(جۇڭگو كوممۋنيستىك پارتياسى 19 - كەزەكتى ورتالىق ءتارتىپ تەكسەرۋ كوميتەتىنىڭ التىنشى جالپى ماجىلىسىندە 2022 - جىلى 1 - ايدىڭ 20 - كۇنى ماقۇلداندى)
جۇڭگو كوممۋنيستىك پارتياسى 19 - كەزەكتى ورتالىق ءتارتىپ تەكسەرۋ كوميتەتىنىڭ التىنشى جالپى ءماجىلىسى 2022 - جىلى 1 - ايدىڭ 18 - كۇنىنەن 20 - كۇنىنە دەيىن بەيجيڭدە وتكىزىلدى. بۇل رەتكى جالپى ماجىلىسكە ورتالىق ءتارتىپ تەكسەرۋ كوميتەتىنىڭ مۇشەلەرىنەن 125 ادام قاتىناستى، 242 ادام سىرتتاي قاتىناستى.
جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جالپى ماجىلىسكە قاتىناستى ءارى ماڭىزدى ءسوز سويلەدى. پارتيا مەن مەملەكەت باسشىلارىنان لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ قاتارلىلار ماجىلىسكە قاتىناستى.
جالپى ءماجىلىستى ورتالىق ءتارتىپ تەكسەرۋ كوميتەتىنىڭ تۇراقتى كوميتەتى باسقاردى. جالپى ءماجىلىس شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتىنىڭ ءار رەتكى جالپى ماجىلىستەرىنىڭ رۋحىن جاپپاي دايەكتىلەندىرىپ، تياناقتاندىرىپ، 2021 - جىلعى ءتارتىپ تەكسەرۋ، باقىلاۋ - تەكسەرۋ قىزمەتىن قورىتىندىلاپ، 2022 - جىلعى مىندەتتەردى ورنالاستىردى، جاۋ لىجي جولداستىڭ ورتالىق ءتارتىپ تەكسەرۋ كوميتەتىنىڭ تۇراقتى كوميتەتى اتىنان جاساعان «پارتيانىڭ 100 جىلدىق كۇرەسىنىڭ تاريحي تاجىريبەلەرىنەن پايدالانىپ، ءتارتىپ تەكسەرۋ، باقىلاۋ - تەكسەرۋ قىزمەتىنىڭ جوعارى ساپالى دامۋىن ىلگەرىلەتىپ، پارتيا 20 - قۇرىلتايىنىڭ جەڭىسپەن اشىلۋىن قارسى الايىق» دەگەن تاقىرىپتاعى قىزمەت بايانداماسىن قاراپ ماقۇلدادى.
جالپى ءماجىلىس باس شۋجي شي جينپيڭنىڭ ماڭىزدى ءسوزىن مۇقيات ۇيرەندى، تەرەڭ ءتۇسىندى. ءبىر اۋىزدان بىلاي دەپ قارادى: ءسوز جاڭا داۋىردەگى پارتيانىڭ وزىنە - ءوزى توڭكەرىس جاساۋىنىڭ تابىستى امالياتىن تەرەڭ قورىتىندىلاپ، پارتيانى جاپپاي قاتاڭ باسقارۋدا قول جەتكەن تاريحي سيپاتتى، جاسامپازدىق سيپاتتى تابىستاردى، تۋىلعان جان - جاقتى، تەرەڭ قاتپارلى ىقپالداردى تەرەڭ بايىمداپ، پارتيانى جاپپاي قاتاڭ باسقارۋدى ىشكەرىلەي ىلگەرىلەتۋ، پارتيانىڭ 20 - قۇرىلتايىنىڭ جەڭىسپەن اشىلۋىن قارسى الۋ جونىندە ستراتەگيالىق ورنالاستىرۋ جاسادى. ءسوزدىڭ ويى اسقاق، يدەياسى تەرەڭ، مازمۇنى باي، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەرىك سەنىمىن، قالتقىسىز، قايىسپاس دەڭگەيى مەن سۇيسىپەنشىلىگىن، ماسەلەگە تۋرا قارايتىن، پىشاقتىڭ ءدۇزىن ىشكە قاراتاتىن ساياسي باتىلدىعىن، اۋەلگى ماقساتتى ۇمىتپاي، قايسارلىقپەن العا باساتىن بورىشى مەن جاۋاپكەرشىلىگىن تولىق ايگىلەدى، اسا كۇشتى ساياسي سيپاتقا، جەتەكشىلىك سيپاتقا، باعىتتامالىلىق سيپاتقا يە، بۇل جاڭا داۋىردەگى پارتيا قۇرىلىسىنىڭ جاڭا ۇلى ينجەنەرياسىن ىلگەرىلەتۋدىڭ نەگىزگى بويسۇنۋ ولشەمى، ءتارتىپ تەكسەرۋ، باقىلاۋ - تەكسەرۋ قىزمەتىنىڭ جوعارى ساپالى دامۋىنىڭ ارەكەت باعدارناماسى. باس شۋجي شي جينپيڭ ءتارتىپ تەكسەرۋ، باقىلاۋ - تەكسەرۋ كادرلارى قوسىنىنا ىقىلاستى ءۇمىت ارتىپ، ايقىن تالاپ قويدى. باس شۋجي شي جينپيڭنىڭ پارتيانىڭ وزىنە - ءوزى توڭكەرىس جاساۋ جونىندەگى ستراتەگيالىق يدەياسىن ىشكەرىلەي ۇيرەنىپ، دايەكتىلەندىرىپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، پارتيا ستيلى، پاكتىك قۇرىلىسىنىڭ جانە شىرىكتەسۋگە قارسى تۇرۋ كۇرەسىنىڭ قامال الۋ شايقاسىن، ۇزاققا سوزىلاتىن شايقاسىن ۇزدىكسىز ويداعىداي جۇرگىزىپ، ورنىقتى، اقاۋسىز ەكونوميكالىق ورتانى، ەل امان، جۇرت تىنىش قوعامدىق ورتانى، ستيلى پاك، سالتى دۇرىس ساياسي ورتانى ساقتاۋعا ءتيىستى ۇلەس قوسۋ كەرەك.
جالپى ءماجىلىس مىنالاردى اتاپ كورسەتتى: 2021 - جىل پارتيا مەن مەملەكەت تاريحىندا بەلەستىك ماڭىز الاتىن ءبىر جىل بولدى. شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ، باستاپ، جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن سالتاناتپەن قۇتتىقتادى، پارتيا 19 - كەزەكتى ورتالىق كوميتەتىنىڭ التىنشى جالپى ءماجىلىسىن جەڭىسپەن اشىپ، پارتيانىڭ ءۇشىنشى تاريحي قارارىن جاساپ، پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرىن جان - جاقتى قورىتىندىلادى، پارتيا تاريحىن ۇيرەنۋ تاربيەسىن ورىستەتتى، كەدەيلىكتەن ارىلتۋدان قامال الۋ شايقاسىنىڭ جەڭىسىنە ءوز ۋاعىندا قول جەتكىزىپ، ءوز ۋاعىندا جاپپاي دوڭگەلەك داۋلەتتى قوعام ورناتىپ، ءبىرىنشى 100 جىلدىق كۇرەس نىساناسىن جۇزەگە اسىرىپ، جاپپاي سوتسياليستىك وسىزاماندانعان مەملەكەت قۇرۋدىڭ، ەكىنشى 100 جىلدىق كۇرەس نىساناسىنا قاراي شەرۋ تارتۋدىڭ جاڭا جورىعىن باستادى، پارتيا مەن مەملەكەتتىڭ ءتۇرلى ىستەرىندە تىڭ دا كەلەلى تابىستارعا قول جەتكىزدى، ”14 - بەسجىلدىقتا“ تاماشا باستامانى جۇزەگە اسىردى. پارتيا ورتالىق كوميتەتىنىڭ پارمەندى باسشىلىعىندا، ورتالىق ءتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتى جانە ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، ۇعىنىپ، ”ەكىنى تۇراقتاندىرۋدىڭ“ شەشۋشى ماڭىزىن تەرەڭ تانىپ، ”ەكىنى قورعاۋ“ كەلەلى ساياسي جاۋاپكەرشىلىگىن سانالى تۇردە ارقالاپ، ءتارتىپ تەكسەرۋ، باقىلاۋ - تەكسەرۋ قىزمەتىنىڭ پارتيانىڭ وزىنە - ءوزى توڭكەرىس جاساۋىن ىلگەرىلەتۋدەگى قىزمەت جاۋاپكەرشىلىگى مەن مىندەتىن ىشكەرىلەي يگەرىپ، ورنىقتىلىق بارىسىندا ىلگەرىلەپ، تاباندى دا بايىپتى بولىپ، شىندىقتى ءىس جۇزىنەن ىزدەپ، تۋراشىلدىقتان اينىماي، جاڭالىق اشىپ، پارتيانى جاپپاي قاتاڭ باسقارۋدى ماڭگى جالعاستىراتىن سەرگەكتىكتى، تاباندىلىقتى ساقتاپ، ستيلدى دۇرىستاپ، ءتارتىپتى قاتايتۋدىڭ، شىرىكتەسۋگە قارسى تۇرىپ، سۇرقيا كۇشتەردى جازالاۋدىڭ ستراتەگيالىق تاباندىلىعىن ساقتاپ، وسىزامانداندىرۋ قۇرىلىسىنىڭ كەلەلى جاعدايىن ارقاۋ ەتە وتىرىپ اتقارۋدى باقىلاۋ، قامتاماسىزداندىرۋ، دامۋدى جەبەۋ، كەمەلدەندىرۋ رولىن ساۋلەلەندىرىپ، ءتارتىپ تەكسەرۋ، باقىلاۋ - تەكسەرۋ قىزمەتىنىڭ جوعارى ساپالى دامۋىندا تىڭ ناتيجەلەرگە قول جەتكىزدى. پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن جانە باس شۋجي شي جينپيڭنىڭ پارتيا تاريحى جونىندەگى ماڭىزدى بايىمداۋلارىن، جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جينالىسىندا سويلەگەن ماڭىزدى ءسوزىن ىشكەرىلەي ۇيرەنىپ، تاريحي سەنىمدى نىعايتىپ، كۇرەسكەرلىك قابىلەتىن شىڭداپ، پارتيانى جاپپاي قاتاڭ باسقارۋدىڭ ساياسي سانالىلىعىن بەكەمدەدى. ”14 - بەسجىلدىقتا“ تاماشا باستاما اشۋدى تىعىز ارقاۋ ەتە وتىرىپ ساياسي باقىلاۋدى كۇشەيتىپ، ”ءبىرىنشى باسشى“ مەن باسشىلىق القانى كۇندەلىكتى باقىلاۋدى كۇشەيتىپ، پارتيا ورتالىق كوميتەتىنىڭ باعىت - ساياساتتارى مەن قىزمەت ورنالاستىرۋىن دايەكتىلەندىرۋدە، تياناقتاندىرۋدا ورىن تەپكەن ساياسي اۋىتقۋشىلىقتى تۇزەتتى. ەلەۋلى شىرىكتەسۋ دەلولارىن باتىل تەكسەرىپ ءبىر جاقتى ەتىپ، ساياسي ماسەلەلەر مەن ەكونوميكالىق ماسەلەلەر قاباتتاسقان شىرىكتەسۋ دەلولارىن قاتاڭ تەكسەرىپ ءبىر جاقتى ەتىپ، مەملەكەت مەنشىگىندەگى كاسىپورىندار، فينانس، ساياسي - زاڭ، استىق ساتىپ الۋ - ساتۋ، اشۋ رايونى قۇرىلىسى سياقتى سالالارداعى شىرىكتەسۋگە قارسى تۇرۋ سەرپىنىن ارتتىرىپ، دەلو ارقىلى تۇزەتۋدى جەبەۋدى، دەلو ارقىلى باسقارۋدى جەبەۋدى ناقتى ىستەدى. ورتالىقتىڭ 8 ءتۇرلى بەلگىلەمەسىنىڭ رۋحىن تياناقتاندىرۋدى ءبىر ءسات تە توقتاتپاي ىلگەرىلەتىپ، فورماشىلدىق، تورەشىلدىك، راقاتقۇمارلىق جانە استا - توك ىسىراپشىلدىق نىسايىن تۇزەتۋدى تەرەڭدەتىپ، كەزەك اۋىستىرۋدىڭ ءتارتىبىن، ستيلىن باقىلاۋدى كۇشەيتتى. ساياسي شارلاۋدى ۇزدىكسىز تەرەڭدەتىپ، شارلاۋدىڭ، شارلاپ تەكسەرۋدىڭ جالپىلىق باقىلاۋ رولىن ساۋلەلەندىردى. ەرەجەگە، تارتىپكە، زاڭعا نەگىزدەلۋگە تاباندى بولىپ، ”ءتورت ءتۇرلى فورماتسيادان“ پايدالانۋدى تەرەڭدەتىپ، جاۋاپقا تارتۋدى دالمە - ءدال ارناعا ءتۇسىردى، اتقاردى. كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋدى ارقاۋ ەتە وتىرىپ وتپەلى مەزگىلدە ارناۋلى باقىلاۋ ورىستەتىپ، حالىق تۇرمىسى سالاسىنداعى شىرىكتەسۋ جانە ستيل ماسەلەلەرىن ارناۋلى جونگە سالۋدى تەرەڭدەتىپ، ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىن تىڭعىلىقتى ىلگەرىلەتىپ، قارا، سۇرقيا كۇشتەرگە ساياتىن شىرىكتەسۋدى جانە ”باسقالقالاردى“ باتىل جازالادى. ءتارتىپ تەكسەرۋ، باقىلاۋ - تەكسەرۋ ءتۇزىلىسى رەفورماسىن تەرەڭدەتىپ، زاڭ ەرەجە، ءتۇزىم قۇرىلىسىن كۇشەيتىپ، ءتارتىپ اتقارۋ، زاڭ اتقارۋ ۇقىعىن قاتاڭ باقىلاپ، تەجەپ، ”شامنىڭ ءتۇبى قاراڭعى بولۋدان“ باتىل ساقتاندى. جالپى ءماجىلىس وتكەن ءبىر جىلداعى اماليات بارىسىندا قالىپتاسقان تانىمدار مەن تۇسىنىكتەردى قورىتىندىلاپ، ناتيجەلەردى تۇراقتاندىرۋمەن بىرگە، ءتارتىپ تەكسەرۋ، باقىلاۋ - تەكسەرۋ قىزمەتىندە جانە كادرلار قوسىنى قۇرىلىسىندا ورىن تەپكەن ماسەلەلەرگە شىندىقتى ءىس جۇزىنەن ىزدەي وتىرىپ تالداۋ جاساپ، ايرىقشا ءمان بەرۋدى، شىنايى شەشۋدى تالاپ ەتتى.
جالپى ءماجىلىس مىنالاردى العا قويدى: 2022 - جىلى پارتيانىڭ 20 - قۇرىلتايى اشىلادى، بۇل پارتيا مەن مەملەكەتتىڭ ساياسي ومىرىندەگى ءىرى ءىس. ءتارتىپ تەكسەرۋ، باقىلاۋ - تەكسەرۋ قىزمەتىن جاقسى ىستەۋدە شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتىنىڭ ءار رەتكى جالپى ماجىلىستەرىنىڭ رۋحىن جاپپاي دايەكتىلەندىرىپ، تياناقتاندىرىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، جاڭا دامۋ ارناسىن قالىپتاستىرىپ، جوعارى ساپالى دامۋدى ىلگەرىلەتىپ، پارتيانىڭ 100 جىلدىق كۇرەسىنىڭ تاريحي تاجىريبەلەرىن سانالى تۇردە يگەرىپ جانە قولدانىپ، پارتيا قۇرۋ ۇلى رۋحىن ساۋلەلەندىرىپ، وزىنە - ءوزى توڭكەرىس جاساۋ رۋحىن ماڭگى ساقتاپ، پارتيانى جاپپاي قاتاڭ جونگە سالۋ ستراتەگيالىق باعىتىنا تاباندى بولىپ، پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ كۇرەسىن مىزعىماس تاباندىلىقپەن سوڭىنا دەيىن جۇرگىزىپ، شىرىكتەسۋگە باتىلدىق ەتپەۋدى، شىرىكتەسۋگە مۇمكىندىك بولماۋدى، شىرىكتەسۋدى ويىنا الماۋدى ءبىر تۇلعادا ىلگەرىلەتۋدى ۇزدىكسىز تەرەڭدەتىپ، جازالاۋ ارقىلى سەس كورسەتۋگە، تۇزىمدىك جاقتان تەجەۋگە، سانانى جوعارىلاتۋعا ءبىر تۇلعادا كۇش سالىپ، اناعۇرلىم كوپ تۇزىمدىك جەتىستىكتەرگە جانە اناعۇرلىم زور باسقارۋ ونىمدىلىگىنە قول جەتكىزۋگە قۇلشىنىپ، ءتارتىپ تەكسەرۋ، باقىلاۋ - تەكسەرۋ ورگاندارىنىڭ ارناعا ءتۇسۋ، زاڭمەن باسقارۋ، جۇيەلىلەنۋ قۇرىلىسىن كۇشەيتىپ، اتقارۋدى باقىلاۋ، قامتاماسىزداندىرۋ، دامۋدى جەبەۋ، كەمەلدەندىرۋ رولىن اناعۇرلىم ويداعىداي ساۋلەلەندىرىپ، پارتيا 20 - قۇرىلتايىنىڭ جەڭىسپەن اشىلۋىن قارسى الۋ كەرەك.
جالپى ءماجىلىس مىنالاردى باسا دارىپتەدى: وزىنە - ءوزى توڭكەرىس جاساۋعا باتىل بولۋ پارتيامىزدىڭ باسقا ساياسي پارتيالاردان پارىقتانىپ تۇراتىن كورنەكتى بەلگىسى، پارتيانىڭ تىنىشتىق - بىلىقپالىق، گۇلدەنۋ - قۇلدىراۋ سىندى تاريح پەريودىنان اتتاپ ءوتۋىنىڭ، 100 جىلدىق سان وزگەرىستى باستان كەشىرىپ ومىرشەڭدىك كۇشتى اناعۇرلىم تاسقىنداتۋىنىڭ تابىس قۇپياسى سانالادى. ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى ماركسيزمنىڭ جۇڭگوشالانۋىنىڭ ەڭ جاڭا جەتىستىكتەرىمەن وي - سانانى قارۋلاندىرۋعا تاباندى بولىپ، ساياسي دەڭگەيدى جوعارىلاتىپ، قىزمەت جاۋاپكەرشىلىگى ورنىنان جازباي، وزىنە - ءوزى تۇبەگەيلى توڭكەرىس جاساۋ رۋحىن ساۋلەلەندىرىپ، ىركىندى شامانى باتىل جويىپ، ارتقان شامانى تەجەپ، ستيل دۇرىستاۋدى، ءتارتىپتى قاتايتۋدى، شىرىكتەسۋگە قارسى تۇرۋدى رەفورمانى تەرەڭدەتۋمەن، ءتۇزىمدى كەمەلدەندىرۋمەن، باسقارۋدى جەبەۋمەن، دامۋدى ىلگەرىلەتۋمەن ساباقتاستىرىپ، پارتيانىڭ ورتالىقتانعان ءبىر تۇتاس باسشىلىعىن قورعاۋ، پارتيانىڭ نازاريالارى مەن لۋشيان، باعىت - ساياساتتارىن تياناقتاندىرۋعا قۋزاۋ، پارتيانىڭ العاباسارلىعى مەن كىرشىكسىزدىگىن قورعاۋ جاعىندا مىندەتىن ادال اتقارىپ، پارتيا مەن مەملەكەت قىزمەتىنىڭ كەلەلى جاعدايىنا پارمەندى، ءونىمدى قىزمەت وتەۋ جانە ونى قامتاماسىز ەتۋ كەرەك.
ءبىرىنشى، پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، نازاردى ”مەملەكەتتىڭ ءىرى ىسىنە“ شوعىرلاندىرىپ، ساياسي باقىلاۋدىڭ ناقتىلانۋىن، ۇدايىلانۋىن ىلگەرىلەتۋ كەرەك. پارتيانىڭ 20 - قۇرىلتايىن قارسى الۋدى جانە ويداعىداي اشۋدى نەگىزگى جەلى ەتىپ، شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، پارتيانىڭ وزىنە - ءوزى توڭكەرىس جاساۋداعى تاريحي تاجىريبەلەرىن ىشكەرىلەي قولدانىپ، پارتيا تاريحىن ۇيرەنۋ تاربيەسىنىڭ جەتىستىكتەرىن بەكەمدەۋ، كەڭەيتۋ كەرەك. پارتيا ورتالىق كوميتەتىنىڭ شەشىمدەرىن، ورنالاستىرۋلارىن مىقتاپ ارقاۋ ەتىپ، نازاردى جاڭا دامۋ كەزەڭىن يگەرۋ، جاڭا دامۋ ۇستانىمىن دايەكتىلەندىرۋ، جاڭا دامۋ ارناسىن قالىپتاستىرۋ، جوعارى ساپالى دامۋدى ىلگەرىلەتۋ سياقتى كەلەلى ستراتەگيالارعا شوعىرلاندىرىپ، نازاردى رەفورما جاساۋدى، ەسىك اشۋدى جاپپاي تەرەڭدەتۋ، بىرگە بايۋدى جەبەۋ، عىلىم - تەحنيكادا ءوز كۇشىنە سۇيەنۋدى، ءوزىن الۋەتتەندىرۋدى ىلگەرىلەتۋ، ەلەۋلى حاۋىپ - قاتەردەن ساقتانۋ جانە ونى جويۋ سياقتى ءتۇيىندى مىندەتتەرگە شوعىرلاندىرىپ، باقىلاۋ - تەكسەرۋدى كۇشەيتىپ، ناقتاپ تياناقتاندىرۋدى ىلگەرىلەتىپ، باعداردان اۋىتقىماۋعا، ءتۇسىن تۇرلەندىرمەۋگە، فورماسىن وزگەرتپەۋگە شىنايى كەپىلدىك ەتۋ كەرەك. ”شەشۋشى ازشىلىقتى“ ءجىتى قاداعالاپ، ”ءبىرىنشى باسشى“ مەن باسشىلىق القانىڭ پارتيانى جاپپاي قاتاڭ باسقارۋ جاۋاپكەرشىلىگىن تياناقتاندىرۋ، دەموكراتيالىق ورتالىقتاندىرۋ ءتۇزىمىن اتقارۋ، ەرەجە بويىنشا، زاڭ بويىنشا مىندەت اتقارۋ، ۇقىق ىستەتۋ سياقتى جاعدايلاردى باقىلاۋدى كۇشەيتۋ كەرەك. كەزەك اۋىستىرۋدىڭ ءتارتىبىن، ستيلىن قاتايتىپ، ساياسي وتكەل مەن پاكتىك وتكەلىن قاتاڭ يگەرىپ، سايلاۋدا پارا بەرىپ داۋىس جيۋ، اراعا كىسى سالىپ قۇلاق قاعىس ەتۋ، سايلاۋدى ءبۇلدىرۋ سياقتى ءىس - ارەكەتتەردىڭ بىرەۋى بايقالسا، بىرەۋىن تەكسەرىپ ءبىر جاقتى ەتۋ كەرەك.
ەكىنشى، شىرىكتەسۋگە قارسى تۇرۋدىڭ جانە ونى جازالاۋدىڭ قۋاتتى كۇشىن تۇراقتى ساقتاپ، شىرىكتەسۋگە قارسى كۇرەستى مىزعىماس تاباندىلىقپەن تەرەڭدەتۋ كەرەك. شىرىكتەسۋگە قارسى كۇرەستىڭ جاڭا جاعدايىنا، جاڭا سايىسىنا ىرىقتىلىقپەن توتەپ بەرىپ، ”جەتى ءتۇرلى نىساي“ ماسەلەلەرىنەن باتىل ساقتانىپ جانە ونى تەكسەرىپ ءبىر جاقتى ەتىپ، پارتيا ىشىندە ساياسي توپ، تار شەڭبەر، مۇددە توبىن قۇرۋمەن اينالىسۋشىلارعا تيتتەي دە اياۋشىلىق كورسەتپەۋ، جاس كادرلاردى قاتاڭ تاربيەلەۋ، باسقارۋ، باقىلاۋ كەرەك. كاپيتالدى ءتارتىپسىز كەڭەيتۋ، تۇعىرلاردى مونوپوليالاۋ سياقتىلاردىڭ استارىنداعى شىرىكتەسۋ ارەكەتتەرىن كۇش سالا تەكسەرىپ ءبىر جاقتى ەتىپ، بيلىك پەن كاپيتالدىڭ بايلانىسىن، دانەكەرىن ءۇزۋ كەرەك. قازىنا - ەكونوميكا ءتارتىبىن قاتايتىپ، جەرگىلىكتى ۇكىمەتتەردىڭ كومەسكى قارىز حاۋىپ - قاتەرىنەن ساقتانۋدى جانە ونى جويۋدى جەبەۋ كەرەك. نەگىزدىك قۇرىلعىلار قۇرىلىسى، الەۋمەتتىك بايلىق ساۋداسى سياقتى جاقتارداعى شىرىكتەسۋ ماسەلەلەرىن باتىل تەكسەرىپ ءبىر جاقتى ەتىپ، فينانس سالاسىنداعى شىرىكتەسۋدى جونگە سالۋدى ۇزدىكسىز ىلگەرىلەتىپ، مەملەكەت مەنشىگىندەگى كاسىپورىندارداعى شىرىكتەسۋگە قارسى تۇرۋ قىزمەتىن تەرەڭدەتىپ، استىق ساتىپ الۋ - ساتۋ سياقتى سالالارداعى شىرىكتەسۋدى ارناۋلى وڭاۋدى تەرەڭدەتۋ كەرەك. پارا بەرۋشىلەردىڭ ”قارا ءتىزىمى“ ءتۇزىمىن اتقارۋ جونىندە ىزدەنىس جاساۋ كەرەك. ”اسپان تورى ارەكەتىن“ ىلگەرىلەتىپ، شىرىكتەسۋگە قارسى حالىقارالىق سەلبەستىكتى كۇشەيتۋ كەرەك. ”ءتورت ءتۇرلى فورماتسيادان“ پايدالانۋ مەحانيزمىن تەرەڭدەتىپ، دەلو ارقىلى تۇزەتۋدى جەبەۋدى تەرەڭدەتىپ، پاكتىك مادەنيەتى قۇرىلىسىن كۇشەيتىپ، شىرىكتەسۋگە باتىلدىق ەتپەۋدى، شىرىكتەسۋگە مۇمكىندىك بولماۋدى، شىرىكتەسۋدى ويىنا الماۋدى ءبىر تۇلعادا ىلگەرىلەتۋ ءتۇزىمىن، مەحانيزمىن كەمەلدەندىرۋ كەرەك.
ءۇشىنشى، ورتالىقتىڭ 8 ءتۇرلى بەلگىلەمەسى سىندى توسپانى ۇزدىكسىز بەكەمدەپ، بۇقارانىڭ جانىنداعى شىرىكتەسۋدى جانە بۇرىس ستيلدەردى قاجىماس تاباندىلىقپەن رەتتەۋ، جونگە سالۋ كەرەك. ”ءتورت ءتۇرلى بۇرىس ستيلدىڭ“ نىسايلىق، سىڭايلىق، كومەسكى ماسەلەلەرىنە ءجىتى نازار اۋدارىپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىنىڭ دايەكتىلەنۋىنە، تياناقتانۋىنا ىقپال جاسايتىن، بۇقارانىڭ مۇددەسىنە نەمقۇرايدى قارايتىن، زيان جەتكىزەتىن، نەگىزگى ساتىنىڭ اۋىرتپالىعىن اۋىرلاتاتىن فورماشىلدىق، تورەشىلدىك ماسەلەلەرىن باتىل تۇزەتىپ، پارتيانىڭ وبرازىنا نۇقسان كەلتىرەتىن، بۇقارانىڭ اڭىسى كۇشتى بولعان راقاتقۇمارلىق، استا - توك ىسىراپشىلدىق ستيلىن ىشكەرىلەي رەتتەپ، جونگە سالىپ، زاڭدىلىققا قۇرمەت ەتپەيتىن، وبيەكتيۆ ءىس جۇزىندىككە جانە بۇقارانىڭ قاجەتىنە قۇرمەت ەتپەيتىن بەتالدى ىستەۋ ماسەلەلەرىن، سونداي - اق جاۋاپكەرشىلىكتەن قاشىپ، ءبىر - بىرىنە يتەرمەلەۋ، قىزمەتىنە سەلقوس قاراۋ، العا ۇمتىلعىسى كەلمەۋ سىندى ءىس تىندىرماۋ ماسەلەسىن تەكسەرىپ ءبىر جاقتى ەتۋ كەرەك. اۋىل - قىستاقتى گۇلدەندىرۋدەگى ءتۇيىندى نىسانداردى ىلگەرىلەتۋ جاعدايىن باقىلاۋ - تەكسەرۋدى كۇشەيتىپ، ”باسقالقالارعا سوققى بەرىپ، بايلانىس تورىن ءۇزۋدىڭ“ ۇدايىلانۋىن ىلگەرىلەتۋ كەرەك.
ءتورتىنشى، شارلاۋدىڭ، شارلاپ تەكسەرۋدىڭ جوعارى مەن تومەن بىرلەسە قيمىلداۋ ارناسىن اقاۋسىزداندىرىپ، جوعارى ساپامەن تولىق قامتۋ نىسانا - مىندەتىن جۇزەگە اسىرۋ كەرەك. نازاردى ”ەكىنى قورعاۋدىڭ“ ءتۇبىرلى مىندەتىنە شوعىرلاندىرىپ، پارتيانىڭ باسشىلىق فۋنكتسيالىق جاۋاپكەرشىلىگىن اتقارۋمەن تىعىز بايلانىستىرىپ، ”14 - بەسجىلدىق“ جوبانى تياناقتاندىرۋ، جاڭا دامۋ ۇستانىمىن دايەكتىلەندىرۋ، كەزەك اۋىستىرۋ ءتارتىبىن اتقارۋ سياقتى جاعدايلاردى ءتۇيىندى تۇردە تەكسەرۋ كەرەك. شارلاۋدى ۇيىمداستىرۋ تاسىلىندە جاڭالىق اشىپ، ورتالىق پەن ولكەلىك، اۆتونوميالى رايوندىق، قالالىق پارتكومداردى شارلاۋدىڭ، قالا - اۋدانداردى شارلاپ تەكسەرۋدىڭ جاپپاي قامتۋىن جۇزەگە اسىرۋ كەرەك. پارتكومنىڭ (پارتيا باسشىلىق گرۋپپاسى) رەتتەۋ - تۇزەتۋدەگى تۇلعالىق جاۋاپكەرشىلىگىن تياناقتاندىرۋدى ىلگەرىلەتىپ، كۇندەلىكتى باقىلاۋ مەن ارناۋلى تەكسەرۋدى كۇشەيتىپ، ورتالىق فينانس ورىندارىن شارلاۋ، رەتتەۋ - تۇزەتۋ قىزمەتىنىڭ ”سوڭعى جۇمىسىن“ ويداعىداي ىستەۋگە قۋزاۋ كەرەك. ولكەلەردىڭ، اۆتونوميالى رايونداردىڭ، قالالاردىڭ شارلاۋ قىزمەتىنە باسشىلىق ەتۋدى، جەتەكشىلىك ەتۋدى كۇشەيتىپ، ورتالىقتاعى ورىنداردىڭ ىشكى بولەگىندەگى شارلاۋعا تۇرگە ءبولىپ جەتەكشىلىك ەتۋدى تەرەڭدەتىپ، قىستاقتارعا (الەۋمەتتىك اۋماق) شارلاۋ جۇرگىزۋدىڭ ناقتى ونىمدىلىگىن جوعارىلاتۋدى ىلگەرىلەتۋ كەرەك. 19 - كەزەكتى شارلاۋ، شارلاپ تەكسەرۋ قىزمەتىن جان - جاقتى قورىتىندىلاپ، پارتيا ورتالىق كوميتەتىنە ارناۋلى تاقىرىپتا بايانداما جاساۋ كەرەك.
بەسىنشى، ءتارتىپ تەكسەرۋ، باقىلاۋ - تەكسەرۋ ءتۇزىلىسى رەفورماسىنىڭ جۇيەلى جيناقتالۋىن، سايكەسىمدى، جوعارى ءونىمدى بولۋىن جەبەپ، ءتۇزىم باسىمدىعىنىڭ باسقارۋ تيىمدىلىگىنە اينالۋىن ىلگەرىلەتۋ كەرەك. پارتيا ءبىر تۇتاس باسشىلىق ەتۋ، جاپپاي قامتۋ، بەدەلدى، جوعارى ءونىمدى بولۋ تالابىنا ساي، پارتيا ىشىندەگى باقىلاۋدى جەتەكشى ەتۋگە تاباندى بولىپ، ارناۋلى جاۋاپتى بولىپ باقىلاۋدى ناقتىلاندىرىپ، ءتۇرلى باقىلاۋدى ساباقتاستىرۋ كەرەك. باقىلاۋ - تەكسەرۋ، قاراۋ - تەكسەرۋ سياقتى شەشۋشى بۋىنداردى ارقاۋ ەتىپ، جوعارى دارەجەلى ءتارتىپ تەكسەرۋ كوميتەتىنىڭ، باقىلاۋ - تەكسەرۋ كوميتەتىنىڭ تومەن دارەجەلى ءتارتىپ تەكسەرۋ كوميتەتىنە، باقىلاۋ - تەكسەرۋ كوميتەتىنە، جىبەرۋشى ورگانىنىڭ وكىلەتتى قۇرىلىمدارعا باسشىلىعىن ونان ارى كۇشەيتىپ، تاراۋلار ورگاندارىندا تۇراتىن ءتارتىپ تەكسەرۋ كوميتەتىنىڭ مىندەت اتقارۋ جاعدايىنا باقىلاۋ - جەتەكشىلىك ەتۋدى كۇشەيتىپ، ورتالىق باسقاراتىن كاسىپورىنداردىڭ، ورتالىق باسقاراتىن جوعارى مەكتەپتەردىڭ ءتارتىپ تەكسەرۋ، باقىلاۋ - تەكسەرۋ قىزمەتىن جاپپاي كۇشەيتىپ، ءتارتىپ تەكسەرۋ، باقىلاۋ - تەكسەرۋ زاڭ ەرەجە، ءتۇزىم جۇيەسىن ۇزدىكسىز كەمەلدەندىرۋ كەرەك.
التىنشى، ساياسيدا توتەنشە ىسىلعان، قابىلەتى جوعارى بولۋ تالابىن تياناقتاندىرىپ، پارتيا مەن حالىقتىڭ ادال قورعاۋشىسى بولۋعا قۇلشىنۋ كەرەك. ورتالىق ءتارتىپ تەكسەرۋ كوميتەتى تۇراقتى كوميتەتىنىڭ ءوز قۇرىلىسىن كۇشەيتىپ، ورگانداعى پارتيانىڭ ساياسي قۇرىلىسىن تەرەڭدەتۋ، ناقتىلاۋ كەرەك. «جۇڭگو كوممۋنيستىك پارتياسى ءتارتىپ تەكسەرۋ كوميتەتىنىڭ قىزمەت ەرەجەسىن» ىشكەرىلەي دايەكتىلەندىرىپ، بارلىق قىزمەتكەرلەردى دارەجەگە، تۇرگە ءبولىپ باۋلۋ كەرەك. باقىلاۋ، ءتارتىپ اتقارۋ، زاڭ اتقارۋ ۇقىعىن جۇرگىزۋدى ىشكى جاقتان مەڭگەرۋ مەحانيزمىن كەمەلدەندىرىپ، ءتارتىپ اتقارۋدا تارتىپكە قايشىلىق جاساۋ، زاڭ اتقارۋدا زاڭعا قايشىلىق جاساۋ، قىزمەت اتقارماۋ، جاۋاپكەرسىزدىك ىستەۋ ارەكەتتەرىن باتىل تەكسەرىپ ءبىر جاقتى ەتىپ، ”شامنىڭ ءتۇبى قاراڭعى بولۋ“ ماسەلەسىن شىنايى شەشىپ، سانالى تۇردە تارتىپكە، زاڭعا بويسۇنۋدىڭ ۇلگىسى بولۋ كەرەك.
جالپى ءماجىلىس مىناعان ۇندەدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، پارتيا قۇرۋ ۇلى رۋحى مەن وزىنە - ءوزى توڭكەرىس جاساۋ رۋحىن زور كۇشپەن اسقاقتاتىپ، قىزمەت مىندەتىن ادال اتقارىپ، ىنتىماقتاسا كۇرەس جۇرگىزىپ، سەنىمدى بەكەمدەپ، قايسارلىقپەن العا باسىپ، پارتيانى جاپپاي قاتاڭ باسقارۋدىڭ، پارتيا ستيلى، پاكتىك قۇرىلىسىنىڭ جانە شىرىكتەسۋگە قارسى تۇرۋ كۇرەسىنىڭ تەرەڭدەي دامۋىن ىلگەرىلەتىپ، شىرىكتەسۋگە قارسى تۇرۋدىڭ جۇڭگوشا جولىمەن بۇلجىماي ءجۇرىپ، ءىس جۇزىندىك ارەكەت ارقىلى پارتيا 20 - قۇرىلتايىنىڭ جەڭىسپەن اشىلۋىن قارسى الايىق !
(شينحۋا اگەنتتىگىنىڭ 1 - ايدىڭ 20 - كۇنى بەيجيڭنەن بەرگەن حابارى)
