اۆتونوميالى رايوندىق 13 - كەزەكتى حالىق قۇرىلتايىنىڭ 5 - ءماجىلىسى ەكىنشى جالپى جيىنىن وتكىزدى
ما شيڭرۇي، ەركىن تۇنياز، نۇرلان ءابىلماجىن، لي يفي، جاڭ چۇنلين، حى جۇڭيوۋ قاتىناستى
شاۋكەت يمىن اۆتونوميالى رايوندىق حالىق قۇرىلتايى تۇراقتى كوميتەتىنىڭ قىزمەتىنەن بايانداما جاسادى
اۆتونوميالى رايوندىق جوعارى حالىق سوتى مەكەمەسىنىڭ جانە اۆتونوميالى رايوندىق حالىق پروكۋراتۋراسىنىڭ قىزمەتىنەن باياندامانى تىڭدادى جانە قارادى، ءماجىلىستىڭ سايلاۋ جانە داۋىسقا سالۋ ءادىسىن داۋىسقا سالدى
انار بۇلت / شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 1 - ايدىڭ 24 - كۇنى ۇرىمجىدەن حابارلايدى. اۆتونوميالى رايوندىق 13 - كەزەكتى حالىق قۇرىلتايىنىڭ 5 - ءماجىلىسى 1 - ايدىڭ 24 - كۇنى تۇستەن كەيىن ەكىنشى جالپى جيىنىن وتكىزىپ، اۆتونوميالى رايوندىق حالىق قۇرىلتايى تۇراقتى كوميتەتىنىڭ قىزمەتىنەن باياندامانى، اۆتونوميالى رايوندىق جوعارى حالىق سوتى مەكەمەسىنىڭ قىزمەتىنەن باياندامانى، اۆتونوميالى رايوندىق حالىق پروكۋراتۋراسىنىڭ قىزمەتىنەن باياندامانى تىڭدادى جانە قارادى، ءماجىلىستىڭ سايلاۋ جانە داۋىسقا سالۋ ءادىسىن داۋىسقا سالدى.
ما شيڭرۇي، ەركىن تۇنياز، شاۋكەت يمىن، نۇرلان ءابىلماجىن، لي يفي، جاڭ چۇنلين، حى جۇڭيوۋ، جاڭ جۋ، تيان شياڭلي، چىن ۋيجۇن، ءزۇمىرات وبۇل، ياڭ فاسىن، ءيۇسۇپجان مامەت، ەلزات احمەتجان، قادەن كابەن جانە ءماجىلىس ءتوراعالار القاسىنىڭ مۇشەلەرى ءتوراعالار مىنبەسىنەن ورىن الدى.
ءماجىلىس ءتوراعالار القاسىنىڭ تۇراقتى ءتوراعاسى، اتقارۋشى ءتوراعاسى لي شۋەجۇن جيىندى باسقاردى. ءماجىلىستىڭ اتقارۋشى ءتوراعالارى ءتوراعالار مىنبەسىنىڭ الدىڭعى قاتارىنان ورىن الدى.
جيىنعا قاتىناسۋعا ءتيىستى ۋاكىل 546 ادام، قاتىناسقانى 495 ادام، زاڭدا بەلگىلەنگەن ادام سانىنا ۇيلەسەدى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ تاپسىرۋىمەن، اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى شاۋكەت يمىن جالپى جيىنعا قىزمەتتەن بايانداما جاسادى. ول بىلاي دەدى: وتكەن ءبىر جىلدا اۆتونوميالى رايوندىق حالىق قۇرىلتايى تۇراقتى كوميتەتى پارتيانىڭ 100 جىلدىق شۇعىلالى بارىسىنان اقىل - پاراسات جانە كۇش - قۋات قابىلداۋعا تاباندى بولىپ، پارتيانىڭ جالپى بەتتىك باسشىلىعىنا تاباندى بولىپ، جاڭا داۋىردەگى جۇڭگوشا سوتسياليستىك شينجياڭ قۇرۋمەن تىعىز بايلانىستىرىپ، زاڭ شىعارۋ قىزمەتىنىڭ ساپاسىن جوعارىلاتۋدى، باقىلاۋ قىزمەتىنىڭ ونىمدىلىگىن جوعارىلاتۋدى، ۋاكىلدەر قىزمەتىنىڭ دارەجەسىن جوعارىلاتۋدى، ءوز قۇرىلىسىنىڭ ورەسىن جوعارىلاتۋدى تۇتاس جىلدىق قىزمەتكە ءسىڭىرىپ، مىندەت وتەپ، جاۋاپكەرشىلىكتى ادا ەتىپ، شىنايى يگەرىپ، ناقتى ىستەپ، اۆتونوميالى رايوننىڭ 10 زاڭ ەرەجەسىن جاساپ، وعان وزگەرىس ەنگىزىپ، 4 قارار - قاۋلى شىعارىپ، رايون قۇرعان قالانىڭ، اۆتونوميالى وبلىستىڭ، اۆتونوميالى اۋداننىڭ 19 زاڭ ەرەجەسىن تەكسەرىپ بەكىتىپ، 19 قىزمەت بايانداماسىن تىڭداپ قاراپ، 6 رەت زاڭ اتقارۋدى تەكسەرۋ، 3 رەت ارناۋلى تاقىرىپتىق اقىل - كەڭەس الۋ، 14 رەت ارناۋلى تاقىرىپتىق تەكسەرۋ - زەرتتەۋ ورىستەتىپ، مەملەكەت ورگاندارى قىزمەتكەرلەرىنەن 604 ادام - رەت زاڭ بويىنشا مىندەتكە تاعايىنداپ، مىندەتىنەن قالدىرىپ، حالىق قۇرىلتايىنىڭ ءتۇرلى قىزمەتتەرىندە تىڭ ىلگەرىلەۋشىلىككە قول جەتكىزدى. 2022 - جىلى اۆتونوميالى رايوندىق حالىق قۇرىلتايى تۇراقتى كوميتەتى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”ەكىنى تۇراقتاندىرۋدى“ باتىل قورعاپ، ”ەكىنى قورعاۋدى“ ادالدىقپەن امالياتتا ايگىلەپ، پارتيا قۇرۋ ۇلى رۋحىن اسقاقتاتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتى ءار رەتكى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، شي جينپيڭنىڭ زاڭمەن باسقارۋ يدەياسىن، باس شۋجي شي جينپيڭنىڭ حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋ جونىندەگى ماڭىزدى يدەياسىن دايەكتىلەندىرىپ، تياناقتاندىرىپ، ورتالىقتىڭ حالىق قۇرىلتايى قىزمەتى ءماجىلىسىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، شينجياڭدى زاڭمەن باسقارۋعا، شينجياڭدى ىنتىماقتاسا ورنىقتىرۋعا، شينجياڭدى مادەنيەتپەن نارلەندىرۋگە، حالىقتى بايىتىپ شينجياڭدى گۇلدەندىرۋگە، شينجياڭدى باياندى كوركەيتۋگە تاباندى بولىپ، پارتيانىڭ حالىق قۇرىلتايى قىزمەتىنە جالپى بەتتىك باسشىلىعىن ءتۇبىرلى نەگىز، جالپى بارىستىق حالىق دەموكراتياسىن دامىتۋدى بورىش، جاڭا داۋىردەگى حالىق قۇرىلتايى قىزمەتىنىڭ جوعارى ساپالى دامۋىن ىلگەرىلەتۋدى كەلەلى مىندەت ەتىپ، زاڭ شىعارۋ قىزمەتىنىڭ دالدىگىن، باقىلاۋ قىزمەتىنىڭ كۇشەمەلىلىگىن، ۋاكىلدەر قىزمەتىنىڭ مەيىرىمدىلىگىن، ءوز قۇرىلىسىنىڭ تەبىنىن كۇشەيتىپ، حالىق قۇرىلتايىنىڭ رولىن ويداعىداي ساۋلەلەندىرىپ، جاڭا داۋىردەگى جۇڭگوشا سوتسياليستىك شينجياڭ قۇرۋعا بەرىك تۇزىمدىك كەپىلدىك جانە زاڭمەن باسقارۋ قامتاماسىزدىعىن ازىرلەپ، پارتيا 20 - قۇرىلتايىنىڭ جەڭىسپەن اشىلۋىن ۇزدىك ناتيجەمەن قارسى الۋ كەرەك.
اۆتونوميالى رايوندىق جوعارى حالىق سوتى مەكەمەسىنىڭ باستىعى باھارگۇل سامەت اۆتونوميالى رايوندىق جوعارى حالىق سوتى مەكەمەسى اتىنان ماجىلىستە قىزمەتتەن بايانداما جاساعان كەزدە بىلاي دەدى: 2021 - جىلى تۇتاس رايونداعى سوت مەكەمەلەرى شي جينپيڭنىڭ زاڭمەن باسقارۋ يدەياسىن ىشكەرىلەي دايەكتىلەندىرىپ، پارتيا قۇرۋ ۇلى رۋحىن اسقاقتاتىپ، ادالدىقپەن مىندەت وتەپ، بورىشىن وتەپ، حالىق سوتى مەكەمەسىنىڭ جوعارى ساپالى دامۋىندا نىق قادام تاستادى. بيىل تۇتاس رايونداعى سوت مەكەمەلەرى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، نەگىزگى زاڭدا جانە زاڭداردا بەرىلگەن قىزمەت جاۋاپكەرشىلىگىن ادالدىقپەن اتقارىپ، پارتيانىڭ ساياسي قۇرىلىسىن ءبىر تۇتاس باسشىلىققا الىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، ساياسي بەتالىستى اناعۇرلىم جوعارى دەڭگەيمەن مىقتاپ يگەرىپ، قوعام ورنىقتىلىعىن اناعۇرلىم كۇشتى جاۋاپكەرشىلىكپەن قورعاپ، كەلەلى جاعدايعا اناعۇرلىم زور ىسكەرلىكپەن قىزمەت وتەپ، ونى قامتاماسىز ەتىپ، ءادىليانىڭ ادىلدىگىن اناعۇرلىم ناقتى شارامەن قورعاپ، ءادىليا رەفورماسىن اناعۇرلىم زور تەبىنمەن تەرەڭدەتىپ، ىسىلعان قوسىندى اناعۇرلىم قاتاڭ تالاپپەن سومداپ، جاڭا داۋىردەگى سوت مەكەمەسى قىزمەتىنىڭ جوعارى ساپالى دامۋىن تىڭعىلىقتى ىلگەرىلەتىپ، شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋعا اناعۇرلىم مىعىم، پارمەندى ءادىليالىق قىزمەت وتەۋمەن جانە قامتاماسىز ەتۋمەن قامداۋ كەرەك.
اۆتونوميالى رايوندىق حالىق پروكۋراتۋراسىنىڭ باس پروكۋرورى لي يۇڭجۇن اۆتونوميالى رايوندىق حالىق پروكۋراتۋراسى اتىنان ماجىلىستە قىزمەتتەن بايانداما جاساعان كەزدە بىلاي دەدى: 2021 - جىلى تۇتاس رايونداعى پروكۋراتۋرا ورگاندارى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، قىلمىستىق ىستەر، ازاماتتىق ىستەر، اكىمشىلىك، الەۋمەتتىك يگىلىك ارىز - شاعىمى سىندى ”4 ءىرى پروكۋراتۋرالىق“ فۋنكتسيانى زاڭ بويىنشا تولىق اتقارىپ، پروكۋراتۋرا قىزمەتىن ىلگەرىلەتۋدە جاڭا دامۋعا قول جەتكىزدى. بيىل تۇتاس رايونداعى پروكۋراتۋرا ورگاندارى شي جينپيڭنىڭ زاڭمەن باسقارۋ يدەياسىن ىشكەرىلەي دايەكتىلەندىرىپ، پارتيانىڭ باسشىلىعىن پروكۋراتۋرا قىزمەتىنىڭ ءار جاعىندا، تۇتاس بارىسىندا جالپى بەتتىك تياناقتاندىرىپ، سوتسياليستىك زاڭمەن باسقارۋ تۋىن بيىك ۇستاپ، زاڭمەن باسقارۋ رۋحىن اسقاقتاتىپ، ”حالىق ريزا بولۋ“ ولشەمىن ويداعىداي پايدالانىپ، پروكۋراتۋرانىڭ وزەكتى قىزمەتىن تياناق ەتىپ، ساياسي بەتالىستا بەرىك بولۋدا، ادالدىقپەن مىندەت وتەۋدە اناعۇرلىم باتىل بولىپ، زاڭمەن باسقارۋ پرينسيبىنە تاباندى بولۋدا، پروكۋراتۋرالىق باقىلاۋدا اناعۇرلىم ونىمدىلىككە قول جەتكىزىپ، جاۋاپكەرشىلىك ارقالاۋدى كۇشەيتۋدە، كەلەلى جاعدايعا قىزمەت وتەۋدە اناعۇرلىم پارمەندى بولىپ، حالىقتىق تۇرعىدا تاباندى بولۋدا، حالىق ءۇشىن ءادىليا جۇرگىزۋدە اناعۇرلىم حالىقتى ريزا ەتىپ، قوسىن قۇرىلىسىن مىقتى يگەرۋدە، ساپادا، قابىلەتتە اناعۇرلىم شىڭدالىپ، شينجياڭنىڭ پروكۋراتۋرا قىزمەتىنىڭ جوعارى ساپالى دامۋىنىڭ تىڭ ساتىعا كوتەرىلۋىن ىلگەرىلەتىپ، تىنىش شينجياڭ، زاڭمەن باسقارىلاتىن شينجياڭ قۇرۋعا تىڭ ۇلەس قوسادى.
جيىن اۆتونوميالى رايوندىق 13 - كەزەكتى حالىق قۇرىلتايى 5 - ءماجىلىسىنىڭ سايلاۋ جانە داۋىسقا سالۋ ءادىسىن داۋىسقا سالىپ ماقۇلدادى.
