تيانشان تورى   ›   جاڭالىقتار   ›   شينجياڭ حابارلارى

ءار ۇلت بۇقاراسىنىڭ سالاماتتىعىن كوكەيىنەن شىعارمادى

ۋاكىل ياڭ جيانجۇڭ:

ءار ۇلت بۇقاراسىنىڭ سالاماتتىعىن كوكەيىنەن شىعارمادى

□ انار بۇلت / شينجياڭ گازەتىنىڭ ءتىلشىسى حي حۇڭۋي

  ”بيىل مەن نەگىزگى ساتى ەمدەۋ قۇرىلىمدارىنىڭ دارىندىلار توبى قۇرىلىسىن كۇشەيتۋ جاعىندا ۇسىنىس ايتامىن“. 1 - ايدىڭ 18 - كۇنى اۆتونوميالى رايوندىق ەكى ءماجىلىس اشىلۋ قارساڭىندا، اۆتونوميالى رايوندىق حالىق قۇرىلتايىنىڭ ۋاكىلى، شينجياڭ مەديتسينا داشۋەسىنە قاراستى 1 - شيپاحانانىڭ شۇعىل قۇتقارۋ، جاراقاتتى ەمدەۋ ورتالىعى شۇعىل ەمدەۋ ىشكى اۋرۋلار ءبولىمىنىڭ مەڭگەرۋشىسى ياڭ جيانجۇڭ ۇستەلىندەگى ۇسىنىسىن، ەگجەي - تەگجەيلىلەندىرىپ جاتتى.

  مىندەتتى اناعۇرلىم جاقسى اتقارىپ، جاۋاپكەرشىلىگىن ادا ەتۋ ءۇشىن، ياڭ جيانجۇڭ وزىندىك ۇيرەنۋدى ۇزدىكسىز كۇشەيتىپ، مىندەت اتقارۋ باۋلۋىنا بەلسەنە قاتىناستى ءارى تۇتقيىل تۋىلاتىن الەۋمەتتىك دەنساۋلىق ساقتاۋ وقيعالارى بويىنشا شۇعىل جاعدايعا توتەپ بەرۋ - باسقارۋ جۇيەسىن قۇرۋ، نەگىزگى ساتى ەمدەۋ قۇرىلىمدارى دارىندىلار توبى قۇرىلىسى سياقتى جاقتاردا تەكسەرۋ - زەرتتەۋ جۇرگىزدى.

  ”الەۋمەتتىك اۋماق ەمدەۋ قۇرىلىمدارىنداعى ەمدەۋ - كۇتىمدەۋ قىزمەتكەرلەرى ماعلۇماتىنىڭ جوعارى بولماۋى جاپپاي ورىن تەبۋدە“. ياڭ جيانجۇڭ بىلاي دەدى: ارالاپ جاعداي ۇعىسۋ ارقىلى نەگىزگى ساتى ەمدەۋ قۇرىلىمدارىندا ناۋقاس از، مەديتسينا دارىندىلارى دا از ەكەندىگىن بايقادىم. امبەباپ (الەۋمەتتىك اۋماق) مەديتسينا دارىندىلار توبى قۇرىلىسى ۇيلەسىمسىز، امبەباپ (الەۋمەتتىك اۋماق) مەديتسينا دارىندىلارىنىڭ يەلەيتىن ۇلەسى تومەن، الەۋمەتتىك اۋماق ەمدەۋ قۇرىلىمدارىنىڭ جاس مەديتسينا دارىندىلارىن باۋراۋ قۋاتى جەتەرسىز بولىپ وتىر.

  امبەباپ (الەۋمەتتىك اۋماق) مەديتسيناسى الەۋمەتتىك اۋماق تۇرعىندارىنىڭ نەگىزگى ەمدەۋ - قۇتقارۋىن ۇستىنە الىپ قالماستان، الدىن الۋدى، سالاماتتىق قورعاۋدى، ىندەتتەن ساقتانۋدى ءبىر تۇلعالاندىرىپ، دارەجەگە ءبولىپ دياگنوز قويۋ - ەمدەۋ جۇيەسىندەگى 1 - دارەجەلى ەمدەۋ قۇرىلىمىنىڭ مىندەتىن ارقالاپ وتىر، جالپى حالىقتىق سالاماتتىق ستراتەگياسىندا ماڭىزدى ورىن يەلەيدى.

  ”نەگىزگى ساتى امبەباپ شيپاگەرلەرى بۇقارا سالاماتتىعىنىڭ ’كۇزەتشىسى‘، وسى قوسىننىڭ ساپاسى ءار ۇلت بۇقاراسىنىڭ دەنساۋلىعىنا تىكەلەي قاتىستى“. ياڭ جيانجۇڭ بىلاي دەدى: الەۋمەتتىك اۋماق شيپاگەرلەرى تۇرعىنداردىڭ قاسىندا، ۇزاق ۋاقىت كەلىسىم جاساسىپ ەمدەۋ ارقىلى قاراستى اۋماق تۇرعىندارىنىڭ سالاماتتىق ارحيۆىن جاساپ، تۇرعىندارعا اۋلەتتىك، سوزىلمالى اۋرۋلاردان ساقتانۋدى جانە ونى ەمدەۋدى ەسكەرتىپ، دارالانعان سالاماتتىق اقىل - كەڭەس، پىكىرىن بەرىپ، تۇرعىنداردىڭ جالپى تۇلعالىق سالاماتتىق ورەسىن جوعارىلاتادى.

  ”الەۋمەتتىك اۋماقتىڭ ەمدەۋى سان مىڭداعان وتباسىنا سايادى“. ياڭ جيانجۇڭ مىنانى ءبىلدىردى: امبەباپ (الەۋمەتتىك اۋماق) مەديتسيناسىنىڭ دامۋى ەمدەۋ دارىندىلارى جانە دارىندىلار توبى قۇرىلىسىنان ايىرىلا المايدى، تەك جاس مەديتسينا دارىندىلارىن ات سالىسۋعا باۋراعاندا عانا امبەباپ (الەۋمەتتىك اۋماق) مەديتسينا ىستەرىنىڭ اناعۇرلىم جاقسى دامۋىنا قول جەتكىزۋگە بولادى.

  ”حالىق قۇرىلتايى ۋاكىلدەرى نەگىزگى ساتىنى ارالاۋ، بۇقارانىڭ جۇرەك ءۇنىن تىكە تىڭداۋ، بۇقارانىڭ شەشۋگە ءتيىستى قانداي قيىنشىلىقتارى مەن ماسەلەلەرىنىڭ، اڭىس ەتەتىن قانداي ۇسىنىس - پىكىرلەرىنىڭ بار ەكەنىن يگەرۋ كەرەك“. ياڭ جيانجۇڭ شىن مانىندە مىندەتتى اتقارىپ، جاۋاپكەرشىلىكتى ادا ەتىپ، كەڭ كولەمدە تەكسەرۋ - زەرتتەۋ جۇرگىزۋ نەگىزىندە «امبەباپ (الەۋمەتتىك اۋماق) مەديتسينا قۇرىلىسىن بەكەمدەۋ، مەديتسينا دارىندىلارى توبى قۇرىلىسىن جەدەلدەتۋ جونىندەگى پىكىردى» تامامدادى.

  ياڭ جيانجۇڭ بىلاي دەپ ۇسىنىس بەردى: امبەباپ (الەۋمەتتىك اۋماق) مەديتسيناسىنىڭ زەردەلىلەنۋىنە، ينفورماتسيالانۋىنا ۇسىنىلىم سەرپىنىن ارتتىرىپ، دالمە - ءدال ەمدەۋگە قولايلىلىق جاساپ، تۇرعىنداردىڭ سالاماتتىق قاجەتىن قاناعاتتاندىرۋ؛ امبەباپ (الەۋمەتتىك اۋماق) مەديتسينا دارىندىلارى قوسىنىن ورنىقتىرىپ، سەنىم ارتۋ ارقىلى ادامدى الىپ قالۋدى، ساياسات ارقىلى ادامدى الىپ قالۋدى، مامىلە ارقىلى ادامدى الىپ قالۋدى اتقارىپ، باياندى بولعان امبەباپ (الەۋمەتتىك اۋماق) مەديتسينا دارىندىلارى قوسىنىن باۋلۋ جۇيەسىن قۇرۋ كەرەك.

  ”الەۋمەتتىك اۋماق ەمدەۋ قۇرىلىمى تاعى قاراستى الەۋمەتتىك اۋماقتاعى قارتتاردى كۇتىمدەۋ قۇرىلىمدارىمەن ۇشتاسىپ، قارتتاردى كۇتىمدەۋ قۇرىلىمىنداعى قاجەتى تۇسكەن ناۋقاستارعا مەديتسينالىق قىزمەت وتەپ، ەمدەۋ مەن كۇتىنۋدىڭ ۇشتاسۋىن جەبەسە بولادى. ساياساتتىق قولداۋ جاعدايىندا، ءىشىنارا الەۋمەتتىك اۋماق مەديتسينالىق قىزمەت وتەۋ تۇيىندەرىندە 120 شۇعىل قۇتقارۋ پۋنكتى ءتۇيىنىن اشىپ، وڭىرلىك مەديتسينالىق جەدەل قۇتقارۋ تورىن قۇرۋعا بولادى“، - دەدى ياڭ جيانجۇڭ.

  ”ەمدەۋ − حالىق تۇرمىسىنىڭ قاجەتى“. ياڭ جيانجۇڭ مىنانى ءبىلدىردى: ”ءبىرسىپىرا شارالار ارقىلى نەگىزگى ساتى ەمدەۋ قۇرىلىمدارىنىڭ دارىندىلاردى الىپ قالۋىنا، جاقسى جەتىلدىرۋىنە مۇمكىندىك جاساپ، شينجياڭداعى ءار ۇلت بۇقاراسىنىڭ سالاماتتىعىن ويداعىداي قورعاۋدى ءۇمىت ەتەمىن“.

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.