ءماجىلىستىڭ كۇن ءتارتىبى سياقتىلاردى بەلگىلەدى، وسى رەتكى ءماجىلىس 1 - ايدىڭ 23 - كۇنى باستالادى، ءماجىلىس ۋاقىتى 4 جارىم كۇن بولادى
انار بۇلت / شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 1 - ايدىڭ 22 - كۇنى ۇرىمجىدەن حابارلايدى. اۆتونوميالى رايوندىق 13 - كەزەكتى حالىق قۇرىلتايى 5 - ءماجىلىسىنىڭ ءتوراعالار القاسى 1 - ايدىڭ 22 - كۇنى تۇستەن كەيىن 1 - جيىنىن وتكىزدى.
جيىنعا قاتىناسۋعا ءتيىستى 57 ادام، ناقتى قاتىناسقانى 48 ادام، قاتىناسقان ادام سانى زاڭدا بەلگىلەنگەن ادام سانىنا ۇيلەسەدى.
جيىن ما شيڭرۇي، شاۋكەت يمىن، لي يفي، جاڭ چۇنلين، حى جۇڭيوۋ، جاڭ جۋ، لي شۋەجۇن، سارقىت اقان، دۇڭ شينگۋاڭ، باداي، سو يۋە، لي نيڭپيڭ، توحتى ياقۇپ، مۇقيات جارمۇقامەت، ءمۇتالىپ روزىنى اۆتونوميالى رايوندىق 13 - كەزەكتى حالىق قۇرىلتايى 5 - ءماجىلىسى ءتوراعالار القاسىنىڭ تۇراقتى ءتوراعالىعىنا سايلادى.
جيىن اۆتونوميالى رايوندىق 13 - كەزەكتى حالىق قۇرىلتايى 5 - ءماجىلىسىنىڭ كۇن ءتارتىبىن داۋىسقا سالىپ ماقۇلدادى. ءماجىلىس كۇن ءتارتىبى بويىنشا، وسى رەتكى ءماجىلىس 1 - ايدىڭ 23 - كۇنى تۇستەن بۇرىن اشىلىپ، 1 - ايدىڭ 27 - كۇنى تۇستەن بۇرىن جابىلادى، ءماجىلىس ۋاقىتى 4 جارىم كۇن. جيىن ءماجىلىستىڭ جالپى جيىندارىنىڭ اتقارۋشى ءتوراعالارىن سايلادى؛ ءماجىلىستىڭ ورىنباسار باس حاتشىلارىن، اۆتونوميالى رايوندىق 13 - كەزەكتى حالىق قۇرىلتايى 5 - ءماجىلىسىنىڭ كەڭەستىك جوبالاردى داۋىسقا سالۋ ءادىسىن داۋىسقا سالىپ ۇيعاردى؛ اۆتونوميالى رايوندىق 13 - كەزەكتى حالىق قۇرىلتايى 5 - ءماجىلىسىنىڭ سايلاۋ جانە داۋىسقا سالۋ ءادىسى جوباسىن ماقۇلداپ، ۋاكىلدەر ۇيىرمەلەرىنىڭ قاراۋىنا تاپسىردى. جيىن ۋاكىلدەردىڭ كەڭەستىك جوبا ۇسىنۋ ۋاقىت شەگى 1 - ايدىڭ 24 - كۇنى ساعات 18گە دەيىن بولادى دەپ ۇيعاردى.
