انار بۇلت / شينجياڭ گازەتىنىڭ تىلشىلەرى سۇي جىجيان، ياۋ تۇڭ، ۋاڭ شيڭرۇي حابارلايدى. ما شيڭرۇي، ەركىن تۇنياز، شاۋكەت يمىن، نۇرلان ءابىلماجىن قاتارلى اۆتونوميالى رايون باسشىلارى 1 - ايدىڭ 23 - كۇنى اۆتونوميالى رايوندىق حالىق قۇرىلتايىنىڭ اشىلۋ ماجىلىسىنەن كەيىن، ”حالىق ونەگەسى“ مەملەكەتتىك داڭق اتاعىنىڭ يەگەرى، اۆتونوميالى رايوندىق حالىق قۇرىلتايىنىڭ ۋاكىلى بۇرماحان مولدوعا امانداسا بارىپ، قارتتىڭ دەنىنىڭ ساۋ، ءومىرىنىڭ ۇزاق، تۇرمىسىنىڭ باقىتتى بولۋىن، شەكارانى قورعاۋ، شەكارانى كۇزەتۋ سىندى وتانشىلدىق سۇيىسپەنشىلىكتى ۇرپاقتان - ۇرپاققا جالعاستىرۋىن ءۇمىت ەتتى.
بۇرماحان مولدو جۇڭگو كوممۋنيستىك پارتياسىنىڭ مۇشەسى، 1942 - جىلى 6 - ايدا دۇنيەگە كەلگەن، شينجياڭ ۇلۇقشات اۋدانىنىڭ ادامى، جاڭا جۇڭگو قۇرىلعاندىعىنىڭ 70 جىلدىعىن قۇتتىقتاعان كەزدە، وعان ”حالىق ونەگەسى“ مەملەكەتتىك داڭق اتاعى بەرىلگەن بولاتىن.
19 جاسىندا، اكەسى ەندى بوي جەتكەن بۇرماحان مولدوعا: كوممۋنيستىك پارتيانىڭ، ازاتتىق ارميانىڭ باستاۋىندا ءبىز جاڭا تۇرمىسقا قول جەتكىزدىك، مەملەكەتتىڭ قوجاسىنا اينالدىق، ءبىز ءومىر بويى كوممۋنيستىك پارتياعا ىلەسىپ، وتان ءۇشىن ءار سۇيەم جەردى كوز قاراشىعىمىزداي قورعاۋىمىز كەرەك،- دەيدى. وسىدان باستاپ ول تەڭىز دەڭگەيىنەن ورتاشا بيىكتىگى 4000 مەتردەن اساتىن دوڭگورمە شەكارا قورعانىس لەنياسىندا 50 نەشە جىلدى ءبىر كۇنگىدەي وتكىزىپ، شەكارانى شارلاپ، شەكارانى قورعاپ، ءار كۇنى از دەگەندە 20 كيلومەتر تاۋ جولىن باسىپ، جاستىق كوكتەمىن قالتقىسىز، ءۇن - ءتۇنسىز وتاننىڭ شەكاراسىن قورعاۋ ىسىنە ارناپ، مەملەكەت قورعانىسى ىسىنە ماڭىزدى ۇلەس قوستى.
بۇرماحان مولدو وتاندى ءسۇيۋ، شەكارانى قورعاۋ قىزمەتىن بەلسەنە ۇگىتتەپ، شەكارا بويىنداعى كوپتەگەن تاسقا ”جۇڭگو“ دەگەن ەكى ءارىپتى ويىپ جازدى، بۇل”جۇڭگو تاستارى“ جەرگىلىكتى ورىننىڭ شەكارانى قورعاپ، شەكارانى كۇزەتۋىنىڭ، وتانشىلدىق سۇيىسپەنشىلىگىن ايگىلەۋىنىڭ سيمۆولىنا اينالدى.
