى ما؟ قيىنشىلىعىڭ بار ما؟“ 1 - ايدىڭ 4 - كۇنى ەرتەمەن جاڭ مين ءۇرىمجى ەكونوميكالىق، تەحنيكالىق اشۋ رايونى (توۋتۇنحى رايونى) ادام كۇشى بايلىعى جانە قوعامدىق قامتاماسىزداندىرۋ مەكەمەسىنىڭ قاشقار باتىس جولى الەۋمەتتىك اۋماعىندا تۇراتىن ءبىرىنشى شۋجيى، ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى شيڭ حۋانىڭ تەلەفونىن قابىلدادى.

  جاڭ مين شينجياڭ داشۋەسى زات اينالىمىن باسقارۋ ماماندىعىنان وقۋ تاۋىسقان جوعارى مەكتەپ وقۋشىسى، جوعارى مەكتەپ بىتىرگەن سوڭ لايىقتى قىزمەت تاپپاعان بولاتىن. ”الەۋمەتتىك اۋماق ىرىقتىلىقپەن مەنى ىزدەپ جۇمىستانۋ ويىمدى ۇعىسىپ، ماعان قىسقاشا ءومىر بايانىمدى جازۋىما كومەكتەستى، تاعى ماعان جۇمىستاندىرۋ تيىمدىلىك ساياساتتارىن، كاسىپ تاڭداۋ بەتالىسىن جانە جۇمىسقا قابىلداۋ ەمتيحانى ءتارتىبىن بايىپپەن ءتۇسىندىردى، ەڭ سوڭىندا ماعان كومەكتەسىپ قاراستى اۋماقتاعى ءبىر جەدەل جەتكىزۋ سەرىكتەستىگىنەن جۇمىس جۇرگىزۋدى باسقارۋ قىزمەتىن تاۋىپ بەردى“، - دەدى جاڭ مين.

  ءۇرىمجى قالاسى قاشقار باتىس جولى الەۋمەتتىك اۋماعى جۇمىستانباعان ستۋدەنتتەرگە مەڭزەس، ”العاشقى بەكەتتە تىزىمدەلىپ جاۋاپتى بولۋ ءتۇزىمىن“ اتقارىپ، جوعارى مەكتەپ ءبىتىرىپ جۇمىستانباعان وقۋشىلارعا قىزمەت وتەۋ، باسقارۋ بويىنشا ناق اتى - ءجونى ءتۇزىمى ءتىزىمىن جاسادى، اسىرەسە، ەڭ تومەنگى تۇرمىسى قامتاماسىزداندىرىلاتىن وتباسىلارىنداعى مەكتەپ بىتىرگەن وقۋشىلار، بىردە - ءبىر ادامى جۇمىستانباعان وتباسىلارىنداعى مەكتەپ بىتىرگەن وقۋشىلار، مەكتەپ بىتىرگەن مۇگەدەك وقۋشىلار سياقتى شوعىرلاردى جۇمىستاندىرۋ، كومەكتەسۋ قىزمەتىن ويداعىداي ىستەدى.

  ايتىپ وتىرعان ”العاشقى بەكەتتە تىزىمدەلىپ جاۋاپتى بولۋ ءتۇزىمى“ دەگەنىمىز الەۋمەتتىك اۋماقتى، قىستاقتى بىرلىك ەتىپ، تەلەفون، ۋيچات، قىسقا حابارلاما، QQ سياقتىلار ارقىلى قاراستى اۋماق ىشىندەگى جوعارى مەكتەپ بىتىرگەن وقۋشىلاردى جاپپاي قامتىپ، ءبىر - بىردەن حابارلاسىپ، جۇمىستانباعان جوعارى مەكتەپ بىتىرگەن وقۋشىلاردىڭ جۇمىستانۋ تىلەگىن ءتۇيىندى تۇردە انىقتاپ، جۇمىستاندىرۋ بويىنشا قىزمەت وتەۋمەن قامداۋ بولىپ تابىلادى.

  قاشقار باتىس جولى الەۋمەتتىك اۋماعىندا جاڭ مين سياقتى كوپتەگەن مەكتەپ بىتىرگەن جوعارى مەكتەپ وقۋشىلارى ”العاشقى بەكەتتە تىزىمدەلىپ جاۋاپتى بولۋ تۇزىمىنەن“ يگىلىكتەنىپ، جوعارى مەكتەپ بىتىرگەن 8 وقۋشى ءساتتى قىزمەت تاۋىپ الدى، بۇل جارناما ۇگىتتەۋ، الەۋمەتتىك اۋماقتا قىزمەت وتەۋ، ساۋدالىق زات اينالىمى سياقتى سالالاردى قامتيدى.

  شيڭ حۋا بىلاي دەپ تانىستىردى: جوعارى مەكتەپ ءبىتىرىپ جۇمىستانباعان وقۋشىلار تاعى نوپوسى تۇرعان جەردە نەمەسە تۇراقتى تۇراتىن جەرىندە ”شينجياڭ جوعارى وقۋ ورىندارىنان وقۋ تاۋىسقان وقۋشىلاردى جۇمىستاندىرۋ بويىنشا قىزمەت وتەۋ تۇعىرى“ ۋيچات شاعىن باعدارلاماسى، ”شينجياڭ ادام كۇشى بايلىعى جانە قوعامدىق قامتاماسىزداندىرۋ 12333“، ”شينجياڭ الەۋمەتتىك جۇمىستاندىرۋ بويىنشا قىزمەت وتەۋ سايتى“ سياقتى قىزمەت وتەۋ تۇعىرلارى ارقىلى ينتەرنەت جەلىسىندە ناق اتى - جونىمەن تىزىمدەلىپ، ۇيدەن شىقپاي - اق جەكەلىك قىزمەت ىزدەۋ، جۇمىستاندىرۋ بويىنشا قىزمەت وتەۋ قاجەتىن تىزىمگە الدىرا الادى.

ساياساتتىڭ تيىمدىلىگى ايگىلەندى

  ”قۇرمەتتى بەتپە - بەت ەمتيحان الۋشى، سالەمەتسىز بە، مەن شينجياڭ داشۋەسىنىڭ 2019 - جىلدىق اسپيرانتى لي يحان بولامىن، مەن جىڭدا توبىنىڭ باۋلۋ بويىنشا باسقارۋشى قىزمەتىنە بەتپە - بەت ەمتيحان بەرمەكپىن ...“. تاياۋدا مەكتەپ بىتىرگەن سوڭ لايىقتى جۇمىس ورنىن ىزدەپ جۇرگەن لي يحان اۆتونوميالى رايوندىق الەۋمەتتىك جۇمىستاندىرۋ بويىنشا قىزمەت وتەۋ ورتالىعى قۇرعان ينتەرنەتتە قىزمەت ىزدەۋ تۇعىرى ارقىلى ينتەرنەت جەلىسىندە بەتپە - بەت ەمتيحان بەردى، بۇل ول ءۇشىن ايتقاندا، شىت جاڭا ۇمتىلىس بولدى.

  ”مۇنداي ءادىس ارقىلى سەنىمىمدى ارتتىردىم، بەتپە - بەت ەمتيحاندا بولاتىن ابىرجۋ كوپ جەڭىلدەدى“. لي يحان بىلاي دەدى: ءبىر كومپيۋتەر، ءبىر قول تەلەفون ارقىلى بەتپە - بەت ەمتيحاندى اياقتاتتىم، بۇل بىرتىندەپ كوپتەگەن مەكتەپ بىتىرگەن وقۋشىلاردىڭ قىزمەت ىزدەۋدەگى قالىپتى جاعدايىنا اينالدى.

  ينفورماتسيا تۇعىرىن قۇردى، ينتەرنەتتە قابىلداۋ ارنايى اۋماعىن اشتى، جوعارى مەكتەپ، جوعارى كاسىپتىك مەكتەپتەرمەن بىرلەسىپ ارەكەتتەندى، كەڭىستىكتەگى ساباقحانا اشتى، تەگىن ساباق ءوتىپ باۋلىدى، پراكتيكا بازاسىن اشتى ... شينجياڭنىڭ ءار دارەجەلى ۇكىمەتتەرى ەندى عانا جوعارى مەكتەپ اۋلاسىنان شىققان مەكتەپ بىتىرگەن وقۋشىلار ءۇشىن كوپتەگەن كومەكتەسۋ مازمۇنىن ازىرلەپ، اناعۇرلىم كوپ جۇمىستانباعان جوعارى مەكتەپ بىتىرگەن وقۋشىلاردىڭ جۇمىستانۋىنا كومەكتەستى.

  جۋىقتا يانجي حۇيزۋ اۆتونوميالى اۋدانىنىڭ ەمدەۋ ورتاق تۇلعاسى باس شيپاحاناسى اۋداندىق حالىق شيپاحاناسىنىڭ بولىمشە شيپاحاناسىندا جۇمىستاندىرۋ پراكتيكاسىنا قاتىناسقان سو جۇنجيە قىزمەتتەستەرىمەن بىرگە وپەراتسيا بۋماسىن دوربالاپ، دەزينفەكسيالاپ، سودان كەيىن بولىمدەرگە جەتكىزدى. سو جۇنجيە تىلشىگە پراكتيكا كەزىندە كوپتەگەن ءبىلىم جانە شەبەرلىك ۇيرەنگەندىگىن، اي سايىن تاعى 2000 يۋاننان استام تۇرمىستىق كومەك قاراجات الاتىندىعىن ايتتى. ”پراكتيكا ۋاقىتىما تاعى جارتى جىل قالدى، مەن ونان ارى قۇلشىنىپ، ەمدەۋ - كۇتىمدەۋ جۇمىس ورنىمدا قالىپ، ناۋقاستارعا قىزمەت وتەۋگە قۇلشىنامىن“، - دەدى سو جۇنجيە.

  ۇكىمەت تاراۋلارى جۇمىستانۋعا، شارۋاشىلىق قۇرۋعا كومەكتەسۋ ساياساتىن شىعارىپ قالماستان، رايونىمىزداعى ءىرى كاسىپورىندار دا بەلسەنە ارەكەتتەنىپ، جۇمىستاندىرۋ پراكتيكا بازاسىن قۇرۋ، مەكتەپ پەن كاسىپورىن بىرلەسىپ بىرگە - ءبىر دالمە - ءدال جۇمىس ورنىن تانىستىرۋ، ينتەرنەتتە بەلسەندى تۇردە جۇمىس ورنى ينفورماتسيالارىن جاريالاۋ سياقتى شارالار ارقىلى جوعارى مەكتەپ بىتىرگەن وقۋشىلاردىڭ جۇمىستانۋىن جەبەدى.

  شينجياڭ حۋاتاي اۋىر حيميا ونەركاسىبى شەكتى جاۋاپكەرشىلىك سەرىكتەستىگى پارتيا قۇرىلىسى، ادام كۇشى بايلىعى باسقارماسىنىڭ كادرلاردى باسقارۋ قىزمەتكەرى جيا جيا بىلاي دەپ تانىستىردى: كاسىپورىن قىزمەتكەر قابىلداعاندا مەكتەپ بىتىرگەنىنە 2 جىلعا تاياعان جانە ودان اسقان جوعارى مەكتەپ وقۋشىلارىن قابىلدايدى، ۇكىمەت تاراۋلارى قوعامدىق قامسىزداندىرۋ بويىنشا قوسىمشا قاراجات بەرۋ ساياساتىن تياناقتاندىرادى، بۇل جوعارى مەكتەپ بىتىرگەن وقۋشىلاردىڭ جۇمىستانۋ قيىندىعىن شەشىپ قالماستان، كاسىپورىنداردىڭ دا اۋىرتپالىعىن جەڭىلدەتتى.

جۇمىستاندىرۋعا جەدەل قايىرىلا قارادى

  ”مەكتەپ وقىتۋشىلارى مەن باسشىلارى وزدەرى ۇيگە كەلىپ، مەنىڭ جۇمىستانۋ جاعدايىما كوڭىل ءبولدى“. جۋىردا قاشقار داشۋەسى فيزيكا جانە ەلەكتروندىق ينفورماتسيا شۋەيۋانىنان 2021 - جىلى وقۋ تاۋىسقان ءۇمىدام يىلحام وسىلاي دەدى.

  مەكتەپ بىتىرگەننەن كەيىنگى جارتى جىل ىشىندە، قاشقار داشۋەسى ”مەكتەپتەن كەتسەدە كوڭىلدەن كەتپەۋ، قىزمەت وتەۋدى جالعاستىرا بەرۋ“ جۇمىستاندىرۋ، قامتاماسىزداندىرۋ مەحانيزمىن تياناقتاندىرىپ، مەكتەپ باسشىلارى، كلاس جەتەكشىلەرى، تاربيەشىلەر سياقتىلاردان ۇيىمداسقان ۇيلەرگە امانداسا بارۋ ۇيىرمەسى مەكتەپ بىتىرگەن وقۋشىلاردىڭ ۇيىنە ىشكەرىلەي بارىپ، قايتالاي امانداسىپ، جۇمىستانۋ جاعدايىن ۇعىسىپ، مەكتەپ بىتىرگەن وقۋشىلارعا ۇلاسپالى جۇمىستاندىرۋ بويىنشا جەتەكشىلىك جاساۋ قىزمەت وتەۋىن ازىرلەدى.

  ”اقسۋ وقۋشى قاينارىنداعى جۇمىستانباعان جوعارى مەكتەپ وقۋشىلارىنىڭ جاعدايىن بىلگەن سوڭ، قاشقار داشۋەسى دەرەۋ بىزبەن بايلانىس ورناتىپ، مەكتەپ ءبىتىرىپ جۇمىستانباعان وقۋشىلارعا جۇمىس ورنىن كوبىرەك بەرۋىمىزدى ءۇمىت ەتتى“. اقسۋ ايماقتىق ادام كۇشى بايلىعى جانە قوعامدىق قامتاماسىزداندىرۋ مەكەمەسىنىڭ باستىعى ماحمۇت احات بىلاي دەدى: ادام كۇشى بايلىعى جانە قوعامدىق قامتاماسىزداندىرۋ تاراۋلارى جۇمىستانباعان مەكتەپ بىتىرگەن وقۋشىلارعا ءبىر - بىرلەپ حابارلاسىپ، جوعارى مەكتەپ وقۋشىلارىنىڭ وقىعان ماماندىعىنىڭ جاعدايىنا قاراي جەرگىلىكتى ورىنداعى كاسىپورىندارمەن بەلسەنە بايلانىس جاساپ، جۇمىس ورنىن ازىرلەدى.

  شينجياڭداعى ءارقايسى ءىرى جوعارى وقۋ ورىندارى ءتۇيىندى توپقا جۇمىستاندىرۋ ءتىزىمىن جاساپ، وقۋشىلارعا ”بىرگە ءبىر“ جۇمىستاندىرۋ بويىنشا كومەكتەسىپ، جاردەمدەسىپ، جۇمىستانۋ ويى بار جوعارى مەكتەپ بىتىرگەن وقۋشىلاردىڭ ءساتتى جۇمىستانۋىنا كومەكتەستى.

  ”كوپ جاق كۇش بىرىكتىرىپ، جوعارى مەكتەپ بىتىرگەن وقۋشىلاردىڭ جۇمىستانۋىن جەبەپ، جۇمىستانباعان وقۋشىلاردىڭ جۇمىستانۋ، شارۋاشىلىق قۇرۋ بارىسىندا اناعۇرلىم سەنىمدى، اناعۇرلىم قايراتتى، اناعۇرلىم ءونىمدى بولۋىنا مۇمكىندىك جاسادى“، - دەدى اۆتونوميالى رايوندىق الەۋمەتتىك جۇمىستاندىرۋ بويىنشا قىزمەت وتەۋ ورتالىعى جوعارى مەكتەپ بىتىرگەن وقۋشىلارعا جۇمىستاندىرۋ بويىنشا قىزمەت وتەۋ ءبولىمىنىڭ 3 - دارەجەلى تەكسەرىپ - زەرتتەۋشىسى حوۋ شين.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.