تيانشان تورى   ›   جاڭالىقتار   ›   شينجياڭ حابارلارى

ورتا، شاعىن، ۇساق كاسىپورىنداردىڭ دامۋىنا اقىل - كەڭەس بەردىم

ۋاكىل جوۋ لي:

ورتا، شاعىن، ۇساق كاسىپورىنداردىڭ دامۋىنا اقىل - كەڭەس بەردىم

□ انار بۇلت / شينجياڭ گازەتىنىڭ ءتىلشىسى ميھىرگۇل ناسىر

  ”بۇل جىلدا مەن ەرەكشە ماعىنالى ءبىراز ىستەر ىستەدىم“. 1 - ايدىڭ 15 - كۇنى، ءدال قىسقى دەمالىس كەزى، اۆتونوميالى رايوندىق حالىق قۇرىلتايى ۋاكىلى، شينجياڭ قازىنا - ەكونوميكا داشۋەسى قازىنا - باجى ىستەرى شۋەيۋانىنىڭ پروفەسسورى جوۋ لي ءالى دە ءوز كىتاپ ۇيىندە قاربالاس ءجۇردى، كومپيۋتەر ەكرانىنان ونىڭ اۆتونوميالى رايوندىق ەكى ءماجىلىس كەزىندە تاپسىرۋعا دايىنداعان «قولداۋ سيپاتتى ساياساتتى جالعاستىرۋ، ساياساتپەن قولداۋدى كۇشەيتۋ جونىندەگى ۇسىنىسى» كورىنىپ تۇر.

  حالىق قۇرىلتايى ۋاكىلى رەتىندە، مىندەت اتقارعان كەزىندە جوۋ لي ورتا، شاعىن، ۇساق كاسىپورىنداردىڭ دامۋ ماسەلەسىنە ەرەكشە كوڭىل ءبولدى. ورتا، شاعىن، ۇساق كاسىپورىندار ەكونوميكانىڭ دامۋىن جەبەۋ، قوعامدىق جۇمىستانۋدى ورنىقتىرۋ، جاڭالىق اشۋ ومىرشەڭدىك كۇشىن تاسقىنداتۋ سياقتى جاقتاردا ماڭىزدى رول اتقارۋدا، جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان كەيىن ورتا، شاعىن، ۇساق كاسىپورىندارعا اسا زور سوققى اكەلىپ، كەيبىر كاسىپورىندار قيىن حالدە قالدى. مۇنى كورگەن جوۋ لي قاتتى ابىرجىدى.

  سونىمەن ول كوپتەگەن ايماق، وبلىس، قالالارعا بارىپ، كوپتەگەن حالىق باسقارۋىنداعى كاسىپورىندار مەن ورتا، شاعىن، ۇساق كاسىپورىندارعا ىشكەرىلەي تەكسەرۋ - زەرتتەۋ جۇرگىزىپ، ىلگەرىندى - كەيىندى «ىندەت سوققىسىندا ورتا، شاعىن، ۇساق كاسىپورىنداردى گۇلدەندىرۋ جونىندە ۇسىنىس» قاتارلى جوعارى ساپالى 3 ۇسىنىستى جازىپ، ورتا، شاعىن، ۇساق كاسىپورىنداردىڭ دامۋىن قولداۋعا دەم بەردى.

  ”قازىر جاڭا تيپتى ايدارشا ۆيرۋس وكپە قابىنۋ ىندەتى جالپى جاقتان تىزگىندەلگەنىمەن، ءبىراق ىندەتتىڭ قايتالانۋ، بىتىراندى تۇيىندەردە تۋىلۋ حاۋىپ - قاتەرى، سونداي - اق سىرتقى ورتانىڭ تۇراقسىزدىعى سياقتى فاكتورلار قاباتتاسىپ، ورتا، شاعىن، ۇساق كاسىپورىنداردىڭ ءومىر ءسۇرۋى، دامۋى ءالى دە قيىنشىلىقتا تۇر“. جوۋ لي بىلاي دەدى: 2020 - جىلى 8 - ايدىڭ سوڭىندا اۆتونوميالى رايونداعى 8 تاراۋ بىرلەسىپ 40 تارماقتى قولداۋ سيپاتتى ساياسات شىعارىپ، كاسىپورىندار مەن جەكە ساۋدا - ونەركاسىپشىلەردىڭ قيىنشىلىعىن شەشۋىنە كومەكتەستى. بۇل ساياساتتار قوعامدىق قامتاماسىزداندىرۋ، سالىق اقى، شاعىن، ۇساق كاسىپورىنداردىڭ قارجى قۇراۋى سياقتى كوپ جاققا سايادى، الايدا باسىم كوپ ساندى ساياساتتىڭ ۋاقىتى 2020 - جىلدىڭ سوڭىندا تولىپ كەتتى، از ساندى ساياسات 2021 - جىلدىڭ سوڭىنا دەيىن جالعاستى.

  ”ءتۇرلى مەنشىكتەگى كاسىپورىنداردى امالدىڭ بارىنشا ويداعىداي قورعاۋ، ولارعا ويداعىداي قىزمەت وتەۋ كەرەك“. جوۋ لي بىلاي دەدى: ورتا، شاعىن، ۇساق كاسىپورىنداردىڭ وزىندىك كولەمى ءبىرشاما شاعىن بولعاندىقتان، قارجىنى اينالىمعا سالۋ، دارىندىلاردى باۋراۋ، زەرتتەۋ - اشۋ ۇسىنىلىمى، كولەمدى ەكونوميكا سياقتى جاقتاردا بەلگىلى دارەجەدە السىزدىكتەر ساقتالۋدا. سوندىقتان بيىل ول قولداۋ سيپاتتى ساياساتتاردى ۇزارتۋدى ءتۇيىندى ارقاۋ ەتىپ، ورتا، شاعىن، ۇساق كاسىپورىنداردىڭ دامۋىن قولداۋ جونىندە ۇسىنىس قويدى.

  جوۋ لي بىلاي دەپ ۇسىنىس قويدى: ورتا، شاعىن، ۇساق كاسىپورىنداردىڭ دامۋىن قولداۋ شارالارىن قاز - قالپىندا تياناقتاندىرىپ، كاسىپورىنداردىڭ ەنەرگيا ىستەتۋ وزىندىك قۇنىن تومەندەتۋ، كاسىپورىندارعا كومەكتەسىپ جۇمىس ورنىن ورنىقتىرۋ تەبىنىن ارتتىرۋ، كاسىپورىنداردىڭ سالىق اقى اۋىرتپالىعىن جەڭىلدەتۋ سياقتىلار ارقىلى كاسىپورىنداردىڭ اينالىم وزىندىك قۇنىن اناعۇرلىم تومەندەتۋ كەرەك. شارۋاشىلىق - ساۋدا ورتاسىن ۇزدىكسىز ساپالىلاندىرىپ، ءادىل، جاريا، زاڭمەن باسقارىلاتىن دامۋ ورتاسىن قالىپتاستىرىپ، فينانس، قازىنا - سالىق جاعىنان قولداۋدى كۇشەيتىپ، ىندەت ىقپالىنا اۋىر دارەجەدە ۇشىراعان كاسىپ سالالارىن ءتۇيىندى قولداپ، حالىقتىق شارۋاشىلىقتىڭ، ورتا، شاعىن، ۇساق كاسىپورىنداردىڭ حاۋىپ - قاتەردى ورايعا اينالدىرىپ، وزگەرىس بارىسىندا جاڭا جاعداي اشۋىن جەبەۋ كەرەك.

     ”مەن ورتا، شاعىن، ۇساق كاسىپورىنداردىڭ دامۋىنا باستان - اياق نازار اۋدارامىن، كاسىپورىنداردى يگىلىككە كەنەلتىپ، حالىققا پايدا جەتكىزۋ ساياساتتارىنىڭ تياناقتانۋىنا، ەگجەي - تەگجەيلىلەنۋىنە بايلانىستى، ورتا، شاعىن، ۇساق كاسىپورىنداردىڭ دامۋ بولاشاعىنىڭ بارعان سايىن جاقساراتىندىعىنا سەنەمىن“. جاڭا جىلعا كوز جىبەرگەندە، جوۋ ليدىڭ سەنىمى تاسقىندادى.

  جوۋ لي جوعارى مەكتەپ وقۋ - اعارتۋ قىزمەتكەرى رەتىندە، ءوزىنىڭ تەكسەرۋ - زەرتتەۋ بايانداماسىن وقىتۋ بارىسىنا ءسىڭىرىپ، نازاريا مەن امالياتتى ۇشتاستىرىپ، وقۋ - اعارتۋ ساپاسىن ۇزدىكسىز جوعارىلاتىپ، اناعۇرلىم كوپ كاسىپتىك دارىندىلاردى باۋليتىندىعىن ءبىلدىردى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.