تيانشان تورى   ›   جاڭالىقتار   ›   ماڭىزدى حابارلار

جۇڭگو كوممۋنيستىك پارتياسى ورتالىق كوميتەتى ساياسي بيۋروسى ءماجىلىس اشتى

  جۇڭگو كوممۋنيستىك پارتياسى ورتالىق كوميتەتى ساياسي بيۋروسى ءماجىلىس اشتى

  «ورتالىق كوميتەت ساياسي بيۋروسى تۇراقتى كوميتەتىنىڭ مەملەكەتتىك حالىق قۇرىلتايى تۇراقتى كوميتەتى، مەملەكەتتىك كەڭەس، مەملەكەتتىك ساياسي كەڭەس، ەڭ جوعارى حالىق سوتى مەكەمەسى، ەڭ جوعارى حالىق پروكۋراتۋراسى پارتيا باسشىلىق گرۋپپالارىنىڭ قىزمەت مالىمەتىن جانە ورتالىق كوميتەت شۋجيچۋىنىڭ قىزمەت بايانداماسىن تىڭداۋ جانە اقىلداسۋ جالپىلىق جاعدايىنان باياندامانى»، «ارىز - ارمان قىزمەتى ەرەجەسىن» قارادى

  جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى

  شينحۋا اگەنتتىگىنىڭ 1 - ايدىڭ 24 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى 1 - ايدىڭ 24 - كۇنى ءماجىلىس اشىپ، «ورتالىق كوميتەت ساياسي بيۋروسى تۇراقتى كوميتەتىنىڭ مەملەكەتتىك حالىق قۇرىلتايى تۇراقتى كوميتەتى، مەملەكەتتىك كەڭەس، مەملەكەتتىك ساياسي كەڭەس، ەڭ جوعارى حالىق سوتى مەكەمەسى، ەڭ جوعارى حالىق پروكۋراتۋراسى پارتيا باسشىلىق گرۋپپالارىنىڭ قىزمەت مالىمەتىن جانە ورتالىق كوميتەت شۋجيچۋىنىڭ قىزمەت بايانداماسىن تىڭداۋ جانە اقىلداسۋ جالپىلىق جاعدايىنان باياندامانى»، «ارىز - ارمان قىزمەتى ەرەجەسىن» قارادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى.

  ءماجىلىس مەملەكەتتىك حالىق قۇرىلتايى تۇراقتى كوميتەتى، مەملەكەتتىك كەڭەس، مەملەكەتتىك ساياسي كەڭەس، ەڭ جوعارى حالىق سوتى مەكەمەسى، ەڭ جوعارى حالىق پروكۋراتۋراسى پارتيا باسشىلىق گرۋپپالارىنىڭ جانە ورتالىق كوميتەت شۋجيچۋىنىڭ 2021 - جىلعى قىزمەتتەرىن تولىق تۇراقتاندىردى، ولاردىڭ 2022 - جىلعى قىزمەت ورنالاستىرۋلارىنا قوسىلدى. ءماجىلىس بىلاي دەپ قارادى: وتكەن ءبىر جىلدا 5 ورىننىڭ پارتيا باسشىلىق گرۋپپاسى شي جينپيڭ جاڭا ءداۋىر جۇڭگوشا سوتسياليزم يدەياسىن مۇقيات ۇيرەنىپ، دايەكتىلەندىرىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتىنىڭ ءار رەتكى جالپى ماجىلىستەرىنىڭ رۋحىن جان - جاقتى دايەكتىلەندىرىپ، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنا تيتتەي دە بۇلجىماستان تاباندى بولىپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىن مۇقيات دايەكتىلەندىرىپ، تياناقتاندىرىپ، پارتيا مەن مەملەكەت قىزمەتىنىڭ جالپى جاعدايىن ارقاۋ ەتە قىزمەت جاۋاپكەرشىلىگىن اتقارىپ، پارتيا باسشىلىق گرۋپپاسىنىڭ ءوز قۇرىلىسىن كۇشەيتىپ، ”14 - بەسجىلدىقتىڭ“ جاقسى باستاماسىن اشۋعا بەلسەندى ۇلەس قوسىپ، پارتيا قۇرىلعاندىعىنىڭ 100 جىلدىعىن قۇتتىقتاۋعا تاماشا ورتا ازىرلەپ، ءار جاقتاعى قىزمەتتە جاڭا ناتيجەلەرگە قول جەتكىزدى. ورتالىق كوميتەت شۋجيچۋى ورتالىق كوميتەت ساياسي بيۋروسى مەن ورتالىق كوميتەت ساياسي بيۋروسى تۇراقتى كوميتەتىنىڭ باسشىلىعىندا، پارتيا ورتالىق كوميتەتىنىڭ ورنالاستىرۋلارىنا، تالاپتارىنا ساي مىندەت وتەپ، جاۋاپكەرشىلىكتى ادا ەتىپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىنىڭ تياناقتاندىرىلۋىن ىلگەرىلەتۋ، پارتيانىڭ ىشكى زاڭ ەرەجە - ءتۇزىم قۇرىلىسىن كۇشەيتۋ، بۇقارالىق ۇيىمدار قىزمەتى مەن بۇقارالىق ۇيىمدار رەفورماسىنا جەتەكشىلىك ەتۋ جاقتارىندا قىرۋار قىزمەتتەر ىستەدى.

  ءماجىلىس مىنالاردى باسا دارىپتەدى: 2022 - جىل − جاپپاي سوتسياليستىك وسىزاماندانعان مەملەكەت قۇرۋدىڭ، ەكىنشى 100 جىلدىق كۇرەس نىساناسىنا شەرۋ تارتۋدىڭ جاڭا جورىعىنا قادام باسقان ماڭىزدى ءبىر جىل. مەملەكەتتىك حالىق قۇرىلتايى تۇراقتى كوميتەتىنىڭ، مەملەكەتتىك كەڭەستىڭ، مەملەكەتتىك ساياسي كەڭەستىڭ، ەڭ جوعارى حالىق سوتى مەكەمەسىنىڭ، ەڭ جوعارى حالىق پروكۋراتۋراسىنىڭ پارتيا باسشىلىق گرۋپپالارى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”ەكىنى تۇراقتاندىرۋدىڭ“ شەشۋشى ءمانىن ىشكەرىلەي ۇعىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، جۇڭحۋا ۇلتىنىڭ ۇلى گۇلدەنۋىنىڭ ستراتەگيالىق جالپى جاعدايى مەن دۇنيە جۇزىندە 100 جىلدا بولماعان ۇلكەن وزگەرىستى كوكەيدە ساقتاپ، پارتيا 20 - قۇرىلتايىنا دايىندىق جاساۋمەن جانە ونى اشۋمەن تىعىز بايلانىستىرا وتىرىپ نازاردى شوعىرلاندىرىپ، كۇش سالىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، تاريح سەنىمىن نىعايتىپ، تاريحي ىرىقتىلىقتى ساقتاپ، اسقاق جىگەرمەن قايراتتانا ۇمتىلىپ، مويىماس تاباندىلىقپەن العا باسىپ، ءتۇرلى قىزمەتتى تىڭعىلىقتى ىلگەرىلەتۋ كەرەك. پارتيانى جاپپاي قاتاڭ باسقارۋدى ماڭگى جالعاستىرۋعا تاباندى بولىپ، قاتاڭ بولۋ نەگىزگى اۋەنىن ساقتاۋعا تاباندى بولىپ، ورتالىقتىڭ سەگىز ءتۇرلى بەلگىلەمەسىنىڭ جانە ونى اتقارۋدىڭ ەگجەي - تەگجەيلى ەرەجەسىنىڭ رۋحىن قاتاڭ اتقارىپ، ”ءتورت بۇرىس ستيلدى“ بۇلجىماستان تۇزەتىپ، شىرىكتەسۋدى ەش اياۋشىلىق ەتپەستەن تەكسەرىپ ءبىر جاقتى ەتىپ، ستيلى پاك، سالتى دۇرىس ساياسي ەكولوگيا قالىپتاستىرۋ كەرەك. ورتالىق كوميتەتتىڭ شۋجيچۋى پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باستاماشىلدىقپەن قورعاپ، ورتالىق كوميتەت ساياسي بيۋروسى مەن ورتالىق كوميتەت ساياسي بيۋروسى تۇراقتى كوميتەتىنىڭ ورنالاستىرۋلارىن، تالاپتارىن ارقاۋ ەتىپ، ءوزىنىڭ قىزمەت جاۋاپكەرشىلىگىن، ورنىن تياناق ەتىپ، ماڭىزدى ءتۇيىندى كورنەكتىلەندىرە وتىرىپ تياناقتاندىرۋدى ويداعىداي يگەرىپ، ىشكەرىلەي تەكسەرۋ - زەرتتەۋ جۇرگىزىپ، پارتيا ورتالىق كوميتەتى تاپسىرعان ءتۇرلى مىندەتتەردى ويداعىداي ورىنداۋ كەرەك.

  ءماجىلىس مىنالاردى اتاپ كورسەتتى: ارىز - ارمان قىزمەتى − پارتيانىڭ بۇقارالىق قىزمەتىنىڭ ماڭىزدى قۇرامداس بولىگى، قوعام جاعدايىن، حالىق رايىن ءبىلۋدىڭ ماڭىزدى تەرەزەسى. «ارىز - ارمان قىزمەتى ەرەجەسىن» جاساۋ ارقىلى پارتيامىزدىڭ ۇزاق ۋاقىتتان بەرگى ارىز - ارمان قىزمەتىنە باسشىلىق ەتۋ جانە ورىستەتۋدەگى تاجىريبەسىن، اسىرەسە، پارتيا 18 - قۇرىلتايىنان بەرگى ارىز - ارمان قىزمەتى ءتۇزىم رەفورما جەتىستىگىن قورىتىندىلاۋ پارتيانىڭ ارىز - ارمان قىزمەتىنە بولعان جاپپاي باسشىلىعىنا تاباندى بولۋ، ارىز - ارمان قىزمەتى ءتۇزىلىس، مەحانيزمىن وڭاۋ، جاڭا داۋىردەگى ارىز - ارمان قىزمەتىن اناعۇرلىم ارناعا ءتۇسىرۋ جانە كۇشەيتۋ جونىنەن كەلەلى ماڭىزعا يە.

  ءماجىلىس مىنالاردى باسا دارىپتەدى: جاڭا داۋىردەگى ارىز - ارمان قىزمەتىنىڭ پرينسيبى مەن تالابىن يگەرىپ، حالىقتى وزەك ەتكەن دامۋ يدەياسىن امالياتتا ايگىلەپ، ارىز - ارمان قىزمەت جاۋاپكەرشىلىگى جۇيەسىن كەمەلدەندىرىپ، ارىز - ارمان قىزمەت ءتۇزىمى رەفورما جەتىستىگىنەن ويداعىداي پايدالانۋ كەرەك. پارتيانىڭ ارىز - ارمان قىزمەتىنە بولعان جاپپاي باسشىلىعىنا تاباندى بولىپ جانە كۇشەيتىپ، پارتكوم ءبىر تۇتاس باسشىلىق ەتەتىن، ۇكىمەت ۇيىمداستىرىپ تياناقتاندىراتىن، بىرلەسكەن ءماجىلىس سايكەستىرەتىن، ارىز - ارمان تاراۋلارى ىلگەرىلەتەتىن، ءارقايسى جاق قاتار يگەرىپ، بىرگە باسقاراتىن قىزمەت ارناسىن كەمەلدەندىرۋ، اقاۋسىزداندىرۋ كەرەك. ەرەجەنى ۇيرەنۋ، تاربيەلەۋ، ۇگىتتەۋ، ءتۇسىندىرۋ جانە تياناقتاندىرۋ جاعدايىنا قۋزاۋ، تەكسەرۋدى ويداعىداي ىستەپ، تۇتاس قوعامدا ءىس بىتىرۋدە زاڭعا باعىناتىن، ىسكە جولىققاندا زاڭدى ىزدەيتىن، ماسەلەنى شەشۋدە زاڭنان پايدالاناتىن، قايشىلىقتى شەشۋدە زاڭعا سۇيەنەتىن تاماشا ورتا قالىپتاستىرۋ كەرەك. ارىز - ارمان قىزمەتى بىرلەسكەن ءماجىلىسى، ارىز - ارمان قىزمەت تاراۋلارى قىزمەت جاۋاپكەرشىلىگىن، بورىشىن ەستە بەرىپ ساقتاپ، حالىقتى بارىنەن جوعارى قويۋعا تاباندى بولىپ، ماسەلەنى باعدار ەتۋدى كۇشەيتىپ، بەلسەندى تۇردە جاۋاپكەرشىلىك ارقالاپ، ىسكەرلىك كورسەتىپ، قىزمەت قابىلەتى مەن دەڭگەيىن ۇزدىكسىز جوعارىلاتۋ كەرەك.

  ءماجىلىس تاعى باسقا دا ىستەردى اقىلداستى.

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.