ما شيڭرۇي، ەركىن تۇنياز، شاۋكەت يمىن، نۇرلان ءابىلماجىن، لي يفي قاتارلى اۆتونوميالى رايون باسشىلارى 1 - ايدىڭ 25 - كۇنى اۆتونوميالى رايوندىق ساياسي كەڭەس 12 - كەزەكتى كوميتەتىنىڭ 5 - ءماجىلىسى جابىلعان سوڭ، ”1 - شىلدە وردەنىنىڭ“ يەگەرى، اۆتونوميالى رايوندىق ساياسي كەڭەستىڭ مۇشەسى ۋي دىيوۋعا امانداسا بارىپ، قارتتىڭ وتباسىنىڭ بەرەكەلى، ساۋ - سالامات بولۋىن، ”وتاندى قىزۋ ءسۇيۋ، قالتقىسىز ۇلەس قوسۋ، قاجىرلىلىقپەن شارۋاشىلىق قۇرۋ، ءورىس اشا العا ىلگەرىلەۋ“ سىندى بيڭتۋان رۋحىن باستان - اياق امالياتتا ايگىلەپ، جاڭا داۋىردە شەكارا وڭىرگە تامىر تارتىپ، شەكارا وڭىرگە ۇلەس قوسۋىن ءۇمىت ەتتى.
ۋي دىيوۋ، 1940 - جىلى 11 - ايدا تۋىلعان، 1983 - جىلى 6 - ايدا جۇڭگو كوممۋنيستىك پارتياسىنا مۇشە بولعان، شاندۇڭنىڭ يشۇيىنان، شينجياڭ ءوندىرىس - قۇرىلىس بيڭتۋانى 9 - شى 161 - تۋانى 1 - ليانىنىڭ زەينەتكە شىققان قىزمەتكەرى، جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى قارساڭىندا پارتيا ىشىندەگى ەڭ جوعارى داڭق ”1 - شىلدە وردەنىنە“ يە بولدى.
ۋي دىيوۋ − بيڭتۋان رۋحىنىڭ تيپتىك ۋاكىلى. وتباسىن شەكارا لەنياسىنا ورنالاستىرعان ول 50 جىلدى ءبىر كۇنگىدەي وتكەرىپ، شارت - جاعدايى جاپالى ساربۇلاق ساحاراسىندا شەكارانى شارلاپ، شەكارانى قورعاپ، جالپى 200 مىڭ كيلومەتردەن استام جول باسىپ، تۇتاس جاستىق كوكتەمىن شەكارانىڭ تىنىشتىعىن قورعاۋعا ارناپ، شەكارا لەنياسىنداعى ”ءتىرى شەكارا بەلگىسى“ اتالدى.
تيانشان تورى - شينجياڭ گازەتىنىڭ تىلشىلەرى سۇي جىجيان، ياۋ تۇڭ، ۋاڭ شيڭرۇي، شينجياڭ راديو - تەلەۆيزيا ستانسياسىنىڭ تىلشىلەرى ۋاڭ پىڭ، شى ۋىنشيۇڭ، مىڭ شيانمەي، باي جيە حابارلايدى.
