شاۋكەت يمىن تارباعاتاي ايماعى ۋاكىلدەر ۇيىرمەسىنىڭ باياندامانى قاراۋىنا قاتىناسقاندا بىلاي دەپ باسا دارىپتەدى
جاڭا داۋىردەگى جۇڭگوشا سوتسياليستىك شينجياڭ قۇرۋعا قۇلشىنۋ كەرەك
انار بۇلت / شينجياڭ گازەتىنىڭ ءتىلشىسى ليۋ ي 1 - ايدىڭ 23 - كۇنى ۇرىمجىدەن حابارلايدى. 1 - ايدىڭ 23 - كۇنى تۇستەن كەيىن اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى شاۋكەت يمىن ءوزى تۇرعان اۆتونوميالى رايوندىق 13 - كەزەكتى حالىق قۇرىلتايى 5 - ماجىلىسىندەگى تارباعاتاي ايماعى ۋاكىلدەر ۇيىرمەسىنىڭ باياندامانى قاراۋىنا قاتىناسقاندا بىلاي دەپ اتاپ كورسەتتى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، اقىل - پاراسات پەن كۇش - قۋاتتى جاڭا داۋىردەگى جۇڭگوشا سوتسياليستىك شينجياڭ قۇرۋ جاڭا جورىعىنا شوعىرلاندىرىپ، جاڭا داۋىردەگى شينجياڭ قىزمەتىنىڭ جاڭا جاعدايىن قۇلشىنا اشىپ، پارتيا 20 - قۇرىلتايىنىڭ جەڭىسپەن اشىلۋىن ۇزدىك ناتيجەلەرمەن قارسى الۋ كەرەك.
شاۋكەت يمىن بىلاي دەدى: ۇكىمەت قىزمەتىنەن بايانداما پارتيا ورتالىق كوميتەتىنىڭ رۋحىن دايەكتىلەندىرگەن، شينجياڭنىڭ ءىس جۇزىندىگىنە ۇيلەسكەن، حالىقتىڭ تىلەگىنە سايكەسكەن، تۇتاس رايوننىڭ 2021 - جىلعى ەكونوميكالىق، قوعامدىق دامۋدا قول جەتكىزگەن تابىستارىن جۇيەلى قورىتىندىلاپ، كەزەكتەگى جاعدايعا ىشكەرىلەي تالداۋ جاساپ، كەلەلى جاعداي مەن جالپى جاعدايدى تياناق ەتىپ، 2022 - جىلعى قىزمەتتىڭ جالپى تالابى مەن ساياساتتىق بەتالىسىن ايقىن ورتاعا قويىپ، نىسانا - مىندەتتەر مەن ءتۇيىندى قىزمەتتەردى ەگجەي - تەگجەيلى ورنالاستىرىپ، وسكەلەڭ ساياسي تانىم مەن كەلەلى جاعداي تانىمىن تولىق ايگىلەپ، جاڭا داۋىردەگى كۇرەس جۇرگىزۋ رۋحىن جانە جاۋاپكەرشىلىك ارقالاۋدى كورنەكتىلەندىرگەن، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرى مەن ورنالاستىرۋلارىنا بۇكىلدەي ۇيلەسەدى، اۆتونوميالى رايوندىق پارتكومنىڭ قىزمەت ورنالاستىرۋلارىنا بۇكىلدەي ۇيلەسەدى، شىندىققا جۇگىنىپ، ناقتى ءىس ىستەگەن، ءورىس اشا ەكپىندەي ىلگەرىلەگەن جاقسى بايانداما، مەن بۇكىلدەي قۇپتايمىن.
شاۋكەت يمىن بىلاي دەدى: ۇكىمەت قىزمەتىنەن باياندامادا كەزەكتەگى جانە بۇدان كەيىنگى ءبىر مەزگىلدەگى رايونىمىزدىڭ ەكونوميكالىق، قوعامدىق دامۋى ءدوپ كەلگەن جاعدايلارعا جانە ەلەۋلى ورايلارعا دالمە - ءدال تالداۋ جاسالعان، تۇراقتاندىرعان نىسانالاردا حالىقارالىق، ەل ءىشى ەكونوميكالىق جاعدايلارى، سونداي - اق رايونىمىزدىڭ بيىلعى ءتۇرلى ەكونوميكالىق كورسەتكىشتەرىنىڭ بەتالىسى جان - جاقتى ويلاستىرىلعان، ورنىقتىلىقتى ماڭداي الدى ورىنعا قويۋ، ورنىقتىلىق بارىسىندا ىلگەرىلەۋ تالابى ايگىلەنگەن، كوز الداعى جاعداي مەن ۇزاق بولاشاققا بىردەي ءمان بەرىلگەن، دامۋ مەجەسىنە جەتەكشىلىك ەتۋگە جانە سەنىمدى سەرپىلتۋگە پايدالى، ءار جاقتىڭ بەلسەندىلىگىن جۇمىلدىرۋعا پايدالى، ءبىز تەك ىرىقتىلىقپەن ىسكەرلىك كورسەتىپ، قولايلى ساتتەن ۇتىمدى پايدالانىپ، ءورىس اشا جاڭالىق اشىپ، ەرلىكپەن ايانباي كۇرەسسەك بولعانى، ءسوز جوق، دامۋ نىساناسىن جۇزەگە اسىرىپ، رەفورما، دامۋ، ورنىقتىلىق ءۇشىن ىرىقتىلىققا، باسىمدىققا، بولاشاققا قول جەتكىزىپ، ءار جاقتاعى قىزمەتتە اناعۇرلىم زور العا باسۋعا قول جەتكىزۋدى ىلگەرىلەتە الامىز.
شاۋكەت يمىن بىلاي دەدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭ قىزمەتىنە ايرىقشا ءمان بەرۋىندە، جاڭا داۋىردەگى پارتيانىڭ شينجياڭدى جونگە سالۋ جالپى جوباسى ارقىلى شينجياڭنىڭ دامۋىنىڭ تاماشا جوباسى جاسالدى، شينجياڭنىڭ دامۋى ءبىرسىپىرا وڭاي - وسپاق كەلمەگەن ەلەۋلى ورايلار مەن ايرىقشا، وزگەشە باسىمدىقتارعا يە بولدى، شينجياڭنىڭ رەفورما جاساۋ، دامۋ بولاشاعى نۇرلى، تاماشا كەلەشەكتەن ءۇمىت زور. وڭاي - وسپاق كەلمەگەن ناتيجەلەردى بارىنشا قاستەرلەپ، العان بەتتەن قايتپايتىن تاباندىلىقپەن، ءبىر نيەتپەن سەلبەسە وتىرىپ بىرگە شايقاسىپ، تاماشا جوبانى رەالدىققا اينالدىرۋ كەرەك. اۆتونوميالى رايوندىق حالىق قۇرىلتايى تۇراقتى كوميتەتى اۋەلگىدەي قولداۋدى باقىلاۋعا ءسىڭىرىپ، قىزمەتتى ىلگەرىلەتۋدىڭ بىرىككەن كۇشىن ارتتىرىپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىن ويداعىداي تياناقتاندىرىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن ويداعىداي جازادى.
مۇقيات جارمۇقامەت، قادىلبەك قامزا قاتارلىلار باياندامانى قاراۋعا قاتىناستى.
