انار بۇلت / شينجياڭ گازەتى تىلشىلەرىنىڭ 1 - ايدىڭ 24 - كۇنى ۇرىمجىدەن بەرگەن جيناق حابارى. اۆتونوميالى رايوندىق 13 - كەزەكتى حالىق قۇرىلتايىنىڭ 5 - ماجىلىسىنە قاتىناسقان ءارقايسى ۋاكىلدەر ۇيىرمەسى 1 - ايدىڭ 24 - كۇنى گرۋپپالارعا ءبولىنىپ ۇكىمەت قىزمەتىنەن باياندامانى قارادى، جوسپار بايانداماسىن، مەجە ەسەپ بايانداماسىن تەكسەردى.
ءارقايسى ۋاكىلدەر ۇيىرمەسى باياندامانى قىزۋ ىنتامەن قارادى، ۋاكىلدەر جابال سوزگە شىعىپ، اسەرلەرىن ايتىپ، دامۋدى تالقىلادى. كوپشىلىك ءبىر اۋىزدان بىلاي دەپ قارادى: ۇكىمەت قىزمەتىنەن بايانداما شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي دايەكتىلەندىرىپ، تياناقتاندىرىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرىنىڭ، ماڭىزدى نۇسقاۋلارىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، قىزمەتتەردى شىندىقتى ءىس جۇزىنەن ىزدەپ قورىتىندىلاپ، ماسەلەلەرگە دالمە - ءدال ءارى تەرەڭ تالداۋ جاساپ، قىزمەت شارالارىن پارمەندى ورنالاستىردى، بۇل شىندىققا جۇگىنىپ، ناقتى ىستەر ىستەگەن، جۇرت جۇرەگىن جەلپىندىرگەن جاقسى بايانداما بولىپ تابىلادى.
”ۇكىمەت قىزمەتىنەن باياندامادا جاڭالىق اشۋ ارقىلى دامۋعا دەم بەرۋ ستراتەگياسى مەن دارىندىلاردا قۋاتتى رايون ستراتەگياسىن زور كۇشپەن اتقارۋ العا قويىلدى. بۇل ءبىزدىڭ كاسىپورىن جونىنەن العاندا، تاماشا دامۋ ورايى بولىپ تابىلادى“. ۋاكىل جاڭ گوحۋا بىلاي دەدى: سوڭعى جىلدارى ءوزىم تۇرعان شينجياڭ ءتۇستى مەتال ونەركاسىپ (توبى) شەكتى جاۋاپكەرشىلىك سەرىكتەستىگىنىڭ كولەمى ۇزدىكسىز ۇلعايىپ، بازار باسەكەلىك قۋاتى اناعۇرلىم كۇشەيدى، ايتسەدە ورەلى، ىسىلعان، ۇزدىك ماماندانعان دارىندىلار سانى دامۋمەن ساي كەلمەي وتىر. دارىندىلاردا قۋاتتى رايون ستراتەگياسىنىڭ ونان ارى ىلگەرىلەتىلۋىنە ىلەسە، اناعۇرلىم اشىق دارىندىلار ساياساتى اتقارىلىپ، شينجياڭنىڭ، ءسوز جوق، اناعۇرلىم كوپ دارىندى توپتايتىندىعىنا سەنەمىن.
ۋاكىل سالايدين مامەت بىلاي دەدى: ۇكىمەت قىزمەتىنەن باياندامادا كاسىپتىك شەبەرلىكتى جوعارىلاتۋ قيمىلىن ىشكەرىلەي اتقارىپ، ءتۇرلى كاسىپتىك شەبەرلىك باۋلۋىنان ءبىر ميلليون 500 مىڭ ادام - رەتتەن استامىن ورىنداۋ العا قويىلدى. ”بيىل ءبىز باياندامادا العا قويىلعان قىزمەت ورنالاستىرۋلارى بويىنشا، ءوندىرىس پەن تاربيەلەۋدى توعىستىرۋدى، مەكتەپ پەن كاسىپورىن سەلبەسىپ باۋلۋ ۇلگىسىن تۇتقا ەتىپ، كاسىپ سالاسىنىڭ دامۋ باسىمدىعىنا سۇيەنىپ، ”تاپسىرىستىق ۇلگىدە“ اناعۇرلىم كوپ جوعارى ساپالى تەحنيكالىق شەبەرلىك دارىندىلارىن باۋليمىز“.
ۇكىمەت قىزمەتىنەن باياندامادا لاستانۋدان ساقتانۋ - وڭاۋ مەن ەكولوگيالىق قۇرىلىستى كۇش سالا ويداعىداي يگەرىپ، جاسىل، تومەن كومىر قىشقىل گازدى دامۋدى ىلگەرىلەتۋ العا قويىلدى. ۋاكىل جىڭ لەي ماناس مەملەكەتتىك سازدىق باقشاسىن باسقارۋ مەكەمەسىنىڭ باستىعى رەتىندە جاۋاپكەرشىلىگىنىڭ اۋىر ەكەندىگىن سەزىندى. ول بىلاي دەدى: ”سازدىقتى قورعاۋ، قالپىنا كەلتىرۋدىڭ باياندى پايدالانۋمەن قاتىناسىن بار كۇشپەن ويداعىداي ءبىر جايلى ەتىپ، سازدىق ماڭىنداعى بۇقارانى اۋىل - قىستاق ساياحاتى كاسىپ سالاسىن زور كۇشپەن دامىتۋعا جەتەكتەپ، كورىنىس اۋماعى ارقىلى قىستاقتى جەتەكتەپ، اۋىل - قىستاقتى گۇلدەندىرۋگە اناعۇرلىم ويداعىداي دەم بەرىپ، تۇنىق سۋ، جاسىل تاۋدىڭ شىن مانىندە بۇقارانىڭ كىرىسىن ارتتىراتىن، بايىتاتىن باعالى بايلىققا اينالۋىنا مۇمكىندىك جاسايمىز“.
ۋاكىل جەڭىس قادىس بىلاي دەدى: التاي ايماعى نازاردى جۇڭگو (چاڭبايشان تاۋ سىلەمى - التاي تاۋ سىلەمى) قار - مۇز ەكونوميكاسىن جوعارى ساپالى دامىتۋ سىناق رايونىن قۇرۋ سىندى ورىن تۇراقتاندىرۋىنا شوعىرلاندىرىپ، ەل ىشىندەگى قۋاتتى قار - مۇز بازارىنا سۇيەنىپ، ”سۋىق بايلىقتى“ جانداندىرىپ، ەل ىشىندەگى ۇلكەن اينالىم ءۇشىن تۇتىنۋدىڭ جاڭا ارتۋ ءتۇيىنىن جانە قارجى قوسۋدىڭ جاڭا قىزۋ ءتۇيىنىن ازىرلەپ، ەل ءىشى، حالىقارا قوس اينالىم ءۇشىن جاڭا قوزعاۋشى كۇش ازىرلەيدى.
ۋاكىل باتۋ بىلاي دەدى: ۇكىمەت قىزمەتىنەن باياندامادا العا قويىلعان مىندەت - تالاپتاردى تىعىز ارقاۋ ەتىپ، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، جاڭا دامۋ ارناسىنا قىزمەت وتەۋدى جانە ونىمەن توعىسۋدى جەدەلدەتىپ، بايىنعولين موڭعۇل اۆتونوميالى وبلىسىنىڭ بايلىق باسىمدىعىنا جانە ابزالدىلىقتارىنا، ەرەكشەلىكتەرىنە سۇيەنىپ، ”ەكىنى ءبىر تۇتاس جوسپارلاۋدى“ ويداعىداي ىستەۋ، كاسىپ سالاسىن كۇشەيتىپ، نىساندى يگەرۋ، دامۋ ورتاسىن ساپالىلاندىرۋ، قالا مەن اۋىلدىڭ دامۋىن ءبىر تۇتاس جوسپارلاۋ جاعىندا ۇزدىكسىز كۇش سالىپ، باياندامادا تۇراقتاندىرىلعان ءتۇيىندى قىزمەتتەردىڭ ناقتاپ تياناقتاندىرىلۋىنا شىنايى كەپىلدىك ەتىپ، بايىنعولين وبلىسى ەرەكشەلىگىنە يە جوعارى ساپالى دامۋ جولىمەن جۇرەمىز.
ۇكىمەت قىزمەتىنەن باياندامادا وقۋ - اعارتۋدىڭ ساپاسىن جوعارىلاتۋ ينجەنەرياسىن اتقارىپ، اناعۇرلىم ءادىل، اناعۇرلىم جوعارى ساپالى وقۋ - اعارتۋدى دامىتۋ العا قويىلدى. ۇزاق ۋاقىت نەگىزگى ساتى وقۋ - اعارتۋ شەبىندە شايقاس جاساعان ۋاكىل باقىت بەيسەنبەك اسەرلى بەينەدە بىلاي دەدى: وتكەن ءبىر جىلدا رايونىمىز وقۋ - اعارتۋ ىستەرىن جەدەل دامىتىپ، وقۋ - اعارتۋ جاعىندا حالىققا تيىمدىلىك جاساۋ سەرپىنىن ارتتىرىپ، بۇقارانىڭ رازىلىعى ۇزدىكسىز جوعارىلاپ، تابىس سەزىمى كورنەكتى كۇشەيدى. بۇدان كەيىن ونەگە كورسەتىپ ادام تاربيەلەۋ، ءبىلىم بەرىپ ادام تاربيەلەۋ سىندى قاسيەتتى بورىشتى ۇزدىكسىز ارقالاپ، ساباق مىنبەرىنەن تۇسپەي، قاجىرلىلىقپەن ەڭبەكتەنىپ، وقۋ - اعارتۋ ساپاسىن ۇزدىكسىز جوعارىلاتىپ، وقۋشىلاردىڭ ەسەيۋىندەگى جاقسى جول باستاۋشى بولامىن.
ۋاكىل ءاحات ابدۇل بىلاي دەدى: تاڭداۋلى وقىتۋشىلار عانا اناعۇرلىم ۇزدىك وقۋشى باۋلىپ شىعا الادى، وقىتۋشىلار كۇشىن باۋلۋ سەرپىنىن ۇزدىكسىز ارتتىرىپ، جوعارى مەكتەپ بىتىرگەن تاڭداۋلى تۇلەكتەردى نەگىزگى ساتى وقىتۋشىلار قوسىنىنا بارۋعا باۋراپ، تۇراقتاپ تۇرۋىنا، جاقسى تاربيە جۇرگىزۋىنە مۇمكىندىك جاساۋ، سول ارقىلى ءاربىر بالانىڭ ءادىل دە ساپالى وقۋ - اعارتۋدان يگىلىكتەنۋىنە مۇمكىندىك جاساۋ كەرەك.
(ءتىلشى جاڭ يانفاڭ، قاتىناسقان تىلشىلەر لۋ فىڭباۋ، ءپاريزات ابدۇل، ليۋ شياڭ، حي حۇڭۋي، ۋاڭ نا، لي شياڭ)
