”شينجياڭ جاقسى جەر“ اتىنداعى سىرتقى ەكونوميكا - ساۋدا داشۋەسى ارناۋلى بەينە ەكران اۋىس - كۇيىس ءماجىلىسى وتكىزىلدى
”شينجياڭنىڭ كوركەمدىگىن ءوز باسىمىزدان سەزىنۋدى ءۇمىت ەتەمىز“
انار بۇلت / شينجياڭ گازەتىنىڭ ءتىلشىسى فان چيۇڭيان 1 - ايدىڭ 20 - كۇنى ۇرىمجىدەن حابارلايدى. 1 - ايدىڭ 18 - كۇنى ”شينجياڭ جاقسى جەر“ اتىنداعى سىرتقى ەكونوميكا - ساۋدا داشۋەسى ارناۋلى بەينە ەكران اۋىس - كۇيىس ءماجىلىسى بەيجيڭدە جانە ۇرىمجىدە تەڭ قادامدا وتكىزىلدى، برازيليا، پولشا، مەكسيكا، كورەيا، رەسەي، زامبيا جانە ۆانۋاتۋ سياقتى 26 مەملەكەتتەن كەلگەن جۇڭگودا وقىپ جاتقان 40 وقۋشى بەينە ەكران بايلانىسى ارقىلى شينجياڭدى ”بۇلتتىق ساياحاتتاپ“، وسى ارانىڭ گۇلدەنگەن، دامىعان جانە حالىقتىڭ تىنىش ءومىر، شات - شادىمان تىرشىلىك كەشىرگەن باقىتتى تۇرمىسىن سەزىندى.
اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ءيۇسۇپجان مامەت بىلاي دەپ تانىستىردى: شينجياڭ ۇيعۇر اۆتونوميالى رايونى حالىقتىڭ تاماشا تۇرمىسقا تالپىنىسىن كۇرەس نىساناسى ەتىپ، ەكونوميكالىق، قوعامدىق دامۋدى ىلگەرىلەتۋدە جانە حالىقتىڭ تۇرمىسىن جاقسارتۋدا وراسان زور تابىسقا قول جەتكىزدى، ءار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز كۇشەيدى. شينجياڭدا وسى جىلدارى تۋىلعان وزگەرىس حالىقاراداعى كوپتەگەن ەلدەردىڭ جانە اڭعارلى قايراتكەرلەردىڭ جاپپاي جاقسى باعاسىنا يە بولدى. فاكت پەن شىندىق الدىندا، جۇڭگوعا قارسى كۇشتەر ويدان شىعارعان شينجياڭعا ساياتىن ءتۇرلى وسەك - اياڭ مەن جالعان ينفورماتسيا تويتارىسسىز - اق توزىپ جوعالادى. شەتەلدىك وقىتۋشى - وقۋشىلار جۇڭگو مەن شەتەلدىڭ اۋىس - كۇيىس جاساۋىنداعى دوس ەلشىلەر، كوپشىلىكتىڭ وسى رەتكى قيمىل ارقىلى شينجياڭعا دەگەن تۇسىنىكتەرىن ارتتىرۋىن، كورگەندەرىن، سەزىنگەندەرىن وتباسىنداعىلارىنا، دوستارىنا ايتىپ، ءار ەلدەگى ءتىپتى دە كوپ قايراتكەرلەردىڭ جۇڭگونى جانە جۇڭگونىڭ شينجياڭىن تۇسىنۋىنە مۇمكىندىك جاساۋىن ءۇمىت ەتەمىن.
سىرتقى ەكونوميكا - ساۋدا داشۋەسىنىڭ ورىنباسار باستىعى حۇڭ جۇنجيە مىنالاردى ءبىلدىردى: شينجياڭ كوركەم جەر، شينجياڭ حالقى اق جارقىن، ەڭبەكشىل، ىقىلاستى، قوناعۋار. بىزدە وقىپ جاتقان شەتەلدىك وقۋشىلار شينجياڭنىڭ كورىكتى جاراتىلىستىق كورىنىسىن جانە قارىشتاپ دامىعان قازىرگى جاعدايىن ءوز باسىنان سەزىنۋدى ءۇمىت ەتتى، وسى رەت وقۋشىلار بەينە ەكران بايلانىسى ارقىلى شينجياڭدى ”بۇلتتىق ساياحاتتاپ“، بايتاق تا كورىكتى شينجياڭ جونىندە ءتىپتى دە ايقىن تانىمعا جانە تۇسىنىككە يە بولعاندىقتارىنا ايرىقشا قۋاندى.
اۋىس - كۇيىس ماجىلىسىندە جۇڭگودا وقىپ جاتقان شەتەلدىك وقۋشىلار ينتەرنەت جەلىسى ارقىلى شينجياڭ حالىقارالىق ۇلكەن بازارىن، قاشقار ايماعى كونەءشار اۋدانىنداعى ۇلتتىق مۋزيكا اسپاپتارى قىستاعىن، تۇرپانداعى جەر استى سۋ يگىلىگى ينجەنەرياسى كارىزدى، قورعاس شەكارا وتكەلىن، شينجياڭ شين - يان مۋشىن عىلىم - تەحنيكا شەكتى سەرىكتەستىگىن ەكسكۋرسيالادى ءارى اۆتونوميالى رايوننىڭ قاتىستى تاراۋلارىنداعى جاۋاپتى ادامدارمەن، ءدىني قايراتكەرلەرمەن، اۋىل شارۋاشىلىعى سەلبەستىك كووپەراتيۆىنىڭ جاۋاپتىلارىمەن، بۇقارا ۋاكىلدەرىمەن ينتەرنەت جەلىسىندە بايلانىسقا شىعىپ، شينجياڭنىڭ ەكونوميكالىق دامۋى، مادەنيەت - ساياحات، ادامدىق ۇقىقتى قورعاۋ جانە ۇلتتار ىنتىماعى سياقتى جاقتارداعى جاعدايلارىن تاپتەشتەي ۇعىستى.
”وتباسىم 7 ۇلتتان قۇرالعان ۇلكەن شاڭىراق“. ينتەرنەت جەلىسى بايلانىسىندا شاۋەشەك قالاسىنداعى كوپ ۇلتتى وتباسىنان كەلگەن ما ليانحۋا بىلاي دەدى: ۇلكەن جەزدەم ورىس، ەكىنشى جەڭگەم قازاق، ءتورتىنشى ءىنىمنىڭ كەلىنشەگى ۇيعۇر، بەسىنشى ءىنىمنىڭ كەلىنشەگى حانزۋ. اتا - بابامىزدان قالعان تاماشا وتباسى سالتى بولعاندىقتان، وتباسىمىزداعى ءار ۇلت تۋىسقاندار ءوزارا ءتۇسىنىسىپ، ءوزارا قۇرمەت ەتىپ، ءبىر نيەتپەن ىنتىماقتاسىپ، جاراسىمدى ءوتىپ، مەيىرلى وتباسى تۇرمىس رايىن بىرگە قالىپتاستىردى.
”ءبىزدىڭ وسى ارادان كەدەننەن وتسەڭىز، اۆياتسيا تاسىمالىنىڭ جىلدامدىعىن، تەڭىز تاسىمالىنىڭ باعاسىن سەزىنەسىز“. قورعاس قالاسىنىڭ ورىنباسار باستىعى فان زىڭشي بىلاي دەپ تانىستىردى: بىلتىر جىل باسىنان بەرى قورعاس تەمىر جول شەكارا وتكەلىندە شەكارادان وتەتىن كەزەكشى پويەز قاتىنايتىن 14 جەلى تىڭنان قوسىلىپ، جيىنى 36عا جەتىپ، 22 مەملەكەتتەگى 45 قالانى شارپىدى، تاۋار تۇرلەرى ءتۇرلى بۇيىمدار، اۆتوكولىك بولشەكتەرى، ماشينا ەلەكتر ونىمدەرى سياقتىلاردى قامتىدى. ول: ”ءبىز تۇتاس شينجياڭ بويىنشا راسمياتى ەڭ قاراپايىم، بۋىنى ەڭ از، وزىندىك قۇنى ەڭ تومەن، ونىمدىلىگى ەڭ جوعارى قىزمەت وتەۋدىڭ بيىك دەڭگەيىن قالىپتاستىرامىز“، - دەدى.
جۇڭگودا وقىپ جاتقان شەتەلدىك وقۋشىلار تاعى شينجياڭنىڭ ەكونوميكالىق دامۋى، جىبەك جولى ەكونوميكالىق بەلدەۋى وزەكتى رايونى قۇرىلىسىن ىلگەرىلەتۋ، ءار ۇلت بۇقاراسىنىڭ ەڭبەك ۇقىعىن قامتاماسىزداندىرۋ، ساياحات بايلىعى، شەتەلدىك وقۋشىلاردى قابىلداۋ سياقتى جاقتارداعى مازمۇندار جونىندە سۇراۋ قويىپ، پىكىر اۋىستىردى.
شينجياڭنىڭ ماقتا، پاميدور سياقتى اۋىل شارۋاشىلىق ونىمدەرىنەن مول ءونىم الىنعاندىعى جانە شينجياڭنىڭ قار - مۇز ساياحاتى جونىندەگى قىسقا بەينە كەسكىن ءدال ۇستىندە تاراتىلدى.
