ەركىن تۇنياز بۇراتالا موڭعۇل اۆتونوميالى وبلىسى ۋاكىلدەر ۇيىرمەسىنىڭ باياندامانى قاراۋىنا قاتىناسقاندا بىلاي دەپ باسا دارىپتەدى
جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرۋ كەرەك
انار بۇلت / شينجياڭ گازەتىنىڭ ءتىلشىسى لي ياڭ 1 - ايدىڭ 23 - كۇنى ۇرىمجىدەن حابارلايدى. 1 - ايدىڭ 23 - كۇنى تۇستەن كەيىن اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ۋاقىتشا ءتوراعاسى ەركىن تۇنياز ءوزى تۇرعان اۆتونوميالى رايوندىق 13 - كەزەكتى حالىق قۇرىلتايىنىڭ 5 - ماجىلىسىندەگى بۇراتالا موڭعۇل اۆتونوميالى وبلىسى ۋاكىلدەر ۇيىرمەسىنىڭ باياندامانى قاراۋىنا قاتىناستى.
ۋاكىلدەردىڭ ءسوزىن مۇقيات تىڭداعاننان كەيىن ەركىن تۇنياز بىلاي دەدى: 2021 - جىلى بۇرىن بولىپ كورمەگەن قيىنشىلىقتارعا، سىن - سايىستارعا ءدوپ كەلگەن جاعدايدا، ءبىز جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، نازاردى قوعام ورنىقتىلىعى مەن باياندى تىنىشتىق باس نىساناسىنا مىقتاپ شوعىرلاندىرىپ، قوعامدىق كەلەلى جاعدايدىڭ ۇزدىكسىز ورنىقتى بولۋىنا شىنايى كەپىلدىك ەتتىك، ەكونوميكا ۇزدىكسىز اقاۋسىز دامىپ، ءتۇرلى قوعامدىق ىستەر ۇزدىكسىز العا باسىپ، ءار ۇلت حالقى تىنىش ءومىر، شات - شادىمان تىرشىلىك كەشىردى. بۇل ناتيجەلەر وڭاي - وسپاق قولعا كەلگەن جوق، تۇپتەپ كەلگەندە، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ كوڭىل ءبولۋىنىڭ، قامقورلىعىنىڭ ارقاسى، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جانە جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ عىلمي جەتەكشىلىگىنىڭ ارقاسى ءارى اۆتونوميالى رايوندىق پارتكومنىڭ جاڭا داۋىردەگى پارتيانىڭ شينجياڭدى جونگە سالۋ جالپى جوباسىن باتىلدىقپەن بۇلجىماي دايەكتىلەندىرىپ، ءار ۇلت كادر - بۇقاراسىن ىنتىماقتاستىرىپ ەل بىرلىگىنەن بەرىك قامال تۇرعىزىپ، قايسارلىقپەن كۇرەس جۇرگىزۋىندە جۇزەگە استى، بۇراتالا وبلىسىن قامتىعان بۇكىل رايونداعى ءار ۇلت كادر - بۇقاراسىنىڭ جۇرەك قانى مەن ماڭداي تەرى سىڭگەن.
ەركىن تۇنياز مىنالاردى ءبىلدىردى: بيىل پارتيانىڭ 20 - قۇرىلتايى اشىلادى، بيىلعى قىزمەتتەردى ويداعىداي ىستەۋدىڭ ءمانى زور. ۇكىمەت قىزمەتىنەن بايانداما اۆتونوميالى رايوندىق 13 - كەزەكتى حالىق قۇرىلتايىنىڭ 5 - ماجىلىسىندە قاراپ ماقۇلدانعاننان كەيىن، ءبىز تياناقتاندىرۋدى يگەرۋدى ۇكىمەتتىڭ ءبىرىنشى جاۋاپكەرشىلىگى ەتىپ، زاڭمەن باسقارۋ وي جەلىسى مەن زاڭمەن باسقارۋ تاسىلىنەن پايدالانىپ قىزمەتتەردى ىلگەرىلەتىپ، ءتۇرلى نىسانا - مىندەتتەردى تولىق ورىنداۋعا شىنايى كەپىلدىك ەتەمىز.
ەركىن تۇنياز بىلاي دەپ اتاپ كورسەتتى: 2022 - جىلى بۇراتالا وبلىسى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”ەكىنى تۇراقتاندىرۋدى“ باتىل قورعاپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، اۆتونوميالى رايوندىق پارتكومنىڭ ورنالاستىرۋى مەن تالابى بويىنشا، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، ءىس تىندىرىپ، ناتيجە شىعارۋ سەنىمى مەن بەكىمىن كۇشەيتىپ، قىزمەت بارىسىنداعى قيىن ماسەلەلەردى شەشىپ، ءتۇرلى قىزمەتتەردىڭ تاعى تىڭ ساتىعا كوتەرىلۋىن ىلگەرىلەتۋ كەرەك.
ەركىن تۇنياز بىلاي دەپ باسا دارىپتەدى: ”ەكىنى ءبىر تۇتاس جوسپارلاۋدى“ ويداعىداي ورىنداۋعا اناعۇرلىم دەن قويىپ، كۇش سالىپ، قوعامدىق كەلەلى جاعدايدىڭ ۇزدىكسىز ورنىقتىلىعىن، ۇزاق ۋاقىت ورنىقتىلىعىن ساقتاپ، ىندەتتەن ساقتانۋ - تىزگىندەۋ قىزمەتىن زاڭ بويىنشا عىلمي، دالمە - ءدال ويداعىداي ىستەپ، ءوندىرىس حاۋىپسىزدىگى قىزمەتىن تيتتەي دە بوساڭسىماي كۇشەيتۋ كەرەك. جاڭا دامۋ ارناسىنا قىزمەت وتەۋ جانە توعىسۋ جاعىنا اناعۇرلىم دەن قويىپ، كۇش سالىپ، بۇراتالا ەرەكشەلىگىنە يە وسى زامانعى اۋىل شارۋاشىلىعىن جانە ەرەكشە، باسىمدىققا يە كاسىپ سالالارىن قالىپتاستىرىپ، شەكارا وتكەلى ەكونوميكاسىنىڭ جوعارى ساپالى دامۋىن تىڭعىلىقتى ىلگەرىلەتىپ، قىسقى، كوكتەمگى ساياحات قىزمەتىن ويداعىداي ىستەپ، ساياحات نەگىزدىك قۇرىلعىلارىن كەمەلدەندىرۋدى جەدەلدەتىپ، شينجياڭنىڭ ماڭىزدى ساياحات كوزەۋلى ورىندارىن قالىپتاستىرۋعا كۇش سالۋ كەرەك. تاماشا دامۋ ورتاسىن قالىپتاستىرۋ جاعىنا اناعۇرلىم دەن قويىپ، كۇش سالىپ، شارۋاشىلىق - ساۋدا ورتاسىن ۇزدىكسىز ساپالىلاندىرىپ، ”ءۇشتى قامتاماسىز ەتۋ“ تومەنگى شەگىن مىقتى يگەرىپ، جاسىل، تومەن كومىر قىشقىل گازدى دامۋدى كۇش سالا ىلگەرىلەتۋ كەرەك. قىزمەت ستيلىندە ۇزدىكسىز بۇرىلىس جاساۋ جاعىنا دەن قويىپ، كۇش سالىپ، ناقتى شارالاردى شىعارۋدى، ناقتى ىستەردى ىستەۋدى، ناقتى ونىمدىلىككە جەتۋدى شىنايى ورىنداپ، پارتيا 20 - قۇرىلتايىنىڭ جەڭىسپەن اشىلۋىن ۇزدىك ناتيجەلەرمەن قارسى الۋ كەرەك.
