لي يفي شينجياڭ ءوندىرىس - قۇرىلىس بيڭتۋانى ۋاكىلدەر ۇيىرمەسىنىڭ باياندامانى قاراۋىنا قاتىناسقاندا بىلاي دەپ باسا دارىپتەدى
جاڭا داۋىردەگى بيڭتۋان ىستەرىنىڭ جوعارى ساپالى دامۋىن ىلگەرىلەتۋ كەرەك
انار بۇلت / شينجياڭ گازەتىنىڭ ءتىلشىسى چىن چياڭۋي 1 - ايدىڭ 23 - كۇنى ۇرىمجىدەن حابارلايدى. 1 - ايدىڭ 23 - كۇنى اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي ءوزى تۇرعان اۆتونوميالى رايوندىق 13 - كەزەكتى حالىق قۇرىلتايىنىڭ 5 - ماجىلىسىندەگى شينجياڭ ءوندىرىس - قۇرىلىس بيڭتۋانى ۋاكىلدەر ۇيىرمەسىنىڭ باياندامانى قاراۋىنا قاتىناستى.
ۋاكىلدەردىڭ ءسوزىن مۇقيات تىڭداعاننان كەيىن لي يفي بىلاي دەدى: ۇكىمەت قىزمەتىنەن بايانداما شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ءسوزى مەن ماڭىزدى نۇسقاۋىنىڭ رۋحىن دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، جاڭا دامۋ ۇستانىمىن تولىق، دالمە - ءدال، جان - جاقتى دايەكتىلەندىرىپ، شينجياڭنىڭ بىلتىرعى ەكونوميكالىق، قوعامدىق دامۋ ناتيجەلەرى مەن تاجىريبەلەرىن قورىتىندىلاپ، كەزەكتە ءدوپ كەلىپ وتىرعان جاعداي مەن كەلەلى ورايعا تالداۋ جاساپ، 2022 - جىلعى ۇكىمەت قىزمەتىنىڭ جالپى تالابىن، مەجەلى نىساناسىن، ءتۇيىندى قىزمەتىن جانە باستى شارالارىن ايقىندادى، ول ساياسي دەڭگەيى جوعارى، امالياتتىق نەگىزى مىعىم، حالىق تۇرمىسىنا مەيىر سيلاعان جاقسى بايانداما.
لي يفي بىلاي دەپ باسا دارىپتەدى: بيڭتۋان جوعارىدان تومەنگە دەيىن ساياسي دەڭگەيدى شىنايى جوعارىلاتىپ، ونان ارى ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيا ورتالىق كوميتەتىنىڭ باعىت - ساياساتتارى مەن شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، بيڭتۋان قىزمەتىنىڭ باستان - اياق باس شۋجي شي جينپيڭ نۇسقاعان دۇرىس بەتالىسپەن ىلگەرىلەۋىنە شىنايى كەپىلدىك ەتۋ كەرەك. كەلەلى جاعداي تانىمىن كۇشەيتىپ، مەملەكەتتىڭ مۇددەسى − بيڭتۋاننىڭ مۇددەسى، شينجياڭنىڭ كەلەلى جاعدايى − بيڭتۋاننىڭ كەلەلى جاعدايى دەگەنگە قاي - قاشان دا تاباندى بولىپ، سانالى تۇردە بيڭتۋان قىزمەتىن بۇكىل ەلدىڭ كەلەلى جاعدايىنا جانە شينجياڭنىڭ جالپى جاعداي قىزمەتىنە قويىپ جوسپارلاۋ جانە ىلگەرىلەتۋ كەرەك. ورنىقتىلىقتى قورعاۋ، شەكارانى كۇزەتۋ قىزمەتىن ويداعىداي يگەرىپ، قوعامنىڭ جاراسىمدىلىعىن، ورنىقتىلىعىن بار كۇشپەن قورعاۋ كەرەك. جوعارى ساپالى دامۋدى ىشكەرىلەي ىلگەرىلەتىپ، قارجى قوسۋدى كۇشەيتۋ، كاسىپ سالاسىن گۇلدەندىرۋ، قۇرىلىمدى رەتتەۋ، ساياساتتى جانداندىرۋ، قامتاماسىزدىقتى جاقسارتۋ، حالىق تۇرمىسىنا تيىمدىلىك جاساۋ، حاۋىپ - قاتەردەن ساقتانۋ سياقتى قىزمەتتەردى جاقسى ىستەۋ كەرەك. بيڭتۋاننىڭ رەفورمانى تەرەڭدەتۋىن ىلگەرىلەتىپ، ىشكى قوزعاۋشى كۇش پەن دامۋ ومىرشەڭ كۇشىن نىعايتىپ، ۇيىمداستىرۋ ارتىقشىلىعى مەن جۇمىلدىرۋ قابىلەتىن جوعارىلاتۋ كەرەك. بيڭتۋان مەن جەرگىلىكتى ورىننىڭ توعىسا دامۋىن تەرەڭدەتىپ، بيڭتۋان مەن جەرگىلىكتى ورىننىڭ ەكونوميكا، مادەنيەت، قوعام، كادر دارىندىلار جانە ورنىقتىلىقتى قورعاۋ سياقتى جاقتاردا تەرەڭدەي كىرىگۋىن، تەرەڭدەي توعىسۋىن قۇلشىنا جۇزەگە اسىرۋ كەرەك. حالىق تۇرمىسىن قامتاماسىز ەتىپ جانە جاقسارتىپ، حالىق تۇرمىسىنداعى ناقتى ىستەردى تىڭعىلىقتى جاقسى ىستەپ، بۇقارانىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋ كەرەك. پارتيانى جاپپاي قاتاڭ باسقارۋدى ىلگەرىلەتىپ، ستيلى پاك، سالتى دۇرىس ساياسي ورتا قالىپتاستىرىپ، بيڭتۋان ىستەرىنىڭ جوعارى ساپالى دامۋىن ىلگەرىلەتۋگە پارمەندى ساياسي قامتاماسىزدىق ازىرلەۋ كەرەك. بيڭتۋانداعى اۆتونوميالى رايوندىق حالىق قۇرىلتايى ۋاكىلدەرى ۋاكىلدىك مىندەت - جاۋاپكەرشىلىكتەرىن، بورىشتارىن سانالى تۇردە ويداعىداي اتقارىپ، بەلسەندىلىكپەن اقىل - كەڭەس بەرىپ، جاڭا داۋىردەگى بيڭتۋان ىستەرىنىڭ جوعارى ساپالى دامۋىن ىلگەرىلەتۋگە، شينجياڭنىڭ قوعام ورنىقتىلىعى مەن باياندى تىنىشتىعىنا كۇش قوسۋلارى كەرەك.
