ساياسي كەڭەس مۇشەلەرى تۇراقتى كوميتەتتىڭ قىزمەت بايانداماسىن جانە ۇسىنىس جوبا قىزمەتىنىڭ جاعدايىنان جاسالعان باياندامانى گرۋپپالارعا ءبولىنىپ تالقىلادى
جالپى جۇرت جۇدىرىقتاي جۇمىلىپ، پارتياعا ىلەسىپ ەكپىندەي ىلگەرىلەۋدىڭ تەلەگەي كۇشىن توپتايىق
□ انار بۇلت / شينجياڭ گازەتىنىڭ تىلشىلەرى
1 - ايدىڭ 22 - كۇنى تۇستەن كەيىن اۆتونوميالى رايوندىق ساياسي كەڭەس 12 - كەزەكتى كوميتەتىنىڭ 5 - ماجىلىسىنە قاتىناسقان ءار ۇلت، ءار سالا ساياسي كەڭەس مۇشەلەرى اۆتونوميالى رايوندىق ساياسي كەڭەس تۇراقتى كوميتەتىنىڭ قىزمەت بايانداماسىن جانە ۇسىنىس جوبا قىزمەتىنىڭ جاعدايىنان جاسالعان باياندامانى گرۋپپالارعا ءبولىنىپ تالقىلادى، «ساياسي كەڭەس شينجياڭ ۇيعۇر اۆتونوميالى رايوندىق كوميتەتىنىڭ 2022 - جىلعى كەڭەس جوسپارىمەن» ۇشتاستىرىپ، ساياسي كەڭەس قىزمەتىن تالقىلادى، سونداي - اق سالالاردىڭ ۇسىنىس جوباسىن تالقىلاپ، پىكىر اۋىستىردى.
گرۋپپالار تالقى جيىنىندا مۇشەلەر پارتيا مەن ۇكىمەتتىڭ ويلاعان ىستەرىن، بۇقارانىڭ تىلەگىن، ساياسي كەڭەستىڭ ىستەۋگە ءتيىستى ىستەرىن ارقاۋ ەتە وتىرىپ، بايانداما مازمۇنىمەن ۇشتاستىرىپ، ماسەلەلەردى اڭگىمەلەدى، ۇسىنىس قويدى، دامۋدى تىلگە تيەك ەتتى، جيىن ەرەكشە قىزۋ مەرەيگە شومدى.
كوپشىلىك بىلاي دەپ قارادى: 2021 - جىل جۇڭگو كوممۋنيستىك پارتياسى مەن جۇڭحۋا ۇلتىنىڭ تاريحىندا بەلەستىك ماڭىز الاتىن ءبىر جىل بولدى. ءبىر جىلدان بەرى اۆتونوميالى رايوندىق ساياسي كەڭەس جانە ونىڭ تۇراقتى كوميتەتى اۆتونوميالى رايوندىق پارتكومنىڭ وزەكتى قىزمەتىمەن تىعىز بايلانىستىرىپ مىندەت وتەپ، جاۋاپكەرشىلىكتەرىن ادا ەتىپ، ارناۋلى كەڭەستىك قۇرىلىم رولىن تولىق ساۋلەلەندىرىپ، ”14 - بەسجىلدىقتاعى“ تاماشا باستامانى ىلگەرىلەتۋگە اقىل - پاراساتتارى مەن كۇش - قۋاتتارىن ارنادى.
كوپشىلىك مىنالاردى ءبىلدىردى: اۆتونوميالى رايوندىق ساياسي كەڭەس تۇراقتى كوميتەتى قىزمەت بايانداماسىنىڭ ساياسي دەڭگەيى جوعارى، ءتۇيىن كورنەكتىلەنگەن، شىندىققا جۇگىنىپ، ناقتى ءىس ىستەلگەن، سەنىمدى جەلپىندىرەتىن، ىنتىماقتاسا ەكپىندەي ىلگەرىلەۋگە باستايتىن تاماشا بايانداما، ونىڭ جالپى جۇرت ءبىر نيەتپەن جۇدىرىقتاي جۇمىلىپ پارتياعا ىلەسىپ ەكپىندەي ىلگەرىلەۋدىڭ تەلەگەي كۇشىن اناعۇرلىم توپتايتىندىعى داۋسىز.
مۇشە حان جۇن بىلاي دەپ قارادى: تۇراقتى كوميتەتتىڭ قىزمەت بايانداماسى تۋى ايقىن تاماشا بايانداما. وتكەن ءبىر جىلدا اۆتونوميالى رايوندىق ساياسي كەڭەستىڭ يدەيالىق قۇرىلىسىندا قوماقتى تابىستارعا قول جەتتى، حالىققا قىزمەت وتەۋ دەڭگەيى جوعارىلادى، ۇكىمەت ءىسىن اقىلداسۋ - كەڭەسۋ تەرەڭدەدى، ءوز قۇرىلىسىندا تەبىندىلىك جارىققا شىقتى، ساياسي كەڭەس مۇشەسى رەتىندە، بايانداماداعى تالاپتار بويىنشا ءوز قىزمەت ورنىمدى تياناق ەتىپ، ”مۇشەلەر تاپسىرماسىن“ ويداعىداي ورىنداپ، جاۋاپكەرشىلىگىن وتەيتىن مۇشە بولىپ، ءىس جۇزىندىك ارەكەتىم ارقىلى مەملەكەت ءۇشىن مىندەت وتەيمىن، حالىق ءۇشىن جاۋاپكەرشىلىگىمدى ادا ەتەمىن.
”باياندامانىڭ ءسوزى شىمىر، شاراسى ناقتى، وتكەن ءبىر جىلداعى ساياسي كەڭەس قىزمەتىنە جاپپاي قايىرىلا قاراۋمەن بىرگە، جاڭا ءبىر جىلداعى نىسانا مەن مىندەتتەردى دە ورنالاستىردى، مۇشەلەردى جاۋاپكەرشىلىك ارقالاۋعا ىنتالاندىرۋدىڭ كۇش سالۋ ءتۇيىنىن ايقىندادى، مىندەت وتەۋ سەنىمىن سەرپىلتتى“. مۇشە يىلحام وسمان بىلاي دەدى: ءوز قىزمەت ورنىمدى تياناق ەتىپ، مۇقيات تەكسەرۋ، زەرتتەۋ جۇرگىزىپ، بەلسەنە سىندارلى اقىل - كەڭەس بەرىپ، رايونىمىزدىڭ ەكونوميكاسىنىڭ جوعارى ساپالى دامۋىنا كۇش قوسامىن.
مۇشە دىڭ حۇڭ ۇسىنىس جوبا قىزمەتى جاعدايىنان جاسالعان باياندامادان تەرەڭ اسەر الدى. ول بىلاي دەدى: اۆتونوميالى رايوندىق ساياسي كەڭەس ۇسىنىس جوبا قىزمەتىندە ۇزدىكسىز جاڭالىق اشتى، بىلتىر پارتيا تاريحىن ۇيرەنۋ تاربيەسىمەن ۇشتاستىرىپ، ءماجىلىس ۇسىنىس جوبالارىنان بۇقارا ەڭ كوڭىل بولەتىن 76 ۇسىنىس جوبانى تاڭداپ الىپ، ۇسىنىس جوبانى ءبىر جايلى ەتۋدى ۇستىنە الاتىن 30 ورىنمەن ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىن بىرلەسىپ ورىستەتتى. قيمىل وتە تابىستى بولدى ءارى مۇشەلەردى بارىنشا شابىتتاندىردى. بۇدان كەيىنگى مىندەت وتەۋ قىزمەتى بارىسىندا حالىق تۇرمىسىنا بۇرىنعىدان ارى ءمان بەرىپ، حالىق جاعدايىن اڭىس ەتىپ، شىنايى ۇسىنىس قويىپ، ناقتى شارا ۇسىنىپ، بورىشتى، ماڭىزدى تاپسىرمانى شىنايى ورىندايمىز.
مۇشە شۋە جيحاي مىنالاردى ءبىلدىردى: وقۋ - اعارتۋ سالاسىنداعى ساياسي كەڭەس مۇشەسى رەتىندە ونەگە كورسەتىپ ادام تاربيەلەۋ ءتۇبىرلى مىندەتىنە تاباندى بولىپ، حالىق ريزا بولاتىن وقۋ - اعارتۋدى قۇلشىنا ويداعىداي جۇرگىزىپ، احىلاق، اقىل - وي، دەنە، ەستەتيكا، ەڭبەك جاعىنان جان - جاقتى جەتىلگەن سوتسياليزم قۇرىلىسشىلارىن جانە ءىزباسارلارىن جەتىلدىرىپ، جاڭا داۋىردەگى جۇڭگوشا سوتسياليستىك شينجياڭ قۇرۋعا دارىندىلار جاعىنان پارمەندى تىرەك ازىرلەيمىن.
مۇشە يۋە فىڭ بىلاي دەدى: ءبىز جاۋاپكەرشىلىكتى كۇشەيتىپ، جاۋاپكەرشىلىك ارقالاۋعا پەيىل بولىپ، قابىلەتتى ءوسىرىپ، جاۋاپكەرشىلىك ارقالاۋعا شەبەر بولىپ، مىندەت وتەۋ امالياتىندا ساياسي يگەرۋ قابىلەتىمىزدى، تەكسەرۋ، زەرتتەۋ قابىلەتىمىزدى، بۇقارامەن بايلانىس ورناتۋ قابىلەتىمىزدى، سەلبەسىپ بىرگە ىستەۋ قابىلەتىمىزدى جاپپاي جوعارىلاتامىز. تەكسەرۋ، زەرتتەۋ ستيلىن بارىنشا ساۋلەلەندىرىپ، ناقتى جاعدايدى تەكسەرىپ، ناقتى ىستەردى تىندىرىپ، ناقتى ونىمدىلىككە تالپىنىپ، تىلەك - تالاپتاردى اڭىس ەتەتىن، حالىقتىڭ اقىل - پاراساتىن شوعىرلاندىراتىن، ورتاق تانىم ۇيىستىراتىن كوپىر، دانەكەر بولامىز.
مۇشە ۋاڭ جياڭ بىلاي دەدى: تۇراقتى كوميتەتتىڭ قىزمەت بايانداماسىندا 2022 - جىلعى ساياسي كەڭەس قىزمەتىندە ساياسي سيپاتتى اناعۇرلىم كورنەكتىلەندىرۋ، ساياسي كەڭەس قىزمەتىنىڭ امالياتتىق سيپاتى مەن كەڭەستىك سيپاتىن اناعۇرلىم كورنەكتىلەندىرۋ، ءوز قۇرىلىسىن كۇشەيتۋدى اناعۇرلىم كورنەكتىلەندىرۋ اتاپ كورسەتىلدى. ءبىز الداعى جەردە زەيىن - زەردە مەن كۇش - قۋاتتى ۇيىستىرىپ، حالىق ساياسي كەڭەس ءتۇزىمىنىڭ قاتىناسۋشىسى، امالياتشىسى، ىلگەرىلەتۋشىسى بولىپ، پارتيا 20 - قۇرىلتايىنىڭ جەڭىسپەن اشىلۋىن اناعۇرلىم ۇزدىك ناتيجەمەن قارسى الامىز.
(ءتىلشى جاڭ يۇنمەي، قاتىناسقان تىلشىلەر لي ياڭ، لي شيڭ، ميھىرىگۇل عوپۇر، سۇي يۇنيان، جاۋ شييا، سۋ لۋپيڭ)
