− اۆتونوميالى رايوندىق ساياسي كەڭەس 12 - كەزەكتى كوميتەتىنىڭ 4 - ماجىلىسىنەن بەرگى قىزمەتتەرگە جالپى شولۋ
□ انار بۇلت / شينجياڭ گازەتىنىڭ ءتىلشىسى جاڭ يۇنمەي
1 - ايدىڭ 20 - كۇنى اۆتونوميالى رايوندىق ساياسي كەڭەس 12 - كەزەكتى كوميتەتىنىڭ 5 - ماجىلىسىنە قاتىناساتىن مۇشەلەر ىركەس - تىركەس ۇرىمجىگە كەلدى. سۋرەتتە: اۆتونوميالى رايوندىق ساياسي كەڭەستىڭ مۇشەلەرى وزدەرى جايعاسقان ورىندا قاتىستى راسمياتتاردى بىتىرۋدە.
□ سۋرەتتى انار بۇلت / شينجياڭ گازەتىنىڭ ءتىلشىسى وتكىر نيجات تۇسىرگەن
2021 - جىلى، ۋاقىت اۆتونوميالى رايوندىق ساياسي كەڭەسكە وزگەشە تۇسىنىكتەمە جازدى.
وسى ءبىر جىلدا، اۆتونوميالى رايوندىق ساياسي كەڭەس قۇرىلعاندىعىنىڭ 70 جىلدىعىن قارسى الدى. اۆتونوميالى رايوندىق ساياسي كەڭەس قۇرىلعاندىعىنىڭ 70 جىلدىعىن قۇتتىقتاۋ اڭگىمە ءماجىلىسى اشىلدى، ساياسي كەڭەس شينجياڭ ۇيعۇر اۆتونوميالى رايوندىق كوميتەتى دامۋ بارىسى كورمەسى سياقتى قيمىلداردى وتكىزىپ، تاريحي تابىستارعا قايىرىلا قاراپ، تۇزىمدىك سەنىمدى كۇشەيتىپ، ەكپىندەي ىلگەرىلەۋ قوزعاۋشى كۇشىن قاۋلاتتى.
وسى ءبىر جىلدا، كەڭەسۋ فورماسىن بايىتىپ، ۇكىمەت ءىسىن كەڭەسۋدىڭ ساپاسى مەن ونىمدىلىگىن جوعارىلاتتى. ماماندار كەڭەس ءماجىلىسىن تۇڭعىش رەت اشتى؛ باتىس سولتۇستىكتەگى 5 ولكە (رايون) ساياسي كەڭەستەرىنىڭ ”جىبەك جولى ەكونوميكالىق بەلدەۋى قۇرىلىسىنا قىزمەت وتەۋگە دەم بەرۋ“ بىرىككەن ءماجىلىسىن جوعارى ساپامەن ۇستىنە الىپ وتكىزدى، بۇل باتىس سولتۇستىك وڭىرلەردىڭ ەسىك اشۋدى اناعۇرلىم زور كولەمدە، اناعۇرلىم كەڭ سالادا، اناعۇرلىم جوعارى دەڭگەيدە كەڭەيتىپ، جاڭا داۋىردەگى باتىس بولىكتى قاۋىرت اشۋدىڭ جاڭا ارناسىن قالىپتاستىرۋدى ىلگەرىلەتۋ جونىنەن كەلەلى ماڭىز الادى.
وسى ءبىر جىلدا، يدەيالىق، نازاريالىق قارۋلاندىرۋدى كۇش سالا كۇشەيتتى. پارتيا ورتالىق كوميتەتىنىڭ شەشىمدەرىن، ورنالاستىرۋلارىن مۇقيات دايەكتىلەندىرىپ، اۆتونوميالى رايوندىق پارتكومنىڭ وزەكتى قىزمەتىمەن تىعىز بايلانىستىرىپ، دەموكراتيانى ساۋلەلەندىرۋ مەن ىنتىماقتى نىعايتۋدىڭ ءوزارا تۇتاسۋىنا، ۇكىمەت ىسىنە سىندارلى اقىل - كەڭەس بەرۋ مەن ورتاق تانىم ۇيىستىرۋدا قوس باعىتتا كۇش سالۋعا تاباندى بولىپ، ارناۋلى كەڭەستىك قۇرىلىم ءتۇزىمىن كەمەلدەندىرىپ، ”حالىق ساياسي كەڭەسىنىڭ حالىق ءۇشىن قىزمەت ىستەۋ“ قۋاتتى ءۇنىن شىرقادى.
سەنىمدى بەكەمدەپ، يدەيالىق نەگىزدى بەكەمدەدى
”توپتاعى دوستار تەزىرەك قيمىلداڭدار! ءبىز ۇلى رۋحتى بىرگە ۇيرەنەيىك!“. 2021 - جىل اۆتونوميالى رايوندىق ساياسي كەڭەس ”بىلىمگە قۇشتار ساياسي كەڭەس“ كىتاپ وقۋ قيمىلىن باستادى، ”پارتيا تاريحىن ۇيرەنۋ . ورتاق ماقساتتى سومداۋ“ نەگىزگى تاقىرىپتىق كىتاپ وقۋ توبى كوپشىلىكتىڭ پارتيا تاريحىن ۇيرەنەتىن، اسەرلەرى جونىندە پىكىر اۋىستىراتىن ماڭىزدى تۇعىرعا اينالدى.
پارتيا تاريحى ەڭ جاندى، ەڭ يلاندىرۋ قۋاتى بار وقۋلىق. ءبىر جىلدان بەرى اۆتونوميالى رايوندىق ساياسي كەڭەس شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتىنىڭ ءار رەتكى جالپى ماجىلىستەرىنىڭ رۋحىن ىشكەرىلەي ۇيرەنىپ، دايەكتىلەندىرىپ، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن جانە باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن دايەكتىلەندىرىپ، تياناقتاندىرىپ، پارتيا تاريحىن ۇيرەنۋ تاربيەسىن تىڭعىلىقتى ويداعىداي ورىستەتىپ، ساياسي كەڭەسكە قاتىسۋشى ورىنداردى، ءار دارەجەلى ساياسي كەڭەس ۇيىمدارىن جانە قالىڭ ساياسي كەڭەس مۇشەلەرىن ۇزدىكسىز تۇردە ”ءتورت تانىمدى“ كۇشەيتۋگە، ”ءتورت سەنىمدى“ بەكەمدەۋگە، ”ەكىنى قورعاۋدى“ ورىنداۋعا جەتەكتەپ، پارتيا تاريحىن ۇيرەنۋ بارىسىندا سەنىم تۋىنداتىپ، شابىت الىپ، كۇش - قۋات قابىلداپ، ءمورالدى جەتىلدىرىپ، پارتيا تاريحىن ۇيرەنۋ تاربيەسىنىڭ ونىمدىلىگىن شينجياڭ ساياسي كەڭەس ىستەرىنىڭ دامۋىن، العا باسۋىن ىلگەرىلەتەتىن قۋاتتى قوزعاۋشى كۇشكە قۇلشىنا اينالدىردى.
پارتيا تاريحىن ۇيرەنۋ تاربيەسى بارىسىندا، اۆتونوميالى رايوندىق ساياسي كەڭەس ۇيرەنۋ تاسىلىندە ۇزدىكسىز جاڭالىق اشىپ، ءونىمدى ءادىس قاراستىرىپ، پارتيا تاريحىن ۇيرەنۋ تاربيەسىن مىندەت وتەۋ قىزمەتىنىڭ جالپى بارىسىنا ساباقتاستىرۋعا، اسىرەسە، تەكسەرۋ - زەرتتەۋ، كەڭەسۋ قيمىلدارىمەن بىرگە جوسپارلاۋعا، بىرگە ورنالاستىرۋعا، بىرگە ىلگەرىلەتۋگە تاباندى بولىپ، ۇيرەنۋ فورماسىن قۇلشىنا بايىتتى، ۇيرەنۋدى، وي جۇگىرتۋدى، امالياتتا ايگىلەۋدى، ءتۇسىنۋدى جەبەدى، ۇيرەنۋ ونىمدىلىگىن جوعارىلاتتى.
بىلتىر 4 - ايدا اۆتونوميالى رايوندىق ساياسي كەڭەس مادەنيەت، مادەنيەت تاريحى جانە ۇيرەنۋ كوميتەتىنىڭ تەكسەرۋ - زەرتتەۋ گرۋپپاسى مادەنيەت پەن ساياحاتتى توعىستىرۋدى نەگىزگى تاقىرىپ ەتكەن تەكسەرۋ - زەرتتەۋ ورىستەتۋ بارىسىندا، قۇربان تۇلىمنىڭ ەجەلگى تۇراعىن ەكسكۋرسيالادى، كوپشىلىك ”بۇل شىنىمەن ءبىر رەتكى جالىندى، تەرەڭ وتانشىلدىق تاربيە ساباعى بولدى“ دەگەن سۇيىنىشتەرىن ءجيى - ءجيى ءبىلدىردى.
مۇنان سىرت، اۆتونوميالى رايوندىق ساياسي كەڭەس بىلىمگە قۇشتار ساياسي كەڭەس قۇرىلىسىن ىلگەرىلەتۋدە ”پارتيا تاريحىن ۇيرەنۋ . ورتاق ماقساتتى سومداۋ“ سياقتى نەگىزگى تاقىرىپتىق كىتاپ وقۋ توبىن العا قويىپ، ”شينجياڭ ساياسي كەڭەسى. مەيىرىم ساباق مىنبەرى“ تۇعىرىنان ويداعىداي پايدالانۋمەن بىرگە، تاعى مەملەكەتتىك ساياسي كەڭەس جۇيەسىندە ”بىرگە ءان شىرقايىق“ قيمىلىن ورىستەتۋ، پارتيا تاريحى ماماندارىن ۇسىنىس ەتىپ ارناۋلى تاقىرىپتىق لەكسيا وتكىزۋ سياقتىلار ارقىلى يدەيالىق - ساياسي جەتەكشىلىكتى كۇشەيتىپ، پارتيانىڭ جاسامپاز نازارياسىمەن قارۋلانۋدىڭ تەرەڭدەۋىن، ناقتىلانۋىن ءۇرتىس ىلگەرىلەتتى.
ۇيرەنۋدى، وي جۇگىرتۋدى، قولدانۋدى ساباقتاستىرىپ، تانىمدى، سەنىمدى، ارەكەتتى بىرلىككە كەلتىردى. اۆتونوميالى رايوندىق ساياسي كەڭەس ”ۇلتتار ىنتىماعىنىڭ بەرەكەلى شاڭىراعى“، پارتيا مۇشەلەرى ”قوس مالىمدەلۋ“ سياقتى قيمىلداردى دانەكەر ەتىپ، پارتيا تاريحىن ۇيرەنۋ تاربيەسىنىڭ ونىمدىلىگىن حالىق ءۇشىن ناقتى ءىس ىستەۋ جاعىندا ايگىلەپ، ەمدەۋ، جۇمىستاندىرۋ، وقۋ - اعارتۋ سياقتى جاقتاردا نەگىزگى ساتى بۇقاراسىنىڭ ءىس جۇزىندىك قيىنشىلىقتارىن شىن مانىندە شەشتى.
مارالباسى اۋدانى داۋلەتباق اۋىلىنىڭ شودىگەر توعىراق قىستاعىندا اۆتونوميالى رايوندىق ساياسي كەڭەستىڭ وسى قىستاقتا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى ”مەن حالىق ءۇشىن ناقتى ءىس ىستەيمىن“ امالياتتىق قيمىلىن بەلسەنە ىلگەرىلەتىپ، بۇقارانىڭ ”شۇعىل، قيىن، ۋايىمداعان، ءزارۋ“ ماسەلەسىن زەيىن - زەردەنى، سۇيىسپەنشىلىكتى، كۇش - قۋاتتى ارناي وتىرىپ شەشتى. امالياتتىق قيمىل بارىسىندا، قىزمەت اترەتى كاسىپورىندارمەن بايلانىس جاساپ، قىستاقتاعى ءجۇرىپ - تۇرۋ قۋاتىنان ايرىلعان 6 قىستاق تۇرعىنىنا دوڭگەلەكتى ورىندىق تارتۋ ەتتى. قىستاق تۇرعىنى نۇحان رۇسۇل جاڭا دوڭگەلەكتى ورىندىققا وتىرىپ قاقپادان ”شىققان“ كەزدە، ”وسىلاردىڭ بارلىعىندا پارتياعا العىس ايتامىن، قىزمەت اترەتىنە العىس ايتامىن!“ دەپ تەبىرەنە كوزىنە جاس الدى.
وزەكتى ارقاۋ ەتىپ، جاۋاپكەرشىلىك ارقالاۋدى، ىسكەرلىك كورسەتۋدى ايگىلەدى
پارتكوم ۇندەۋ شىعارسا، ساياسي كەڭەس ارەكەتتەندى، پارتكوم ورنالاستىرۋ جاساسا، ساياسي كەڭەس تياناقتاندىردى.
ءبىر جىلدان بەرى اۆتونوميالى رايوندىق ساياسي كەڭەس وزەكتى ارقاۋ ەتىپ، كەلەلى جاعدايعا قىزمەت وتەپ، قوس باعىتتا كۇش سالىپ، ارنانى ۇزدىكسىز ىركىلىسسىزدەندىرىپ، مەحانيزمدى كەمەلدەندىرىپ، فورمادا جاڭالىق اشىپ، ساپانى جوعارىلاتىپ، ءار سالا مۇشەلەرىن ۇكىمەت ىسىنە بەلسەنە اقىل - كەڭەس بەرۋگە جەتەكتەدى.
بىلتىر اۆتونوميالى رايوندىق ساياسي كەڭەس مۇشەلەردى باۋلۋدى كۇشەيتىپ، جالپى 849 ۇسىنىس جوبا قابىلداپ، 83 ورىننىڭ بىتىرۋىنە تاپسىردى. ۇسىنىس جوبانى باسقارۋ جۇيەسىن جاپپاي جوعارىلاتۋ، جاڭالاۋ ارقىلى ۇسىنىس جوبانى توردا جولداۋ، تەكسەرۋ، بىتىرۋگە تاپسىرۋ، جاۋاپ قايتارۋ سياقتىلاردى جۇزەگە اسىردى، ۇسىنىس جوبانى ءبىتىرۋ، كەڭەسۋ ۇدايىلىققا اينالدى، ءبىتىرۋ ونىمدىلىگى كورنەكتى جوعارىلادى.
اۆتونوميالى رايوندىق ساياسي كەڭەستىڭ مۇشەسى، شينجياڭ تيانياڭ ادۆوكاتتار ءىسورنىنىڭ مەڭگەرۋشىسى جين شاننىڭ 2000 نەشە ۋيچات دوسى بار. ”رايونىمىزدىڭ ادۆوكاتتار قوسىنى قۇرىلىسىن كۇشەيتىپ، شينجياڭدى زاڭمەن باسقارۋدى ءۇرتىس ىلگەرىلەتۋ“ اۆتونوميالى رايوندىق ساياسي كەڭەستىڭ ايلىق كەڭەسۋ كەڭەستىك تاقىرىبىنا ەنگىزىلگەنىنەن حابار تاپقاننان كەيىن، جين شان ەرەكشە جەلپىنىپ، وسى حاباردى دوستار شەڭبەرىنە جولدادى، ”بۇل مەنىڭ 2021 - جىلعى دوستار شەڭبەرىندە قولداۋ كورسەتكەن ادام سانى ەڭ كوپ حابار بولارىن ويلاماعان ەدىم“، - دەدى جين شان.
”ادۆوكاتتاردى نەگىزگى شەبەرلىككە باۋلۋدى كۇشەيتۋ كەرەك“، ”زاڭمەن باسقارۋ كاسىپتىك دارىندىلارىن باۋلۋ تاسىلىندە جاڭالىق اشىپ، نازاريا وقىتۋىن كۇشەيتىپ، وقۋشىلاردىڭ زاڭدى لوگيكالىق ويلاۋ قابىلەتىن جەتىلدىرۋگە باسا ءمان بەرۋ كەرەك“... بىلتىر 4 - ايدا اۆتونوميالى رايوندىق ساياسي كەڭەستىڭ اشقان ايلىق كەڭەسۋ اڭگىمە ماجىلىسىندە كوپشىلىك شينجياڭنىڭ ادۆوكاتتار قوسىنى قۇرىلىسى ءۇشىن جارىسا سىندارلى اقىل - كەڭەس بەردى.
جاڭا داۋىردەگى پارتيانىڭ شينجياڭدى باسقارۋ جالپى جوباسىنا قىزمەت وتەۋدە اۆتونوميالى رايوندىق ساياسي كەڭەس ۇزدىكسىز كۇش سالدى. ارناۋلى تاقىرىپتىق ۇكىمەت ءىسىن كەڭەسۋ سيپاتتى تۇراقتى كوميتەت ءماجىلىسىن اشىپ، ”يدەولوگيا سالاسى قىزمەتىن ىشكەرىلەي ويداعىداي ىستەپ، شينجياڭدى مادەنيەتپەن نارلەندىرۋ ينجەنەرياسىنا دەم بەرۋدى“ ارقاۋ ەتىپ، ارناۋلى تاقىرىپتا ۇكىمەت ءىسىن كەڭەسۋ ورىستەتتى ءارى «جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرۋ، نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرۋ، شينجياڭدى مادەنيەتپەن نارلەندىرۋ ينجەنەرياسىنا دەم بەرۋ جونىندەگى قاراردى» شىعاردى؛ ”رايونىمىزداعى ورتا، باستاۋىش مەكتەپ وقۋشىلارىنىڭ جۇڭحۋا ۇلتى ورتاق تۇلعا تانىمى تاربيەسىن ونان ارى كۇشەيتۋدى“ ارقاۋ ەتىپ، ايلىق كەڭەسۋ اڭگىمە ءماجىلىسىن اشىپ، مەكتەپ تاربيەسىنىڭ نەگىزگى شەپتىك رولىن ساۋلەلەندىرۋ، ورتا، باستاۋىش مەكتەپ وقىتۋشىلارى قوسىنىنىڭ ساياسي ساپاسىن جوعارىلاتۋ سياقتىلار جونىندە ۇسىنىس قويدى.
نازاردى ەكونوميكانىڭ جوعارى ساپالى دامۋىنا شوعىرلاندىرىپ، مىندەت وتەپ، جاۋاپكەرشىلىكتى ادا ەتتى. اۆتونوميالى رايوننىڭ ”14 - بەسجىلدىق“ جوباسىندا ورتاعا قويىلعان ”شينجياڭ ىشىندە شەڭبەر قالىپتاستىرىپ، شينجياڭعا كىرىپ - شىعۋدى تەزدەتۋ“ كەشەندى قاتىناس ىستەرىن دامىتۋ نىساناسىمەن تىعىز بايلانىستىرىپ، جۇمىس باسىندا تەكسەرۋ - زەرتتەۋگە ۇيىمداستىردى؛ شارۋاشىلىق - ساۋدا ورتاسىن ۇزاق ۋاقىت ءمان بەرەتىن ماسەلە ەتىپ، ءۇرتىس تەكسەرۋ - زەرتتەۋ ورىستەتتى.
حالىقتىڭ ءۇمىت - تىلەگى ۇكىمەتتىڭ قۇلشىنىس باعىتى بولدى. ”كاسىپ سالاسىن دامىتۋدى تىرەك ەتىپ، اۋىل - قىستاقتى گۇلدەندىرۋدى جاپپاي ىلگەرىلەتۋ“ ارناۋلى تاقىرىبىندا ۇكىمەت ءىسىن كەڭەسۋ سيپاتتى تۇراقتى كوميتەتتىڭ كەڭەستىك تاقىرىبىمەن تىعىز بايلانىستىرىپ، ۇكىمەت ءىسىن اقىلداسىپ - كەڭەسىپ، اۋىل - قىستاقتىڭ كاسىپ سالاسى قۇرىلىمىن ساپالىلاندىرۋ، اۋىل شارۋاشىلىعى ونىمدەرىمەن ءونىمدى قامداۋ قابىلەتى مەن دەڭگەيىن جوعارىلاتۋ، اۋىل - قىستاق ەڭبەككۇشتەرىن باسقا سالاعا ويىستىرىپ جۇمىستاندىرۋ، اۋىل - قىستاقتىڭ كاسىپ سالاسىن گۇلدەندىرۋ تىرەگىن، قامتاماسىزدىعىن كۇشەيتۋ سياقتى ارناۋلى تاقىرىپتاردى ارقاۋ ەتىپ، تالقى ورىستەتتى.
تۇنىق سۋ، جاسىل تاۋ − باعالى بايلىق، مۇزدى القاپ، قارلى دالا دا باعالى بايلىق. ەبينۇر كولى الابىنىڭ ەكولوگيالىق ورتاسىن قورعاۋدىڭ قازىرگى جاعدايىن جانە قىزمەت ورىستەتۋ جاعدايىن ارناۋلى تاقىرىپتا تەكسەرىپ - زەرتتەدى؛ اۋىز سۋ قاينارىن قورعاۋدى ىلگەرىلەتۋدى كۇشەيتۋ جاعدايى جونىندە ارناۋلى تاقىرىپتىق تەكسەرۋ - زەرتتەۋ جۇرگىزدى؛ اۋىل - قىستاقتىڭ ”دارەتحانا توڭكەرىسى“، ”ءۇرىمجى قالاسىنىڭ تۇرمىستىق قوقىر - قوقسىقتارىن تۇرگە ايىرۋ قۇرىلىسىن تارتىپپەن ىلگەرىلەتۋ“ سياقتىلار جونىندە ءۇرتىس سوڭىنا ءتۇسىپ ونىمدىلىگىن سۇراستىرىپ، كورىكتى شينجياڭ قۇرۋعا اقىل - پاراساتى مەن كۇش - قۋاتىن ارنادى.
ورتاق تانىم ۇيىستىرىپ، ەڭ ۇلكەن”سەنترلەس شەڭبەر“ سىزدى
حالىق تىلەگى ەڭ ۇلكەن ساياسي، ورتاق تانىم ەكپىندەي ىلگەرىلەۋدىڭ قوزعاۋشى كۇشى.
ءبىر جىلدان بەرى اۆتونوميالى رايوندىق ساياسي كەڭەس ورتاق تانىم ۇيىستىرىپ، كۇش توپتاپ، ىنتىماق پەن دەموكراتيانىڭ ەڭ ۇلكەن ”سەنترلەس شەڭبەرىن“ سىزىپ شىقتى. پارتيا 19 - كەزەكتى ورتالىق كوميتەتىنىڭ التىنشى جالپى ءماجىلىسى بەلەستىك مانگە يە ماڭىزدى ءماجىلىس. اۆتونوميالى رايوندىق ساياسي كەڭەس بۇكىل رايوننىڭ ساياسي كەڭەس جۇيەسىندە پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن سان مىڭداعان وتباسىنا جەتكىزۋ قيمىلىن كەڭ كولەمدە ورىستەتتى، قوعامداعى ءار سالانى يدەيا مەن ارەكەتتى جالپى ءماجىلىستىڭ رۋحىمەن بىرلىككە كەلتىرۋگە جەتەكتەدى.
”2014 - جىلى قىستاعىمىز كەدەي قىستاق بولاتىن، بىلتىر الىس - جاقىنعا تانىمالى باي قىستاققا اينالدى، وسىنىڭ بارلىعى پارتيا باسشىلىعىنىڭ ارقاسى“. 2021 - جىلى 11 - ايدىڭ 22 - كۇنى اۋات اۋدانى جاڭا ارىق قالاشىعى سۋجايدى قىستاعىندا شينجياڭدا تۇراتىن مەملەكەتتىك ساياسي كەڭەستىڭ مۇشەسى يۇكساك شيجاات اۆتونوميالى رايوندىق ساياسي كەڭەستىڭ دارىپتەمەسىنە بەلسەنە ءۇن قوسىپ، قىستاق تۇرعىندارىنا جالپى ءماجىلىس رۋحى جونىندە ۇگىت لەكسيا جاساپ، جالپى ءماجىلىس رۋحىن جۇرت جۇرەگىنە تەرەڭ ۇيالاتتى.
مەرزىم سايىن احۋال ۇعىسىپ، اڭگىمەلەستى، تەكسەرۋ - زەرتتەۋ ورىستەتتى، ينتەرنەت جەلسىندە، ينتەرنەت جەلىسىنەن تىس ىقپالداستى... بىلتىر اۆتونوميالى رايوندىق ساياسي كەڭەس تاعى بۇكىل رايونداعى ساياسي كەڭەس جۇيەسىندە ”ساياسي كەڭەس مۇشەلەرى نەگىزگى ساتىعا بارۋ“ قيمىلىن ىشكەرىلەي ورىستەتۋگە ۇندەدى. بۇكىل رايوندا 15 مىڭنان استام ساياسي كەڭەس مۇشەسى جانە ورگان كادرى نەگىزگى ساتىنى ىشكەرىلەي ارالاپ، بۇقارانىڭ پىكىرىن دەن قويا تىڭداپ، بۇقارانىڭ تىلەگىن ۇعىسىپ، بۇقارانىڭ تىلەك - تالابىن اڭىس ەتىپ، حالىق ءۇشىن مىندەت وتەۋدى شىنايى ورىنداپ، كۇش توپتاپ، دامۋدى جەبەدى.
اناعۇرلىم ويداعىداي مىندەت وتەپ، جاۋاپكەرشىلىكتى ادا ەتۋ ءۇشىن، بىلتىر اۆتونوميالى رايوندىق ساياسي كەڭەس تاعى «جۇڭگو حالىق ساياسي ءماسليحات كەڭەسى شينجياڭ ۇيعۇر اۆتونوميالى رايوندىق كوميتەتىنىڭ كەڭەسۋ قىزمەت ەرەجەسى»، «جۇڭگو حالىق ساياسي ءماسليحات كەڭەسى شينجياڭ ۇيعۇر اۆتونوميالى رايوندىق كوميتەتىنىڭ ساياسي كەڭەس مۇشەلەرىنىڭ جاۋاپكەرشىلىك ارقالاۋىن كۇشەيتۋ جونىندەگى پىكىرى» سياقتى تۇزىمدىك حۇجاتتاردى ماقۇلداپ، اۆتونوميالى رايوندىق ساياسي كەڭەس قىزمەتىنىڭ جوعارى ساپالى دامۋىن ونان ارى ىلگەرىلەتۋگە تۇزىمدەنۋ قامتاماسىزدىعىن ازىرلەدى.
كۇش ىنتىماقتان تۋادى، باقىت كۇرەستەن كەلەدى. جاڭا ءبىر جىلدا اۆتونوميالى رايوندىق ساياسي كەڭەس مۇرات - سەنىم تۋىن اسقاق جەلبىرەتىپ، جۇدىرىقتاي جۇمىلعان ۇلى كۇشتى ۇيىستىرىپ، مويىماس، شىنايى اتقارۋ تاباندىلىعىن ساقتاپ، ايبارلى، سەستى ايبىندى ايگىلەپ، جاڭا دا اناعۇرلىم ۇلى جەڭىس پەن داڭققا قۇلشىنا قول جەتكىزىپ، پارتيا 20 - قۇرىلتايىنىڭ جەڭىسپەن اشىلۋىن ۇزدىك ناتيجەمەن قارسى الادى.
