ەركىن تۇنياز ەكونوميكا سالاسىنداعى، ساۋدا - ونەركاسىپشىلەر بىرلەستىگى سالاسىنداعى مۇشەلەردىڭ بىرلەسكەن گرۋپپا تالقىسىنا قاتىناستى
شينجياڭنىڭ رەفورماسى، دامۋى، ورنىقتىلىعى ءۇشىن زەيىن - زەردەنى شوعىرلاندىرىپ، كۇش - قۋاتتى ۇيىستىرۋ كەرەك
انار بۇلت / شينجياڭ گازەتىنىڭ ءتىلشىسى لي ياڭ 1 - ايدىڭ 24 - كۇنى ۇرىمجىدەن حابارلايدى. 1 - ايدىڭ 24 - كۇنى تۇستەن بۇرىن اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ۋاقىتشا ءتوراعاسى ەركىن تۇنياز اۆتونوميالى رايوندىق ساياسي كەڭەس 12 - كەزەكتى كوميتەتى 5 - ماجىلىسىندەگى ەكونوميكا سالاسىنداعى، ساۋدا - ونەركاسىپشىلەر بىرلەستىگى سالاسىنداعى مۇشەلەردىڭ بىرلەسكەن گرۋپپا تالقىسىنا قاتىناسىپ، پىكىرلەر مەن ۇسىنىستاردى تىڭداپ، ءار ۇلت، ءار سالا ساياسي كەڭەس مۇشەلەرىنىڭ وزگەشە باسىمدىقتارىن ساۋلەلەندىرىپ، ”مەملەكەتتىڭ ءىرى ىستەرىن“ كوكەيدەن شىعارماي، بەلسەندى تۇردە ۇكىمەت ىسىنە ات سالىسىپ، ۇكىمەت ءىسىن كەڭەسىپ، ۇسىنىس قويىپ، كەڭەس بەرىپ، اناعۇرلىم ويداعىداي ورتاق تانىم ۇيىستىرىپ، جاڭا داۋىردەگى جۇڭگوشا سوتسياليستىك شينجياڭ قۇرۋ ءۇشىن اقىل - پاراسات جانە كۇش - قۋات توپتاۋىن ءۇمىت ەتتى.
ەركىن تۇنياز مۇشەلەردىڭ سوزدەرىن مۇقيات تىڭداعاننان كەيىن مىنانى ءبىلدىردى: 2021 - جىل پارتيا مەن مەملەكەت تاريحىنداعى بەلەستىك مانگە يە ءبىر جىل بولدى. ءبىر جىلدان بەرى ءار ۇلت، ءار سالا ساياسي كەڭەس مۇشەلەرى ”14 - بەسجىلدىقتىڭ“ تاماشا باستاما اشۋىن ارقاۋ ەتىپ ىشكەرىلەي كەڭەس جۇرگىزىپ، ۇكىمەت ءىسىن اقىلداسىپ، دەموكراتيالىق باقىلاۋ ورىستەتىپ، بەلسەندى تۇردە ۇسىنىس قويىپ، كەڭەس بەرىپ، ورنىقتىلىقتى قورعاۋ، ىنتىماقتى جەبەۋ، دامۋدى ىلگەرىلەتۋ سياقتى جاقتاردا ماڭىزدى رول اتقاردى.
ەركىن تۇنياز بىلاي دەدى: 2022 - جىلى پارتيانىڭ 20 - قۇرىلتايى اشىلادى، بيىلعى قىزمەتتەردى تىڭعىلىقتى تۇردە ويداعىداي ىستەۋ توتەنشە ماڭىزدى. اۆتونوميالى رايوندىق حالىق ۇكىمەتى جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، كوكەي تەستىلىك سەزىمدى، جاۋاپكەرشىلىك سەزىمدى جانە بورىشتىلىق سەزىمدى شىن مانىندە كۇشەيتىپ، اۆتونوميالى رايوندىق پارتكومنىڭ ورنالاستىرۋلارىن ويداعىداي تياناقتاندىرىپ، ءار سالاداعى ساياسي كەڭەس مۇشەلەرىنىڭ پىكىرلەرى مەن ۇسىنىستارىن مۇقيات تىڭداپ جانە قابىلداپ، بيىلعى ەكونوميكالىق، قوعامدىق دامۋ قىزمەتتەرىن تىڭعىلىقتى تۇردە ويداعىداي ىستەيدى. ۇكىمەتتىڭ فۋنكتسياسىن زاڭ بويىنشا اتقارىپ، شىنايى تۇردە شينجياڭدى زاڭمەن باسقارۋ، زاڭ بويىنشا اكىمشىلىك جۇرگىزۋ تالاپتارىن ۇكىمەت قىزمەتىنىڭ ءارقايسى جاقتارىندا، جالپى بارىسىندا دايەكتىلەندىرىپ، تياناقتاندىرىپ، 2022 - جىلعى ۇكىمەت قىزمەتىنىڭ جالپى تالابىن، باستى مەجەلى نىساناسىن ءجىتى قاداعالاپ، جاۋاپكەرشىلىكتى ناقتىلاندىرىپ، شارالاردى تياناقتاندىرىپ، نىسانا - مىندەتتەردى تولىق تابىسپەن ورىنداۋعا شىنايى كەپىلدىك ەتىپ، ءار ۇلت بۇقاراسى مەن ءار سالاداعى ساياسي كەڭەس مۇشەلەرىنە قاناعاتتانارلىقتاي جاۋاپناما تاپسىرادى.
ەركىن تۇنياز مىنانى ءبىلدىردى: حالىق ساياسي كەڭەسىنىڭ بايلانىس اياسى كەڭ، باۋىرمالدىعى كۇشتى، دارىندىلار توپتالىپ، اقىل - پاراسات شوعىرلانعان، ساياسي كەڭەس مۇشەلەرى العا قويعان پىكىر - ۇسىنىستاردىڭ تەرەڭدىگى، كەڭدىگى بار، باعىتتامالىلىعى كۇشتى. اسىرەسە، ەكونوميكا سالاسىنداعى، ساۋدا - ونەركاسىپشىلەر بىرلەستىگى سالاسىنداعى ساياسي كەڭەس مۇشەلەرىنىڭ كوبى ەكونوميكالىق، قوعامدىق دامۋدىڭ ءارقايسى سالاسىنداعى ماماندانعان دارىندىلار مەن تاڭداۋلى تىرەكتىلەر، كوپشىلىكتىڭ باسىمدىقتارىن ۇزدىكسىز ساۋلەلەندىرىپ، ەكونوميكالىق، قوعامدىق دامۋداعى كەلەلى ماسەلەلەردى جانە بۇقارانىڭ ءتول مۇددەسىنە ساياتىن ءىس جۇزىندىك ماسەلەلەردى كوزدەپ، ناقتى شارالار كورسەتىپ، حالىققا ءتيىمدى ءىس تىندىرىپ، دامۋدىڭ بىرىككەن كۇشىن ۇيىستىرۋىن ءۇمىت ەتەمىن. جوعارى ساپالى دامۋدى ىلگەرىلەتۋ جاعىندا ءجون كورسەتىپ، نازاردى جىبەك جولى ەكونوميكالىق بەلدەۋى وزەكتى رايونى قۇرىلىسى، ”ءۇش بازا، ءبىر وتكەل“ قۇرىلىسىن ىلگەرىلەتۋ سياقتى جاقتارعا شوعىرلاندىرىپ وي جەلىسىن قاراستىرىپ، تىڭ سەرپىلىسكە ۇمتىلۋ؛ ەرەكشە، باسىمدىققا يە كاسىپ سالالارىن جەتىلدىرۋ، زورايتۋ جاعىنا بىرگە كۇش سالىپ، شينجياڭنىڭ اۋىل شارۋاشىلىعى قوسىمشا ونىمدەرى ءۇشىن تۇعىر ورناتىپ، ساتۋ جولىن كەڭەيتىپ، شينجياڭنىڭ ساياحات بايلىعىن بەلسەنە ۇگىتتەۋ، تانىستىرۋ؛ ءار ۇلت بۇقاراسىنىڭ دامۋ جەتىستىكتەرىنەن بىرگە يگىلىكتەنۋىن ىلگەرىلەتۋ جاعىندا ىرىقتىلىقپەن ىسكەرلىك كورسەتىپ، حالىق تۇرمىسى قىزمەتتەرىنە بەلسەنە ات سالىسىپ جانە قولداپ، ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن كۇشەيتۋ؛ شينجياڭ حيكايالارىن ويداعىداي شەرتۋ جاعىندا شىن پەيىلمەن كۇش سالىپ، پارتيانىڭ حالىققا تيىمدىلىك جەتكىزۋ ساياساتتارىن زور كۇشپەن ۇگىتتەپ، شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋدىڭ قۇدىرەتتى بىرىككەن كۇشىن ۇيىستىرۋ كەرەك.
