اۆتونوميالى رايوندىق حالىق قۇرىلتايى تۇراقتى كوميتەتىنىڭ پارتيا باسشىلىق گرۋپپاسى القاسى پارتيا تاريحىن ۇيرەنۋ تاربيەسى ارناۋلى تاقىرىپتىق دەموكراتيالىق تۇرمىس جيىنىن اشتى
جاڭا ىسكەرلىك كورسەتىپ، حالىق قۇرىلتايى قىزمەتىندە جاڭا جاعداي اشۋ كەرەك
انار بۇلت / شينجياڭ گازەتىنىڭ ءتىلشىسى لياڭ ليحۋا 1 - ايدىڭ 17 - كۇنى ۇرىمجىدەن حابارلايدى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ورنالاستىرۋى بويىنشا، اۆتونوميالى رايوندىق پارتكومنىڭ ورنالاستىرۋىنا ساي، 1 - ايدىڭ 17 - كۇنى اۆتونوميالى رايوندىق حالىق قۇرىلتايى تۇراقتى كوميتەتىنىڭ پارتيا باسشىلىق گرۋپپاسى القاسى پارتيا تاريحىن ۇيرەنۋ تاربيەسى ارناۋلى تاقىرىپتىق دەموكراتيالىق تۇرمىس جيىنىن اشىپ، پارتيا قۇرۋ ۇلى رۋحىن زور كۇشپەن اسقاقتاتۋدى، پارتيانىڭ 100 جىلدىق كۇرەسىنىڭ تاريحي تاجىريبەلەرىنە تاباندى بولۋدى جانە ونى دامىتۋدى، تاريحي سەنىمدى بەكەمدەۋدى، ءداۋىر بورىشىن امالياتتا ايگىلەۋدى، حالىق ءۇشىن ىستەۋ ىنتا - ىقىلاسىن نىعايتۋدى، جاۋاپكەرشىلىك ارقالاۋعا، ىسكەرلىك كورسەتۋگە باتىل بولۋدى، حالىق بۇقاراسىن ىنتىماقتاستىرىپ، باستاپ، جاڭا ەمتيحان تاپسىرۋ جولىن جاقسى باسۋدى نەگىزگى تاقىرىپ ەتىپ، تۇراقتى كوميتەت پارتيا باسشىلىق گرۋپپاسى القاسى مەن وزدەرىنىڭ يدەيا جانە قىزمەت ءىس جۇزىندىگىمەن بايلانىستىرىپ، پارتيالىلىق تالداۋ جاساپ، سىن جانە ءوز - وزىنە سىندى قاتاڭ جۇرگىزىپ، ماسەلەلەردى مۇقيات تەكسەرىپ ورتاعا قويىپ، رەتتەۋ - تۇزەتۋ شارالارىن ورتاعا قويدى. اۆتونوميالى رايوندىق حالىق قۇرىلتايى تۇراقتى كوميتەتى پارتيا باسشىلىق گرۋپپاسىنىڭ شۋجيى، مەڭگەرۋشىسى شاۋكەت يمىن جيىندى باسقاردى ءارى ءسوز سويلەدى.
اۆتونوميالى رايوندىق ءتارتىپ تەكسەرۋ كوميتەتىندەگى، اۆتونوميالى رايوندىق پارتكوم ۇيىمداستىرۋ بولىمىندەگى قاتىستى جولداستار جيىنعا سىرتتاي قاتىناستى.
اۆتونوميالى رايوندىق حالىق قۇرىلتايى تۇراقتى كوميتەتى پارتيا باسشىلىق گرۋپپاسى وسى رەتكى ارناۋلى تاقىرىپتىق دەموكراتيالىق تۇرمىس جيىنىن جاقسى اشۋعا ايرىقشا ءمان بەرىپ، قىزمەت جوباسىن ارنايى جاسادى. جيىننان بۇرىن تۇراقتى كوميتەت پارتيا باسشىلىق گرۋپپاسىنىڭ مۇشەلەرى جيىننىڭ نەگىزگى تاقىرىبىن ارقاۋ ەتىپ، باس شۋجي شي جينپيڭنىڭ پارتيا تاريحىن ۇيرەنۋ تاربيەسى جونىندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحى، ت. ب لاردى مۇقيات ۇيرەنىپ، كەڭىنەن پىكىر - ۇسىنىس الىپ، سىرلاسۋ، اڭگىمەلەسۋدى ىرىقتىلىقپەن ورىستەتىپ، ماسەلەلەردى قاداعالاۋدى جانە سالىستىرىپ - تەكسەرۋدى ىشكەرىلەي جۇرگىزىپ، سويلەيتىن سوزدەرىنىڭ تەزيسىن مۇقيات جازىپ، ارناۋلى تاقىرىپتىق دەموكراتيالىق تۇرمىس جيىنىن جوعارى ساپامەن اشۋعا تولىق دايىندىق جاسادى.
جيىندا شاۋكەت يمىن اۆتونوميالى رايوندىق حالىق قۇرىلتايى تۇراقتى كوميتەتى پارتيا باسشىلىق گرۋپپاسى القاسى اتىنان سالىستىرىپ تەكسەرۋ جۇرگىزدى ءارى باستاماشىلدىقپەن ءوزىن سالىستىرىپ تەكسەرۋ ءسوزىن سويلەدى. وسىدان كەيىن، پارتيا باسشىلىق گرۋپپاسىنىڭ باسقا مۇشەلەرى ءبىر - بىردەن ءسوز سويلەپ، سالىستىرىپ تەكسەرۋ جۇرگىزىپ، سىن جانە ءوز - وزىنە سىن ورىستەتتى.
شاۋكەت يمىن قورىتىندى سوزىندە بىلاي دەپ اتاپ كورسەتتى: وسى رەتكى دەموكراتيالىق تۇرمىس جيىنى يدەيالىق اۋىس - كۇيىس جاساۋ، ماسەلەلەردى قاداعالاۋ، باعداردى ايقىنداۋ ماقساتىنا جەتىپ، وتە ءونىمدى اشىلدى. وسى رەتكى دەموكراتيالىق تۇرمىس جيىنىن وراي ەتىپ، ناتيجەنى ساۋلەلەندىرىپ، ولقىلىقتاردى تولىقتاپ، پارتيا مەن حالىق جۇكتەگەن قىزمەت جاۋاپكەرشىلىگىن، بورىشتى اناعۇرلىم ويداعىداي ادا ەتۋ كەرەك.
شاۋكەت يمىن بىلاي دەپ باسا دارىپتەدى: ساياسي ادالدىقتى كۇشەيتىپ، ”ەكىنى تۇراقتاندىرۋدى“ باتىل قورعاپ، ”ەكىنى قورعاۋدى“ ادالدىقپەن امالياتتا ايگىلەپ، پارتيا قۇرۋ ۇلى رۋحىن زور كۇشپەن اسقاقتاتىپ، پارتيا تاريحىن ۇيرەنۋ تاربيەسىنىڭ ۇدايىلانۋىن، تۇزىمدەنۋىن ىلگەرىلەتۋ كەرەك. جاۋاپكەرشىلىك ارقالاپ، ىسكەرلىك كورسەتۋدى كۇشەيتىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، زاڭ شىعارۋ قىزمەتى ارقىلى باس نىسانانى جۇزەگە اسىرۋعا زاڭمەن باسقارۋ تىرەگىن ازىرلەپ، باقىلاۋ قىزمەتى ارقىلى باس نىسانانى جۇزەگە اسىرۋعا قىزمەت وتەپ جانە ونى قامتاماسىز ەتىپ، ۋاكىلدەر قىزمەتى ارقىلى باس نىسانانى جۇزەگە اسىرۋعا زەيىن - زەردەنى، كۇش - قۋاتتى ۇيىستىرۋ كەرەك. باس ماقسات تانىمىن كۇشەيتىپ، حالىقتىق تۇرعىدان مىزعىماي، حالىق قۇرىلتايى ءتۇزىمىنىڭ ەلىمىزدىڭ جالپى بارىستىق حالىق دەموكراتياسىن جۇزەگە اسىرۋداعى ماڭىزدى ءتۇزىم دانەكەرى رەتىندەگى رولىن ويداعىداي ساۋلەلەندىرۋ كەرەك. پارتيا توپتاعان ۇلى كۇرەس تاجىريبەلەرىن قورىتىندىلاپ، ويداعىداي پايدالانىپ، تومەنگى شەكتە ويلاۋعا تاباندى بولىپ، كۇرەس جۇرگىزۋ رۋحىن ساۋلەلەندىرىپ، كۇرەس جۇرگىزۋ قابىلەتىن ارتتىرۋ كەرەك. وزىنە توڭكەرىس جۇرگىزۋگە باتىل بولىپ، پارتيا ستيلى، پاكتىك قۇرىلىسى جانە شىرىكتەسۋگە قارسى تۇرۋ كۇرەسىن ىشكەرىلەي ورىستەتىپ، حالىق ءۇشىن ناقتى ءىس ىستەۋ، پاك، كىرشىكسىز بولۋ ساياسي قاسيەتىن ماڭگى ساقتاپ، جاڭا جاۋاپكەرشىلىك ارقالاۋ، جاڭا ىسكەرلىك كورسەتۋ ارقىلى حالىق قۇرىلتايى قىزمەتىنىڭ جاڭا جاعدايىن قۇلشىنا اشىپ، تاڭداۋلى ناتيجەلەرمەن پارتيا 20 - قۇرىلتايىنىڭ جەڭىسپەن اشىلۋىن قارسى الۋ كەرەك.
