تيانشان تورى   ›   جاڭالىقتار   ›   شينجياڭ حابارلارى

ايەلدەر، بالالار ىستەرىن دامىتۋدا جاۋاپكەرشىلىك ارقالاپ، ىسكەرلىك كورسەتەمىن

مۇشە ۋاڭ ليشيا:

ايەلدەر، بالالار ىستەرىن دامىتۋدا جاۋاپكەرشىلىك ارقالاپ، ىسكەرلىك كورسەتەمىن

□ انار بۇلت / شينجياڭ گازەتىنىڭ ءتىلشىسى ميھىرگۇل عوپۇر

  اۆتونوميالى رايوندىق ەكى ءماجىلىس اشىلۋ قارساڭىندا، 1 - ايدىڭ 17 - كۇنى اۆتونوميالى رايوندىق ساياسي كەڭەستىڭ مۇشەسى، اۆتونوميالى رايوندىق ايەلدەر بىرلەستىگى پارتيا باسشىلىق گرۋپپاسىنىڭ شۋجيى، ورىنباسار ءتوراعا ۋاڭ ليشيا تاپسىرماقشى بولعان ۇسىنىستارىنا سوڭعى رەت وزگەرىس ەنگىزىپ جانە كەمەلدەندىرىپ جاتتى.

  ”وتباسى − قوعامنىڭ كلەتكاسى، تاماشا وتباسى تاربيەسى، وتباسى سالتى ءداۋىردىڭ العا باسۋىنداعى ماڭىزدى تاقىرىپ. بيىل مەن وتباسى تاربيەسىنە قاتىستى زاڭ، زاڭ ەرەجەلەردى ۇيرەنۋدى، ۇگىتتەۋدى كۇشەيتۋ جونىندەگى ۇسىنىستى الا كەلدىم“، - دەدى ۋاڭ ليشيا.

  وتباسىلارىنىڭ وتباسى تاربيەسى، وتباسى سالتى ناقتى جاعدايىنا تەكسەرۋ - زەرتتەۋ جۇرگىزىپ، ”شينجياڭدى مادەنيەتپەن نارلەندىرۋدى وتباسىلارىنا جەتكىزۋ“ ارەكەتىن اتقارۋدى ىلگەرىلەتىپ، ”كورىكتى اۋلا“ قۇرۋ قىزمەتىن تەرەڭدەتىپ، جەلەكتىلەر كۇشىنىڭ اۋىل - قىستاقتى گۇلدەندىرۋدە بەلسەندى رول ساۋلەلەندىرۋىنە مۇمكىندىك جاسادى... بىلتىردان بەرى ۋاڭ ليشيا نەگىزگى ساتىنى ارالاپ، تەكسەرۋ - زەرتتەۋ جۇرگىزىپ، مىندەت وتەۋ ساباعىن مالىلەردە، الەۋمەتتىك اۋماقتاردا، اتىز باسىندا جازدى.

  ”تەكسەرۋ - زەرتتەۋ جۇرگىزۋ مىندەتتى اتقارىپ، جاۋاپكەرشىلىكتى وتەۋدىڭ نەگىزگى ءادىسى، سىرتقا شىعىپ، نەگىزگى ساتىنى ارالاعاندا عانا، ناقتى جاعدايلاردى كورۋگە، ناقتى ماسەلەلەردى بايقاۋعا بولادى“، - دەدى ۋاڭ ليشيا.

  تىڭعىلىقتى تەكسەرۋ - زەرتتەۋ جۇرگىزۋ نەگىزىندە ۋاڭ ليشيا ”شينجياڭدى مادەنيەتپەن نارلەندىرۋدى وتباسىلارىنا جەتكىزۋ“ ارەكەتىن اتقارۋدى بەلسەنە ىلگەرىلەتتى. بۇل ارەكەت شينجياڭدى مادەنيەتپەن نارلەندىرۋدى نەگىزگى تاقىرىپ، جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى، ”انار گۇل اشىلىپ، جەلەكتىلەر ءبىر نيەتتە بولۋدى“ مازمۇن ەتىپ، بۇكىل رايون كولەمىندە 10 مىڭ ايەل پارتياعا جۇرەك ءسوزىن ايتۋ، 10 مىڭ جەلەكتى ۇگىت لەكسياشى نەگىزگى ساتىنى ارالاۋ، 10 مىڭ بالا جازعى لاگەردە قول ۇستاسىپ، جۇپ قۇراۋ، 10 مىڭ كىتاپتى شارۋالار وتباسىنا جەتكىزۋ، 10 مىڭ وتباسى شينجياڭ حيكاياسىن ويداعىداي بايانداۋ سياقتى قيمىلداردى كەڭ كولەمدە ورىستەتتى.

  ”قيمىل ءار ۇلت بۇقاراسىنىڭ جاپپاي جاقسى باعاسىن الدى، ۇگىت لەكسيا ورنىندا ءار ۇلت اپەكە - سىڭلىلەر بەلسەنە ىقپالداسىپ، جابال مىنبەگە شىعىپ، وزدەرىنىڭ باقىتتى تۇرمىستارىن ەمىن - ەركىن، ىقىلاسپەن ايگىلەپ، پارتياعا دەگەن شەكسىز قىزۋ سۇيىسپەنشىلىگى مەن العىس سەزىمىن ءبىلدىردى. ەڭ ماڭىزدىسى، جۇرت تىلەگىن مادەنيەتپەن نارلەندىردى، قيمىلدىڭ ورىستەتىلۋى جۇڭحۋا ۇلتى ورتاق تۇلعا تانىمىنىڭ ءار ۇلت بۇقاراسىنىڭ جۇرەك تۇكپىرىندە تامىر تارتۋىنا مۇمكىندىك جاسادى“، - دەدى ۋاڭ ليشيا.

  1 - ايدىڭ 1 - كۇنىنەن باستاپ «جۇڭحۋا حالىق رەسپۋبليكاسىنىڭ وتباسى تاربيەسىن جەبەۋ زاڭى» رەسمي اتقارىلىپ، وتباسى تاربيەسى ءداستۇرلى ”وتباسى ىسىنەن“ ماڭىزدى ”مەملەكەت ءىسى“ دەڭگەيىنە كوتەرىلدى.

  ”قوعامنىڭ، ەكونوميكانىڭ دامۋىنا جانە حالىقتىڭ تۇرمىس دەڭگەيىنىڭ جوعارىلاۋىنا ىلەسە، وتباسى تاربيەسىنىڭ ناشار بولۋىنان تۋىلعان ءبىرسىپىرا قوعامدىق ماسەلەلەر كورنەكتىلەندى. مەملەكەت وتباسى تاربيەسىن زاڭعا ەنگىزدى، بۇدان مەملەكەتتىڭ وتباسى تاربيەسىنە باسا ءمان بەرگەندىگىن بىلۋگە بولادى“، - دەدى ۋاڭ ليشيا.

  ۋاڭ ليشيا بىلاي دەپ قارادى: زاڭ شىعارۋداعى باستى ماقسات ءاربىر وتباسىنىڭ وتباسى تاربيەسىنە باسا نازار اۋدارتۋ، ونان دا ماڭىزدىسى، ول تۇتاس قوعامدىق كۇشتىڭ بىرگە ىلگەرىلەتۋىن قاجەت ەتەدى. ول ۇيرەنۋدى، ۇگىتتەۋدى كۇشەيتىپ، وتباسىلارىنىڭ وتباسى تاربيەسى، وتباسى سالتى قىزمەتىن ءبىر تۇتاس جوسپارلاۋ؛ كاسىپتىك جەتەكشىلىكتى كۇشەيتىپ، ”وتباسى، مەكتەپ، قوعام − ءۇش ءبىر تۇلعالانعان“ سايكەسە ادام تاربيەلەۋدى، ونەگە كورسەتىپ، ادام تاربيەلەۋدى ىلگەرىلەتۋ؛ جۇڭحۋا ۇلتىنىڭ وتباسى تاماشا ءمورالىن بارىنشا اسقاقتاتىپ، تاماشا وتباسىن قۇرۋدىڭ، تاماشا وتباسى تاربيەسىن جەتىلدىرۋدىڭ، تاماشا وتباسى سالتىن جەتىلدىرۋدىڭ بىرتىندەپ قوعامدىق ورتاق تانىمعا اينالۋىنا مۇمكىندىك جاساۋ جونىندە ۇسىنىس بەردى.

  ”ۇكىمەت ىسىنە ات سالىسىپ، ۇكىمەت ءىسىن كەڭەسۋ قابىلەتىمدى قۇلشىنا جوعارىلاتىپ، ىشكەرىلەي تەكسەرۋ - زەرتتەۋ جۇرگىزىپ، ءوزىمدى ۇزدىكسىز كەمەلدەندىرىپ، وتان ءۇشىن مىندەت وتەۋ، حالىق ءۇشىن جاۋاپكەرشىلىكتى ادا ەتۋ ۋادەمدى ارەكەتىمدە تياناقتاندىرامىن“، - دەدى ۋاڭ ليشيا.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.