تيانشان تورى   ›   ۇيرەنۋ   ›   شولۋ

ۇزاق ۋاقىت بيلىك جۇرگىزەتىن ماركسيزمدىك ساياسي پارتيا قۇرۋ جونىندەگى زاڭدىلىق سيپاتتى تانىمدى تەرەڭ يگەرەيىك

− باس شۋجي شي جينپيڭنىڭ 19 - كەزەكتى ورتالىق ءتارتىپ تەكسەرۋ كوميتەتىنىڭ التىنشى جالپى ماجىلىسىندە سويلەگەن ماڭىزدى ءسوزىنىڭ رۋحىن ۇيرەنۋ، دايەكتىلەندىرۋ جونىندە

□ حالىق گازەتىنىڭ شولۋشىسى

  پارتيامىز 100 جىلدىق ءىرى پارتيا رەتىندە، العاباسارلىق پەن كىرشىكسىزدىكتى قالاي ماڭگى ساقتاۋ، جاستىق كوكتەم ومىرشەڭدىك كۇشىن قالاي ماڭگى ساقتاۋ، حالىقتىڭ قۋاتتاۋى مەن قولداۋىنا قالاي ماڭگى قول جەتكىزۋ، ۇزاق ۋاقىت بيلىك جۇرگىزۋدى قالاي جۇزەگە اسىرۋ ءبىز، ءسوز جوق، جاقسى جاۋاپ بەرۋگە، جاقسى شەشۋگە ءتيىستى ءتۇبىرلى سيپاتتى ماسەلە. 19 - كەزەكتى ورتالىق ءتارتىپ تەكسەرۋ كوميتەتىنىڭ التىنشى جالپى ماجىلىسىندە باس شۋجي شي جينپيڭ جاڭا داۋىردەگى پارتيانىڭ وزىنە - ءوزى توڭكەرىس جاساۋىنىڭ تابىستى امالياتىن ىشكەرىلەي قورىتىندىلاپ، ۇزاق ۋاقىت بيلىك جۇرگىزەتىن قانداي ماركسيزمدىك ساياسي پارتيا قۇرۋ، ۇزاق ۋاقىت بيلىك جۇرگىزەتىن ماركسيزمدىك ساياسي پارتيانى قالاي قۇرۋ جونىندەگى زاڭدىلىق سيپاتتى تانىمدى جان - جاقتىلى قورىتىندىلادى، پارتيانى باستان - اياق ءداۋىردىڭ الدىڭعى لەگىندە جۇرەتىن، حالىق شىن جۇرەكتەن قۋاتتايتىن، وزىنە - ءوزى توڭكەرىس جاساۋعا باتىل، سان الۋان داۋىلدى تولقىنداردىڭ سىنىنان وتە الاتىن، كۇش - قايراتى تاسقىنداعان ماركسيزمدىك بيلىك باسىنداعى پارتيا ەتىپ قۇرىپ شىعۋ جونىنەن كەلەلى جەتەكشىلىك مانگە يە، ءسوز جوق، تەرەڭ ىقپال تۋدىرادى.

  جۇڭگونىڭ ىستەرىن ويداعىداي ىستەۋدىڭ تەتىگى پارتيادا. نەعۇرلىم ۇزاق ۋاقىت بيلىك جۇرگىزگەن سايىن، ماركسيزمدىك ساياسي پارتيانىڭ قاسيەتىن سولعۇرلىم جوعالتۋعا بولمايدى، پارتيانىڭ اۋەلگى ماقساتىن، بورىشىن سولعۇرلىم ۇمىتۋعا بولمايدى، وزىنە - ءوزى توڭكەرىس جاساۋ رۋحىنان سولعۇرلىم ايرىلىپ قالۋعا بولمايدى. پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى پارتيانىڭ ۇزاق ۋاقىت بيلىك جۇرگىزۋى مەن مەملەكەتتىڭ باياندى تىنىشتىعىن كوزدە ۇستاپ، بۇلجىماستان پارتيانى قاتاڭ باسقارىپ، پارتيانى قاتاڭ جونگە سالىپ، ”ءتورتتى جاپپاي ورىنداۋ“ ستراتەگيالىق ورنالاستىرۋىن جوسپارلاپ، ورنالاستىرىپ، جۇڭگوشا سوتسياليزمنىڭ دامۋىنا ساياتىن ءتۇبىرلى سيپاتتى ماسەلەگە جوعارى دەڭگەيدە جوبا جاسادى؛ ”پارتيا، ۇكىمەت، ارميا، حالىقتىق قۇرىلىم، عىلىم - ءبىلىم سالاسى سياقتى بارلىق سالاعا جانە بارلىق جەرگە پارتيا باسشىلىق ەتەدى“ دەگەندى پارتيا ۋستاۆىنا ەنگىزىپ، ”جۇڭگو كوممۋنيستىك پارتياسىنىڭ باسشىلىعى جۇڭگوشا سوتسياليزمنىڭ ەڭ ماندىك ەرەكشەلىگى“ دەگەندى نەگىزگى زاڭعا ەنگىزىپ، پارتيا باسشىلىعىنا تاباندى بولۋ جونىندە ىشكەرىلەي تۇزىمدىك ولشەم جاسادى؛ پارتيا مەن مەملەكەتتىڭ قۇرىلىم رەفورماسىن تەرەڭدەتىپ، پارتيا باسشىلىعىن ەل باسقارۋدىڭ تۇتاس بارىسىنىڭ ءار جاعىندا تياناقتاندىردى؛ رەفورما جاساۋ، جاڭالىق اشۋ رۋحىمەن پارتيا قۇرىلىسىن يگەرىپ، پارتيانى باسقارۋدىڭ، پارتيانى جونگە سالۋدىڭ ساياسي جاۋاپكەرشىلىگىن كۇشەيتىپ، يدەيادا قاتاڭ بولۋعا، باقىلاۋدا قاتاڭ بولۋعا، ءتارتىپ اتقارۋدا قاتاڭ بولۋعا، قىزمەتكەرلەردى جونگە سالۋدا قاتاڭ بولۋعا، ستيلدە قاتاڭ بولۋعا، شىرىكتەسۋگە قارسى تۇرۋدا قاتاڭ بولۋعا تاباندى بولىپ، پارتيانىڭ بەتالىستى مەڭگەرۋ، كەلەلى جاعدايدى جوسپارلاۋ، ساياسات بەلگىلەۋ، رەفورمانى جەبەۋ قابىلەتىن ۇزدىكسىز جوعارىلاتتى. باتىل كۇرەس جاساۋ ارقىلى پارتيانى باسقارۋداعى، پارتيانى جونگە سالۋداعى كەڭ بولۋ، بوس بولۋ، ءالسىز بولۋ جاعدايىندا ءتۇبىرلى بۇرىلىس جاساپ، پارتيا توڭكەرىستىك شىڭدالۋ بارىسىندا ءتىپتى دە كۇشەيىپ، جاڭا قۋاتتى تىرشىلىك تىنىسىن، ومىرشەڭدىگىن قاۋلاتتى.

  پارتيامىز ماركسيزممەن قارۋلانعان ساياسي پارتيا، ماركسيزم ءبىزدىڭ وبيەكتيۆ دۇنيە مەن سۋبيەكتيۆ دۇنيەنى وزگەرتۋىمىزگە جەتەكشىلىك ەتەتىن قۋاتتى يدەيالىق قارۋ. پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى ماركسيزمنىڭ پارتيا قۇرۋ ىلىمىنە مۇراگەرلىك ەتىپ جانە ونى دامىتىپ، پارتيانىڭ 100 جىلدىق كۇرەسىنىڭ تاريحي تاجىريبەسىن قورىتىندىلاپ، پايدالانىپ، پارتيانى باسقارۋدا، پارتيانى جونگە سالۋدا امالياتتىق جاڭالىق اشۋدى، نازاريالىق جاڭالىق اشۋدى، تۇزىمدىك جاڭالىق اشۋدى ىشكەرىلەي ىلگەرىلەتىپ، ۇزاق ۋاقىت بيلىك جۇرگىزەتىن قانداي ماركسيزمدىك ساياسي پارتيا قۇرۋ، ۇزاق ۋاقىت بيلىك جۇرگىزەتىن ماركسيزمدىك ساياسي پارتيانى قالاي قۇرۋ جونىندەگى زاڭدىلىق سيپاتتى تانىمدى جاڭا بيىك دەڭگەيگە جەتكىزدى. باس شۋجي شي جينپيڭ ماڭىزدى سوزىندە ەگجەي - تەگجەيلى قورىتىندى جاسادى: بۇل پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنا تاباندى بولىپ، پارتيانى پارتيا باسقارۋعا، پارتيانى جاپپاي قاتاڭ باسقارۋعا تاباندى بولىپ، پارتيانىڭ ساياسي قۇرىلىسىن ءبىر تۇتاس باسشىلىققا الۋعا تاباندى بولىپ، قاتاڭ بولۋ نەگىزگى ارناسىنا بۇلجىماستان تاباندى بولىپ، شەگە قاعۋ رۋحىن اسقاقتاتىپ، ستيل قۇرىلىسىن كۇشەيتۋگە تاباندى بولىپ، استە راقىم ەتپەۋ پوزيتسياسىمەن شىرىكتەسۋدى جازالاۋعا تاباندى بولىپ، بۇقارانىڭ مۇددەسىن زياندايتىن شىرىكتەسۋ جانە بۇرىس ستيل اتاۋلىنىڭ بارلىعىن تۇزەتۋگە تاباندى بولىپ، ”شەشۋشى ازشىلىقتى“ يگەرىپ، جوعارى ارقىلى تومەنگە ونەگە كورسەتۋگە تاباندى بولىپ، پارتيا مەن مەملەكەتتىڭ باقىلاۋ ءتۇزىمىن كەمەلدەندىرۋگە تاباندى بولىپ، جاپپاي قامتىعان، ۇدايىلانعان، ۇزاق ءونىمدى باقىلاۋ بىرىككەن كۇشىن قالىپتاستىرۋ بولىپ تابىلادى. وسى ”9 تاباندى بولۋ“ ۇزاق ۋاقىت بيلىك جۇرگىزەتىن ماركسيزمدىك ساياسي پارتيا قۇرۋعا زاڭدىلىق سيپاتتى تانىمدى تەرەڭدەتۋ مەن نازاريالىق جاڭالىق اشۋدىڭ ەلەۋلى جەتىستىگى، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ ماڭىزدى قۇرامداس بولىگى، پارتيانىڭ جاڭا داۋىردە جۇڭگوشا سوتسياليزمگە تاباندى بولۋ جانە ونى دامىتۋ سىندى تاريحي ۇردىستە باستان - اياق پارمەندى باسشىلىق ۇيتقىسى بولۋىنا شىنايى كەپىلدىك ەتۋ ءۇشىن العا باسۋ بەتالىسىن ايقىنداپ، ءتۇبىرلى بويسۇنۋ ولشەمىن ازىرلەدى.

  پارتيامىز ۇزاق ۋاقىت بيلىك جۇرگىزىپ، ومىرشەڭدىك كۇشتى ماڭگى ساقتاپ، بۇكىل ەلدەگى ءار ۇلت حالقىن ىنتىماقتاستىرىپ، باستاپ، جۇڭگوشا سوتسياليزم جولىن بويلاي جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدا پارتيانى اناعۇرلىم بەرىك، پارمەندى ەتىپ قۇرىپ شىعۋ بارىنەن ماڭىزدى. العاباسار ماركسيزمدىك ساياسي پارتيا تۋادا وسىلاي ەمەس، قايتا ۇزدىكسىز وزىنە - ءوزى توڭكەرىس جاساۋ بارىسىندا شىڭدالىپ قالىپتاسقان. پارتيامىزدىڭ ءوزىنىڭ ەشقانداي ەرەكشە مۇددەسى جوق، بۇل پارتيامىزدىڭ وزىنە - ءوزى توڭكەرىس جاساۋ باتىلدىعىنىڭ قاينارى، جىگەرىنىڭ تياناعى بولىپ تابىلادى. كىم ءۇشىن بيلىك جۇرگىزۋ، كىم ءۇشىن ۇقىق ىستەتۋ، كىمنىڭ مۇددەسىن كوزدەۋ سىندى وسى ءتۇبىرلى ماسەلەدە وي - سانامىز ەرەكشە سەرگەك بولۋى، تۇرعىمىز ەرەكشە بەرىك بولۋى كەرەك. بۇكىل پارتياداعى جولداستار اسقاق ءمورالدى ايگىلەپ، جالپىلىق ءمورالدى ساقتاپ، جەكە ءمورالدى قاتايتىپ، كىرشىكسىز ادام بولىپ، پاكتىكپەن جۇمىس ىستەپ، ءوزىنىڭ ەمەس، كوپتىڭ قامىن ويلاپ، ۇقىپتىلىقپەن ءوزىن باۋلىپ، پاك، كىرشىكسىز ساياسي قاسيەتىن ماڭگى ساقتاۋ كەرەك. وزىنە - ءوزى توڭكەرىس جاساۋدىڭ تەتىگى − ماسەلەگە دۇرىس قاراۋ سانالىلىعى مەن پىشاقتىڭ ءدۇزىن ىشكە قاراتۋ باتىلدىعىنىڭ بولۋىندا، بۇكىل پارتياداعى جولداستار وزىنە - ءوزى توڭكەرىس جاساۋ رۋحىن ماڭگى ساقتاپ، پارتيانى جاپپاي قاتاڭ باسقارۋدى ماڭگى جالعاستىراتىن ساياسي سانالىلىعىن كۇشەيتىپ، قاتاڭدىق شەگىنە جەتتى دەيتىن جالىعۋ پيعىلىنىڭ تۋىلۋىنا استە جول بەرمەۋ كەرەك. پارتيا ستيلى، پاكتىك قۇرىلىسى جانە شىرىكتەسۋگە قارسى تۇرۋ كۇرەسىندە ءبىر ءسات تە بوساڭسۋعا بولمايدى، تەمىرگە تاپ، تاسقا تاڭبا قالدىراتىن قايسارلىقپەن جانە تاباندىلىقپەن وسى قامال الۋ شايقاسىن، ۇزاققا سوزىلاتىن شايقاستى ۇزدىكسىز ويداعىداي جۇرگىزۋ كەرەك.

  جاڭا ەمتيحان تاپسىرۋ جولىندا ءبىز ۇزدىكسىز تاماشا جاۋاپناما تاپسىرا الامىز با، جوق پا؟ مۇنىڭ تەتىگى بۇلجىماس تاريحي سەنىمنىڭ بولۋ - بولماۋىندا. وتكەن كۇرەس جولىنا قايىرىلا قاراساق، پارتيامىز جۇڭگو حالقىن باقىتقا كەنەلتۋگە، جۇڭحۋا ۇلتىن گۇلدەندىرۋگە كۇش سالدى، ادامزاتتىڭ العا باسۋىنا، دۇنيە ءجۇزىنىڭ ۇلى بىرلىگىنە كۇش سالدى، دۇنيە كوپكە ورتاق بولۋ، دۇنيەنىڭ دۇرىس جولىمەن ءجۇرۋ − پارتيامىزدىڭ تاريحي سەنىمگە يە بولۋىنىڭ ەڭ زور نەگىزى، پارتيامىزدىڭ جۇڭگودا بيلىك جۇرگىزۋىنىڭ ءارى ۇزاق ۋاقىت بيلىك جۇرگىزۋىنىڭ تاريحي سەنىمى، سونداي - اق پارتيامىزدىڭ حالىقتى ىنتىماقتاستىرىپ، باستاپ، ۇزدىكسىز العا ىلگەرىلەۋىنىڭ تاريحي سەنىمى. الداعى كۇرەس جولىنا كوز جىبەرىپ، تاريحي سەنىمدى بەكەمدەپ، وزىنە - ءوزى توڭكەرىس جاساۋعا تاباندى بولىپ، پارتيانى جاپپاي قاتاڭ جونگە سالۋدى تەرەڭدەي ىلگەرىلەتىپ، پارتيانىڭ ۇزاق ۋاقىت بيلىك جۇرگىزۋ شارت - جاعدايىندا ءوزىن - ءوزى كىرشىكسىزدەندىرۋ، ءوزىن - ءوزى كەمەلدەندىرۋ، ءوزىن - ءوزى جاڭالاۋ، ءوزىن - ءوزى جوعارىلاتۋ قابىلەتىن كۇشەيتسە، ءسوزسىز پارتيانىڭ سيپاتىن وزگەرتپەۋگە، ءتۇسىن وزگەرتپەۋگە، قاسيەتىن وزگەرتپەۋگە شىنايى كەپىلدىك ەتىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن پارمەندى ساياسي كەپىلدىك ازىرلەۋگە بولادى!

  (شينحۋا اگەنتتىگىنىڭ 1 - ايدىڭ 20 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.