اۆتونوميالى رايوندىق ساياسي كەڭەس 12 - كەزەكتى كوميتەتىنىڭ 5 - ءماجىلىسى اشىلدى
ما شيڭرۇي، ەركىن تۇنياز، شاۋكەت يمىن، لي يفي، شوكىرات زاكىر، نايىم ياسىن، جاڭ چۇنلين، حى جۇڭيوۋ ماجىلىسكە قاتىناسىپ قۇتتىقتادى
نۇرلان ءابىلماجىن اۆتونوميالى رايوندىق ساياسي كەڭەس 12 - كەزەكتى كوميتەتى تۇراقتى كوميتەتىنىڭ قىزمەتىنەن بايانداما جاسادى
پىڭ جيارۇي باسقاردى، ما شيۇڭچىڭ ۇسىنىس جوبا قىزمەتى جاعدايىنان بايانداما جاسادى
1 - ايدىڭ 22 - كۇنى اۆتونوميالى رايوندىق ساياسي كەڭەس 12 - كەزەكتى كوميتەتىنىڭ 5 - ءماجىلىسى شينجياڭ حالىق سارايىندا اشىلدى. سۋرەتتە: ءماجىلىس زالى.
□ سۋرەتتى انار بۇلت / شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت / شينجياڭ گازەتىنىڭ تىلشىلەرى لي ياڭ، جاڭ يۇنمەي 1 - ايدىڭ 22 - كۇنى ۇرىمجىدەن حابارلايدى. اۆتونوميالى رايوندىق ساياسي كەڭەس 12 - كەزەكتى كوميتەتىنىڭ 5 - ءماجىلىسى 1 - ايدىڭ 22 - كۇنى تۇستەن بۇرىن شينجياڭ حالىق سارايىندا اشىلدى.
ءماجىلىس زالى دۋماندى، سالتاناتتى بەينەگە شومىپ، ءتوراعالار مىنبەسىنىڭ تورىنە ىلىنگەن جۇڭگو حالىق ساياسي ءماسليحات كەڭەسى گەربى شۇعىلا شاشىپ تۇردى، ونىڭ ەكى جاعىنا بەستەن نارت قىزىل تۋ قويىلدى.
اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن، ورىنباسار ءتوراعالارى پىڭ جيارۇي، ءجۇرات يمىن، ءمۇتالىپ وبۇل، كۇڭ شيڭلۇڭ، دوۋ ۋانگۇي، چيۋ شۋحۋا، ياڭ يۇڭ، يىلحام سابىر، ما شيۇڭچىڭ، ابدۇرىقىپ ءتومۇرنياز، نۇرىم سىمايىلقان، ءدىلشات قىدىرقان، ازەز مۇسا، باس حاتشى گاۋ جياڭحۋاي ءتوراعالار مىنبەسىنىڭ الدىڭعى قاتارىنان ورىن الدى.
ما شيڭرۇي، ەركىن تۇنياز، شاۋكەت يمىن، لي يفي، شوكىرات زاكىر، نايىم ياسىن، جاڭ چۇنلين، حى جۇڭيوۋ، جاڭ جۋ، تيان شياڭلي، چىن ۋيجۇن، ۋاڭ ميڭشان، ءزۇمىرات وبۇل، ياڭ فاسىن، ءيۇسۇپجان مامەت، ەلزات احمەتجان، قادەن كابەن قاتارلىلار ءتوراعالار مىنبەسىنەن ورىن الىپ، ءماجىلىستىڭ اشىلعاندىعىن قۇتتىقتادى.
اۆتونوميالى رايوندىق ساياسي كەڭەس 12 - كەزەكتى كوميتەتىنىڭ 5 - ماجىلىسىنە قاتىناسۋعا ءتيىستى مۇشە 525 ادام، ناق قاتىناسقانى 471 ادام، بۇل بەلگىلەمەدەگى ادام سانىنا ۇيلەسەدى.
ءماجىلىس ساعات 10دا باستالدى، بارلىق ادام ورىندارىنان تۇرىپ، مەملەكەت ءانىن شىرقادى.
ءماجىلىس الدىمەن اۆتونوميالى رايوندىق ساياسي كەڭەس 12 - كەزەكتى كوميتەتى 5 - ءماجىلىسىنىڭ كەڭەستىك تارتىپتەرىن قاراپ ماقۇلدادى.
نۇرلان ءابىلماجىن اۆتونوميالى رايوندىق ساياسي كەڭەس 12 - كەزەكتى كوميتەتى تۇراقتى كوميتەتى اتىنان ماجىلىسكە قىزمەتتەن بايانداما جاسادى.
نۇرلان ءابىلماجىن بىلاي دەدى: 2021 - جىلى اۆتونوميالى رايوندىق ساياسي كەڭەس جانە ونىڭ تۇراقتى كوميتەتى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، ”ەكىنى تۇراقتاندىرۋدى“ قورعاپ، ”ەكىنى قورعاۋدى“ امالياتتا ايگىلەپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، نازاردى شينجياڭدى زاڭمەن باسقارۋعا، شينجياڭدى ىنتىماقتاسا ورنىقتىرۋعا، شينجياڭدى مادەنيەتپەن نارلەندىرۋگە، حالىقتى بايىتىپ، شينجياڭدى گۇلدەندىرۋگە، شينجياڭدى باياندى كوركەيتۋگە شوعىرلاندىرىپ، جالپى بارىستىق حالىق دەموكراتياسىن بەلسەنە امالياتتا ايگىلەپ، اۆتونوميالى رايوندىق پارتكومنىڭ وزەكتى قىزمەتىمەن تىعىز بايلانىستىرىپ مىندەت وتەپ، جاۋاپكەرشىلىگىن ادا ەتىپ، وزەكتى كەلەلى جاعدايعا قىزمەت وتەۋ بارىسىندا جاڭا ىسكەرلىك كورسەتىپ، جاڭا بەينە ايگىلەدى، ”14 - بەسجىلدىقتىڭ“ تاماشا باستاماسىن جۇزەگە اسىرۋعا ماڭىزدى ۇلەس قوستى.
نۇرلان ءابىلماجىن بىلاي دەپ اتاپ كورسەتتى: بيىل جۇڭگو كوممۋنيستىك پارتياسى مەملەكەتتىك 20 - قۇرىلتايىن اشادى. بيىلعى قىزمەتتى ويداعىداي ىستەۋدىڭ ءمانى زور. شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتىنىڭ ءار رەتكى جالپى ماجىلىستەرىنىڭ رۋحىن دايەكتىلەندىرىپ، تياناقتاندىرىپ، ورتالىقتىڭ ساياسي كەڭەس قىزمەتى ءماجىلىسىنىڭ، ورتالىقتىڭ ەكونوميكالىق قىزمەت ءماجىلىسىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن دايەكتىلەندىرىپ، تياناقتاندىرىپ، ۇزدىكسىز تۇردە ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، ىنتىماق جانە دەموكراتيا سىندى ەكى ۇلكەن نەگىزگى تاقىرىپقا تاباندى بولىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرۋدى ارقاۋ ەتىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋدى ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، ارناۋلى كەڭەستىك قۇرىلىم ەرەكشەلىگىن كورنەكتىلەندىرىپ، قوس باعىتتا كۇش سالۋ ابزالدىلىعىن ايگىلەۋ كەرەك. ءبىرىنشى، ساياسي قۇرىلىستى كورنەكتىلەندىرىپ، ساياسي كەڭەس جۇيەسىنىڭ پارتيا قۇرىلىسىن جالپى بەتتىك كۇشەيتۋ جاعىندا اناعۇرلىم زور جوعارىلاۋدى جۇزەگە اسىرۋ كەرەك؛ ەكىنشى، زەيىن - زەردەنى، كۇش - قۋاتتى كەڭ كولەمدە ۇيىستىرىپ، قوعام ورنىقتىلىعى مەن باياندى تىنىشتىق باس نىساناسىنا قىزمەت وتەۋ، ونى تياناقتاندىرۋ جاعىندا اناعۇرلىم زور رول اتقارۋ كەرەك؛ ءۇشىنشى، كەڭەستىك امالياتتى بايىتىپ، حالىق تۇرمىسىنا تىعىز جاناسىپ، جوعارى ساپالى دامۋدى ىلگەرىلەتۋ جاعىندا اناعۇرلىم زور ىسكەرلىك كورسەتۋ كەرەك.
نۇرلان ءابىلماجىن بىلاي دەپ باسا دارىپتەدى: ساياسي دەڭگەيدى اناعۇرلىم جوعارىلاتىپ، ”ەكى كەلەلى جاعدايدى“ كوكەيدە ساقتاپ، ”مەملەكەتتىڭ زور ءىسىن“ ەستە بەرىك ساقتاپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن جانە جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تەرەڭ ءتۇسىنىپ، ۇعىنىپ، جاپپاي دايەكتىلەندىرىپ، تياناقتاندىرىپ، ”ماڭىزدى شەپ، ماڭىزدى تۇعىر، ماڭىزدى ارنا“ رولىن تولىق ساۋلەلەندىرىپ، پارتيا باسشىلىعىنىڭ ءتۇبىرلى ساياسي پرينسيبىنە بويسۇنىپ، دۇرىس ساياسي بەتالىستى مىقتاپ يگەرۋ؛ ورتاق تانىم ۇيىستىرۋ قىزمەتىن ىشكەرىلەي ويداعىداي ىستەپ، سەنىمدى كۇشەيتۋ، جۇرت تىلەگىن توعىستىرۋ، ءبىر ماقساتتى تۇلعالاۋ؛ جاۋاپكەرشىلىك ارقالاۋدى كۇشەيتىپ، مۇشەلەردىڭ نەگىزگى تۇلعالىق رولىن اناعۇرلىم ويداعىداي ساۋلەلەندىرىپ، ىنتىماقتاسۋعا بولاتىن بارلىق كۇشتەرمەن ىنتىماقتاسىپ، جۇمىلدىرۋعا بولاتىن بارلىق بەلسەندى فاكتورلاردى جۇمىلدىرىپ، جۇدىرىقتاي جۇمىلا وتىرىپ پارتياعا ىلەسىپ ەكپىندەي ىلگەرىلەۋدىڭ تەلەگەي كۇشىن توپتاپ، پارتيا 20 - قۇرىلتايىنىڭ جەڭىسپەن اشىلۋىن ۇزدىك ناتيجەمەن قارسى الۋ كەرەك.
ما شيۇڭچىڭ اۆتونوميالى رايوندىق ساياسي كەڭەس 12 - كەزەكتى كوميتەتى تۇراقتى كوميتەتىنىڭ تاپسىرۋىمەن، ماجىلىسكە اۆتونوميالى رايوندىق ساياسي كەڭەس 12 - كەزەكتى كوميتەتىنىڭ 4 - ماجىلىسىنەن بەرگى ۇسىنىس جوبا قىزمەتى جاعدايىنان بايانداما جاسادى. ءبىر جىلدان بەرى قالىڭ ساياسي كەڭەس مۇشەلەرى، ساياسي كەڭەسكە قاتىسۋشى ورىندار جانە ءارقايسى ارناۋلى كوميتەتتەر 849 ۇسىنىس جوبا تاپسىرىپ، تەكسەرۋ ارقىلى ونىڭ 721ى ەستەلىككە الىنىپ، بىتىرۋگە تاپسىرىلعان بارلىق ۇسىنىس جوبالار تۇگەلدەي ءبىتىرىلدى.
اۆتونوميالى رايوندىق حالىق قۇرىلتايى تۇراقتى كوميتەتىندەگى، ۇكىمەتتەگى، بيڭتۋانداعى باسشى جولداستار، اۆتونوميالى رايوندىق جوعارى حالىق سوتى مەكەمەسىندەگى، اۆتونوميالى رايوندىق حالىق پروكۋراتۋراسىنداعى باسشى جولداستار، ت.ب اشىلۋ ماجىلىسىنە قاتىناستى.
