تيانشان تورى   ›   جاڭالىقتار   ›   ەل ءىشى حابارى

وزىنە توڭكەرىس جاساۋعا باتىل بولىپ، تاريحي ىرىقتىلىققا قول جەتكىزدى

−19 - كەزەكتى ورتالىق ءتارتىپ تەكسەرۋ كوميتەتى التىنشى جالپى ءماجىلىسىنىڭ اشىلۋى بايلانىسىمەن

□ شينحۋا اگەنتتىگىنىڭ تىلشىلەرى سۇن شاۋلۇڭ، ديڭ شياۋشي، حۋاڭ يۋە

  ”ءبىز تەك وزىمىزگە ءوزىمىز توڭكەرىس جاساۋعا باتىل بولعاندا عانا، تاريحي ىرىقتىلىققا قول جەتكىزە الامىز“.

  2021 - جىلى 12 - ايدىڭ 31 - كۇنى باس شۋجي شي جينپيڭ مەملەكەت ءتوراعاسى سالاۋاتىمەن جاڭا جىلدى قۇتتىقتاۋ ءسوزىن جاريالاپ، جۇڭحۋا ۇلتىنىڭ ۇلى گۇلدەنۋى استە جەڭىل - جەلپى، قۇر ايعاي - سۇرەنمەن جۇزەگە اسا سالاتىن ءىس ەمەس ەكەندىگىن، وعان ءارقاشان كۇدىر - بوگەتسىز، قىسقا ۋاقىتتا قول جەتكىزە سالۋ دا استە مۇمكىن ەمەس ەكەندىگىن تەرەڭ اتاپ كورسەتتى.

  وزىنە توڭكەرىس جاساۋعا باتىل بولۋ − جۇڭگو كوممۋنيستىك پارتياسىنىڭ ەڭ ايقىن قاسيەتى.

  ماڭگىلىك ۇلى ءىستى مۇرات ەتىپ، 100 جىلدىق كەمەل شاعىنا كەلدى. جاڭا ”ەمتيحان تاپسىرۋ“ جولىنا تۇسكەندە شي جينپيڭ جولداستى ۇيتقى ەتكەن پارتيا ورتالىق كوميتەتى وزىنە توڭكەرىس جاساۋعا باتىل بولۋداي جىگەر - قايراتپەن جانە ارىنمەن، تاريحي زاڭدىلىقتى يگەرىپ، تاريحي ىرىقتىلىقتى يگەرىپ، جۇڭگوشا سوتسياليزم ىستەرى كەمەسىنىڭ تولقىن جارا، العان بەتتەن قايتپاي العا ىلگەرىلەۋىن جەبەدى.

جاڭا باستامادا قايتا اتتانۋ

− جاڭا داۋىردەگى پارتيا قۇرىلىسىنىڭ جاڭا ۇلى ينجەنەرياسىن ۇزدىكسىز ىلگەرىلەتتى

  2021 - جىلى جۇڭگو كوممۋنيستىك پارتياسى 100 جىلدىق مەرەيتويىن قارسى الدى.

  قۇرىلعان العاشقى تۇستاعى نەبارى 50 نەشە پارتيا مۇشەسىنەن قازىرگى 95 ميلليوننان استام پارتيا مۇشەسى بار بولعان، ءبىر ميلليارد 400 ميلليوننان استام حالقى بار ءىرى ەلدە ۇزاق ۋاقىت بيلىك جۇرگىزگەن دۇنيە جۇزىندەگى ەڭ ءىرى ساياسي پارتيا بولعانعا دەيىن جۇڭگو كوممۋنيستىك پارتياسى تىنىشتىق - بىلىقپالىق، گۇلدەنۋ - قۇلدىراۋ سىندى تاريح پەريودىنان قالاي اتتاپ ءوتتى؟

  1945 - جىلى جاپون شاپقىنشىلارىنا قارسى سوعىس جەڭىسىنە قاراعان ءتۇنى، يان - انداعى جەر كەپەدە حۋاڭ يانپەي ورتاعا قويعان ”تاريح پەريودى ساۋالىنا“ ماۋ زىدۇڭ جولداس ءبىرىنشى جاۋاپتى بەردى، ياعني ”تەك حالىق ۇكىمەتتى باقىلاعاندا عانا، ۇكىمەت بوساڭسي المايدى“.

  2021 - جىلى 11 - ايدا پارتيا 19 - كەزەكتى ورتالىق كوميتەتىنىڭ التىنشى جالپى ماجىلىسىندە باس شۋجي شي جينپيڭ باتىل الپەت، كەسەتىمدى سوزبەن ”جەر كەپە جاۋابىن“ ارنايى تىلگە الدى −

  ”100 جىلدىق كۇرەس، اسىرەسە، پارتيا 18 - قۇرىلتايىنان بەرگى جاڭا امالياتتار ارقىلى پارتيامىز ەكىنشى جاۋاپتى بەردى، مىنە بۇل، وزىنە توڭكەرىس جاساۋ“.

  ”پارتيامىز 100 جىلدى باستان وتكىزىپ، شۇعىلالى تابىستار جاراتتى، پارتيا ىشىندە، پارتيا سىرتىندا، ەل ىشىندە، ەل سىرتىندا ماداق ۇندەرى اسا كوپ. وسىنداي بولعان سايىن وزىنە توڭكەرىس جاساۋ رۋحىن سونشا اسقاقتاتۋ كەرەك، ءبىرىڭعاي ماداق ءۇنى ىشىندە ءوزىمىزدى جوعالتىپ الۋىمىزعا استە بولمايدى“.

  100 جىلدىق بوران - شاشىندا مويىماي ىلگەرىلەپ، 100 جىلدىق زور تولقىندا ەكشەلدى.

  1932 - جىلى شيە بۋشىڭدى تەكسەرىپ ءبىر جاقتى ەتۋ، رۇيجيندە شىرىكتەسكەندەردى جازالاۋ - جونگە سالۋدىڭ ”العاشقى مىلتىعىنىڭ“ ءۇنى شىققاننان جاڭا جۇڭگو قۇرىلعاننان كەيىن ليۋ چيڭشان، جاڭ زىشاندى ءولىم جازاسىنا كەسكەن ”رەسپۋبليكاداعى شىرىكتەسۋگە قارسى تۇرۋداعى ءبىرىنشى دەلوعا“ دەيىن، ونان جاڭا داۋىردە بۇرىن بولىپ كورمەگەن تەبىنمەن ستيل دۇرىستاپ، ءتارتىپتى قاتايتىپ، شىرىكتەسۋگە قارسى تۇرۋعا، پارتيانى جاپپاي قاتاڭ جونگە سالۋدى ىلگەرىلەتۋگە دەيىن... جۇڭگو كوممۋنيستىك پارتياسىنىڭ 100 جىلدىق تاريحى وزىنە توڭكەرىس جاساۋعا باتىل بولۋ تاريحى بولدى.

  پارتيا 19 - كەزەكتى ورتالىق كوميتەتىنىڭ التىنشى جالپى ءماجىلىسى ماقۇلداعان «جۇڭگو كوممۋنيستىك پارتياسىنىڭ پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرى جونىندەگى قارارى» تەرەڭ تاريحي اقىل - پاراساتپەن ”10 تاباندى بولۋدان“ جۇڭگو كوممۋنيستىك پارتياسىنىڭ 100 جىلدىق كۇرەسىنىڭ تاريحي تاجىريبەلەرىن تەرەڭ قورىتىندىلادى، ”وزىنە توڭكەرىس جاساۋعا باتىل بولۋ“ ءدال سولاردىڭ ىشىندەگى بىرەۋى:

  ”ءبىز تەك پارتيانىڭ العاباسارلىعى مەن كىرشىكسىزدىگىنە داق كەلتىرەتىن بارلىق فاكتورلاردى ۇزدىكسىز الاستاپ، پارتيانىڭ اقاۋسىز تۇلعاسىنا زالال جەتكىزەتىن ۆيرۋس اتاۋلىنى ۇزدىكسىز تازالاساق بولعانى، ءسوزسىز، پارتيامىزدىڭ قاسيەتىن ماڭگى ساقتاۋعا، ءتۇسىن ماڭگى وزگەرتپەۋگە، سيپاتىن ماڭگى ساقتاۋعا شىنايى كەپىلدىك ەتىپ، پارتيانىڭ جاڭا داۋىردەگى جۇڭگوشا سوتسياليزمگە تاباندى بولۋ مەن ونى دامىتۋدىڭ تاريحي ۇردىسىندە باستان - اياق پارمەندى باسشىلىق ۇيتقى بولۋىنا شىنايى كەپىلدىك ەتە الامىز“.

  100 جىلدىق كۇرەس، داڭعىل جول.

  ”قوس 100 جىلدىق“ كۇرەس نىساناسىنىڭ تاريحي توعىسۋ تۇيىنىندە تۇرعاندا، شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل پارتيا تاريحتان اقىل - پاراسات قابىلداپ، سۇيەكتى قىرىپ، ۋىتتى ايدايتىن باتىلدىقپەن پارتيا ىشىندەگى ەسكىلىكتى سىرقات، ءسىڭىستى اۋرۋلارعا پىشاق سىلتەپ، تاستاي بەرىك ەرىك - جىگەرمەن ستيل دۇرىستاپ، ءتارتىپتى قاتايتىپ، شىرىكتەسۋگە قارسى تۇرىپ، پارتيامىزدىڭ وزىنە توڭكەرىس جاساۋ سىندى ەڭ ايقىن قاسيەتىن ماڭگى ساقتاۋعا ۇندەدى.

  بۇل جاڭا داۋىردەگى جۇڭگو كوممۋنيستەرىنىڭ تاريحتى اينا ەتكەن قىراعى سانالىلىعى −

  ”قامال ىشكى جاقتان ەڭ وڭاي الىنادى“.

  2021 - جىلى كوكتەم مەرەكەسىنىڭ دەمالىسى وتە سالىسىمەن، بۇكىل پارتيانى قامتىعان ءبىر رەتكى شوعىرلى تاربيە قيمىلى − پارتيا تاريحىن ۇيرەنۋ تاربيەسى شىمىلدىعىن اشتى.

  باس شۋجي شي جينپيڭ جۇمىلدىرۋ جينالىسىندا بىلاي دەپ باسا دارىپتەدى: پارتيانىڭ 100 جىلدىق تاريحى ءارى پارتيامىزدىڭ پارتيانىڭ العاباسارلىعى مەن كىرشىكسىزدىگىن ۇزدىكسىز ساقتاۋدىڭ، ىدىراتۋدىڭ، ءشىرىتۋدىڭ قاتەرىنەن ۇزدىكسىز ساقتانۋ تاريحى.

  پارتيا قۇرىلىسىنداعى رەال ماسەلەلەردى شەشۋدى كوزدە ۇستاپ، پارتيانىڭ باسشىلىق ورەسى مەن بيلىك جۇرگىزۋ ورەسىن ۇزدىكسىز جوعارىلاتىپ، شىرىكتەسۋدەن اۋلاق بولۋ، وزگەرۋدەن ساقتانۋ جانە حاۋىپ - قاتەرگە قارسى تۇرۋ قابىلەتىن كۇشەيتتى... باس شۋجي شي جينپيڭ بۇكىل پارتيانى تاريحي تاجىريبە - ساباقتاردى قورىتىندىلاپ، پارتيانىڭ وزىنە توڭكەرىس جاساۋىن ۇزدىكسىز ىلگەرىلەتۋگە، پارتيانىڭ جالىندى ومىرشەڭدىك كۇشىن ماڭگى ساقتاۋعا ۇندەدى.

  ءبىر جىلدا پارتيا تاريحىن ۇيرەنۋ تاربيەسى تىڭعىلىقتى، ىشكەرىلەي ورىستەتىلدى، قالىڭ پارتيا مۇشەلەرى، كادرلار تەرەڭ تاريحي سەنىم، نازاريالىق سانالىلىق، ساياسي تانىم، سيپات، باس ماقسات، توڭكەرىس رۋحى، ءداۋىر جاۋاپكەرشىلىگى تاربيەسىن الىپ، تاريحتى ۇيرەنۋ ارقىلى قاعيدانى ءتۇسىنۋ، تاريحتى ۇيرەنۋ ارقىلى سەنىمدى ارتتىرۋ، تاريحتى ۇيرەنۋ ارقىلى ءمورالدى اسقاقتاتۋ، تاريحتى ۇيرەنۋ ارقىلى ۇمتىلا ىستەۋ جاعىندا كورنەكتى ونىمدىلىكتەرگە قول جەتكىزدى.

  ىلگەرى نە ءۇشىن تابىسقا جەتە العاندىعىمىزدى ايقىن كورىپ، بولاشاقتا قايتكەندە ۇزدىكسىز تابىسقا جەتەتىندىگىمىزدى انىق اڭعاردىق. باس شۋجي شي جينپيڭ بۇكىل پارتيانى تاريحتى اينا ەتىپ، تاريحتى ۇيرەنىپ، جىگەردى شىڭداۋ ارقىلى تاريحي تاجىريبەلەردەن جاۋدى جەڭۋدىڭ اسىلىن ۇزدىكسىز سۇرىپتاپ شىعۋعا باستادى.

  بۇل جاڭا داۋىردەگى جۇڭگو كوممۋنيستەرىنىڭ قاسيەتتى ماڭگى ساقتاۋىنىڭ قۇن تالپىنىسى −

  2021 - جىلى 6 - اي، ايبىندى دا ساۋلەتتى قىزىل جاڭا جەر بەلگىسى − جۇڭگو كوممۋنيستىك پارتياسى تاريحى كورمە سارايى استانا بەيجيڭدە رەسمي اشىلدى.

  ”قازىر وسى تاقتانىڭ ىشىندەگى 8 تارماقتا ءماجىلىس قيمىلدارىن ىقشامداۋ، كۇزەت قىزمەتىن جاقسارتۋ، اقپاراتتىق حابارلاۋدى جاقسارتۋ، ۇنەمشىل دە ۇقىپتى بولۋدى بۇلجىتپاي اتقارۋ بارلىعى جاقسى ىستەلىپ جاتىر، تاعى دا قايتا - قايتا دارىپتەۋ، قايتا - قايتا يگەرۋ كەرەك...“.

  2021 - جىلى 6 - ايدىڭ 18 - كۇنى شي جينپيڭ قاتارلى پارتيا مەن مەملەكەت باسشىلارى جۇڭگو كوممۋنيستىك پارتياسى تاريحى كورمە سارايىنا بارىپ ەكسكۋرسيالادى. ورتالىقتىڭ 8 ءتۇرلى بەلگىلەمەسى كورمە تاقتاسىنىڭ الدىندا باس شۋجي ايالداپ، نىقتاي سويلەدى −

     ”8 ءتۇرلى بەلگىلەمەنى ۇزبەي دايەكتىلەندىرۋ كەرەك“.

  ءداۋىردىڭ جاڭعىرىعى تاريح پەن رەالدىقتىڭ سوقتىعىسۋىنان تۋىلادى.

  1927 - جىلى كۇزگى جيىن - تەرىن كوتەرىلىسىنىڭ اسكەري ءبولىمى ەرەكشە قيىن جاعدايدا قالعاندا، ماۋ زىدۇڭ اسكەري بولىمدەگى وفيتسەر- اسكەرلەرگە: ارەكەتتە قولباسشىلىققا بويسۇنۋ، بۇقارانىڭ ءبىر تال ءتاتتى كارتوبىنا دا تيىسپەۋ، بايلارعا سوققى بەرىپ، قايتارىپ العان نارسەلەردى ۇكىمەتكە تاپسىرۋ... سىندى تالاپتاردى قويدى، مىنە بۇل، حالىق ارمياسىن جەڭىمپاز ەتكەن ”ءۇش ۇلكەن ءتارتىپ، سەگىز ساقتىقتىڭ“ باستاپقى سۇلباسى ەدى.

  90 نەشە جىلدان كەيىنگى بۇگىنگى تاڭدا جاڭا داۋىردەگى ورتالىقتىڭ 8 ءتۇرلى بەلگىلەمەسى جۇڭگو قوعامىن تەرەڭ وزگەرتىپ، پارتيامىزدىڭ ستيل قۇرىلىسىنىڭ ”التىن تانىسقىسىنا“ اينالۋدا.

  بۇل جاڭا داۋىردەگى جۇڭگو كوممۋنيستەرىنىڭ وزىنە ۇلى توڭكەرىس جاساۋ ارقىلى ۇلى قوعامدىق توڭكەرىسكە جەتەكشىلىك ەتكەن ستراتەگيالىق جوسپارى −

  2021 - جىلى 7 - ايدىڭ 1 - كۇنى، تيان - انمىن الاڭىندا شىعىس جەلى بەتتى سيپاپ، قىزىل تۋ جەلبىرەپ تۇر، جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جينالىسى سالتاناتپەن وتكىزىلدى.

  اسقاق تا ايبىندى تيان - انمىن مىنبەسىندە تۇرىپ، باس شۋجي شي جينپيڭ ايبىندى تاريحي كوز ايامەن پارتيانىڭ 100 جىلدىق شۇعىلالى تاريحىن تەرەڭ قورىتىندىلاپ، وزىنە توڭكەرىس جاساۋدىڭ ماڭىزدىلىعىن قايتالاي باسا دارىپتەدى:

  ”پارتيامىزدىڭ سان رەتكى شىڭدالۋدان ءوتىپ، ارىندى دا الىمدى بولىپ تۇرا الۋىنداعى اسا ماڭىزدى ءبىر سەبەپ − ءبىز باستان - اياق پارتيانى پارتيا باسقارۋعا، پارتيانى جاپپاي قاتاڭ جونگە سالۋعا تاباندى بولىپ، ءوزىمىز ءارقايسى تاريحي كەزەڭدەردە ءدوپ كەلگەن حاۋىپ - قاتەرلەر مەن سىندارعا ۇزدىكسىز ويداعىداي توتەپ بەرىپ، پارتيامىزدىڭ دۇنيە ءجۇزى جاعدايىندا تەرەڭ وزگەرىستەر تۋىلعان تاريحي ۇردىستە باستان - اياق ءداۋىردىڭ الدىڭعى لەگىندە جۇرۋىنە، ەل ءىشى - سىرتىنداعى ءتۇرلى حاۋىپ - قاتەرلەر مەن سىن - سايىستارعا توتەپ بەرۋدىڭ تاريحي ۇردىسىندە باستان - اياق بۇكىل ەل حالقىنىڭ تىرەگى بولۋىنا شىنايى كەپىلدىك ەتكەندىگىمىز!“.

  100 جىلدىق ءىرى پارتيانىڭ تولىسىپ شالقىعان شاعى، ىرگەلى ءىرى ەلدىڭ رايى اناعۇرلىم جاڭاردى.

بوساڭسىمادى، قادامىن توقتاتپادى

− پارتيانى جاپپاي قاتاڭ جونگە سالۋدىڭ جاڭا جاعدايىن اشتى

  2022 - جىلى 1 - ايدىڭ 4 - كۇنى «جۇڭگو كوممۋنيستىك پارتياسى ءتارتىپ تەكسەرۋ كوميتەتىنىڭ قىزمەت ەرەجەسىنىڭ» تولىق ءماتىنى جاريالاندى.

  پارتيا تاريحىنداعى ءتارتىپ تەكسەرۋ كوميتەتىنىڭ قىزمەتىن جاپپاي ارناعا تۇسىرگەن پارتيا ىشىندەگى تۇڭعىش زاڭ ەرەجە رەتىندە، «ەرەجە» ءتارتىپ تەكسەرۋ كوميتەتىنىڭ ساياسي ورنىن تۇراقتاندىرۋىن ايقىنداپ، ءتارتىپ تەكسەرۋ كوميتەتىنىڭ ساياسي جاۋاپكەرشىلىگىن كورنەكتىلەندىرىپ، ءتارتىپ تەكسەرۋ كوميتەتىنىڭ ساياسي ورگان سيپاتىن كورنەكتىلەندىردى.

  پارتيانى جاپپاي قاتاڭ جونگە سالۋدا، الدىمەن ساياسي جاقتان قاراۋ كەرەك. ساياسيدى دارىپتەۋ − پارتيامىزدىڭ وزىنە توڭكەرىس جاساۋ باتىلدىعىن جەتىلدىرۋىنىڭ، ءوزىن كىرشىكسىزدەندىرۋ قابىلەتىن كۇشەيتۋىنىڭ، ۋىتتى ايداپ، باكتەريانى جوياتىن ساياسي يممۋنيتەتتىك قۋاتتى جوعارىلاتۋىنىڭ ءتۇبىرلى جولى.

  جاڭا داۋىرگە قادام تاستاعاندا ءتارتىپ تەكسەرۋ، باقىلاۋ - تەكسەرۋ قىزمەتىنىڭ جوعارى ساپالى دامۋىندا نازاردى پارتيانىڭ ساياسي قۇرىلىسىنا شوعىرلاندىرىپ، ”ەكىنى قورعاۋ“ توڭىرەگىندە ساياسي باقىلاۋدى كۇشەيتىپ، ساياسي باقىلاۋدىڭ ناقتىلانۋىن، ۇدايىلانۋىن ۇزدىكسىز ىلگەرىلەتىپ، پارتيا ورتالىق كوميتەتىنىڭ كەلەلى شەشىمدەرى مەن ورنالاستىرۋلارىنىڭ تىڭعىلىقتى دايەكتىلەندىرىلۋىنە، تياناقتاندىرىلۋىنا شىنايى كەپىلدىك ەتۋ كەرەك.

  2020 - جىلى 8 - ايدىڭ 31 - كۇنى چيڭحاي ولكەسى مۋلي كەن رايونىن، سونداي - اق چيليانشاننىڭ وڭتۇستىك بوكتەرىندەگى چيڭحاي اۋماعىنىڭ ەكولوگيالىق ورتاسىن كەشەندى جونگە سالۋدى رەسمي باستادى. وسىعان دەيىن كوپتەگەن ادامنىڭ زاڭسىز كومىر قازۋ ماسەلەسى سەبەبىنەن ۇيىمدىق تەكسەرۋگە الىنىپ، مۋلي كەن رايونى دا ءوندىرىس، تيجارات قيمىلى اتاۋلىنىڭ بارلىعىن دوعاردى.

  وسى نەگىزدە ستيلدەگى كورنەكتى ماسەلەلەردى شوعىرلى رەتتەۋ - جونگە سالۋ چيڭحايدا بۇكىل ولكە كولەمىندە ورىستەتىلدى.

  چيڭحاي ولكەلىك ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى حايشي موڭعۇل، زاڭزۋ اۆتونوميالى وبلىسىنىڭ وبلىستىق پارتكومىنا، وبلىستىق ۇكىمەتىنە ساياسي ەكولوگيانى تۇزەۋ پىكىرىن ءتۇسىردى. مۋلي كەن رايونى سىندى وسى ”تۇيىندە“ رەتتەۋ - جونگە سالۋدى ويداعىداي ىستەۋمەن بىرگە، چيڭحاي تاعى چيليانشاننىڭ وڭتۇستىك بوكتەرىندەگى چيڭحاي اۋماعىنداعى 63 مىڭ 100 شارشى كيلومەترلىك وسى ”اۋماققا“ تور جايىپ شەتىنەن تەكسەرىپ، بايقالعان 798 ”ماسەلە داعىن“ تۇرگە ايىرىپ، رەتتەپ - جونگە سالدى.

  بەيجيڭ قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن وتكىزۋگە دايىندالۋ سياقتى ءتۇيىندى مىندەتتەردى باقىلاۋدى كۇشەيتتى، حالىقتىق اۋە قورعانىسى مەن قامداۋ - ساتۋ جۇيەسىندەگى شىرىكتەسۋدى جونگە سالۋدى، بەلگىلەمەگە قايشى سالىنعان ساياجايلاردى انىقتاپ رەتتەۋ - جونگە سالۋدى، كومىر بايلىعى سالاسىنداعى شىرىكتەسۋدى ارناۋلى رەتتەۋ - جونگە سالۋدى تەرەڭدەتتى ...

  پارتيا ورتالىق كوميتەتىنىڭ كەلەلى شەشىمدەرى، ورنالاستىرۋلارى قاي جەرگە ورنالاستىرىلسا، باقىلاۋ - تەكسەرۋ سول جەرگە دەيىن ىلەسىپ باردى. 2021 - جىلى 1 - ايدان 10 - ايعا دەيىن بۇكىل ەلدەگى ءتارتىپ تەكسەرۋ، باقىلاۋ - تەكسەرۋ ورگاندارى باس شۋجي شي جينپيڭنىڭ ماڭىزدى نۇسقاۋلارىن، بەكىتۋلەرىن جانە پارتيا ورتالىق كوميتەتىنىڭ كەلەلى شەشىمدەرىن، ورنالاستىرۋلارىن دايەكتىلەندىرۋدىڭ، تياناقتاندىرۋدىڭ پارمەندى بولماۋى ماسەلەسىنەن 247 مىڭىن بايقادى ءارى تۇزەتتى.

  2021 - جىلى 12 - ايدىڭ 1 - كۇنى، پارتيا 19 - كەزەكتى ورتالىق كوميتەتىنىڭ التىنشى جالپى ءماجىلىسى جابىلعانىنا ءبىر اي بولماستان، ورتالىق ءتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتى سايتى ينفورماتسيا جاريالادى −

  ”جياڭسۋ ولكەلىك پارتكومنىڭ بۇرىنعى ورىنباسار شۋجيى جاڭ جيڭحۋا تارتىپكە، زاڭعا اۋىر قايشىلىق جاسادى دەگەن كۇمانمەن ورتالىق ءتارتىپ تەكسەرۋ كوميتەتىنىڭ، مەملەكەتتىك باقىلاۋ - تەكسەرۋ كوميتەتىنىڭ تارتىپتىك تەكتەۋى مەن باقىلاپ تەكسەرۋىن قابىلداۋدا“.

  جاڭ جيڭحۋانىڭ تەكسەرىلۋىنە ىلەسە، 2021 - جىلى ورتالىق ءتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتى سايتى جاريالاعان تەكتەۋگە، تەكسەرۋگە الىنعان ورتالىق كوميتەت ۇيىمداستىرۋ ءبولىمىنىڭ باسقارۋىنداعى كادر 25كە جەتتى، مۇنىڭ ىشىندە فينانس، ساياسي - زاڭ سياقتى ءتۇيىندى سالالارداعى، شەشۋشى بۋىندارداعى ”ۇلكەن جولبارىستار“ دا از ەمەس.

  ەگەر شىرىكتەسۋ اۋرۋ دەسەك، وندا ءتۇيىندى سالالارداعى، شەشۋشى بۋىندارداعى شىرىكتەسۋ تالماۋ جەردەگى، ەڭ اۋىر، ەڭ قاتەرلى ۋلى وسپە بولىپ تابىلادى.

  ءبىر جىلدا ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى نازاردى ساياساتتىق قولداۋ سەرپىنى زور بولعان، قارجى ءجيى قوسىلعان، بايلىق شوعىرلانعان سالالار مەن بۋىندارعا شوعىرلاندىرىپ، باقىلاۋدى، ءتارتىپ اتقارۋدى، زاڭ اتقارۋدى كۇشەيتىپ، جازالاۋ ارقىلى سەسكەندىرۋدى، تۇزىمدىك تەجەۋدى، سانانى جوعارىلاتۋدى ءبىر تۇلعالاندىرۋعا كۇش سالدى.

  فينانس سالاسىندا، مەملەكەتتىك وركەندەتۋ بانكەسى پارتكومىنىڭ بۇرىنعى مۇشەسى، بۇرىنعى ورىنباسار بانكە باستىعى حى شيڭشياڭ، جۇڭگو اۋىل شارۋاشىلىعىن وركەندەتۋ بانكەسى حىنان ولكەلىك بولىمشە بانكەسى پارتكومىنىڭ بۇرىنعى ورىنباسار شۋجيى، بۇرىنعى ورىنباسار بانكە باستىعى ياڭ بايلۋ سياقتى ءبىر توپ ”جەگىقۇرت“ تەكسەرىلىپ، ءبىر جاقتى ەتىلىپ، دەلونى تەكسەرىپ ءبىر جاقتى ەتۋدىڭ تەرەڭدىگى مەن ءورىسى ۇزدىكسىز كەڭەيدى؛

  ساياسي - زاڭ جۇيەسىندە، بۇكىل ەلدەگى 1 - توپتاعى ساياسي - زاڭ قوسىنىنداعى تاربيەلەۋ، رەتكە سالۋ جانە ”قايتا قاداعالاۋ“ ورىستەتىلگەن كەزدە 20 مىڭعا جۋىق كادر - ساقشى ىرىقتىلىقپەن ءوزىن مالىمدەپ، 195 مەڭگەرمە، مەكەمە دارەجەلى كادر ءبىر جاقتى ەتىلدى، جازالاندى. ەڭ جوعارى حالىق سوتى مەكەمەسى تەرگەۋ كوميسسياسىنىڭ بۇرىنعى مۇشەسى، اتقارۋ مەكەمەسىنىڭ بۇرىنعى باستىعى مىڭ شياڭ سياقتى ساياسي - زاڭ جۇيەسىندەگى ءبىر توپ ”جولبارىس“ تەكسەرىلدى.

  استىق ساتىپ الۋ - ساتىپ بەرۋ سالاسىندا، ورتالىق ءتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتى 2021 - جىلى 8 - ايدا بۇكىل ەل كولەمىندە استىق ساتىپ الۋ - ساتىپ بەرۋ سالاسىنداعى شىرىكتەسۋ ماسەلەلەرىن ارناۋلى رەتتەۋ - جونگە سالۋ قىزمەتىن ورىستەتۋدى ورنالاستىرىپ، ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى استىق ساتىپ الۋ - ساتىپ بەرۋ سالاسىنداعى شىرىكتەسۋ ماسەلەلەرىنە مەڭزەس دەلو ىستەۋ سەرپىنىن ارتتىرىپ، ويىنا كەلگەنىن ىستەگەن، ارانى اشىلعان ءبىر توپ ”قاپتەسەرلەردى“ تەكسەرىپ، ءبىر جاقتى ەتتى...

  2021 - جىلدىڭ سوڭىندا ورتالىق ءتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتى سايتى شىرىكتەسۋگە قاتىستى 10 ءىرى ”قولامتالى ءسوزدى“ جاريالادى، وسىنىڭ ءبىرى ”ءتورت ءتۇرلى بۇرىس ستيل مەن شىرىكتەسۋدىڭ ءبىر تۇلعالانۋى“ بولدى.

  ”ءتورت ءتۇرلى بۇرىس ستيل“ مەن شىرىكتەسۋ تامىرلاس، توركىندەس، ءوزارا تاقىلەتتەس. 2021 - جىلى 9 - ايدا ورتالىق ءتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتى ورتالىقتىڭ 8 ءتۇرلى بەلگىلەمەسىنىڭ رۋحىنا قايشىلىق جاساۋ تيپتىك ماسەلەلەرىن اشىق حابارلاندىردى، 10 ماسەلەنىڭ بەسەۋى ورتالىق ۇيىمداستىرۋ ءبولىمىنىڭ باسقارۋىنداعى كادرلاردىڭ ءتورت ءتۇرلى بۇرىس ستيلى شىرىكتەسۋگە وزگەرىپ، ءتورت ءتۇرلى بۇرىس ستيلى مەن شىرىكتەسۋى ءبىر تۇلعالانىپ، ەڭ سوڭىندا پارتيا ءتارتىبىنىڭ، مەملەكەت زاڭىنىڭ جازاسىنا ۇشىراعان تارتىپكە، زاڭعا اۋىر قايشىلىق جاساۋ دەلوسى بولىپ تابىلادى.

  ”ءتورت ءتۇرلى بۇرىس ستيل“ ماسەلەسىن قاتاڭ جازالاۋ − شىرىكتەسۋدىڭ ءوسىپ - ءوربيتىن جىلى ۇياسىن جويۋ بولىپ تابىلادى.

  2021 - جىلى 1 - ايدان 11 - ايعا دەيىن ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى جيىنى 91 مىڭ ”ءتورت ءتۇرلى بۇرىس ستيل“ ماسەلەسىن تەكسەرىپ ءبىر جاقتى ەتىپ، 131 مىڭ ادامدى سىندادى، تاربيەلەدى، كومەكتەستى جانە ءبىر جاقتى ەتتى. سونىمەن بىرگە، 2021 - جىلى ورتالىق ءتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتى جيىنى 4 توپتاعى 34 تيپتىك ماسەلەنى اشكەرەلەپ، دەلو ارقىلى ءتارتىپتى ءتۇسىندىرۋ، زاڭدى ۇگىتتەۋ سەرپىنىن ونان ارى كۇشەيتتى.

  ”پارا بەرۋشىلەردىڭ ’قارا ءتىزىمى‘ ءتۇزىمىن جالپىلاستىرۋعا ىزدەنىس جاساۋ“. ورتالىق ءتارتىپ تەكسەرۋ كوميتەتىنىڭ، مەملەكەتتىك باقىلاۋ - تەكسەرۋ كوميتەتىنىڭ 2021 - جىلدىق ءماجىلىسى كوپتەگەن ورىندارمەن بىرگە باسىپ تاراتقان «پارا الۋ مەن پارا بەرۋدى بىرگە تەكسەرۋدى ونان ارى ىلگەرىلەتۋ جونىندەگى پىكىردەگى» وسى ءبىر تالاپ قوعامدىق پىكىردىڭ قىزۋ تالقىسىن قوزعادى.

  ءبىر سايتتاس بىلاي دەپ لەبىز قالدىردى: پارا بەرۋشى جونىنەن العاندا، پارا بەرۋ سەبەبىنەن ”قارا تىزىمگە ءتۇسىرىلۋى“ الداعى جەردە بارلىق جەردە شەكتەۋگە ۇشىراۋ مۇمكىندىگىنەن دەرەك بەرەدى، مىنە بۇل ”ۇرىمتال تۇسىنان ۇرعاندىق“.

  پارتيانى جاپپاي قاتاڭ جونگە سالۋدا ءتۇزىم قاپاسىن، ءسوزسىز، مىقتاپ بەكىتۋ كەرەك.

  2021 - جىلى ”ءبىرىنشى باسشىنى“ باقىلاۋدان پارا الۋ مەن پارا بەرۋدى بىرگە تەكسەرۋگە دەيىن، باقىلاۋ - تەكسەرۋ زاڭىن اتقارۋ ەرەجەسىنەن باقىلاۋ - تەكسەرۋشىلەر زاڭىنا دەيىن، ودان ارى ءتارتىپ تەكسەرۋ كوميتەتى قىزمەت ەرەجەسىنە دەيىن... ءبىر قىدىرۋ زاڭ ەرەجە، تۇزىمدەردىڭ جاسالىپ اتقارىلۋى پارتيالى كادرلاردىڭ تارتىپكە، زاڭعا بويسۇنۋىنا اناعۇرلىم جوعارى تالاپ قويىپ قانا قويماي، ءتارتىپ تەكسەرۋ، باقىلاۋ - تەكسەرۋ كادرلارىنىڭ ەرەجە، ءتارتىپ، زاڭ بويىنشا قىزمەت ورىستەتۋىنە قاتاڭ ولشەم شىعاردى.

  تالاي - تالاي دەلولار، ءبىر - بىرلەگەن بەلگىلەمەلەر پارتيانى جاپپاي قاتاڭ جونگە سالۋدى ۇزدىكسىز ىلگەرىلەتۋ، جاڭا جاعداي اشۋ ۇلى امالياتىنىڭ كۋاسى بولدى.

  فاكتتەر مىنانى دالەلدەدى ءارى ۇزدىكسىز دالەلدەي بەرەدى: وزىنە توڭكەرىس جاساۋ − قوعامدىق توڭكەرىستى ىلگەرىلەتۋدىڭ قۇدىرەتتى قوزعاۋشى كۇشى، حالىقتىڭ تىلەگىنە ۇيلەسۋ، پارتيانىڭ تۇلعاسىن كىرشىكسىزدەندىرۋ، پارتيا بەكىمىنە، حالىق تىلەگىنە شىنايى قول جەتكىزۋ كۇرەسى.

بورىش ارقالاپ، بولاشاققا بەتتەدى

− وزىنە توڭكەرىس جاساۋ ارقىلى تاريحي ىرىقتىلىققا قول جەتكىزدى

  ”وزىنە توڭكەرىس جاساۋدىڭ تەتىگى − ماسەلەگە دۇرىس قاراۋ سانالىلىعى مەن پىشاقتىڭ ءدۇزىن وزىنە قاراتۋ باتىلدىعىنىڭ بولۋىندا“.

  2022 - جىلى جاڭا جىل باستالعاندا ولكە - مينيسترلىك دارەجەلى نەگىزگى باسشى كادرلاردىڭ پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ جونىندەگى ارناۋلى تاقىرىپتىق زەرتتەۋ - تالقى كۋرسى ورتالىق پارتيا مەكتەبىندە (مەملەكەتتىك اكىمشىلىك شۋەيۋانى) وقۋ باستادى.

  وسى ”شەشۋشى ازشىلىق“ ءۇشىن اشىلعان ”جاڭا جىلداعى العاشقى ساباقتا“ باس شۋجي شي جينپيڭ تاعى دا ساقتىق دابىلىن قاقتى −

  ”قازىر شىرىكتەسۋگە قارسى تۇرۋ كۇرەسى ۇستەم جەڭىسكە جەتتى ءارى جاپپاي بەكەمدەلدى، الايدا بۇكىل پارتياداعى جولداستار وزىنە توڭكەرىس جاساۋ رۋحىن ماڭگى ساقتاپ، پارتيانى جاپپاي قاتاڭ باسقارۋدى ماڭگى جالعاستىرۋ ساياسي سانالىلىعىن كۇشەيتىپ، قاتاڭدىق شەگىنە جەتتى دەيتىن جالىعۋ پيعىلىنىڭ تۋىلۋىنا استە جول بەرمەۋ كەرەك“.

  ”پارتيا ستيلى، پاكتىك قۇرىلىسى جانە شىرىكتەسۋگە قارسى تۇرۋ كۇرەسى ماڭگى جالعاسادى، ونى ءبىر ءسات تە بوساڭسىتۋعا بولمايدى، تەمىرگە تاپ، تاسقا تاڭبا قالدىراتىن قايسارلىقپەن جانە تاباندىلىقپەن پارتيا ستيلى، پاكتىك قۇرىلىسى جانە شىرىكتەسۋگە قارسى تۇرۋ كۇرەسى سىندى قامال الۋ شايقاسىن، ۇزاققا سوزىلاتىن شايقاستى ۇزدىكسىز ويداعىداي جۇرگىزۋ كەرەك“.

  ”مەيلى كىم بولسىن، پارتيا ءتارتىبى، مەملەكەت زاڭى جاعىندا ماسەلە تۋدىرسا، پارتيا ءتارتىبى، مەملەكەت زاڭى استە كەشىرىم ەتپەيدى“.

  ...

     تەك وزىنە توڭكەرىس جاساۋدى سوڭىنا دەيىن جۇرگىزىپ، ”ءتورت ۇلكەن سىناققا“ باتىلدىقپەن توتەپ بەرىپ، ”ءتورت ءتۇرلى حاۋىپتى“ باتىل جەڭىپ، تيتتەي دە بۇلجىماستان پارتيانى اناعۇرلىم قۋاتتى دا پارمەندى ەتىپ قۇرعاندا عانا، جۇڭگوشا سوتسياليزم ىستەرىنىڭ ورنىقتى قاداممەن الىسقا جەتۋىن ىلگەرىلەتۋگە بولادى.

     وزىنە توڭكەرىس جاساۋ ارقىلى تاريحي ىرىقتىلىقتى مەڭگەرۋ ءۇشىن، ءسوز جوق، پارتيانى جاپپاي قاتاڭ جونگە سالۋدى ماڭگى جالعاستىرۋ ساياسي سانالىلىعىن كۇشەيتۋ كەرەك −

     جاڭا جىلدا تاعى دا ”جولبارىس“ سوقتىق!

  2022 - جىلى 1 - ايدىڭ 8 - كۇنى ورتالىق ءتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتى سايتى شيزاڭ اۆتونوميالى رايوندىق ۇكىمەتتىڭ ورىنباسار ءتوراعاسى جاڭ يۇڭزى، جۇڭگو عۇمىر قامسىزداندىرۋى (توبى) سەرىكتەستىگى پارتكومىنىڭ شۋجيى، القا باستىعى ۋاڭ بيننىڭ تەكتەۋگە، تەكسەرۋگە الىنعان حابارى پارتيا ستيلى، پاكتىك قۇرىلىسى جانە شىرىكتەسۋگە قارسى تۇرۋ كۇرەسى ءبىر ءسات تە توقتامايتىندىعىنىڭ ايقىن سيگنالىن تاعى دا تاراتتى.

  شىرىكتەسۋگە قارسى تۇرۋدا تاڭداۋ جوق، ءسوز جوق، قيىندىعىن بىلگەن سايىن العا ىلگەرىلەۋ كەرەك.

  وزىنە توڭكەرىس جاساۋدا، ءسوز جوق، وي - سانانىڭ سەرگەكتىگىن ساقتاپ، ساياسي تاباندىلىقتى كۇشەيتىپ، جاڭا ءداۋىردىڭ، جاڭا كەزەڭنىڭ ەرەكشەلىگى مەن تالاپتارىن ءدال يگەرىپ، باتىلدىقپەن، شەبەرلىكپەن كۇرەس جاساپ، قاتاڭدىق نەگىزگى اۋەنىنە ۇزاق ۋاقىت تاباندى بولىپ، ستيل دۇرىستاۋدى، ءتارتىپتى قاتايتۋدى، شىرىكتەسۋگە قارسى تۇرۋدى بۇلجىماي جالعاستىرىپ، شىرىكتەسۋگە باعىتتالعان تەگەۋرىندى كۇشتى ماڭگى ساقتاۋ كەرەك.

  وزىنە توڭكەرىس جاساۋ ارقىلى تاريحي ىرىقتىلىقتى يگەرۋدە حالىقتى وزەك ەتۋدىڭ ءتۇبىرلى ساياسي تۇرعىسىنا، ءسوز جوق، باستان - اياق تاباندى بولۋ كەرەك −

  شيزاڭ ناچۇي قالاسى بيرۋ اۋدانى ءتارتىپ تەكسەرۋ، باقىلاۋ - تەكسەرۋ كوميتەتىنىڭ كادرى چاچۇي اۋىلىنا بارىپ قايتالاي حال - جاعداي ۇعىسقان كەزدە وسى اۋىلدىڭ تاگو قىستاعىنداعى ءبىر قىستاق تۇرعىنى تەبىرەنە بىلاي دەدى: ”بىرنەشە جىل وتە شىقتى، اقشامىزدى اقىرى الدىق...“

  2016 - جىلى 8 - ايدا چاچۇي اۋىلدىق پارتكوم، ۇكىمەت تاگو قىستاعىنداعى 13 وتباسىنىڭ جەرىن قاعيداعا قايشى تۇردە پايدالانۋعا الادى، ونىمەن قويماي جەردى الۋعا قاتىستى 174 مىڭ 400 يۋان تولەم قاراجاتىن دەر كەزىندە بەرمەيدى. ورتالىقتىڭ كەدەيلىكتەن ارىلتۋدان قامال الۋ ارناۋلى شارلاۋ گرۋپپاسى ”قايتا قاداعالاعاننان“ كەيىن اۋداندىق ءتارتىپ تەكسەرۋ كوميتەتىنىڭ، باقىلاۋ - تەكسەرۋ كوميتەتىنىڭ قۋزاۋىمەن بۇقارانىڭ تولەم قاراجاتى اقىرى قولدارىنا ءتيىپ، قاتىستى جاۋاپتىلار دا جازاعا تارتىلدى.

  بيلىك − حالىق، حالىق − بيلىك.

  باقىلاۋ قىزمەت جاۋاپكەرشىلىگىن ناقتىلاندىرىپ، ءار دارەجەلى تاراۋلاردى ءوز جاۋاپكەرشىلىكتەرىن ارقالاۋعا قۋزاۋ؛ تەگەۋرىندى كۇيدى ساقتاپ، حالىق تۇرمىسى سالاسىنداعى شىرىكتەسۋ جانە ستيل ماسەلەلەرىن قاتاڭ تەكسەرۋ؛ ارناۋلى جونگە سالۋدى تەرەڭدەتىپ، بۇقارا ەڭ كوڭىل بولەتىن، ەڭ تىكە، ەڭ رەال مۇددە ماسەلەسىن شەشۋ... تەك ستيلدى تۇزەتۋ، ءتارتىپتى قاتايتۋ، شىرىكتەسۋگە قارسى تۇرۋدىڭ ءىس جۇزىندىك ونىمدىلىگى ارقىلى حالىق بۇقاراسىنىڭ شىنايى قولداپ - قۋاتتاۋىنا يە بولعاندا عانا، وزىنە توڭكەرىس جاساۋدىڭ سارقىلماس كۇشىنە قول جەتكىزۋگە بولادى.

  وزىنە توڭكەرىس جاساۋ ارقىلى تاريحي ىرىقتىلىقتى يگەرۋدە، ءسوز جوق، شىرىكتەسۋگە باتىلدىق ەتپەۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الماۋدى ءبىر تۇلعالاندىرا ىلگەرىلەتۋ كەرەك −

  ”ءوزىمنىڭ زاڭمەن باسقارۋ قۇرىلىسىنىڭ نەمەسە ادىلدىكتىڭ، تۋراشىلدىقتىڭ ءبۇلدىرۋشىسى بولعانىمدى ويلاماعان ەدىم“، ”مەن قۇتىرىنا ءناپسىنىڭ شىڭىنا شىقتىم، الايدا مەن اقشانى نە ءۇشىن العانىمدى بىلمەيمىن“...

  جۋىقتان بەرى تەلەۆيزور ارناۋلى فيلمى «استە راقىم ەتپەۋ» قىزۋ قويىلۋدا، قوعام حاۋىپسىزدىگى مينيسترلىگى پارتكومىنىڭ بۇرىنعى مۇشەسى، بۇرىنعى ورىنباسار مينيستر سۇن ليجۇن، گۇيجوۋ ولكەلىك ساياسي كەڭەس پارتيا باسشىلىق گرۋپپاسىنىڭ بۇرىنعى شۋجيى، ءتوراعا ۋاڭ فۋيۇي سياقتىلاردىڭ ەكران الدىنداعى وكىنىشى ادامعا تەرەڭ وي سالادى.

  وتكەندەگىدەن ساباق الىپ، كەيىنگىگە عيبىرات ەتكەندە عانا، ناۋقاستى ەمدەپ، ادامدى قۇتقارۋعا بولادى.

  شىرىكتەسۋگە باتىلدىق ەتپەۋدىڭ سەسىن اناعۇرلىم كۇشەيتىپ، شىرىكتەسۋگە مۇمكىندىك بەرمەۋ قاپاسىن بەرىكتەپ، شىرىكتەسۋدى ويىنا الماۋ سانالىلىعىن كۇشەيتىپ، شىرىكتەسۋگە باتىلدىق ەتپەۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الماۋدى ساباقتاستىرۋدىڭ، توعىستىرۋدىڭ ءونىمدى دانەكەرىن، امالياتتىق جولىن بەلسەنە قاراستىرىپ، ۇستىنەن وڭاۋ مەن تۇبىرىنەن وڭاۋدى تەڭ جۇرگىزۋدىڭ جالپىلىق اسەرىن ساۋلەلەندىرگەندە عانا، شىرىكتەسۋدى جونگە سالۋدىڭ جۇڭگوشا جولىمەن ءجۇرىپ، جونگە سالۋدىڭ اناعۇرلىم زور ونىمدىلىگىنە قول جەتكىزۋگە بولادى.

  وزىنە توڭكەرىس جاساۋ ارقىلى تاريحي ىرىقتىلىقتى يگەرۋدە، ءسوز جوق، باقىلاۋدىڭ اتقارۋدى قامتاماسىز ەتۋ، دامۋدى جەبەۋ، كەمەلدەندىرۋ رولىن تولىق ساۋلەلەندىرۋ كەرەك −

  2021 - جىلى 6 - ايدىڭ 10 - كۇنى «جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ جىجياڭنىڭ جوعارى ساپالى دامۋ، بىرگە بايۋ ۇلگىلى رايونىن قۇرۋىن قولداۋ جونىندەگى پىكىرى» جاريالانىپ، جىجياڭعا الدىمەن اتقارىپ، الدىمەن سىناق ەتىپ، بۇكىل مەملەكەتتىڭ بىرگە بايۋدى جۇزەگە اسىرۋ جولىن قاراستىرۋ مىندەتىن جۇكتەدى.

  تاماشا شارۋاشىلىق - ساۋدا ورتاسى − جوعارى ساپالى دامۋدى جۇزەگە اسىرۋدىڭ، بىرگە بايۋ ۇلگىلى رايونىن قۇرۋدىڭ ماڭىزدى كەپىلى. جىجياڭ ولكەسىنىڭ ءتارتىپ تەكسەرۋ، باقىلاۋ - تەكسەرۋ ورگاندارى باقىلاۋ تۇيىندەرىن اناعۇرلىم رەتكە سالىپ، ىزىنە ءتۇسىپ باقىلادى، دالمە - ءدال باقىلادى:

  ەرەجە شىعارىپ، ۇكىمەت قىزمەتكەرلەرىنىڭ اكىمشىلىك پەن ساۋدانىڭ قارىم - قاتىناسىندا ”ورتتەن ساقتانۋ داۋالىن“ سالدى؛ بارىستى ساپالىلاندىرۋعا، جەدەل بىتىرۋگە قۋزاپ، شارۋاشىلىق - ساۋدا ورتاسىنىڭ ”بوگەتىن“ اشتى؛ اكىمشىلىك پەن ساۋدا ەتەنە، كىرشىكسىز قارىم - قاتىناسىنا ىقپال جاسايتىن كورنەكتى ماسەلەلەردى ارناۋلى جونگە سالۋدى ورنالاستىرىپ، پارمەندى باقىلاۋ ارقىلى كاسىپورىندارىنىڭ جوعارى ساپالى دامۋىن قورعادى...

  باياندىلىق جولىنىڭ قۇندىلىعى ءوزىن جەڭۋدە.

  70 نەشە جىلدىڭ الدىندا «جياشىن جىلدارىنداعى شارۋالار كوتەرىلىسىنىڭ 300 جىلدىعىن ەسكە الۋ» اتتى شىعارمادا ميڭ پاتشالىعىنىڭ سوڭعى مەزگىلىندەگى شارۋالار كوتەرىلىسىنىڭ بيلىكتى قولدان بەرىپ قويعاندىعى جونىندە تەرەڭ تولعانىس جاسالعاندىقتان، سوناۋ شالعاي يان - انداعى ماۋ زىدۇڭ جولداس ونى تۇتاس پارتياداعى ستيل دۇرىستاۋ حۇجاتىنىڭ ءبىرى ەتىپ، تۇتاس پارتياداعى كادرلاردىڭ وقۋىن ءارى وسىدان ساباق الۋىن تالاپ ەتتى.

  2021 - جىلى 9 - ايدا باس شۋجي شي جينپيڭ شانشيدىڭ يۇيلينىندە قىزمەت تەكسەرگەندە شىعارمانى تىلگە تيەك ەتىپ، تەبىرەنە بىلاي دەدى: ”جۇڭگو توڭكەرىسىنىڭ ءسوزسىز جەڭىسكە جەتۋىنىڭ جاۋابىن وسىدان تابۋعا بولادى“.

  ەمتيحان تاپسىرۋ ماڭگى جالعاسادى، وزىنە توڭكەرىس جاساۋ دا ماڭگى جالعاسادى.

  ەكىنشى 100 جىلدىق كۇرەس نىساناسىنا شەرۋ تارتۋ دابىلى قاعىلدى، پارتيانى جاپپاي قاتاڭ جونگە سالۋ جاڭا جورىققا قادام باستى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا جۇڭگو كوممۋنيستىك پارتياسى، ءسوز جوق، وزىنە توڭكەرىس جاساۋدى بۇلجىماستان ىلگەرىلەتىپ، تاريحي ىرىقتىلىقتى مىقتى يگەرىپ، ۇزدىكسىز تۇردە ءوزىن كىرشىكسىزدەندىرىپ، ءوزىن كەمەلدەندىرىپ، ءوزىن جاڭالاپ، ءوزىن جوعارىلاتىپ، باستان - اياق مەملەكەت پەن ۇلتتى دامۋعا باستاۋدىڭ سۇيەنىشى بولادى!

  (شينحۋا اگەنتتىگىنىڭ 1 - ايدىڭ 17 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.