انار بۇلت / شينجياڭ گازەتىنىڭ ءتىلشىسى ياڭ شۋحان 1 - ايدىڭ 20 - كۇنى ۇرىمجىدەن حابارلايدى. 1 - ايدىڭ 20 - كۇنى 2022 - جىلعى اسكەر قابىلداۋ قىزمەتى جونىندەگى بۇكىل مەملەكەتتىك تەلەۆيزور - تەلەفون ءماجىلىسى اياقتاعاننان كەيىن، اۆتونوميالى رايوننىڭ اسكەر قابىلداۋ قىزمەتى جونىندەگى تەلەۆيزور - تەلەفون ءماجىلىسى اشىلدى. ءماجىلىس بۇكىل رايوننىڭ بىلتىرعى اسكەر قابىلداۋ قىزمەتىنىڭ تابىستارىن قورىتىندىلاپ، رايونىمىزدىڭ بيىلعى اسكەر قابىلداۋ قىزمەتىن ورنالاستىردى.
ءبىر جىلدا 2 رەت اسكەر قابىلداۋ رەفورماسى تالابىنا ۇيلەسۋ ءۇشىن، بيىل مەملەكەت بويىنشا اسكەر قابىلداۋ تورابىنا تىزىمدەلۋ ۋاقىتى رەتتەلدى، ۇل اسكەرلەردىڭ جىل بويى تىزىمدەلۋىنە بولادى، مۇنىڭ ىشىندە الدىڭعى جارتى جىلداعى تىزىمدەلۋ ۋاقىتى 2 - ايدىڭ 10 - كۇنى ساعات 18گە دەيىن، سوڭعى جارتى جىلداعى تىزىمدەلۋ ۋاقىتى 8 - ايدىڭ 10 - كۇنى ساعات 18گە دەيىن؛ قىز اسكەرلەردىڭ تىزىمدەلۋ ۋاقىتى الدىڭعى جارتى جىلدا 1 - ايدىڭ 1 - كۇنىنەن 2 - ايدىڭ 10 - كۇنى ساعات 18گە دەيىن، سوڭعى جارتى جىلدا 7 - ايدىڭ 1 - كۇنىنەن 8 - ايدىڭ 10 - كۇنى ساعات 18گە دەيىن بولادى.
بيىل اسكەر قابىلداۋ وبيەكتىسىندە جوعارى مەكتەپ بىتىرگەن وقۋشىلار مەن ونەر دارىندىلارى ءتۇيىن ەتىلەدى، ءار دارەجەلى، ءار ءتۇرلى مەكتەپتەردەن وقۋ تاۋىسقان وقۋشىلاردى قابىلداۋ كورنەكتىلەندىرىلەدى، سوعىس دايىندىعىنا قاجەتتى ونەرلى دارىندىلاردى قوسىنعا قابىلداۋ الدىمەن بەكىتىلەدى. ىندەتتەن ساقتانۋ - تىزگىندەۋ جانە حاۋىپ - قاتەردەن اراشالاۋ، اپاتتان قۇتقارۋ بارىسىندا بەينەسى كورنەكتى بولعان ۇزدىك جاستار، ەمدەۋ قىزمەتكەرلەرىنىڭ پەرزەنتتەرى، قۇربانداردىڭ، ۇكىمەت قىزمەتى جولىندا قۇربان بولعان اسكەريلەردىڭ، اۋىرىپ قازا بولعان اسكەريلەردىڭ پەرزەنتتەرى مەن اعا - ىنىلەرى، اپەكە - سىڭلىلەرى، مىندەت وتەپ جاتقان اسكەريلەردىڭ پەرزەنتتەرى قابىلداۋ شارتىنا تولسا، قوسىنعا قابىلدانۋى الدىمەن بەكىتىلەدى.
اسكەري مىندەت وتەۋگە تىزىمدەلۋ مەن اسكەرلىككە تىزىمدەلۋ ارناسى رەسمي اشىلدى، جاسى لايىق جاستاردىڭ مەملەكەتتىك اسكەر قابىلداۋ تورابىنا شىعىپ (http://www.gfbzb.gov.cn) تىزىمدەلۋ ينفورماتسيالارىن ناقتى جازىپ، ءوز جاعدايىنا قاراي الدىڭعى جارتى جىلداعى نەمەسە سوڭعى جارتى جىلداعى اسكەر قابىلداۋدى ۇيلەسىمدى تاڭداۋىنا بولادى، ناقتى جاعدايدى مەملەكەتتىك اسكەر قابىلداۋ تورابىنا شىعىپ كورۋگە نەمەسە اسكەر قابىلدايتىن ايماق، اۋدان دارەجەلى حالىق ۇكىمەتىنىڭ اسكەر قابىلداۋ كەڭسەسىنەن ۇعىسۋعا بولادى.
ءماجىلىس مىنالاردى تالاپ ەتتى: تۇتاس رايون جوعارىدان تومەنگە دەيىن مەملەكەت بويىنشا اسكەر قابىلداۋ قىزمەتى رەفورماسىنىڭ جانە شينجياڭنىڭ اسكەر قابىلداۋ قىزمەتىن شىن مانىندە جاقسى ىستەۋدىڭ ماڭىزدىلىعىن جەتە تانىپ، ىندەتتەن ساقتانۋ - تىزگىندەۋ جانە اسكەر قابىلداۋ قىزمەتىن ءبىر تۇتاس جوسپارلاپ ىلگەرىلەتىپ، اسكەر قابىلداۋ جالپى بارىسىندا ىندەتپەن ”جۇعىمدالۋ، تارالۋ جايتى مۇلدە بولماۋدى“ جۇزەگە اسىرۋعا شىنايى كەپىلدىك ەتىپ، اسكەردى پاك قابىلداۋ بەلگىلەمەسى مەن قوعامدىق پىكىردى باسقارۋ - مەڭگەرۋ تالابىن قاتاڭ تياناقتاندىرىپ، ءتارتىپ اتقارۋ، جاۋاپقا تارتۋ تەبىنىن ارتتىرىپ، اسكەر قابىلداۋ قىزمەتىندەگى بۇرىس ستيلدى باتىل تۇزەتىپ، اسكەر قابىلداۋ قىزمەتىنىڭ عىلمي جۇرگىزىلۋىن ىلگەرىلەتىپ، اسكەري بولىمدەرگە ءتىپتى دە كوپ جوعارى ساپالى اسكەر جونەلتىپ، جىلدىق اسكەر قابىلداۋ مىندەتىن جوعارى ولشەممەن، جوعارى ساپامەن ورىنداۋ كەرەك.
