نۇرلان ءابىلماجىن ىلە قازاق اۆتونوميالى وبلىسى ۋاكىلدەر ۇيىرمەسىنىڭ باياندامانى قاراۋىنا قاتىناسقاندا بىلاي دەپ باسا دارىپتەدى
شىنايى يگەرىپ، ناقتى ىستەپ، حالىق تۇرمىسىمەن تىعىز جاناستىرا وتىرىپ جوعارى ساپالى دامۋدى ىلگەرىلەتۋ كەرەك
انار بۇلت / شينجياڭ گازەتىنىڭ ءتىلشىسى جاڭ يۇنمەي 1 - ايدىڭ 23 - كۇنى ۇرىمجىدەن حابارلايدى. 1 - ايدىڭ 23 - كۇنى تۇستەن كەيىن اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ءوزى تۇرعان اۆتونوميالى رايوندىق 13 - كەزەكتى حالىق قۇرىلتايىنىڭ 5 - ماجىلىسىندەگى ىلە قازاق اۆتونوميالى وبلىسى ۋاكىلدەر ۇيىرمەسىنىڭ باياندامانى قاراۋىنا قاتىناستى.
نۇرلان ءابىلماجىن بىلاي دەدى: ۇكىمەت قىزمەتىنەن بايانداما قىزمەتتى شىندىقتى ءىس جۇزىنەن ىزدەي وتىرىپ قورىتىندىلاپ، جاعدايعا جان - جاقتى، تىڭعىلىقتى تالداۋ جاساپ، قىزمەتكە ناقپا - ناق ورنالاستىرۋ جاساپ، اۆتونوميالى رايوندىق پارتكومنىڭ ەڭ جاڭا ورنالاستىرۋلارىن، تالاپتارىن ايگىلەدى، اۆتونوميالى رايوندىق حالىق ۇكىمەتىنىڭ حالىقتى وزەك ەتۋدەي حالىقتى نەگىز ەتۋ سۇيىسپەنشىلىگى مەن شىنايى يگەرىپ، ناقتى ىستەيتىن، جىگەرلەنە العا باساتىن جاۋاپكەرشىلىك ارقالاۋ رۋحىن ايگىلەدى، بۇل جىگەردى ۇشتايتىن، سەنىمدى سەرپىلتەتىن، جاسامپازدىقپەن شىنايىلىققا تالپىنعان تاماشا بايانداما، مەن بۇكىلدەي قۇپتايمىن.
نۇرلان ءابىلماجىن بىلاي دەپ اتاپ كورسەتتى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”ەكىنى تۇراقتاندىرۋدى“ باتىل قورعاپ، ”ەكىنى قورعاۋدى“ ادالدىقپەن امالياتتا ايگىلەپ، پارتيانىڭ جاسامپاز نازارياسىمەن قارۋلانۋدى كۇشەيتىپ، باس شۋجي شي جينپيڭنىڭ ماڭىزدى سوزدەرىنىڭ، ماڭىزدى نۇسقاۋلارىنىڭ رۋحىن ىشكەرىلەي ۇيرەنىپ، جاپپاي ءتۇسىنىپ، شىن مانىندە وي - سانانى قارۋلاندىرۋ، امالياتقا جەتەكشىلىك ەتۋ، قىزمەتتەردى ىلگەرىلەتۋ كەرەك. جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، ءبىر تۇتاس جوسپارلاپ، تەگىس ءمان بەرۋگە تاباندى بولىپ، جۇيەلى ويلاۋدى كۇشەيتىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، دۇرىس ناتيجە كوزقاراسىن ورناتىپ، ەكونوميكالىق دامۋدىڭ ساپاسىن جوعارىلاتۋدى، ونىمدىلىگىن ارتتىرۋدى، تەبىنىن كۇشەيتۋدى ۇزدىكسىز ىلگەرىلەتۋ؛ مەملەكەت بەرگەن تيىمدىلىك ساياساتتارىنان جاقسى، جاندى پايدالانىپ، جوعارى دەڭگەيدە ەسىك اشۋ ارقىلى جوعارى ساپالى دامۋدى ىلگەرىلەتۋ؛ شي جينپيڭنىڭ زاڭمەن باسقارۋ يدەياسىن ىشكەرىلەي دايەكتىلەندىرىپ، باسقارۋ جۇيەسى مەن باسقارۋ قابىلەتىن وسىزامانداندىرۋدى بۇلجىماستان زاڭمەن باسقارۋ ارناسىندا ىلگەرىلەتۋ كەرەك.
نۇرلان ءابىلماجىن بىلاي دەپ باسا دارىپتەدى: ىلە قازاق اۆتونوميالى وبلىسى ۇزدىكسىز ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن شىن مانىندە بىرلىككە كەلتىرىپ، ءار ۇلت بۇقاراسىنىڭ تاماشا تۇرمىسقا دەگەن تالپىنىسىن قاناعاتتاندىرۋدى باستان - اياق شىعار ءتۇيىن جانە تابان تىرەر تياناق ەتىپ، حالىقتى وزەك ەتكەن دامۋ يدەياسىن ىشكەرىلەي دايەكتىلەندىرىپ، بۇقارا ەڭ كوڭىل ءبولىپ وتىرعان، ەڭ تىكە، ەڭ رەال مۇددە ماسەلەلەرىن ويداعىداي شەشۋ؛ تاماشا ەكولوگيالىق ورتانى ەڭ جالپىعا ءتيىمدى حالىقتىڭ قۇت - ىرىسى ەتۋگە تاباندى بولىپ، وسى كورىكتى جەردىڭ اسپانىنىڭ اناعۇرلىم اشىق، تاۋىنىڭ اناعۇرلىم جاسىل، سۋىنىڭ اناعۇرلىم تۇنىق بولۋىنا مۇمكىندىك جاساۋ؛ ادامدى نەگىز ەتكەن بيلىك جۇرگىزۋ ۇستانىمىن بەرىك ورناتىپ، ىندەتتەن ساقتانۋ - تىزگىندەۋ شارالارىن ناقتى، ەگجەي - تەگجەيلى تياناقتاندىرىپ، ءار ۇلت بۇقاراسىنىڭ ءومىرىن، دەنساۋلىعىن باتىلدىقپەن ويداعىداي قورعاۋ كەرەك. ستيلگە ۇزدىكسىز بۇرىلىس جاساپ، نەگىزگى ساتى ۇيىمىنىڭ بۇقاراعا قىزمەت وتەۋ قابىلەتىن ونان ارى جوعارىلاتىپ، نەگىزگى ساتىنىڭ نەگىزىن بەكەمدەپ، قۇنتتى دا ۇقىپتى بولۋعا، شىنايى يگەرىپ، ناقتى ىستەۋگە تاباندى بولىپ، پارتيا ورتالىق كوميتەتىنىڭ شەشىمدەرىن اتقارۋدا باعداردان اۋىتقىماۋعا، ءتۇسىن تۇرلەندىرمەۋگە، فورماسىن وزگەرتپەۋگە شىنايى كەپىلدىك ەتىپ، قىزمەتتەردى اناعۇرلىم عىلمي، ءدال، تىڭعىلىقتى ىستەپ، ءار ۇلت بۇقاراسىنىڭ تابىس سەزىمىن اناعۇرلىم ءونىمدى، باقىت سەزىمىن اناعۇرلىم باياندى، حاۋىپسىزدىك سەزىمىن اناعۇرلىم قامتاماسىز ەتىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ تياناقتانىپ، تامىر تارتۋىنا شىنايى كەپىلدىك ەتىپ، پارتيا 20 - قۇرىلتايىنىڭ جەڭىسپەن اشىلۋىن ۇزدىك ناتيجەلەرمەن قارسى الۋ كەرەك.
