ما شيڭرۇي از ۇلت سالاسىنداعى، ءدىن سالاسىنداعى مۇشەلەردىڭ، ەرەكشە ۇسىنىس ەتىلگەن قايراتكەرلەردىڭ بىرلەسكەن گرۋپپا تالقىسىنا قاتىناسقاندا بىلاي دەپ اتاپ كورسەتتى
ۇلتتاردىڭ ارالاسۋىن، ىشتەسۋىن، توعىسۋىن جەبەپ، ءدىندى سوتسياليستىك قوعامعا ۇيلەسۋگە جەتەكتەۋ كەرەك
نۇرلان ءابىلماجىن تالقىعا قاتىناستى
1 - ايدىڭ 22 - كۇنى اۆتونوميالى رايوندىق پارتكومنىڭ شۋجيى ما شيڭرۇي اۆتونوميالى رايوندىق ساياسي كەڭەس 12 - كەزەكتى كوميتەتى 5 - ماجىلىسىندەگى از ۇلت سالاسىنداعى، ءدىن سالاسىنداعى مۇشەلەردىڭ، ەرەكشە ۇسىنىس ەتىلگەن قايراتكەرلەردىڭ بىرلەسكەن گرۋپپا تالقىسىنا قاتىناسىپ، پىكىرلەر مەن ۇسىنىستاردى تىڭدادى.
□ سۋرەتتى انار بۇلت / شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت / شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 1 - ايدىڭ 22 - كۇنى ۇرىمجىدەن حابارلايدى. اۆتونوميالى رايوندىق پارتكومنىڭ شۋجيى ما شيڭرۇي 1 - ايدىڭ 22 - كۇنى تۇستەن كەيىن اۆتونوميالى رايوندىق ساياسي كەڭەس 12 - كەزەكتى كوميتەتى 5 - ماجىلىسىندەگى از ۇلت سالاسىنداعى، ءدىن سالاسىنداعى مۇشەلەردىڭ، ەرەكشە ۇسىنىس ەتىلگەن قايراتكەرلەردىڭ بىرلەسكەن گرۋپپا تالقىسىنا قاتىناسىپ، پىكىرلەر مەن ۇسىنىستاردى تىڭدادى.
اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن تالقىعا قاتىناستى.
تالقىدا با يىنلياڭ، ياڭ جيە، گو شياۋپيڭ، ابىليكىم قۇسايىن، ما يانلين، ما ۋىنشين، مامەت جۇما، ماقسات قابيدەن، حان ميڭيۋان، چاڭ گۇيجۋان، زاماس، شياۋ حۇي، ۋاڭ سۇڭيۋان، يۇكسەك شيجاات قاتارلى 14 مۇشە جوعارى مەكتەپتەردىڭ، جوعارى دارەجەلى كاسىپتىك مەكتەپتەردىڭ مامان وقىتۋشىلار قوسىنىن تولىقتاۋ، شينجياڭدا ءىسلام ءدىنىن جۇڭگوشالاندىرۋ بەتالىسىنا تاباندى بولۋ، شىن مانىندە نەگىزگى ساتىنىڭ اۋىرتپالىعىن جەڭىلدەتۋ، ءدىن ىستەرىن زاڭ بويىنشا باسقارۋ قابىلەتىن جوعارىلاتۋ، ءدىني قايراتكەرلەردى جەتىلدىرۋدى، باۋلۋدى جانە ءدىني توپتاردىڭ ءوز قۇرىلىسىن كۇشەيتۋ، سوزىلمالى اۋرۋلاردى باسقارۋدى جاقسى ىستەپ سالاماتتى جۇڭگو قۇرىلىسىنا دەم بەرۋ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى اناعۇرلىم ويداعىداي ءبىر تۇتاس جوسپارلاۋ، شينجياڭدى مادەنيەتپەن نارلەندىرۋدىڭ امالياتشىلارى، ىلگەرىلەتۋشىلەرى بولۋعا قۇلشىنۋ، وقىتۋشىلار قوسىنى ساتىلى قۇرىلىسىن ىشكەرىلەي كەمەلدەندىرۋ، وڭىرلىك الەۋمەتتىك ماركا قۇرىلىسىنا ءمان بەرۋ، مادەنيەت پەن ساياحاتتىڭ توعىسا دامۋىن ىلگەرىلەتۋ سياقتىلار توڭىرەگىندە ءسوز سويلەدى.
ما شيڭرۇي كوپشىلىكتىڭ ءسوزىن تىڭداعاننان كەيىن مىنالاردى ءبىلدىردى: مۇشەلەر وتە جاقسى سويلەپ، وتە جاقسى پىكىرلەر مەن ۇسىنىستار قويىپ، كۇشتى جالپى جاعداي كوزقاراسى مەن جاۋاپكەرشىلىك ارقالاۋدى ايگىلەدى. اۆتونوميالى رايوننىڭ قاتىستى جاقتارى مۇقيات سالالاپ قابىلداپ، ساياسي كەڭەس مۇشەلەرى ورتاعا قويعان پىكىرلەر مەن ۇسىنىستاردى ناقتى ساياسات، شارالارعا اينالدىرىپ، قىزمەتتى اناعۇرلىم ويداعىداي جاقسارتۋ، بۇقارا ءجىتى قاداعالاپ وتىرعان ىستەرگە جاۋاپ قايتارۋ كەرەك.
ما شيڭرۇي بىلاي دەپ اتاپ كورسەتتى: جۇڭحۋا ۇلتى ورتاق تۇلعا تانىمى مەملەكەتتىڭ ءبىر تۇتاستىعىنىڭ نەگىزى، ۇلتتار ىنتىماعىنىڭ ءتۇبىرى، رۋحاني كۇشتىڭ جانى. از ۇلت سالاسى مەن ءدىن سالاسىنداعى ساياسي كەڭەس مۇشەلەرى ءوز سالالارىندا ەرەكشە باسىمدىققا يە، باس شۋجي شي جينپيڭنىڭ ۇلت قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن ىشكەرىلەي ۇيرەنىپ، دايەكتىلەندىرىپ، ءوز ىقپال كۇشتەرىنەن پايدالانىپ، سالالارداعى بۇقارا اراسىنداعى رولدارىن تولىق ساۋلەلەندىرىپ، جۇڭحۋا ۇلتى ورتاق تۇلعا تانىمىن بەرىك ورناتۋ سىندى نەگىزگى جەلىنى ءدال يگەرىپ، ۇلتتاردىڭ كەڭىنەن ارالاسۋ، ىشتەسۋ، توعىسۋ بارىسىندا دۇرىس مەملەكەت كوزقاراسىن، تاريح كوزقاراسىن، ۇلت كوزقاراسىن، مادەنيەت كوزقاراسىن، ءدىن كوزقاراسىن ورناتىپ، جۇڭحۋا ۇلتى ورتاق تۇلعا تانىمىن بەرىك ورناتۋىن جەبەۋ كەرەك.
ما شيڭرۇي بىلاي دەپ باسا دارىپتەدى: ەلىمىزدىڭ ءدىندى جۇڭگوشالاندىرۋ بەتالىسىنا تاباندى بولۋ ەلىمىزدەگى ءدىن دامۋىنىڭ، ءسوز جوق، باسىپ وتەتىن جولى. باس شۋجي شي جينپيڭنىڭ مەملەكەتتىك ءدىن قىزمەتى ماجىلىسىندە سويلەگەن ماڭىزدى ءسوزىنىڭ رۋحىن تەرەڭدەي ءتۇسىنىپ، جاڭا داۋىردەگى پارتيانىڭ ءدىن قىزمەتى نازارياسىن جالپى بەتتىك دايەكتىلەندىرىپ، زاڭدىلارىن قورعاۋعا، زاڭسىزدارىن تەجەۋگە، ۇشقارىلىقتى اۋىزدىقتاۋعا، سىنالاپ كىرۋگە قارسى تۇرۋعا، قىلمىسقا سوققى بەرۋگە تاباندى بولىپ، بۇقارانىڭ ءدىني سەنىمىنە قۇرمەت ەتىپ، ءدىن ىستەرىن زاڭ بويىنشا باسقارىپ، دەربەس، ءوزىن - ءوزى باسقارۋ، ءوز ءىسىن ءوزى ىستەۋ پرينسيبىنە تاباندى بولىپ، ”جەتەكتەۋ“ پوزيتسياسىمەن دىنگە مامىلە جاساۋعا تاباندى بولىپ، ءدىندى سوتسياليستىك قوعامعا ۇيلەسۋگە بەلسەنە جەتەكتەۋ كەرەك. ءدىن سالاسىنداعى مۇشەلەر باستاماشىلدىقپەن ءدىندى جاپپاي قاتاڭ باسقارىپ، باستاماشىلدىقپەن زاڭعا، ەرەجەگە بويسۇنىپ، ءدىني ماعلۇماتتى ءوسىرىپ، باستاماشىلدىقپەن ساياسيدا سەنىمدى بولۋدى، ءدىن جاعىندا ورەلى بولۋدى، مورالمەن جۇرتتى يلاندىرۋدى، شەشۋشى ساتتە رول اتقارۋدى ورىنداۋ كەرەك؛ ”ءتورت تاريح“ تاربيەسىن باعىتتامالى تۇردە كۇشەيتىپ، دىندەردى جۇڭحۋانىڭ تاڭداۋلى ءداستۇرلى مادەنيەتىمەن توعىسقان، سوتسياليستىك قوعامعا ۇيلەسكەن دىندەرگە اينالدىرۋعا قۇلشىنۋ كەرەك.
ما شيڭرۇي بىلاي دەپ اتاپ كورسەتتى: ساياسي كەڭەس مۇشەلەرى ءارقايسى پارتيا - توپتارداعى، ۇيىمدارداعى جانە ءار ۇلت، ءار سالاداعى ۋاكىلدىك قايراتكەرلەر بولىپ، ءار جاقتىڭ بايسالدىلىقپەن ماسليحاتتاسۋىمەن جارىققا شىققان، ءار سالاداعى بۇقارا اتىنان مەملەكەت ىستەرىنە ات سالىسادى، مىندەت - جاۋاپكەرشىلىك اتقارادى، بۇل داڭق، ونان دا ماڭىزدىسى، جاۋاپكەرشىلىك. قالىڭ ساياسي كەڭەس مۇشەلەرى شىن مانىندە ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ”ەكىنى تۇراقتاندىرۋدىڭ“ شەشۋشى سيپاتتى ءمانىن تەرەڭ ءتۇسىنىپ، سانالى تۇردە ساياسي ساحنادا، سالالارداعى بۇقارا اراسىندا، ءوز قىزمەت ورىندارىندا باستاماشىلدىق رولدارىن ساۋلەلەندىرىپ، يدەيالىق ورەلەرى مەن تانىم قابىلەتتەرىن ۇزدىكسىز جوعارىلاتىپ، ءار جاقتاعى بىلىمدەردى كەڭىنەن ۇيرەنىپ، كوپىرلىك، دانەكەرلىك رولدارىن ساۋلەلەندىرىپ، ءبىرىنشى شەپكە بارىپ تەكسەرۋ، زەرتتەۋ جۇرگىزىپ، العاشقى جاعدايدى يەلەپ، ۇلگىلى ارەكەتتەرى ارقىلى جاڭا داۋىردە جاۋاپكەرشىلىك ارقالايتىن مۇشە كەلبەتىن ايگىلەۋلەرى كەرەك.
ءزۇمىرات وبۇل، قادەن كابەن، ءمۇتالىپ وبۇل، ابدۇرىقىپ ءتومۇرنياز قاتارلىلار بىرلەسكەن گرۋپپا تالقىسىنا قاتىناستى.
