− 2021 - جىلعى اۆتونوميالى رايوندىق حالىق قۇرىلتايى تۇراقتى كوميتەتىنىڭ قىزمەتىنە جالپى شولۋ
□ انار بۇلت / شينجياڭ گازەتىنىڭ ءتىلشىسى لياڭ ليحۋا
جىگەرلەنە، قايراتتانا، باتىلدىقپەن جاۋاپكەرشىلىك ارقالاپ، تاباندىلىقپەن تىنباي جاڭا تاراۋلار جازدى.
2021 - جىلى اۆتونوميالى رايوندىق 13 - كەزەكتى حالىق قۇرىلتايى تۇراقتى كوميتەتى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، باس شۋجي شي جينپيڭنىڭ ورتالىقتىڭ حالىق قۇرىلتايى قىزمەتى ماجىلىسىندە سويلەگەن ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، پارتيانىڭ باسشىلىعىنىڭ، حالىقتىڭ قوجايىن بولۋىنىڭ، مەملەكەتتى زاڭمەن باسقارۋدىڭ ورگانيكالى بىرلىگىنە تاباندى بولىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، نەگىزگى زاڭ مەن زاڭدار جۇكتەگەن مىندەت - جاۋاپكەرشىلىگىن مۇقيات اتقارىپ، ۋاكىلدەردىڭ مىندەت اتقارۋ قابىلەتىن جوعارىلاتىپ، رايونىمىزدىڭ ەكونوميكاسىنىڭ، قوعامىنىڭ جوعارى ساپالى دامۋىن ىلگەرىلەتۋگە حالىق قۇرىلتايىنىڭ ۇلەسىن قوستى.
زاڭدى جوعارى ساپامەن شىعارىپ، باسقارۋ تاعانتاسىن بەكەمدەدى
زاڭ − مەملەكەتتى باسقارۋداعى ماڭىزدى قۇرال، تاماشا زاڭ − شەبەرلىكپەن جونگە سالۋدىڭ العى شارتى. اۆتونوميالى رايوندىق حالىق قۇرىلتايىنىڭ تۇراقتى كوميتەتى باستان - اياق پارتيانىڭ باسشىلىعىنا تاباندى بولۋدى كەلەلى ساياسي پرينسيپ ەتىپ زاڭ شىعارۋ قىزمەتىنىڭ جالپى بارىسىندا، ءار جاعىندا دايەكتىلەندىرىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن تىعىز ارقاۋ ەتىپ، شينجياڭدى زاڭ بويىنشا باسقارۋدىڭ جانە زاڭ شىعارۋ قىزمەتىنىڭ ورنالاستىرۋلارىن، تالاپتارىن دايەكتىلەندىرىپ، تياناقتاندىرىپ، ماڭىزدى سالالارداعى زاڭ شىعارۋدى كۇشەيتىپ، زاڭ شىعارۋدىڭ ساپاسى مەن ونىمدىلىگىن جوعارىلاتىپ، جەرگىلىكتى زاڭ شىعارۋ قىزمەتىن جوسپارلاپ ورىستەتتى. ءبىر جىلدان بەرى، اۆتونوميالى رايوندىق حالىق قۇرىلتايى تۇراقتى كوميتەتى اۆتونوميالى رايوننىڭ جەرگىلىكتى سيپاتتى 10 زاڭ ەرەجەسىن، زاڭ ەرەجە سيپاتتى 2 قارار، قاۋلىنى قاراپ ماقۇلداپ، رايونعا بولىنگەن قالانىڭ، اۆتونوميالى وبلىستىڭ، اۆتونوميالى اۋداننىڭ جەرگىلىكتى 19 سيپاتتى زاڭ ەرەجەسىن، ارناۋلى ەرەجەسىن تەكسەرىپ بەكىتىپ، 28 زاڭ ەرەجەنى ەستەلىككە الىپ، 52 ولشەمدىك حۇجاتتى ارحيۆكە الىپ جانە تەكسەرىپ، جەرگىلىكتى زاڭ شىعارۋدى جەتەكتەۋ، ىلگەرىلەتۋ، ارناعا ءتۇسىرۋ جانە قامتاماسىز ەتۋ رولىن شىنايى ساۋلەلەندىردى.
وسى ءبىر جىلدا اۆتونوميالى رايوندىق حالىق قۇرىلتايى تۇراقتى كوميتەتى ءتۇيىندى سالالارداعى زاڭ شىعارۋدى كۇشەيتۋدى ارقاۋ ەتىپ، «شينجياڭ ۇيعۇر اۆتونوميالى رايونىنىڭ تىنىشتىق قۇرىلىسى ەرەجەسى»، «شينجياڭ ۇيعۇر اۆتونوميالى رايونىنىڭ زاڭمەن باسقارۋ ۇگىت تاربيەسى ەرەجەسى»، «شينجياڭ ۇيعۇر اۆتونوميالى رايونىنىڭ ساياحاتتى جەبەۋ ەرەجەسى»، «شينجياڭ ۇيعۇر اۆتونوميالى رايونىنىڭ جۇڭحۋا حالىق رەسپۋبليكاسىنىڭ اۋىل - قىستاق جەرىن كوتەرمەگە بەرۋ زاڭىن اتقارۋ ءادىسى»، «شينجياڭ ۇيعۇر اۆتونوميالى رايونىنىڭ اكىمشىلىك ىستەردە قىزمەت وتەۋدى قولايلىلاستىرۋدى جەبەۋ ەرەجەسى» سياقتى زاڭ ەرەجەلەردى جاساپ، قوعام ورنىقتىلىعى، جوعارى ساپالى دامۋ، حالىق تۇرمىسىن جاقسارتۋ سياقتى سالالاردى قامتىپ، پارتيانىڭ دارىپتەمەسى مەن حالىقتىڭ ەركىنىڭ وسكەلەڭ بىرلىگىن ايگىلەپ، بۇكىل رايوننىڭ ەكونوميكالىق، قوعامدىق دامۋىنا پارمەندى زاڭمەن باسقارۋ قامتاماسىزدىعىن ازىرلەدى.
جوعارى ساپالى زاڭ شىعارۋ زاڭدى عىلمي جولمەن شىعارۋدان، زاڭدى دەموكراتيالىق جولمەن شىعارۋدان، زاڭدى زاڭ بويىنشا شىعارۋدان ايرىلا المايدى. ءبىر جىلدان بەرى، اۆتونوميالى رايوندىق حالىق قۇرىلتايى تۇراقتى كوميتەتى حالىقتى وزەك ەتۋگە تاباندى بولىپ، جالپى بارىستىق حالىق دەموكراتياسىن دامىتىپ، زاڭ شىعارۋدىڭ جوبا - جوسپارىنىڭ اناعۇرلىم عىلميلانۋىن، ءتۇيىندى زاڭ ەرەجەلەردى جاساۋدىڭ اناعۇرلىم ەرەكشەلىككە يە بولۋىن، زاڭ شىعارۋ ءتۇزىلىس - مەحانيزمىنىڭ اناعۇرلىم جۇيەلىلەنۋىن ىلگەرىلەتتى.
تەكسەرۋ - زەرتتەۋ، اڭگىمەلەسۋ، دالەلەدەۋ، اقىل - كەڭەس سۇراۋ، اشىق پىكىر الۋ، نەگىزگى ساتى زاڭ شىعارۋ بايلانىس ءتۇيىنى مەحانيزمىن اقاۋسىزداندىرۋ سياقتى تاسىلدەر ارقىلى حالىق تىلەگىن ەڭ جوعارى شەكتە قابىلداپ، حالىق پاراساتىن شوعىرلاندىرىپ، زاڭ شىعارۋ ورتاق تانىمىن كەڭىنەن ۇيىستىرىپ، تۇتاس جىلدا نەگىزگى ساتى زاڭ شىعارۋ بايلانىس تۇيىندەرىنەن جيىنى 62 تارماق زاڭ شىعارۋ ۇسىنىسىن جينادى.
زاڭ شىعارۋدان كەڭەس بەرەتىن ماماندار قىزمەت مەحانيزمىن جانە زاڭ شىعارۋ جونىندە كەڭەس بەرەتىن ماماندار قامباسى قۇرىلىسىن كەمەلدەندىرۋ ارقىلى مامانداردىڭ، وقىمىستىلاردىڭ جەرگىلىكتى زاڭ شىعارۋ قىزمەتىندەگى اقىلماندار قويماسى رولىن ساۋلەلەندىرىپ، تۇتاس جىلدا زاڭ شىعارۋدان كەڭەس بەرەتىن ماماندارىنىڭ زاڭ شىعارۋ جونىندەگى پىكىرلەرى مەن ۇسىنىستارىنان جيىنى 100دەن استامىن تاپسىرىپ الدى.
ءبىر جىلدان بەرى، اۆتونوميالى رايوندىق حالىق قۇرىلتايى تۇراقتى كوميتەتى جەرگىلىكتى زاڭ شىعارۋدا ”قيعاش كەلمەۋ، ەرەكشەلىك بولۋ، اتقارىلاتىن بولۋ“ پرينيسبىنە تاباندى بولىپ، بەكىتۋگە تاپسىرىلعان زاڭ ەرەجەلەردىڭ زاڭدىلعىنا، ساياسيلىعىنا، لايىقتىلىعىنا، سايكەسىمدىلىگىنە زاڭ بويىنشا تەكسەرۋ جۇرگىزدى. «ءۇرىمجى قالاسىنىڭ اتمەسفورانىڭ لاستانۋىنىڭ الدىن الۋ، جونگە سالۋ ەرەجەسى»، «سانجى حۇيزۋ اۆتونوميالى وبلىسىنىڭ ساپالى اۋىل شارۋاشىلىق ونىمدەرى ءوندىرىسى ەرەجەسى»، «قۇمىل قالاسىنىڭ قالادا جىلۋمەن قامداۋدى، جىلۋدان پايدالانۋدى باسقارۋ ەرەجەسى» سياقتى جەرگىلىكتى سيپاتتى 19 زاڭ ەرەجەنى، ارناۋلى ەرەجەنى تەكسەرىپ بەكىتتى.
زاڭ ەرەجەلەر اۆتونوميالى رايوندىق حالىق قۇرىلتايى تۇراقتى كوميتەتىنىڭ رەفورماعا، دامۋعا دەم بەرۋ سەنىمى مەن بەكىمىنە كۋا بولىپ، اۆتونوميالى رايوندىق حالىق قۇرىلتايى تۇراقتى كوميتەتىنىڭ جوعارى ساپالى دامۋدى ىلگەرىلەتۋدەگى اقىل - پاراساتى مەن كۇش - قۋاتىن ۇيىستىرىپ، رايونىمىزدىڭ جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋىنە زاڭمەن باسقارۋ قامتاماسىزدىعىن ازىرلەدى.
باقىلاۋدى كۇشەيتىپ، حالىقتىڭ قۇت - ىرىسىن قامتاماسىز ەتتى
اۆتونوميالى رايوندىق حالىق قۇرىلتايى تۇراقتى كوميتەتى دۇرىس باقىلاۋ، ءونىمدى باقىلاۋ، زاڭ بويىنشا باقىلاۋ جالپى تالابى بويىنشا، وزەكتى ارقاۋ ەتىپ، كەلەلى جاعدايعا قىزمەت وتەپ، نازاردى قولامتالى تۇيىندەرگە شوعىرلاندىرىپ، حالىق تۇرمىسىنا دەن قويىپ، باستان - اياق حالىقتى وزەك ەتۋگە تاباندى بولىپ، بۇقارانىڭ ويلاعانىن، كۇتكەنىن، ارمانداعانىن حالىق قۇرىلتايى باقىلاۋىنىڭ كۇش سالۋ ءتۇيىنى ەتىپ، جالپى بارىستىق حالىق دەموكراتياسىن باقىلاۋ قىزمەتىنىڭ باس - اياعىمەن ساباقتاستىردى. تۇتاس جىلدا ”حالىق ۇكىمەتىنىڭ، باقىلاۋ - تەكسەرۋ كوميتەتىنىڭ، حالىق سوتى مەكەمەسىنىڭ، حالىق پروكۋراتۋراسىنىڭ“ 19 قىزمەت بايانداماسىن تىڭداپ جانە قاراپ، 21 رەت زاڭنىڭ اتقارىلۋىن تەكسەرۋ، كوزدەن كەشىرۋ، ارناۋلى تاقىرىپتىق تەكسەرۋ - زەرتتەۋ ورىستەتىپ، 3 رەت ارناۋلى تاقىرىپتا كەڭەس سۇراپ، باقىلاۋدىڭ قاتاڭدىعى مەن ناقتى ونىمدىلىگىن ۇزدىكسىز كۇشەيتتى.
حالىق تۇرمىسىندا كىشكەنە ءىس بولمايدى، ءار ىستەن سۇيىسپەنشىلىك ايگىلەنەدى. اۆتونوميالى رايوندىق حالىق قۇرىلتايى تۇراقتى كوميتەتى حالىق بۇقاراسىنىڭ ءتول مۇددەسىنە قاتىستى ەلەۋلى ىستەردى باقىلاۋدى ۇزدىكسىز ىلگەرىلەتىپ، بۇقارانىڭ ”شۇعىل، قيىن، ۋايىمداعان، ءزارۋ“ ماسەلەلەرىن شەشۋدى بار كۇشپەن ىلگەرىلەتتى. «شينجياڭ ۇيعۇر اۆتونوميالى رايونىنىڭ اۋىل - قىستاقتى گۇلدەندىرۋ ستراتەگيالىق جوباسىنىڭ (2022 − 2018 - جىل)» ورتا مەزگىلدەگى اتقارىلۋ جاعدايىنا ارناۋلى تاقىرىپتا تەكسەرۋ - زەرتتەۋ جۇرگىزدى ءارى ارناۋلى قىزمەت بايانداماسىن تىڭداپ جانە قاراپ، كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋدى ىلگەرىلەتتى؛ «جۇڭحۋا حالىق رەسپۋبليكاسىنىڭ مىندەتتى وقۋ - اعارتۋ زاڭىنىڭ»، سونداي - اق «شينجياڭ ۇيعۇر اۆتونوميالى رايونىنىڭ <جۇڭحۋا حالىق رەسپۋبليكاسىنىڭ مىندەتتى وقۋ - اعارتۋ زاڭىن> اتقارۋ ءادىسىنىڭ» اتقارىلۋ جاعدايىنا تەكسەرۋ جۇرگىزىپ، مىندەتتى وقۋ - اعارتۋدىڭ بىركەلكى دامۋىن ىلگەرىلەتتى، مىندەتتى وقۋ - اعارتۋ بايلىعىنىڭ ءار بالانى ادىلدىكپەن يگىلىككە كەنەلتۋىن ىلگەرىلەتتى...
تۇنىق سۋ، جاسىل تاۋ − باعالى بايلىق. اۆتونوميالى رايوندىق حالىق قۇرىلتايى تۇراقتى كوميتەتى نازاردى ەكولوگيالىق وركەنيەت قۇرىلىسىنا شوعىرلاندىرىپ، ”قاتتى كۇيدەگى جاراقسىز زاتتاردىڭ لاستاۋىنان ساقتانۋعا جانە ونى جونگە سالۋعا زاڭ بويىنشا باقىلاۋ جۇرگىزىپ، جوعارى ساپالى دامۋعا دەم بەرۋ“ نەگىزگى تاقىرىبىنداعى 2021 - جىلعى تيانشان قورشاعان ورتانى قورعاۋ ارەكەتى بويىنشا زاڭنىڭ اتقارىلۋىن تەكسەرۋدى ۇيىمداستىرىپ ورىستەتىپ، «جۇڭحۋا حالىق رەسپۋبليكاسىنىڭ قاتتى كۇيدەگى جاراقسىز زاتتاردىڭ ورتانى لاستاۋىنان ساقتانۋ جانە ونى جونگە سالۋ زاڭىنىڭ» ءونىمدى اتقارىلۋىنا شىنايى كەپىلدىك ەتىپ، باقىلاۋدىڭ ناقتى ونىمدىلىگى ارقىلى شينجياڭنىڭ تۇنىق سۋىن، اشىق اسپانىن قورعادى.
باقىلاۋدىڭ ومىرشەڭدىك كۇشى ناقتى ونىمدىلىكتە، اۆتونوميالى رايوندىق حالىق قۇرىلتايى تۇراقتى كوميتەتى «شينجياڭ ۇيعۇر اۆتونوميالى رايونىنىڭ قوجالىق باسقارۋ ەرەجەسى» جونىندە زاڭنىڭ اتقارىلۋىن تەكسەرۋدى ورىستەۋ بارىسىندا باقىلاۋ تاسىلىندە جاڭالىق اشىپ، ۇزدىكسىز باقىلاۋ، رەتتەۋ - تۇزەتۋ ونىمدىلىگىن قۋزاستىرۋدى مىقتاپ يگەرۋ ارقىلى ارناۋلى تاقىرىپتا سۇراسىترۋدا ورتاعا قويىلعان 7 جاقتاعى 28 ماسەلەنى بەلسەندىلىكپەن رەتتەپ - تۇزەتتى.
ءبىر جىلدان بەرى، اۆتونوميالى رايوندىق حالىق قۇرىلتايىنىڭ تۇراقتى كوميتەتى باقىلاۋ تاسىلىندە، ادىسىندە جاڭالىق اشۋدى ۇزدىكسىز ىلگەرىلەتتى. تۇڭعىش رەت ايماقتىق، وبلىستىق، قالالىق حالىق قۇرىلتايلارىمەن بىرلەسىپ زاڭنىڭ اتقارىلۋىن تەكسەرۋ جانە ارناۋلى تاقىرىپتىق تەكسەرۋ - زەرتتەۋ ورىستەتىپ، تۇڭعىش رەت ايماقتىق، وبلىستىق، قالالىق حالىق قۇرىلتايلارىمەن بىرلەسىپ ارناۋلى تاقىرىپتىق سۇراستىرۋ ورىستەتىپ، تۇڭعىش رەت باقىلاۋ قىزمەتىنە ءۇشىنشى جاق باعالاۋ ۇلگىسىن ەنگىزىپ، تۇڭعىش رەت باقىلاۋ قىزمەتىن زاڭ شىعارۋ قىزمەتىمەن ورگانيكالى توعىستىرىپ، باقىلاۋ ءتاسىلىن ۇزدىكىسز كەڭەيتۋ جانە كەمەلدەندىرۋ ارقىلى باقىلاۋ قىزمەتىنىڭ ناقتى ونىمدىلىگىن ونان ارى جوعارىلاتتى.
ۋاكىلدەردىڭ مىندەت اتقارۋى حالىق ءۇشىن ىستەۋ اۋەلگى ماقساتىن ايگىلەدى
حالىق قۇرىلتايى ۋاكىلدەرى پارتيا مەن ۇكىمەتتىڭ حالىق بۇقاراسىمەن بايلانىس جاسايتىن كوپىرى، دانەكەرى، اۆتونوميالى رايوندىق حالىق قۇرىلتايىنىڭ تۇراقتى كوميتەتى ۋاكىلدەردى بۇقارامەن تىعىز بايلانىس جاساۋعا، بۇقارانىڭ ءۇنىن زەيىن قويا تىڭداۋعا، بۇقارانىڭ ارمان - تىلەگىن اڭىس ەتۋگە بەلسەندىلىكپەن جەتەكتەدى.
2021 - جىلى اۆتونوميالى رايوندىق حالىق قۇرىلتايى تۇراقتى كوميتەتى پارتيا قۇرىلعاندىعىنىڭ 100 جىلدىعىن پارتيا تاريحىن ۇيرەنۋ تاربيەسىن وراي ەتىپ، ءار دارەجەلى حالىق قۇرىلتايلارى ۋاكىلدەرىن ”100 جىلدىق شۇعىلادا پارتيانىڭ مەيىرىنە العىس ايتۋ، 10 مىڭ ۋاكىل 10 مىڭ وتباسىنا بارۋ“ نەگىزگى تاقىرىپتىق امالياتتىق قيمىلىن ورىستەتۋگە ۇيىمداستىردى، جۇمىلدىردى، حالىق قۇرىلتايى ۋاكىلدەرى ىلگەرىندى - كەيىندى 80 مىڭ ادام - رەتتەن استام حالىق قۇرىلتايى ۋاكىلدەرىنىڭ ”وتاۋ - كەڭسە - پۋنكتكە“ بارۋ، ۋاكىلدەر گرۋپپاسى قيمىلىنا قاتىناسۋ، ”ۇلتتار ىنتىماعىنىڭ بەرەكەلى شاڭىراعى“ قيمىلىنا قاتىناسۋ سياقتىلار ارقىلى 376 مىڭ 500 رەت ۇگىت، ۇگىت لەكسيا ورىستەتىپ، بۇقارانىڭ 19 مىڭ 400 پىكىر - ۇسىنىسىن تىڭداپ جانە اڭىس ەتىپ، بۇقارا كوڭىل ءبولىپ، نازار اۋدارىپ وتىرعان 48 مىڭ قولامتالى ماسەلەنى، قيىن ماسەلەنى شەشىپ، قوعامنىڭ جاراسىمدىلىعىن، ورنىقتىلىعىن ءونىمدى جەبەدى.
اۆتونوميالى رايوندىق حالىق قۇرىلتايى تۇراقتى كوميتەتى ۋاكىلدەردىڭ ۇسىنىستارىن ءبىتىرۋ قىزمەتىن جالپى بارىستىق حالىق دەموكراتياسىن امالياتتا ايگىلەۋدىڭ ماڭىزدى تۇتقاسى ەتىپ، بىتىرۋدەن بۇرىن، ءبىتىرۋ بارىسىندا، بىتىرگەننەن كەيىن ۋاكىلدەرمەن بايلانىس جاساۋدى كۇشەيتىپ، ۋاكىلدەردىڭ ۇسىنىستارىنىڭ ساپاسىن ونان ارى جوعارىلاتىپ، ءبىتىرۋ ونىمدىلىگىن ونان ارى كۇشەيتتى. 2021 - جىلى ۋاكىلدەر ورتاعا قويعان 450 ۇسنىس تۇگەلدەي ءبىتىرىلىپ، جاۋاپ بەرىلدى.
اۆتونوميالى رايوندىق حالىق قۇرىلتايى تۇراقتى كوميتەتى ۋاكىلدەردى تۇراقتى كوميتەتتىڭ قاتىستى ماجىلىستەرىنە، قيمىلدارىنا، سونداي - اق تۇراقتى كوميتەتتىڭ ءماجىلىس كەزىندەگى اڭگىمەسىنە قاتىناسۋعا ۇسىنىس ەتۋگە تاباندى بولىپ جانە تياناقتاندىرىپ، ۋاكىلدەردىڭ زاڭ شىعارۋ، باقىلاۋ، ۋاكىلدەر قىزمەتى، سونداي - اق ءوز قۇرىلىسى سياقتى جاقتارداعى پىكىرلەرىن، ۇسىنىستارىن تىڭداپ، قىزمەتتى باعىتتامالى تۇردە كۇشەيتتى جانە جاقسارتتى. ءبىر جىلدان بەرى، جيىنى 4 رەت ۋاكىلدەردىڭ اڭگىمە ءماجىلىسىن اشتى.
اۆتونوميالى رايوندىق حالىق قۇرىلتايى تۇراقتى كوميتەتى ۋاكىلدەردىڭ مىندەت اتقارۋ قابىلەتىن، ورەسىن جوعارىلاتۋدى ۋاكىلدەر قىزمەتىن كۇشەيتۋدىڭ جانە جاقسارتۋدىڭ ماڭىزدى شاراسى ەتتى. ءبىر جىلدان بەرى، اۆتونوميالى رايوندىق حالىق قۇرىلتايى ۋاكىلدەرىنىڭ 1 - مەزگىلدىك ساياسات، زاڭ ارناۋلى تاقىرىپتىق كۋرسىن جانە 2 - مەزگىلدىك مىندەت اتقارۋ قابىلەتى ارناۋلى تاقىرىپتىق كۋرسىن ورىستەتتى، اۆتونوميالى رايوندىق حالىق قۇرىلتايىنىڭ 160 ۋاكىلى كۋرسكە قاتىناستى؛ 2021 - جىلعى اۆتونوميالى رايوندىق حالىق قۇرىلتايى ۋاكىلدەرىنىڭ 3 - مەزگىلدىك، 4 - مەزگىلدىك ارناۋلى تاقىرىپتىق (ينتەرنەت) كۋرسىن اشتى؛ ”اۆتونوميالى رايوندىق حالىق قۇرىلتايى ۋاكىلدەرى ساباقحاناسى“ قيمىلىن 4 مەزگىل وتكىزىپ، ءار دارەجەلى حالىق قۇرىلتايلارى ۋاكىلدەرىن كۋرسپەن جاپپاي قامتۋدى جۇزەگە اسىردى.
وسى ءبىر جىلدا، اۆتونوميالى رايوندىق حالىق قۇرىلتايى تۇراقتى كوميتەتى ءوز قۇرىلىسىن كۇشەيتۋدى كورنەكتى ورىنعا قويۋعا تاباندى بولىپ، پارتيا قۇرىلىسىن جالپى بەتتىك كۇشەيتىپ، پارتيانىڭ باسشىلىعىن حالىق قۇرىلتايى قىزمەتىنىڭ ءار جاعىمەن، تۇتاس بارىسىمەن ساباقتاستىرىپ، حالىق قۇرىلتايى قىزمەتىنىڭ باستان - اياق پارتيانىڭ باسشىلىعىندا جۇرگىزىلۋىنە شىنايى كەپىلدىك ەتتى. باستان - اياق قاتاڭ بولۋ نەگىزگى اۋەنىنە تاباندى بولىپ، پارتيا ستيلى، پاكتىك قۇرىلىسىن پارتيانى جاپپاي قاتاڭ باسقارۋدىڭ ماڭىزدى جاعى ەتىپ، فورماشىلدىقتان، تورەشىلدىكتەن اۋلاق بولىپ، ءوز قۇرىلىسىنىڭ ءىس جۇزىندىك ونىمدىلىگى ارقىلى حالىق قۇرىلتايى قىزمەتىنىڭ جوعارى ساپالى دامۋىن ىلگەرىلەتتى.
جاڭا جاعداي جاڭا جاۋاپكەرشىلىك ارقالاۋدى قاجەت ەتەدى، جاڭا جورىق تىڭ ىسكەرلىك كورسەتۋگە شاقىرادى. 2022 - جىلى اۆتونوميالى رايوندىق حالىق قۇرىلتايى تۇراقتى كوميتەتى اۆتونوميالى رايوندىق پارتكومنىڭ باسشىلىعىندا، حالىق قۇرىلتايى تۇزىمىنە تاباندى بولىپ جانە ونى كەمەلدەندىرىپ، قىزمەت ۇقىعىن زاڭ بويىنشا جۇرگىزىپ، ۋاكىلدەردىڭ رولىن اناعۇرلىم ويداعىداي ساۋلەلەندىرىپ، جالپى بارىستىق حالىق دەموكراتياسىن ۇزدىكسىز دامىتىپ، حالىق قۇرىلتايى قىزمەتىنىڭ جاڭا تاراۋلارىن قۇلشىنا جازىپ، جاڭا ەمتيحان تاپسىرۋ جولىندا ۇزدىك جاۋاپناما تاپسىراتىن بولادى.
