لي يفي وقۋ - اعارتۋ سالاسىنداعى مۇشەلەردىڭ گرۋپپا تالقىسىنا قاتىناسقاندا بىلاي دەپ باسا دارىپتەدى
شينجياڭ وقۋ - اعارتۋىنىڭ جوعارى ساپالى دامۋى ءۇشىن اقىل - پاراسات جانە كۇش - قۋات قوسۋ كەرەك
انار بۇلت / شينجياڭ گازەتىنىڭ ءتىلشىسى جاۋ شييا 1 - ايدىڭ 24 - كۇنى ۇرىمجىدەن حابارلايدى. 1 - ايدىڭ 24 - كۇنى اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي اۆتونوميالى رايوندىق ساياسي كەڭەس 12 - كەزەكتى كوميتەتىنىڭ 5 - ماجىلىسىندەگى وقۋ - اعارتۋ سالاسىنداعى مۇشەلەردىڭ گرۋپپا تالقىسىنا قاتىناسىپ، مۇشەلەردىڭ پىكىرلەرىن، ۇسىنىستارىن تىڭدادى. ول بىلاي دەپ باسا دارىپتەدى: ۇكىمەت قىزمەتىنەن باياندامادا العا قويىلعان جاڭا تالاپتاردى، جاڭا نىسانالاردى تىعىز ارقاۋ ەتىپ، جاڭا دامۋ ۇستانىمىن دايەكتىلەندىرىپ، سەنىمدى، بەكىمدى سەرپىلتىپ، اۆتونوميالى رايوننىڭ وقۋ - اعارتۋىنىڭ جوعارى ساپالى دامۋىنا اقىل - پاراسات جانە كۇش - قۋات ارناپ، شينجياڭنىڭ وقۋ - اعارتۋ ىستەرىنىڭ تىڭ ىلگەرىلەۋشىلىككە قول جەتكىزۋىن جەبەۋ كەرەك.
لي يفي بىلاي دەدى: وتكەن ءبىر جىلدان بەرى اۆتونوميالى رايوندىق ساياسي كەڭەستىڭ وقۋ - اعارتۋ سالاسىنداعى مۇشەلەرى جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، شينجياڭدى زاڭمەن باسقارۋعا، شينجياڭدى ىنتىماقتاسا ورنىقتىرۋعا، شينجياڭدى مادەنيەتپەن نارلەندىرۋگە، حالىقتى بايىتىپ شينجياڭدى گۇلدەندىرۋگە، شينجياڭدى باياندى كوركەيتۋگە تاباندى بولىپ، نەگىزگى ساتىنى ىشكەرىلەي ارالاپ، كوپتەگەن تەكسەرۋ - زەرتتەۋ قىزمەتتەرىن ىستەپ، كوپتەگەن ءىس جۇزىندىككە جاناسىمدى، ورەلى شارالار مەن ۇسىنىستاردى ورتاعا قويدى. ۇسىنىس قويىپ، كەڭەس بەرۋ مەن ورتاق تانىم ۇيىستىرۋ جاعىندا قوس باعىتتا كۇش سالىپ، شينجياڭنىڭ وقۋ - اعارتۋ ىستەرىنىڭ دامۋىن ىلگەرىلەتۋگە ماڭىزدى ۇلەس قوستى.
كوپشىلىكتىڭ ءسوزىن دەن قويا تىڭداعاننان كەيىن لي يفي بىلاي دەپ اتاپ كورسەتتى: ساياسي دەڭگەيدى جوعارىلاتىپ، شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ۇيرەنىپ، دايەكتىلەندىرىپ، ونان ارى ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيانىڭ وقۋ - اعارتۋ قىزمەتىنە جاپپاي باسشىلىعىنا تاباندى بولىپ جانە كۇشەيتىپ، دۇرىس مەكتەپ باسقارۋ باعىتىندا باستان - اياق تاباندى بولۋعا شىنايى كەپىلدىك ەتۋ كەرەك. نازاردى شينجياڭ وقۋ - اعارتۋىنىڭ جوعارى ساپالى دامۋىن ىلگەرىلەتۋگە شوعىرلاندىرىپ، ماسەلەنى باعدار ەتىپ، ولقىلىقتاردى، ءالسىز تۇستاردى تولىقتاۋعا تاباندى بولىپ، وقۋ - اعارتۋ جۇيەسىندەگى ءتۇرلى ءتۇيىندى قىزمەتتەردى تىڭعىلىقتى، ويداعىداي ىستەۋ كەرەك. ءار دارەجەلى، ءار تۇردەگى وقۋ - اعارتۋدىڭ سايكەستى دامۋىن ءبىر تۇتاس جوسپارلاپ ىلگەرىلەتىپ، وقۋ - وقىتۋ ساپاسىن جوعارىلاتۋ، وقۋ - اعارتۋ سالاسىنداعى ”تومەنگە بەرۋ، باسقارۋ، قىزمەت وتەۋ“، جوعارى دەڭگەيلى دارىندىلار قوسىنى قۇرىلىسىن كۇشەيتۋ سياقتى جاقتاردا كۇش سالىپ، وقۋ - اعارتۋدى دامىتۋدىڭ ءتۇپ نەگىزىن اناعۇرلىم بەكەمدەۋ كەرەك. ول بىلاي دەپ باسا دارىپتەدى: كاسىپتىك وقۋ - اعارتۋدى دامىتۋعا وسكەلەڭ ءمان بەرىپ، جوبالاۋدى، جەتەكشىلىك ەتۋدى كۇشەيتىپ، عىلمي، ۇيلەسىمدى ورنالاستىرىپ، تولىق كۋرس كاسىپتىك وقۋ - اعارتۋىن جەدەل ىلگەرىلەتىپ، ءوندىرىس پەن وقىتۋدىڭ توعىسۋىن ىلگەرىلەتىپ، كاسىپتىك مەكتەپتەردىڭ ەرەكشەلىگىن، دەڭگەيىن ايگىلەۋىنە قولداۋ كورسەتىپ، جەتەكشىلىك ەتىپ، ۇستالىق رۋحقا يە اناعۇرلىم كوپ شەبەر دارىندىلاردى جەتىلدىرىپ، شينجياڭنىڭ ەكونوميكالىق، قوعامدىق دامۋىنا ونان ارى ويداعىداي قىزمەت وتەۋ كەرەك.
لي يفي ساياسي كەڭەس مۇشەلەرىنەن وقۋ - اعارتۋ قىزمەتىنە ۇزدىكسىز نازار اۋدارىپ، قولداۋ كورسەتىپ جانە باقىلاۋ جۇرگىزىپ، شينجياڭنىڭ وقۋ - اعارتۋ ىستەرىنىڭ دامۋىنا اناعۇرلىم زور ۇلەس قوسۋدى ءۇمىت ەتتى. اۆتونوميالى رايوندىق پارتكوم مەن ۇكىمەت دەن قويا سالالاپ، تولىق قابىلداپ، مۇشەلەردىڭ دۇرىس تۇسىنىگىن عىلمي، ءونىمدى قىزمەت شاراسىنا اينالدىرىپ، حالىق رازى بولاتىن وقۋ - اعارتۋدى قۇلشىنا ويداعىداي جۇرگىزىپ، وقۋ - اعارتۋدىڭ جوعارى ساپالى دامۋى ارقىلى شينجياڭنىڭ جوعارى ساپالى دامۋىنا پارمەندى تىرەك ازىرلەپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا جاڭا داۋىردەگى جۇڭگوشا سوتسياليستىك شينجياڭ قۇرۋعا قۇلشىنادى.
