اۆتونوميالى رايوندىق ساياسي كەڭەس 12 - كەزەكتى كوميتەتى تۇراقتى كوميتەتىنىڭ 19 - رەتكى ءماجىلىسى
اۆتونوميالى رايوندىق ساياسي كەڭەس 12 - كەزەكتى كوميتەتىنىڭ 5 - ءماجىلىسىن 1 - ايدىڭ 22 - كۇنى اشۋدى ۇيعاردى
انار بۇلت / شينجياڭ گازەتىنىڭ تىلشىلەرى جاڭ يۇنمەي، لي ياڭ 1 - ايدىڭ 21 - كۇنى ۇرىمجىدەن حابارلايدى. 1 - ايدىڭ 21 - كۇنى اۆتونوميالى رايوندىق ساياسي كەڭەس 12 - كەزەكتى كوميتەتى تۇراقتى كوميتەتىنىڭ 19 - رەتكى ءماجىلىسى اشىلدى، ءاسىلى 1 - ايدىڭ 19 - كۇنى اشىلادى دەپ جوسپارلانعان اۆتونوميالى رايوندىق ساياسي كەڭەس 12 - كەزەكتى كوميتەتىنىڭ 5 - ءماجىلىسىن كەشەۋىلدەتىپ، 1 - ايدىڭ 22 - كۇنى ۇرىمجىدە اشۋدى ۇيعاردى. اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ءماجىلىستى باسقاردى.
ءماجىلىس ساياسي كەڭەس شينجياڭ ۇيعۇر اۆتونوميالى رايوندىق 12 - كەزەكتى كوميتەتىنىڭ 5 - ءماجىلىسىن كەشەۋىلدەتىپ اشۋ جونىندەگى قاۋلىنى قاراپ ماقۇلدادى. ءماجىلىس داۋىسقا سالۋ ارقىلى ساياسي كەڭەس شينجياڭ ۇيعۇر اۆتونوميالى رايوندىق 12 - كەزەكتى كوميتەتى تۇراقتى كوميتەتىنىڭ كادرلاردى مىندەتكە تاعايىنداۋ - مىندەتىنەن قالدىرۋ ەسىمدىگىن ماقۇلدادى؛ ساياسي كەڭەس شينجياڭ ۇيعۇر اۆتونوميالى رايوندىق 12 - كەزەكتى كوميتەتى تۇراقتى كوميتەتىنىڭ تولىقتىرىلعان مۇشەلەرىنىڭ ەسىمدىگىن ماقۇلدادى؛ ساياسي كەڭەس شينجياڭ ۇيعۇر اۆتونوميالى رايوندىق 12 - كەزەكتى كوميتەتى تۇراقتى كوميتەتىنىڭ بايىنكىشىك قاتارلىلاردىڭ مۇشەلىكتەن بوساۋ ءوتىنىشىن قابىلداۋ جونىندەگى قاۋلىسىن ماقۇلدادى.
ماجىلىستەن ىلگەرى، اۆتونوميالى رايوندىق ساياسي كەڭەس ءتوراعالار ءماجىلىسىن اشىپ، كادرلارعا قاتىستى ىستەر تۋرالى تۇسىنىكتى تىڭدادى؛ كادرلارعا قاتىستى ىستەردى (جوبا) ماقۇلداپ، وسى رەتكى تۇراقتى كوميتەت ءماجىلىسىنىڭ قاراۋىنا ۇسىندى.
اۆتونوميالى رايوندىق ساياسي كەڭەستىڭ ورىنباسار ءتوراعالارى پىڭ جيارۇي، ءجۇرات يمىن، ءمۇتالىپ وبۇل، كۇڭ شيڭلۇڭ، دوۋ ۋانگۇي، چيۋ شۋحۋا، ياڭ يۇڭ، يىلحام سابىر، ما شيۇڭچىڭ، ابدۇرىقىپ ءتومۇرنياز، نۇرىم سىمايىلقان، ءدىلشات قىدىرقان، ازەز مۇسا، باس حاتشى گاۋ جياڭحۋاي ماجىلىسكە قاتىناستى.
