− اۆتونوميالى رايوندىق ساياسي كەڭەس 12 - كەزەكتى كوميتەتى 5 - ءماجىلىسىنىڭ اشىلۋىنان ەستەلىك
□ انار بۇلت / شينجياڭ گازەتىنىڭ تىلشىلەرى جاڭ يۇنمەي، لي ياڭ
جىلىنا ءبىر رەت وتەتىن سالتاناتتى جينالىس ۋاعدالى ۋاقىتىندا اشىلدى.
1 - ايدىڭ 22 - كۇنى تۇستەن بۇرىن اۆتونوميالى رايوندىق ساياسي كەڭەستىڭ 470دەن استام مۇشەسى قوعامدىق جاعدايدى، حالىق تىلەگىن ارقالاپ، دۇرىس تۇسىنىكتەر مەن پىكىرلەردى ارقالاپ، تيانشان الابىنان كەلىپ ءبىر اراعا باس قوستى. اۆتونوميالى رايوندىق ساياسي كەڭەس 12 - كەزەكتى كوميتەتىنىڭ 5 - ءماجىلىسى شىمىلدىعىن اشتى.
وتكەن ءبىر جىلعا قايىرىلا قاراساق، اۆتونوميالى رايوندىق ساياسي كەڭەس شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، نازاردى شينجياڭدى زاڭمەن باسقارۋعا، شينجياڭدى ىنتىماقتاسا ورنىقتىرۋعا، شينجياڭدى مادەنيەتپەن نارلەندىرۋگە، حالىقتى بايىتىپ، شينجياڭدى گۇلدەندىرۋگە، شينجياڭدى باياندى كوركەيتۋگە شوعىرلاندىرىپ، جالپى بارىستىق حالىق دەموكراتياسىن بەلسەنە امالياتتا ايگىلەپ، اۆتونوميالى رايوندىق پارتكومنىڭ وزەكتى قىزمەتىمەن تىعىز بايلانىستىرىپ، مىندەت وتەپ، جاۋاپكەرشىلىكتەرىن ادا ەتىپ، قوعامداعى ءجىتى قاداعالانعان كەلەلى ىستەردى كوزدەي وتىرىپ يدەيالىق - ساياسي جەتەكشىلىكتى كۇشەيتىپ، ارناۋلى كەڭەس قۇرىلىمىندىق رولىن اناعۇرلىم ايقىن ساۋلەلەندىرىپ، وزەكتى ارقاۋ ەتۋ، كەلەلى جاعدايعا قىزمەت وتەۋ بارىسىندا جاڭا ىسكەرلىك كورسەتىپ، جاڭا بەينە ايگىلەپ، ”14 - بەسجىلدىقتىڭ“ تاماشا باستاماسىن اشۋعا ماڭىزدى ۇلەس قوستى.
2022 - جىلدىڭ قاقپاسىن اشقان تۇستا ءبىز كۇش سالا ەسكەك ەسىپ، جەلكەن جايىپ تاعى دا ساپارعا اتتانۋدى كۇتەمىز.
ساعات 10دا ءماجىلىس باستالدى. بارلىق ادام ورىندارىنان تۇرىپ، مەملەكەت ءانىن اسقاقتاتا شىرقادى. اسقاق اۋەن ءماجىلىس زالىندا جاڭعىرىپ تۇردى.
اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن اۆتونوميالى رايوندىق ساياسي كەڭەس 12 - كەزەكتى كوميتەتى تۇراقتى كوميتەتى اتىنان ماجىلىسكە قىزمەتتەن بايانداما جاسادى −
”ورتاق يدەيالىق ساياسي نەگىزدى بەكەمدەۋ“
”ۇكىمەت ءىسىن اقىلداسۋ، كەڭەسۋدىڭ ناقتى ونىمدىلىگىن كۇشەيتۋ“
”ارناۋلى كەڭەس قۇرىلىمى قۇرىلىسىن ىلگەرىلەتۋ“
...
تۇراقتى كوميتەتتىڭ قىزمەت بايانداماسى شىندىقتى ءىس جۇزىنەن ىزدەپ، ادامدى العا باسۋعا جىگەرلەندىردى، قايتا - قايتا قىزۋ قول شاپالاق سوعىلدى.
ماجىلىستە 9 مۇشە ناقتى جاعدايمەن بىرلەستىرە وتىرىپ جارىس سوزگە شىقتى.
− ارتىقشىلىقتى ساۋلەلەندىرىپ، ءتۇيىندى تۇردە كۇش سالىپ، جەمىس - ورمان شارۋاشىلىعىنىڭ ساپاسىن جوعارىلاتىپ، ونىمدىلىگىن ارتتىرۋدى ىلگەرىلەتۋ؛
− ”ەكىنى ازايتۋ“ ساياساتىن جاپپاي تياناقتاندىرىپ، شينجياڭنىڭ نەگىزدىك وقۋ - اعارتۋ ساپاسىن جوعارىلاتۋعا دەم بەرۋ؛
− شارۋاشىلىق، ساۋدا ورتاسىن ساپالىلاندىرىپ، ەكونوميكانىڭ جوعارى ساپالى دامۋىن ىلگەرىلەتۋ؛
− زات اينالىمى ۇلكەن ارناسىن ىركىلىسسىزدەندىرىپ، شينجياڭنىڭ ەلەكتروندى ساۋدا ەكونوميكاسىنىڭ جاڭا بەلەسىن تۇلعالاۋ؛
...
ءداپ باسىپ تالداۋ جاساپ، نازاردى اۆتونوميالى رايوننىڭ دامۋ قاجەتىنە شوعىرلاندىردى؛ دالمە - ءدال، ناقتى ۇسىنىس حالىق بۇقاراسىنىڭ تىلەگىن، ءۇنىن ايگىلەدى.
”ماجىلىستە سويلەنگەن وسى سوزدەر ۇزاق بولماعانىمەن، مازمۇنى ناقتى، جاڭا ءمان - ماعىناسى مول، رايونىمىزدىڭ ەكونوميكالىق، قوعامدىق دامۋىنداعى ءتۇيىندى، قولامتالى، قيىن ماسەلەلەردى مىقتى يگەرگەن، تىڭداعان سوڭ ەرەكشە جەلپىندىم ءارى ەرەكشە شابىت الدىم“، - دەدى مۇشە گو يۇيجۋان.
ساعات 12دەن 20 مينۋت وتكەندە ءتۇرلى كەڭەستىك تارتىپتەرىن ورىنداعاننان سوڭ، باستالۋ جيىنى اياقتالدى. مۇشەلەر شينجياڭ حالىق سارايىنان شىعىپ، قىزۋ اڭگىمەلەسىپ، اسەرلەرىن ايتىستى.
”2021 - جىل − پارتيا مەن مەملەكەت تاريحىنداعى بەلەستىك ماڭىز الاتىن ءبىر جىل. جۇڭگو كوممۋنيستىك پارتياسى 100 جىلدىق مەرەيتويىن قارسى الدى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ءبىز ءبىرىنشى 100 جىلدىق كۇرەس نىساناسىن ۋاعىندا جۇزەگە اسىردىق. ساياسي كەڭەس مۇشەسى رەتىندە، ءوزىم دە وسىعان ات سالىستىم ءارى وسى نىسانانى جۇزەگە اسىرۋ ءۇشىن كۇش - قۋاتىمدى ارنادىم، مۇنى ەرەكشە ماقتانىش ەتەمىن“، - دەدى مۇشە ۋاڭ شيانلي تەبىرەنىسپەن.
2022 - جىل تاريحتىڭ كوورديناتىندا ايرىقشا بەلگى قالدىرادى.
جاڭا داۋىردەگى پارتيانىڭ شينجياڭدى جونگە سالۋ جالپى جوباسىنا قىزمەت وتەۋ، ءبىر نيەتپەن ىنتىماقتاسىپ، جاڭا داۋىردەگى جۇڭگوشا سوتسياليستىك شينجياڭ قۇرۋ ءداۋىر، سونداي - اق حالىق ساياسي كەڭەس ءتۇزىمى تۇتاس رايونداعى ءار دارەجەلى ساياسي كەڭەسكە، ساياسي كەڭەسكە قاتىسۋشى ورىندارعا جانە ءار ۇلت، ءار سالا مۇشەلەرىنە جۇكتەگەن تاريحي جاۋاپكەرلىك جانە قاسيەتتى بورىش.
”ءبىز نازاردى شينجياڭ قىزمەتىنىڭ باس نىساناسىنا شوعىرلاندىرىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا جاڭا داۋىردەگى جۇڭگوشا سوتسياليستىك شينجياڭ قۇرۋ جولىندا قۇلشىنا كۇرەس جاسايمىز“، - دەدى مۇشە ۇرنا.
مۇشە ابليكىم قۇسايىن مىنانى ءبىلدىردى: ”جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىندا ءبىز حالىق تۇرمىسىنا تىعىز جاناسىپ، ەكونوميكانىڭ جوعارى ساپالى دامۋىن ىلگەرىلەتۋ جاعىندا اناعۇرلىم زور ىسكەرلىك كورسەتەمىز“.
اقىل - كەڭەستەر مۇشەلەردىڭ كوكەيىندە پىسىپ - جەتىلىپ، شىنايى تۇسىنىكتەر مەن پىكىرلەر ۇسىنىس جوباعا، ۇسىنىسقا جازىلدى. جاڭا ەمتيحان تاپسىرۋ جولىندا مۇشەلەردىڭ سەنىمى كامىل.
بولاشاققا بىرگە اتتانۋدا قازىردەن باستاپ كۇرەس جاسايمىز. مۇشەلەر مىنانى ءبىلدىردى: جۇڭگو كوممۋنيستىك پارتياسى ورتالىق كوميتەتىنىڭ توڭىرەگىنە تىعىز ىنتىماقتاسىپ، يدەيادا تىلەكتەس، مۇراتتاس بولىپ، نىسانادا نيەتتەس، باعدارلاس بولىپ، ارەكەتتە تىلەكتەس، ساپارلاس بولىپ، جىگەرلەنە، قايراتتانا كۇرەس جاساپ، تاباندىلىقپەن تىنباي ارەكەت ەتىپ، پارتيا 20 - قۇرىلتايىنىڭ جەڭىسپەن اشىلۋىن ۇزدىك ناتيجەلەرمەن قارسى الامىز!
