تيانشان تورى   ›   جاڭالىقتار   ›   شينجياڭ حابارلارى

جاڭا نىسانانى كوزدەپ، تىڭ ىسكەرلىك كورسەتۋگە قۇلشىندى

− اۆتونوميالى رايوندىق 13 - كەزەكتى حالىق قۇرىلتايى 5 - ءماجىلىسىنىڭ اشىلۋىنان ەستەلىك

□ انار بۇلت / شينجياڭ گازەتىنىڭ ءتىلشىسى حي حۇڭۋي

  قايراتتانا ۇمتىلىپ، بورىش ارقالادى، جەلكەن جايىپ، جاڭا جورىققا اتتاندى.

  1 - ايدىڭ 23 - كۇنى تاڭەرتەڭ، اۆتونوميالى رايوندىق 13 - كەزەكتى حالىق قۇرىلتايىنىڭ 5 - ماجىلىسىنە قاتىناساتىن ۋاكىلدەر ايبىنمەن ارشىنداي باسىپ، اسقاق جىگەرمەن بۇكىل رايون حالقىنىڭ ماڭىزدى تاپسىرماسىن ارقالاپ، نىق قاداممەن شينجياڭ حالىق سارايىنا كىردى.

  ءماجىلىس الاڭى ايبىندى دا سالتاناتتى بەينەگە شومعان. ءتوراعالار مىنبەسى شىمىلدىعىنىڭ ورتاسىنا مەملەكەت گەربى بيىك ىلىنگەن، نارت قىزىل تۋلار ەكى جاققا ءبولىپ ورنالاستىرىلعان.

  تۇستەن بۇرىن ساعات 10دا ءماجىلىس اشىلدى. ايبىندى مەملەكەت ءانى ءۇنى ىشىندە ۋاكىلدەر تۇگەل ورىندارىنان تۇرىپ، مەملەكەت ءانىن بىركەلكى داۋىسپەن شىرقادى، اۆتونوميالى رايوننىڭ ۋاقىتشا ءتوراعاسى ەركىن تۇنياز ءسوز مىنبەرىنە شىعىپ، اۆتونوميالى رايوندىق حالىق ۇكىمەتى اتىنان ماجىلىسكە بايانداما جاسادى، ءبىر جىلدان بەرگى تاجىريبەلەردى، ناتيجەلەردى مۇقيات قورىتىندىلاپ، 2022 - جىلدىق ايبىندى جوبانى دەن قويا جوسپارلادى.

  ءماجىلىس الاڭىنان ءالسىن - ءالى شاپالاق ءۇنى كوتەرىلدى، بۇل شاپالاق ءۇنى حالىق تىلەگىنىڭ بايانداماعا بولعان اڭىسى، حالىق قالاۋى مەن ايبىندى جوبانىڭ توعىسۋى ەدى.

  2021 - جىلى كۇردەلى دە قاتاڭ ەل ءىشى - سىرتى ورتاسى الدىندا، شينجياڭ جوعارى ساپالى جاۋاپناما تاپسىردى. تۇتاس جىلدا وڭىرلىك ءوندىرىس جالپى ءونىم قۇنى ءبىر تريلليون 600 ميلليارد يۋان بولىپ، %7 ارتتى، باستى كورسەتكىشتەر بويىنشا تۇتاس جىلدىق نىسانا - مىندەتتەر ارتىعىمەن ورىندالىپ، ”14 - بەسجىلدىقتىڭ“ تاماشا باستاماسى جۇزەگە اسىرىلدى.

  ”ۇكىمەت قىزمەتىنەن بايانداما وتە ناقتى ەكەن، رۋحتى توتەنشە سەرپىلتتى، جۇرەكتى جادىراتتى“. ۋاكىل جىڭ لەي بىلاي دەدى: ۇكىمەت قىزمەتىنەن بايانداما ءارى پارتيا ورتالىق كوميتەتىنىڭ شەشىمدەرىن، ورنالاستىرۋلارىن بەينەلەدى، ءارى شينجياڭنىڭ ءىس جۇزىندىگىنە ۇيلەسەدى، قىزمەتتى شىندىقتى ءىس جۇزىنەن ىزدەپ قورىتىندىلاپ، جۇمىستاردى عىلمي دا انىق جوسپارلاپ، مىندەتتەردى شىنايىلىقپەن، ىسكەرلىكپەن ورنالاستىردى، بۇل ساياسي دەڭگەيى جوعارى، جوسپارلاۋى تەرەڭ، قىزمەت سەرپىنى كۇشتى، حالىق تۇرمىسىنا مەيىر سيلاعان جاقسى بايانداما.

  ”ۇكىمەت قىزمەتىنەن بايانداما حالىق بۇقاراسى قاداعالاي نازار اۋدارىپ وتىرعان كەلەلى ىستەرگە بەلسەنە جاۋاپ قايتارىپ، حالىق تۇرمىسىنا بارىنشا نازار اۋدارىپ، حالىق تۇرمىسىن جاقسارتۋعا قۇلشىنىپ، حالىقتى ءسۇيۋ، حالىق ءۇشىن ىستەۋ، حالىقتى بايىتۋ سىندى حالىق تۇرمىسىنا دەگەن سۇيىسپەنشىلىكتى بەينەلەپ، ادامدى نەگىز ەتۋ، حالىق ءۇشىن بيلىك جۇرگىزۋ ۇستانىمىن ايگىلەدى“، - دەدى ۋاكىل گۇلسىمار كيبىر.

     2022 - جىل − شينجياڭ تەلەگەي كۇش توپتاپ، ۇدەرە العا تارتىپ، اسقاق بەينە، ارشىندى قاداممەن ەكىنشى 100 جىلدىق كۇرەس نىساناسىنا اياق باساتىن ماڭىزدى ۋاقىت ءتۇيىنى، پارتيانىڭ 20 - قۇرىلتايى اشىلاتىن جىل، ”14 - بەسجىلدىق“ جوبا اتقارىلاتىن شەشۋشى جىل. بيىلعى قىزمەتتەردى ويداعىداي ىستەپ، ورنىقتى دا اقاۋسىز ەكونوميكالىق ورتانى، ەل امان، جۇرت تىنىش قوعامدىق ورتانى، ستيلى پاك، سالتى دۇرىس ساياسي ورتانى ساقتاۋدا كەلەلى ماڭىزعا جانە تەرەڭ ىقپالعا يە.

  ”ۇكىمەت قىزمەتىنەن بايانداما كەسكىندەگەن جوبا جۇرت جۇرەگىن جەلپىندىرەدى، العا قويعان شارالار ادامدى ەكپىندەي ىلگەرىلەۋگە جىگەرلەندىرەدى“. ۋاكىل پان رۇي بىلاي دەدى: جاۋاپتى سالاداعى قىزمەتتەردىڭ بىرتىندەپ تياناقتاندىرىلۋىن ويداعىداي يگەرىپ، تىزبەكتى ۇزارتاتىن، تولىقتايتىن، كەڭەيتەتىن، كۇشەيتەتىن نىسانداردى ىرگە تەبۋگە باۋراپ، دامۋدىڭ ومىرشەڭدىگىن ونان ارى قاۋلاتۋ كەرەك.

  ”ۇكىمەت قىزمەتىنەن بايانداما 2022 - جىلعى قىزمەتتەرگە ايقىن نىسانا قويدى، شارالارى ناقتى، اسىرەسە، حالىق تۇرمىسى قىزمەتتەرىنىڭ نىساناسى، مىندەتى ايقىن، يكەمدىلىگى كۇشتى، ۋاكىلدەرگە بولاشاق شينجياڭ دامۋىنىڭ تاماشا ءۇمىتىن كورسەتتى“. بولاشاققا كوز جىبەرگەن ۋاكىل ما ليحۇڭنىڭ كوكىرەگىن سەنىم كەرنەدى.

  باستاما اشۋ جالپى جاعدايعا سايادى، باستالۋ جاعدايى جەڭىس جاعدايىن بەلگىلەيدى.

  اسقاق جىگەرمەن قايراتتانا ۇمتىلدى، مويىماس تاباندىلىقپەن العا باستى.

  ”ۇكىمەت قىزمەتىنەن بايانداما حالىقتىق شارۋاشىلىقتىڭ دامۋىن قولدايتىن ساياساتتاردى جاپپاي تياناقتاندىرۋدى العا قويدى. بۇل حالىقتىق كاسىپكەرلەرىمىزدىڭ ءىس تىندىرىپ، ناتيجە شىعارۋ سەنىمىن ونان ارى ارتتىرا ءتۇستى!“، - دەدى ۋاكىل رۇڭ چىڭ، - ”ماڭداي تەردىڭ ارقاسىندا تابىسقا كەنەلىپ، ناقتى ىستەۋدىڭ ارقاسىندا ورنىقتى العا باسساق، شينجياڭنىڭ تاماشا باستاما اشۋى، ورنىقتى قاداممەن الىسقا جەتۋى، ءسوزسىز، جۇزەگە اسادى!“.

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.