− باس شۋجي شي جينپيڭنىڭ ولكە، مينيسترلىك دارەجەلى نەگىزگى باسشى كادرلاردىڭ ارناۋلى تاقىرىپتىق زەرتتەۋ - تالقى كۋرسىندا سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە
□ حالىق گازەتىنىڭ شولۋشىسى
”وسى رەتكى جالپى ءماجىلىستىڭ قارارى 100 جىلدىق كۇرەس بارىسىندا پارتيانىڭ پارتيا تاريحىن ۇيرەنۋ تاربيەسىن جۇرگىزۋگە باسا ءمان بەرگەندىگىنە جاپپاي قورىتىندى جاسادى“. ولكە، مينيسترلىك دارەجەلى نەگىزگى باسشى كادرلاردىڭ پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ ارناۋلى تاقىرىپتىق زەرتتەۋ - تالقى كۋرسىنىڭ ساباق باستاۋ سالتىندا باس شۋجي شي جينپيڭ ”پارتيانىڭ ءۇشىنشى تاريحي قارارى ءبىزدىڭ پارتيانىڭ 100 جىلدىق كۇرەس تاريحى جونىندەگى جاڭا تانىمىمىزدى بەينەلەدى، بۇل جاعىن دا اناعۇرلىم ىشكەرىلەي ۇيرەنۋىمىز، ءتۇسىنۋىمىز كەرەك، بۇل پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرىن اناعۇرلىم ويداعىداي تانۋىمىزعا جانە يگەرۋىمىزگە ءتيىمدى“ دەپ باسا دارىپتەدى.
پارتيامىز 100 جىلدىق شۇعىلالى بارىستى باسىپ ءوتىپ، حالىقتى ىنتىماقتاستىرىپ، باستاپ كۇللى الەمدى جالت قاراتقان كەلەلى تابىستارعا قول جەتكىزىپ، اسا باعالى تاريحي تاجىريبە توپتادى. پارتيانىڭ تاريحى ەڭ جاندى، ەڭ يلاندىرۋ قۋاتىنا يە وقۋلىق. پارتيامىز ەجەلدەن پارتيا تاريحىن ۇيرەنۋ تاربيەسىنە ءمان بەرىپ كەلەدى، پارتيانىڭ كۇرەس بارىسى مەن ۇلى تابىستارى ارقىلى قايرات - جىگەردى تاسقىنداتۋعا، بەتالىستى ايقىنداۋعا، پارتيانىڭ داڭقتى ءداستۇرى مەن تاڭداۋلى ستيلى ارقىلى سەنىمدى بەكەمدەپ، كۇش - قۋاتتى ۇيىستىرۋعا، پارتيانىڭ امالياتتىق جاسامپازدىعى مەن تاريحي تاجىريبەلەرى ارقىلى اقىل - پاراساتتى وياتىپ، قاسيەتتى شىڭداۋعا باسا ءمان بەردى. پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى پارتيا تاريحىن ۇيرەنۋگە بارىنشا ءمان بەرىپ، ءبىر قىدىرۋ تالاپتاردى العا قويىپ، پارتيا مەن مەملەكەتتىڭ تاريحي ماسەلەلەرىندە توركىنىن تۇزەپ، قاينارىن تازالاپ، كورنەكتى ناتيجەگە قول جەتكىزدى. باس شۋجي شي جينپيڭ جەرگىلىكتى ورىندارعا قىزمەت تەكسەرە بارعاندا، پارتيامىز جونىنەن كەلەلى تاريحي ماڭىز الاتىن توڭكەرىستىك قاسيەتتى جەرلەردى، قىزىل بايىرعى تۇراقتاردى، توڭكەرىستىك تاريح ەسكەرتكىش ورىندارىن تۇگەل ىززەت - قۇرمەتپەن كورىپ، باستى ورىنداردىڭ بارىنە نەگىزىنەن باردى. باس شۋجي شي جينپيڭ تەرەڭ سەزىممەن اسەرلەنە بىلاي دەدى: ”پارتيا 1 - قۇرىلتايى اشىلعان جەردەن پارتيانىڭ ءاربىر ماڭىزدى توڭكەرىستىك بازاسىنا دەيىن، جەر توڭكەرىسىنىڭ، جاپون شاپقىنشىلارىنا قارسى سوعىستىڭ، ازاتتىق سوعىسىنىڭ ەسكەرتكىش تۇيىندەرىنەن سوتسياليستىك توڭكەرىستىڭ جانە قۇرىلىستىڭ، رەفورما جاساۋ، ەسىك اشۋدىڭ ماڭىزدى ەسكەرتكىش ورىندارىنا دەيىن، بارعان جەرلەرىمنىڭ بارىندە سول ءبىر داڭقتى جىلداردى ەسكە الىپ، پارتيامىز باسىپ وتكەن ماشاقاتتى بارىستى ەسكە ءتۇسىرىپ، كوڭىل كۇيىم تەبىرەنىسكە بولەنىپ، رۋحاني سىننان ءوتتىم. ءار رەت تۇگەلدەي ىززەت - قۇرمەتپەن بارىپ، كوپتەگەن سەزىم - تۇسىنىككە يە بولىپ قايتتىم“. تاريح بىزگە مىناداي تەرەڭ وي سالدى: قالاي العا تارتساق تا، باسقان ءىزىمىزدى؛ قانشا الىسقا ۇزاپ، قانشا نۇرلى بولاشاققا قادام قويساق تا، باستان وتكەندى جانە نە ءۇشىن جولعا شىققانىمىزدى ەستەن شىعارماۋىمىز كەرەك.
اماليات مىنانى تولىق دالەلدەدى: تاريحي بارىستى تانۋ نەعۇرلىم جان - جاقتى، تاريحي زاڭدىلىقتى يگەرۋ نەعۇرلىم تەرەڭ بولعان سايىن پارتيانىڭ تاريحي اقىل - پاراساتى سولعۇرلىم باي، بولاشاقتى يگەرۋى سولعۇرلىم ىرىقتى بولادى. پارتيا ورتالىق كوميتەتىنىڭ تۇتاس پارتيادا، تۇتاس قوعامدا پارتيا تاريحى جونىندە قورىتىندىلاۋ، ۇيرەنۋ، تاربيە، ۇگىت جۇرگىزۋدى ۇيعارۋى تاريحي سەنىمدى نىعايتىپ، ىنتىماقتى، بىرلىكتى كۇشەيتىپ، كۇرەسكەرلىك رۋحتى كۇشەيتۋ ءۇشىن. ءبىر جىلدان بەرى قالىڭ پارتيا مۇشەلەرى، كادرلار جالپى بەتتىك تەرەڭ ساياسي تاربيە الىپ، يدەيالىق جاقتان شىڭدالىپ، رۋحاني جاقتان سىننان ءوتتى، بۇكىل پارتيانىڭ تاريحي سانالىلىعى، تاريحي سەنىمى بارىنشا نىعايدى، پارتيانىڭ جاسامپازدىق قۋاتى، ۇيىسۋ قۋاتى، جاۋىنگەرلىك قۋاتى بارىنشا ءوستى. مىنانى، ءسوز جوق، تەرەڭ تانۋىمىز كەرەك: جاڭا ەمتيحان تاپسىرۋ جولىندا ءبىز ۇزدىكسىز تاماشا جاۋاپناما تاپسىرا الامىز با، جوق پا؟ مۇنىڭ تەتىگى بۇلجىماس تاريحي سەنىمنىڭ بولۋ - بولماۋىندا. 100 جىلدان بەرى پارتيامىز جۇڭگو حالقىن باقىتقا كەنەلتۋگە، جۇڭحۋا ۇلتىن گۇلدەندىرۋگە كۇش سالدى، ادامزاتتىڭ العا باسۋىنا، دۇنيەنىڭ ۇلى بىرلىگىنە كۇش سالدى، دۇنيە كوپكە ورتاق بولۋ، دۇنيەنىڭ دۇرىس جولىمەن ءجۇرۋ − پارتيامىزدىڭ تاريحي سەنىمگە يە بولۋىنىڭ ەڭ زور نەگىزى، پارتيامىزدىڭ جۇڭگودا بيلىك جۇرگىزۋىنىڭ ءارى ۇزاق ۋاقىت بيلىك جۇرگىزۋىنىڭ تاريحي سەنىمى، سونداي - اق پارتيامىزدىڭ حالىقتى ىنتىماقتاستىرىپ، باستاپ ۇزدىكسىز العا ىلگەرىلەۋىنىڭ تاريحي سەنىمى. تاريحتى ءبىلۋ − تاريحي سەنىمنىڭ ماڭىزدى نەگىزى. پارتيا تاريحى جونىندەگى قورىتىندىلاۋدى، ۇيرەنۋدى، تاربيەنى، ۇگىتتى بۇلجىماستان ىلگەرىلەتىپ، دۇرىس پارتيا تاريحى كوزقاراسىن اناعۇرلىم تەرەڭ، اناعۇرلىم جان - جاقتىلى ورناتىپ، ناعىز تاريحتى بۇكىل پارتيانىڭ، بۇكىل قوعامنىڭ ورتاق تانىمىنا اينالدىرىپ، قالىڭ پارتيا مۇشەلەرىن، كادرلاردى جانە جالپى حالىقتى، اسىرەسە، قالىڭ جاستاردى تاريحي سەنىمدى بەكەمدەپ، تاريحتى ەستە بەرىك ساقتاپ، كوكىرەك كەرنەگەن سەنىممەن العا ىلگەرىلەۋگە تاربيەلەۋ كەرەك. پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ قارارى بۇكىل پارتيا ماتەرياليستىك تاريح كوزقاراسى مەن دۇرىس پارتيا تاريحى كوزقاراسىنا تاباندى بولىپ، پارتيانىڭ 100 جىلدىق كۇرەسىنەن ىلگەرى نە ءۇشىن تابىسقا جەتە العاندىعىمىزدى ايقىن كورىپ، بولاشاقتا قايتكەندە ۇزدىكسىز تابىسقا جەتەتىندىگىمىزدى انىق اڭعارىپ، سول ارقىلى اۋەلگى ماقسات پەن بورىشتى اناعۇرلىم باتىل، اناعۇرلىم سانالى تۇردە امالياتتا ايگىلەپ، جاڭا داۋىردە جۇڭگوشا سوتسياليزمگە اناعۇرلىم ويداعىداي تاباندى بولۋ جانە ونى دامىتۋ كەرەكتىگىن باسا دارىپتەدى. بۇل التىنشى جالپى ءماجىلىس العا قويعان ءبىر ماڭىزدى ساياسي مىندەت، ونى تياناقتاندىرۋدى ۇزدىكسىز ويداعىداي يگەرۋىمىز كەرەك.
باس شۋجي شي جينپيڭ بىلاي دەپ باسا دارىپتەدى: ”وسى رەتكى پارتيا تاريحىن ۇيرەنۋ تاربيەسىنىڭ تابىستى تاجىريبەلەرىن مۇقيات قورىتىندىلاپ، ۇدايىلانعان، ۇزاق ونىمدىلىككە يە ءتۇزىم، مەحانيزم ورناتىپ، پارتيا تاريحىن ۇيرەنۋ تاربيەسىنىڭ جەتىستىكتەرىن ۇزدىكسىز بەكەمدەۋ، كەڭەيتۋ كەرەك“. بۇكىل پارتيا پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ۇيرەنۋدى، دايەكتىلەندىرۋدى ماڭىزدى ءتۇيىن ەتىپ، پارتيا تاريحىن ۇيرەنۋ تاربيەسىن ىشكەرىلەي ىلگەرىلەتىپ، تاريحتى ۇيرەنۋ ارقىلى قاعيدانى ءتۇسىنۋدى، تاريحتى ۇيرەنۋ ارقىلى سەنىمدى ارتتىرۋدى، تاريحتى ۇيرەنۋ ارقىلى ءمورالدى اسقاقتاتۋدى، تاريحتى ۇيرەنۋ ارقىلى ۇمتىلا ىستەۋدى ونان ارى ويداعىداي ورىنداپ، بۇكىل پارتياداعى جولداستاردى پارتيا تاريحىن ۇيرەنۋگە، يدەيانى تۇسىنۋگە، ناقتى ءىس ىستەۋگە، جاڭا جاعداي اشۋعا تاربيەلەپ جانە باستاپ، پارتيانىڭ جاسامپاز نازارياسىمەن بۇكىل پارتيانى اناعۇرلىم ويداعىداي قارۋلاندىرىپ، پارتيا ورتالىق كوميتەتىنىڭ شەشىمدەرىندەگى، ورنالاستىرۋلارىنداعى مىندەتتەردى تياناقتاندىرۋ كەرەك. جالپى ءماجىلىس قارارىن قاز - قالپىندا ۇيرەنۋ، پارتيانىڭ 100 جىلدىق كۇرەسىنىڭ شۇعىلالى بارىسىن جەتە ۇيرەنۋ، جەتە يگەرۋ، پارتيانىڭ اۋەلگى ماقساتتان، بورىشتان اينىمايتىن تاباندى كۇرەسىن جەتە ۇيرەنۋ، جەتە يگەرۋ، پارتيانىڭ 100 جىلدىق كۇرەسىنىڭ تاريحي ماڭىزى مەن تاريحي تاجىريبەلەرىن جەتە ۇيرەنۋ، جەتە يگەرۋ، تاريحتى اينا ەتۋدىڭ، بولاشاققا جول اشۋدىڭ ماڭىزدى تالاپتارىن جەتە ۇيرەنۋ، جەتە يگەرۋ كەرەك. پارتكوم (پارتيا باسشىلىق گرۋپپاسى) نازاريا ۇيرەنۋ وزەكتى گرۋپپاسى تۇزىمىنەن ويداعىداي پايدالانىپ، كادرلاردى تاربيەلەۋ - باۋلۋ مەحانيزمىنەن ويداعىداي پايدالانىپ، مەكتەپتىڭ يدەيا - ساياسي ساباعى سىندى ارنادان ويداعىداي پايدالانىپ، قىزىل بايلىقتان ويداعىداي پايدالانىپ، ”مەن بۇقارا ءۇشىن ناقتى ءىس ىستەيمىن“ امالياتتىق قيمىلى قالىپتاستىرعان تاماشا مەحانيزمنەن ويداعىداي پايدالانىپ، جۇڭگو جولىمەن ءجۇرۋ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ سەنىمى مەن بەكىمىن بەكەمدەپ، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، كوكىرەك تولى سەنىممەن جاڭا جورىقتا ەكپىندەي ىلگەرىلەپ، جاڭا داۋىرگە ۇلەس قوسىپ، پارتيا 20 - قۇرىلتايىنىڭ جەڭىسپەن اشىلۋىن ءىس جۇزىندىك ارەكەتپەن قارسى الۋ كەرەك.
قازىر دۇنيە ءجۇزى 100 جىلدا بولماعان زور وزگەرىستى باستان كەشىرۋدە، ەلىمىز جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ شەشۋشى مەزگىلىندە تۇر، پارتيامىز حالىقتى باستاپ كوپتەگەن جاڭا تاريحي ەرەكشەلىككە يە ۇلى كۇرەس جۇرگىزۋدە، جاعدايدىڭ، ورتانىڭ وزگەرىسىنىڭ تەزدىگى، رەفورما، دامۋ، ورنىقتىلىق مىندەتىنىڭ اۋىرلىعى، قايشىلىقتىڭ، حاۋىپ - قاتەردىڭ، سىن - سايىستىڭ كوپتىگى، پارتيامىزدىڭ ەل باسقارۋ سىنىنىڭ اۋىرلىعى بۇرىن بولىپ كورمەگەن دارەجەدە. وتكەن بارىسقا قايىرىلا قاراپ، الداعى ساپارعا كوز جىبەرسەك، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، قاي - قاشان دا قىزىل قان تامىردى جالعاستىرىپ، تاريحتىڭ ىرىقتىلىق رۋحىن ۇزدىكسىز ساۋلەلەندىرىپ، كەشەگى ازاپتى كۇندەر مەن شۇعىلالى شاقتاردى ۇمىتپاي، بۇگىنگى بورىش پەن مىندەتكە ادال بولىپ، ەرتەڭگى ۇلى ارماندى ورىنداپ، قاجىرلىلىقپەن قۇلشىنا ىستەپ، ەرلىكپەن العا باسىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ تەلەگەي كۇشىن ۇيىستىرساق، ءبىز، ءسوز جوق، بارلىق ماشاقاتتى قيىندىقتار مەن حاۋىپتى بوگەتتەردى جەڭىپ، جاڭا، ۇلى جورىقتا جاڭا، ءتىپتى زور حيكىمەتتەر جاراتا الامىز.
(شينحۋا اگەنتتىگىنىڭ 1 - ايدىڭ 16 - كۇنى بەيجيڭنەن بەرگەن حابارى)
